الـحب الأعـمـى

الـبـارت 86

{ الحب الأعمي }

الحلقه 86
رحمه كانت مقعمزه تقرأ ع سريرها ورحاب مسكا كتابها وتبرم في دار وتقرأ فيه

رن موبايل رحمه . بحتت بملل في شاشه وتنصدم

رحاب: كنك
رحمه: فنصت عيونها عصااام
رحاب: باهي ردي ياحماره
رحمه: مسكت موبايل وجت بترد .بعدها ترددت وحطتا جنبها
رحاب: كنك رديتيش
رحمه: خليه لازم يتأدب اشويه . مش ناسيا المده الي فاتت وانا نرن ويقفل عليا في موبايل ومايعبرش فيا
رحاب: هههههه خزيه مش عارف كيف يجيك صبر
رحمه: خليه عشان مره تانيه معش يديرهن ليا حركات هذينا
رحاب:  انا نقدرش انديرهن لعصومي  نتحملش فيه شي
يا انا انحبا زياده عالزوم يا انتي نوعية قلبك قاسيه
رحمه: لا انتي الي طيحا بكبدتك ع عصومي زياده عالزوم
رحاب: يانا عليا منا وكني مانطيح بكبدي عليه غلايا كلا وهو حناطه وخفة دم وسماحا وكرم ويحبني
كان غيري مانحبا
رحمه: ايوا صدقتي
رحاب: اتصدقي مرات انقول شن هو  عيب عصومي مانشوفش في عيوب فيه بكل خاطري انطلع عيب مانلقش
رحمه: ماهو لانك منعميا ع حبا هذا عليش تشوفيش في عيوب فيه
رحاب: والله زعمك حبي أعمي له
رحمه: مش غير أعمي . مع ان عصومي عندا عيوب
رحاب:شن عيوبا
رحمه: عصبي وغيور بكل
رحاب: عادي هذينا حاجات مقدور عليهن وفي كل راجل
رحمه: لا عصومي غيرتا زياده عالزوم وحتعرفيها بعدين بعد تزوجي تو تتعبي منها
ومرات عادي تتعبيش منها لانك اتحبيه حتحمليه
رحاب: صاح يغار بس تعجب فيا غيرتا عليا وغيرتا عاديه يعني يحبنيش نمكج ونلبس ضيق وقصير وننطق اسماء رجالا علي فمي
وهذينا عاديات
رحمه: توا عاديات لان هو عندش عليك سلطه وااجد بس تو تشوفي بعد يأخذك كيف يبدأ متحكم فيك
رحاب: عادي راضيا ان شاء الله حتي يسجني المهم انشوفا هو ونتنفس معاه هو في نفس مكان
رحمه: يانا عليا عليك حب ربي يخليكم بعضكم ياحنه
رحاب: امين يااارب
قتلك
رحمه: قولي
رحاب: بكره بت. وقطع كلام رحاب رنت معتصم
يانا عليا عمرا طويل اهو يرن

وطلعت رحاب للفراندا

معتصم: الو
رحاب: الو يا انت شن جو
معتصم: تمام شن جوك  يا انتي
رحاب: هههه تعرف ان عمرك طويل 
معتصم: كيف عرفتيها نزل عليك الوحي 
رحاب: ههههه ياسامط كنت نحكي عليك لرحمه وانت رنيت
معتصم: اها . اتقرمن فيا
رحاب: بكل قرمتك وخففتلك من ذنوبك
معتصم: الحمد الله عنديش ذنوب
رحاب: اها صدقتك
معتصم: ههههه كنك اتقولي فيها بغل
رحاب: اصلاً هابا عليك انت اكيد ياما داير من ذنوب
معتصم: ننقني ياما اذنبت بس علي ايديك لسماحا هذينا تبت واعلنت توبتي لله
رحاب: والله
معتصم: والله
رحاب: اتحبني
معتصم: لا مازلت قاعد انحاول 
رحاب: نقتلك بعدها
معتصم: عادي راضي بس مهم نموت وانا انشوف في عويناتك
رحاب: بعيد السو عليك .انا قبلك ان شاء الله
معتصم: لا انا يابطتي قبل ان شاء الله
رحاب: لا ياعصومي ربي مايذوقنيش نارك 
معتصم: شن مكالمه الي انقلبت مقبره هذي فكينا من نكد 
رحاب: هههههههههه يابارد باهي ضحكتني
معتصم: هههه صوت ضحكتك يهبل فيا يافرخا
رحاب: مبتسمه. والله
معتصم: والله واقسم بالله والله العظيم باهي وحق ربي
وكنك مش مصدقه نحلفلك
رحاب: هههه لابعد هذا كلا وبتحلف صدقتك خلاص
معتصم: بطه وين قاعده
رحاب: قاعده في فراندا
معتصم: شن اديري في فراندا، خشي جوا
رحاب: ماهو رحمه في دار وانا طلعت للفراند نحكي معاك
معتصم: باهي خشي راه يحقك شي حد وانتي برا
رحاب: فيش من يحقني ليل خلاص وبعدين ماهو نطلع من قبل مره مره
معتصم: تي زكري . كنك اتعاندي انتي خشي جوا ياهمي
وانهي كلام
رحاب: همك اها مش عاجبك
معتصم: لاعجبني واحلا هم اخره غير خشي هيا
رحاب: باهي خلاص خشيت ها
معتصم: ايوا تمقعدي ع سرير زي بنت الشاطره
رحاب: توا بنفهم مش من قبل نقعد عادي
معتصم: توا امتا عمرك قعدتي فيها فراندا اها قوليلي
رحاب: اول امس بعد كلمتني ع عيد ميلادي
معتصم: قعدتي قريب خمس دقايق وماطولتيش . بس توا بنقعد انهدرز وانتي قعدتيلي فيها واكيد لبسا طبعاً لبسا مش محترمه نفسها وتقعدي تلصقيلي ع ساس زي بوبريص
ويطلع عدا واحد يبحت فيك وزاقب معاك في فراندا ويراقب
رحاب: هههههه تؤ تؤ . كلا انت في رومانسيه خيال 
معتصم: نعجبك راه ههههه
رحاب:توا في واحد يقول لحبيبتا بوبريص
معتصم: اها فيه انا اكيد يعني الواحد الوحيد الي يقول هكي
رحاب: هههه تعرف حاجه
معتصم: لا نعرفش .عرفيني يابو العريف انتي
رحاب: خاطري في حياتي نشوفك هكي واخذ موضوع بجديات وتحكي بعقالا بدون ماتشفط وتحنط
معتصم: اليوم الي نقعد فيه هكي اعرفي عالطول اني مش انا هذا
لان انا انخلقت هكي وطبعي هكي فا مش حنغيرا
رحاب: وانا اصلاً انحبك وحبيتك هكي
معتصم: يانا عليا هذا هو كلام السمح
رحاب: باهي ياانت قول صقع ولا لا
معتصم: اها في شويه صقع برا بس في حواشين الجو كويس دافي
رحاب: نزار وين باهي
معتصم: طلع في جنان يدخن وتو اشويه يخش
رحاب: باهي وليد وين
معتصم: زكري ازح تو مش قتلك معش تنطقي اسماء خروات ع لسانك
رحاب: اسفه والله ماقصدي انسيت
معتصم: خلاص فوتي ازح .
رحاب: عصومي
معتصم: بعصبيه. ها
رحاب: كنك يا انت والله ماقصدي باهي
معتصم: خلاص يارحاب فوتي معش تقعدي تحكيلي وترقياها ليا غيري موضوع
رحاب:بزعل.باهي
معتصم: ساكت
رحاب: ساكتا
معتصم: تتهد . وبصوت هادي .باهي انا بنرقد تمام
رحاب: عليش زعلت مني .
معتصم: لا والله تعبان ونايض بدري من صبح وطريق طويله خذيتها وامس رقدت متأخر مع شباب فنعسان ونحس في روحي متكسر
رحاب: باهي خلاص دفي روحك
معتصم: باهي حتي انتي ماطوليش
رحاب: باهي
معتصم: اوكي تصبحي ع خير
رحاب: قدامك الخير