الـحب الأعـمـى

الـبـارت 21

{الحب الأعمي}

الحلقه 21

اميره: الوو
هناء: ايوا
اميره: شن جو عندكم
هناء: كويس وعادي
اميره: امبدري كلمتني الفرخا مروه نحكي انا وياها قالتلي ان يوسف سافر القبرص شهر عسل صاح
هناء: اها ياحنه سافر اول امس
اميره: وليش ماقتيليش انتي
هناء: ماحد يعرف شالهم خالي هيثم  قالو انا بروحي بعد مشينا الحوش جدي ونهدرزو ماما قالت وين العرسان ماشفنهمش
اشويه سالمه قالت سافرو القبرص

اميره: كم قاعدين يوم
هناء: والله ماني عارفا ماحد قاللنا والي حجزلهم خالي هيثم
اميره: اها عارفا هو كل عرسان لازم يهدي عليهم شهر عسل
بس اكيد قبرص قايلا عليها يوسف لان من قبل كنت نحكي انا وياه قالي انشيلك شهر عسل قبرص
حقي تو شالها هيا ان شاء الله اتموت غادي
هناء: عارفا انا اول ما سالمه قالتها قلت زمان اميره ويوسف مخططين يمشولها شهر عسل والله
اميره: الاحلام الي حلمهن امعايا ايحقق فيهن تو معاها هيا خزيه كذاب ع اساس يحبني 
هناء: زعمك نساك ياأميره صاح ومعش يحبك
اميره: مش عارف والله ماني عارفا مشكلة يوسف غامض تعرفيش هو في شنو يفكر ومستحيل يبيلك لعند يصدمك بالحاجه
هناء: اصلا هو مالش واجد كان يشتغل ويسافر واجد  وهارب من حوش ومايحبش يجيه لان يحبك وحتي عرسك مابا يحظرا حلا تو نساك وجربا الي عندا مانظني لحق حباها ومافيش بينهم علاقه انظني من قبل 
اميره: انا تعبت من تفكير وحسني بنكلما انرن عليه
هناء: هيييي شن اتكلميه هذي
اميره: رايفت عليه ياهناء ورايفت علي كلاما ليا وجو امعايا ياريتني ماسيبتا ولا ضيعتا من بين ايديا كان في ايديا انا الي ودرتا عارفا نادما ع اليوم الي سيبتا فيه
هناء: خلاص يا اميره فوتيها والهي في علاء حتي هو كويس ويحبك وفوتي يوسف اساساً انتي من الاول ماحبيتيهش وكنتي امعاه جو بس وخلاص

اميره: عارفا اني انا من الاول ماحبيتش بس تو بعد ازوج انحس في روحي انحبا ونبيه نبي انكون انا مراتا
مشكلة علاء بارد فيهش اي جو بكل والله من اول ماجوزت قعدت انقرن فيه بيوسف شوفي يوسف كنت ع علاقه امعاه وكان رومانسي وحنون وحبا مش عادي امعايا
امالا بعد يقعد راجلي شن يدير لكن علاء كأنيش مراتا كأني ديرا امعاه علاقه ولا واخذا راجل كبير مش شاب اصغير من شباب توا
ماعندش اي جو ممل وكأيب وبارد
هناء: ماهو انتي معش اتقرني بينا وبين يوسف تو تلقيه عادي
اميره: ماهو مشكله انا خذيت ع معاملة يوسف ليا ولما جاني علاء حسيتا بارد
وحاولت معش انفكر في يوسف ونقرنا بعلاء لكن ماقدرتش
هناء: والله ماني عارفا شن انقولك بس يا اميره فوتي يوسف وتفكير فيه وماتخربيش ع روحك وتخسري علاء مش اتحبيه كنتي وسيبتي يوسف ع شانا
اميره: متلخبطا حسني ومش عارفا انحب يوسف ولا علاء
انا تو بننجن ع يوسف وركبا فيا نار كلما انفكر ان ازوج وان الي حلما امعيا والي قالا ليا قاعد يدير فيه مع غيري ننجن وننكلب
ونكره علاء
ماتخيلتش ان لما يجوز يوسف يصير فيا هكي
هناء: مشكله ان منك بيدك انتي الي سيبتيه ماحد اجبرك ع تسيبتا يا اميره وكان هذا قرارك ووقتها انا قتلك خليك مع يوسف ولاد خالك ويحبك ويموت فيك وسمح وكل بنت اتمنه
بس انتي اذكرتي ردك شن كان عليا وقتها
قتيلي ان يوسف بالنسبه لكي رهان  وبس وطيحتيه عشان تكسريه خشما لان شايف روحا ع بنات وشافها حتي عليك انتي
اميره: عارف ومذكرا كل شي كأن امس صار بس انا وقتها قهرني غروره وتكشيخا عليا وكلمتا ليا لما زلطني  قدام اعيال خالي جمال وبناتا قهرتني منا وقتها وحطيتا في راسي
هناء : كلا انتي ماتنسيش يعني ع سبت الكلما هذكي قعدتي بطيحيه
اميره: اها كلن بالنسبه لكي  عاديه الكلمه كانت بس انا في وقت لما قالها ليا احرجني ورقها ليا وقالها بطريقه حقيره وكأني حشره فاحبيت انوريه الحشره هذي شن تقعد وصار الي نبيه وطيحتا ودرت الي في راسي
وقلتها له وقتها بعد قعدنا انكلمو في بعضنا وقالي انحبك
قتلا تذكر يوم الي كنا ملتمين ونهدرزو وبصرو معاك شباب قالولك اجوز اميره
قتلهم لو تقعد اخر بنت انا مش حنجوزها
وتو اعترفتلي بحبك
فأنا وقتها قهرتني كلمتا وهذا عليش حطيتا في بالي وصلت للنبيه ووفتا لان انا مانبيهش مش هو الي مايبينيش