الـحب الأعـمـى

الـبـارت 74

{ الحب الأعمي }

الحلقه 74

رحاب: فتحت اعيونها وفنصتهن . هيييييي
شن جابك هنا
معتصم: يبحت في رحاب ومبتسم. تي يانا عليا جيت علي أمل انشوف البطه طلعتلي البطه بروحها ولا اخره طلعتلي طرف اخره
رحاب: عصومي تبي نزار يقتلنا انت عدي كنك
معتصم: اطمنت عليه نزار جاي نبيك
رحاب: ادف في معتصم من صدرا . تي اطلع وكلمني ع فون تو نحكو
معتصم: ثبت في مكانا . تي حولي يدك مادفيش كنك خايفا
رحاب: تندب علي خدودها . حي عليا انت تبينا انموتو
معتصم: عادي راضي المهم اخر وجه انشوفا
رحاب:معتصم كنك انت شن واخذ
معتصم: ههههه تي كنك ياهمي خايفا ماهو من قبل عادي ديما هكي غير انتي ماترتبكيش وخليك عاديه وارخيلي روحك وصرفي عادي لأنك انتي حتفضحي بينا
رحاب: باهي خلاص عدي عشان خاطري
معتصم: بس تركبي امعايا في سياره
رحاب: مش عارف تو نشوف
معتصم: اتشوفي عينك تقسيما في سيارات دبري راسك تركبي امعايا . لان انا ونزار ومنذر الي شيلينكم للعرس
رحاب: باهي حاظر
معتصم: مسك يد رحاب وضغط عليها . انحبك
رحاب: باهي خلاص عدي
معتصم: قوليها مش متحرك عند نسمعها
رحاب: قلبها يدق بالقوه وداير هرجا فيها وخلطات مشاعر خوف ايشوفها حد علي مشاعر مسكت يد عصومي لها
الي كانت دافيا وهيا من خوف ايديها مصقعات
انحبك ياغبي خلاص
معتصم: باهي دفئ يدك كنها تلج هكي
وحك معتصم يد رحاب بين ايديه
رحاب: باهي حاضر
معتصم: غمزلها ودرلها لايك بصبعا . الحمر سببلي نار هنا . وشير علي قلبا
رحاب: ابتسمت . هبل والله
معتصم: خلاص عدي
رحاب: انت الي اطلع
معتصم: باهي تو نطلع خشي انتي
رحاب: عدي انت
معتصم: تو نعدي.  وقعد معتصم يبحت في رحاب ورحاب اتبحت فيه ومبتسمين هما الاثنين وسرحانين في عيون بعضهم ومسك معتصم ايدين رحاب بأيديه بالقوه ويدفئ فيهن لها 
واحد يقول للتاني عدي وهما الاثنين ثابتين يبوش يتحركو  

فتحيه: اتعيط من فوق . رحااااب يا رحاااب
رحاب: هييي. نطت.  ماما وسكرت بابا في وجه معتصم . ومسكت قفطان وركبت تجري
نعم
فتحيه: تعالي سكريلي الطاقم تراه . فيش ديري لوطا كملتي لبس
رحاب: ركبت دروج . وقدمت شور امها أهاا أأ كملتا قصدي مازال كندره اها لبستها وسلحتها سيبتها لوطا
فتحيه: شنووو تحكي انتي
رحاب: جت ورأ امها ومسكت الطاقم بتسكرا وايديها يرعشن مش قادره تحكم فيهن وقلبها يدق بالقوه
وتذكر في نظرات عصومي ومسكتا لإيديها 
فتحيه: تي كنك ترعشي
رحاب: مش عارف شكلا صارلي هبوط
فتحيه: قتلك تغدي من بدري
عدي كولي حاجه حلوه وكلميلي رحمه عيطتلها ماردتش عليا
رحاب: طلعت من دار ومش مسكا روحها
وخشت تجري لدارها هيا ورحمه
وفتحت باب بالقوه
رحمه: نطت . عن شكلك ياحماره عليك عتلت باب عن داء ان شاء الله
رحاب: حطت يدها علي جبهتها اتشوف في سخونت وجها وبعدها علي خدها
ونزلتها علي قلبها
يانا عليا اسكتي وقعدت اتنش علي روحها
رحمه: كنك
رحاب: مدت يديها قدام رحمه شوفي ايديا كيف يرعشن
خلاص ذبت انا تي سحت مش ذبت
رحمه: كنك مبردك
رحاب: فتحت باب طلعلي عصومي
رحمه: فنصت اعيونها وابتسمت . وشاف منظرك هكي 
رحاب: تي شافني وشفتا ومسك يدي في الاول وقعد مطول وهو ماسكها وبعدها قالي مصقعا قعد يدفيلي فيها ومسك يدي تانيه وقعد يبحت فيها وماسك ايديا بالقوه 
وانا خلاص انشم في بنت عطرا الي شمي بس . ومدت يدها علي خشم رحمه
رحمه: همم اتهبل بكل
رحاب: تي كان شفتي لبستا اليوم طرف طالع ولبس سلسله
رحمه: كذابه وين شفتيها
رحاب: كبستها هو لبس سوريه وفاتحا بطمه الي فوق وباين اشويه من صدرا سلسه باينه منها
رحمه: يانا عليا . هذا عليش جايا سايح ياحنه
رحاب: شكلا وبنت عطرا وعرضا وطولا ولحيتا وسلسه ومسكت يدا ليا وكلاما ونظراتا وعيونا وتبحيتا فيا هذا كلا تبيني مانسيحيش تي بالي ماأغما عليا
كان شفتي دفأ ايديه وكيف كانت كبييره وعروق يدا بينات انا خلاص حتي العرس كان نلقا نقعد انحبا الهبل وانحبا اهبالا
رحمه: غبيا بالي مازرق عليكم نزار
رحاب: ماهو قتلك هبل مايديرهش واحد بعقلا
بس قالي مطمن عليه نزار تو نسألا بعدين كيف مطمن عليه
فتحيه: اتعيط يابنااات وينكن
رحاب: هيييي ماما ترجا فيك سكريلها العقد انا يدي ترعش عرفتش انسكرا
رحمه: باهي