الـحب الأعـمـى

الـبـارت 79

{ الحب الأعمي }

الحلقه 79

وحاولت نطلع من سياره بس كانت منقلبا
وفجأه وبدون مانحس عيطت بصوت مبحوح بصوت عالي بس انحسا ان مخنوق 

انا: يووووسف
فتحت اعيوني . وكنت راقده ع ظهري .لقيت يوسف مقعمز ع ركبيه ومصبي عليا يوعي فيا
يوسف: بسم الله كنك شن في .
انا: بحتت في يوسف .وزمطت ريقي . وحطيت يدي ع قلبي
الحمد الله ياربي
صبيت قعمزت
يوسف: كنتي تحلمي
انا: نلم في شاعري ونرفع فيه فوق . اها حلم شين بكل
يوسف: شن ياحبيبي الحلم . فجعتيني اتخترفي من بدري  وتحكي بس دوتك مش واضحا
بعدين عيطتي بأسمي
انا: كنت انبحت في يوسف . شي ياروحي نبيش انقولا عشان مايتحققش
يوسف: انجيبلك اميا ونجيك
انا: لالا خليك .انا بنصبي نخش الحمام
يوسف: باهي
انا: بحتت في ساعه لقيتها  قريب فجر خلاص . ضاقت عليا اكثر خفت ايكون حلم الي شفتا رؤيه
خشيت للحمام صبيت ع حوض الايدين
تعوذت من شيطان في سري ثلاث مرات
والتفتت ع يسار ونفثت . علشان مايصيرش من حلمه
وتوضيت
وطلعت انصلي ركعتين كيف ماكان رسول عليه الصلاة والسلام ايدير لما يقعد بيفسخ حلمه
يصلي ركعتين عشان ماتحققش
سلمت وصبيت .سلحت دبش صلاه
يوسف: هو راقد ع ظهرا وحاط يدا ع وجها ويدا تانيه تحت راسا . حيوو راه فجر مازال ما أذن
انا: عارفا انصلي في ركعتين لله
يوسف: باهي هيا تعالي ارقدي
انا: اشويه نشرب اميا ونجي
طلعت للمطبخ شربت اميا وطفيت ضي وجيت
خشيت للسرير
يوسف: قدم عليا .وخذاني في حضنا . شن حلمتي
انا: لما خذاني يوسف في حضنا .تريحت . وضغطت عليه بالقووه . تخيلت لو الحلم هذا يتحقق شن يصير فيا انا بلا يوسف نقدرش انعيش
يوسف: حبيبي  راك ضغطا ع يدي بالقووه مش حنطير تخافيش
انا: ابتسمت .فطنت لروحي .رخيت يدي . اسفه ياعمري
يوسف: كنك باهي
انا: شي ياروحي بس خليني في حضنك هكي ماتطلقنيش باهي
يوسف: يانا عليا كان انطول هكي بعدها يصير فيها كلام اخره راه
انا: هههه سامط
يوسف: نرجو الفجر يأذن ونرقدو
انا: اها خلاص مازال عليه اشويه
يوسف: باهي تبيش تحكيلي الحلمه شنو
انا: حلمه شينه يا أوفتي ونبيش نحكيها عشان مايصيرش منها .
يوسف: باهي ياروحي .
وقعدت انا ويوسف سكتين وكل حد يفكر في حاجه بروحا
يوسف يفكر في قصتا وبعد نعرفها شن يصير فيه وانا انفكر لو يوسف يسيبني او اتصيرلا حاجه شن يصير فيا

يوسف: حيوو
انا: هممم
يوسف: رقدتي
انا: هئم
يوسف: تشربي في لكليل وزبيب امتاعك
انا: اها ياروحي نشرب فيهن
يوسف: انشيلك بكره مستشفي انديرو كشف. انشوفي الكيس حول ولا لا ونطمن عليك  
انا: بحتت في يوسف. كنك تحكي فيها هكي
يوسف: كيف
انا: صوتك خايف
يوسف: عنجد خايف
انا: حفظتك راه حتي نبرت صوتك عرفتها
يوسف: انحبك
انا: كنك تقول فيها خايف
يوسف: عادي غير انتي مدققه بس
انا: خايف انك تجرح مشاعري بعد اتقولي هكي
يوسف: سكت
انا: اها
يوسف: يملس ع شعري . وساكت
انا: مسكت يدا الي في شعري . احكي نحكيلك
خايف تجرحني
يوسف: مش نجرحك بس نبيش نحكيلك فيه موضوع
انا: عادي ياعمري من حقك تحكي وتطلب عيل ومن حقك يكون عندك بيبي كيفك كيف خوتك
وخنقتني العبره . بس للاسف مافرحتكش بالحاجه هذي ومعيشتهش لكي وانت س
يوسف:حط يدا ع فمي وسكتني . اششش خلاص
مانبيش لعيال لاشي
اعيالي منك انتي وبس خطيها مانبيهمش ولو ربي كتبلي مانجيبش اعيالي
عادي راضي بس مهم نصبح ونفتح اعيوني في عيونك ونرقد وانا نشم في ريحتك
ونسمع في صوتك الحنون هذا وكلامك الي يروق فيا
وخطيها مانبي شي راضي بكل شي
انا: حولت يد يوسف من فمي. وابتسمت
يوسف: كنك في كل وقت اتزيدي سمحا
انا: فجر يبي يأذن
يوسف: طبس علي ...... وخذا بوسه قوويه
انا: فجر يا اوفي راه يأذن
يوسف: مش رمضان هو .وبعدين خفيف خفيف تخافيش
انا: حول انت تعرفش خفيف
يوسف: لا تعالي نوريه لكي بس
ونزل علي رقبتي و........