الـحب الأعـمـى

الـبـارت 73

{ الحب الأعمي }

الحلقه 73

نزار : ها شن تبي امبدري كنك 
معتصم: بحت نبي نحكيلك حاجه بس بالجو هكي مش عارف كيف نحكيلك ومانبيكش تفهمني غلط
نزار: عقد حواجبا . احكي شن في
معتصم: انا قررت نرتبط ونخطب
نزار: فكني من حناطه انت وجه خطبا تي كان انت تفكر ترتبط انجيبلك ضفدع يصلي
معتصم: تي نحكي جديات فكني من حناطتك تو . وجيبلي بقره مش ضفدع اخره
نزار: تي هيا شن الموضوع
معتصم: تي نحكيلك من جدي يا ....
نزار: من امتا ياعصومي من ورانا داير بيها علاقه معناها
معتصم: لا مادرتش علاقه لاشي اساساً امس بس كيف فكرت وجيتك اليوم دغري
نزار: يانا عليا عارفك مادس في شي باهي شنو احكي ازح مزطت امي نبي نعرف  والنبي من الي بنت امها وباتها الي ثبتاتك
معتصم: احم. بس ماتفهمش غلط وتقولي خنتك باهي
نزار: زكري تي باهي مش فاهم غلط من . لحظه بس راه تطلع الي في بالي نقتلك راه
معتصم: زمط ريقا . وعليش تقتلني يعني مش داير جريمه انا جاي من باب
نزار: صبا كيف مش داير جريمه معقوله هكي يامعتصم تحكي من جدك انت
معتصم: صبا قابله . عليش كنك يانزار انا طالبها ع سنه الله ورسوله ونبي الحلال مش غالط يعني
نزار: عيط ورقالا وقدم ع معتصم  . لا غالط واخره بكل وسخا جاي تقولي فيها ياانعن .... معقوله نحسبكش هكي يامعتصم والله طحت من عيني وخساره ديرك رفيقي وخويا تطعني فيا في ظهري وتخوني .اخر شي انتوقعك انت تطلع هكي
معتصم: حط يدا علي صدر نزار . غير اهدأ لاطعنتك ولاخنتك اسمعني كيف صار الموضوع تو نفهمك
نزار: مسك معتصم من تيشرت متاعا بأيديه الاثنين
شن بتفهمني اها شن بتفهمني يا.... احكي ازح جيت وقتلك انحبها ونبيها اتعدي تبي تأخذها مني
معتصم: مستغرب. تي فيش تحكي انت
نزار: دف معتصم بالقوه . فيش نحكي اوكي ياولد سيدي منور يارفيقي
وجا التفت بيعدي
معتصم: مشالا بسرعه . تي وقف تعال هنا احكيلي يافرخ
نزار: حول يامعتصم راه والله نضربك خطاني
معتصم: جا قدام نزار . وضربا بوني
تي وقف يامسخ نحكيلك
نزار: شاف دم الي في فما . تضربني علي بنت يامعتصم هذي اخرتها . خوذها مانبيهش انحرق انت وياها
معتصم: ياحمااااار باهي ياف.... شن تبيني انقولك يا ابو جهل
مانحكيش علي مروه انا يابهيم
نزار: يتفل في دم الي في فما. ويمسح في فما . ها امالا تحكي علي من
معتصم: علي رحاب
نزار: فتح عيون زين وانصدم . رحاااب
معتصم: قعد يرجا في ردة فعل نزار  وساكت
نزار: رحاب وانت
معتصم: لا رحاب وانا
نزار: قعد ميت ضحك. ومن ضحك حط يدا علي كتف معتصم واتكا بالراسا علي صدرا وقعد يضحك
ومعتصم: مبتسم وحاط يدا ورأ ظهر نزار
تي كنك ازح تضحك
نزار: رفع راسا وبحت في معتصم . فجعتني يارا ومن فرحا قعدت نضحك نحسابك تحكيلي علي مروه
معتصم: اصلك مركب بروحك وتفكر فيها واجد شكلك . وماركزتيش في كلامي
نزار: شن بندير جاي اتقولي وحده وجيتك انت  دغري وماتقوليش خنتك ماجاش في بالي تحكي علي رحاب بكل قلت خيانه ماخياته معناها بيأخذ مروه مني هذا
معتصم: بنفهم كيف تخرجت انا بس ومن لحمار الي عطها لكي الشهاده
نزار: رفع حاجبا .باهي ومن امتا اتقرن فيا ياحيوان
معتصم: تبي الحق من زمان بكل. لاجد والله نحكيلك
نزار: احكي تو نشوف اخرتها معاك
معتصم: بحت انا لما عرفت روحي وتأكدت من مشاعري جيتك دغري وحكيتلك ولو انت تمام معناها نحكي لهلي وباتي يحكي لسيدي بعد يروح من سفر ونتقدم رسمي
نزار: اممم يعني انت بتأخذ راي
معتصم: مش خوها الصغير اكييد رايك مهم
نزار: علي شان البوني الي حصلتا منك هذا والاهانات انفكر في موضوع قبل
معتصم: تي من جهلك وغباءك البوني هذا انا نحكي في حاجه وهو يفكرلي في حاجه اخره
نزار: ماهو شن اندير قتلك نحسبك بتأخذ مني لكبيده
معتصم: ومن امتا قعدت اكبيده هيا غير شوفها قبل انت بس
نزار: غمزلا . تي خييك يعجبك راه تربيتك يامعلم .زبطتها
معتصم: شن صاير يافرخ احكي
نزار: نحكو مع بعضنا ونمشي حتي للمدرسه انشوف فيها
معتصم: تي عدي
نزار: هههه والله
معتصم: وكيف وامتا اخر من يعلم ياوسخ
نزار: تي ماقلت لحد عارف الي انقولك عندي حاويا ونطلع ونخليك فيك اتجيب في رحمه ورحاب
معتصم: اها
نزار: خلاص اول مره كان جديات عندي حاويا ومينا بس تاني مره كذبه كان عندي معاها موعد ومشيتلها للمدرسه ويوم مقلب سفيان الي عديت حتي هيا مشيتالها 
معتصم: اتفوووه باهي وتشحور فيا وانت ادير في مواعيد
نزار: وانت كرها شحورتي لكي انك طلعت مش مقصر وتقرن في امي ازح
معتصم: تي نقرن فيك شنو . حتي كان قرنت خلاص جيت وحكيتلك
نزار: احم باهي توا تبيني نوافق يعني
معتصم: والله شن رايك فيا
نزار: بحت في معتصم . بعدها ابتسم . وخبط علي صدرا .تي معندي مانقول فيك مانلقوش فرخ خير منك يابونسيب . بعد انك جيت من باب دغري  
معتصم: باب لا روشن . يعني موافق
نزار: مبروك عليك الهبلا مش عارف كيف اتحمل عباطتها راه عندها طقا
معتصم: هبل يفهمو علي بعضهم ماعليك فينا
نزار: حيوانه فرخا هذي تو تشوف
معتصم: راك تقربها ولا اتجي شورها راه والله نعجنك في مكانك افطن ها
نزار: اوووو ولا اخره ويدافع عليها باهي تعرف هيا يعني من الاخير هكي انا تقرنت تقرنت خلاص 
معتصم: لا ماتعرفش شي بس انا حكيتلك انك ماتضربهش افطن لروحك
نزار: تي باهي تو اتحق فيا بنضربها باهي افرض هيا رفضاتك يعني
معتصم: انا تو حكيتلك هيا رفضتني خلاص كل شي نصيب بس تو المهم عندي انك انت تعرف
نزار: باهي ايصير خير . نحكيلها يعني
معتصم: احكيلها باهي ورد عليا
نزار: باهي
معتصم: حط ايديه ع كتوف نزار. في سر بنحكيه لكي بس بعد نجوز تو نقولك عليه
نزار: شن هو احكيه توا عليش بعد تجوز
راه يطلع شور رحاب
معتصم: تي كنا عقلك مسوس سر مش شور رحاب بكل بس هكي حاجه من زمااان بكل حكيتهش لكي بس نحكيها لكي بعد نجوز
نزار: راك تطلع
معتصم: اوكي مبرد امك هيا يابارد خلينا نروحو واحكيلي الي صار بينك وبين مروه بالتفصيل
نزار: هههه كنا رقالك غير احكيلي صندوق اسرارك عادي راه
معتصم: باهي اوكي خلاص راه فيش بصاره موضوع هذا
نزار: هههههه تي واااو لقينا شن الي يرقيها لكي
معتصم: باهي اركب ياخفيف هيا
نزار: هيا . بس حطني في مكتب نأخذ سيارتي
معتصم: باهي عارفها عليك معلومه يعني وغباء انا شاك فيك مزور شهاده 
نزار: ننقنا مثقل يدك معقوله بوني هذا فمي ازح تبنج معش انحس بيه 
معتصم:  يركب للسياره . تستهلها عشان بعد حد يحكي معاك اتركز فيش يحكي مش تقعد مركب زي الحمير
نزار: يركب جنب معتصم .  ماهو انت تحكي بألغاز ودير في جو افلام مصريه 
معتصم: باهي كيف صار مع مروه
نزار: ياسيدي ...