الـحب الأعـمـى

الـبـارت 44

{ الحب الأعمي }

الحلقه 44

يوسف: خش خش مكثر دوتك كنا متريحين لنا اسبوع 
معتصم: تبالي روحت ليا اسبوع بعد يقعدو يحكولي غادي ايصيرلي شلل في لساني من كثر ماينطقو في حرف الغاء ازح
يكملو فيها بغاء غاءغييي بوغا بغغا

نقعد بنحكي انتبكش مافيش كيف دوتنا كلام راكح ومفهوم ومصوقر
يوسف: ههههههه باهي شكلك عابي بتنفخهن لنا انت
معنصم: ننقنا مافيها اسبوع يارا ونحنا انبغبغو

وخش معتصم وسلم ع اما وباتا ولقا منذر وهند لوطا لان يتغدو عندهم
قعمز وقعد يهدرز هو وياهم

معتصم: وين حيوتا
يوسف: فوق قاعده
معتصم: اها
سالمه: لنا يومين ماعد شفناها لانزلت لاهدرزت 😒
معتصم: يغير في الموضوع . باهي جدي وأمي عزيزه شن جوهم
ابراهيم: طيبين وقاعدين
معتصم: بنعدي انسلم عليهم ونشوف احلام وهيثم
سالمه: عدي ياباتي علي ماوتيتلك غداك مارلا رايفت علي وكالنا
معتصم: اووو مش غير رايفت ع عصيبينات
سالمه:وحياتك ساع بكره انديرهن لكي
يوسف: انا راكب فوق تبو شي
سالمه: لا سلامتك غير خلي الاميره الي عندك اتواضع واتجي تطلق علينا حتي سلام بس
يوسف: يحكي وهو غمتلا. باهي ان شاء الله

يوسف: ركبت وانا رقيلي من كلام امي ع حياه مش عارف ليش دايرا راسها من راسها ورقيلي من حياه ومن الي دراتا وغما عندي بكل

منذر: امي ليش تحكي ليوسف هكي كنك انتي راه هذي تقعد مراتا ومايتحمل فيها شي
سالمه: وانا قلت شي غلط قالت كنها ماتجيش وتسلم علينا لها قريب يومين من ليلة الي اميره داخت علي يوسف ماعد شفنا وجها
منذر: ومش شرط يوميا اتشوفك مرات مرأ مريضه ولا تعبانه كل حد وعندا عذر
سالمه: هذي ماتمرضش هذينا ايمرضن بعيد عنك
منذر: لاحول ولاقوة الا بالله انا بنفهم شن مشكلتك امعاها بس بنت شن درتلك
سالمه: هك بنت هذي ماقبلتها بكل ولاهي كيفنا في شي باين عليها شلتاتا والفقر وباينه ربت قزن
لاتفهم في منطق لا في الاسلوب ولا في الاتكيت لافي شي بصيرا جاهلا هكي وخلاص ومش لخوك ماقهرتني انها مش لهذك يوسف لهذك الزول السمح المتعلم المثقف هيا مش خايلا عليه بكل
منذر: واااااو هذا كلا اتشوفي فيه في حياه يا امي معقوله
والله حرام عليك بنت عاديه كيفها كيف اروي وهند ومش باين عليها الي قلتي عليه بكل
سالمه: وانت شن فهمك بعدين ماتقرنش مراتك ومرات فيصل بالجاهلا هذي الي حدها ثانوي
بتقارن صباياكم الجامعيات بوحدا مستوها ثانويه
منذر: والله تحشم فيك وعارفه بنت الي هازيا عليها هذي طيبتها وقلبها الكبيير وعقلها فيش كيفا
ويجيك يوم وتعرفيها من قريب وتقولي فعلا
وقولي ماقالها منذر يا أمي
سالمه: باهي والنبي ماطلعت قعمزت جنب مراتك برا وخليتني  انكمل تسخين غداء خوك وفكني من سيرة الجاهلا الي دفعلي عليها الي وين مانحكي عليها اتنطولي كلكم سوا انت ولا فيصل ولا يوسف ادفعولي عليها اتقول ديرتلكم سحر
منذر: حي ياحي تو بديريها سحرا لا انا نطلعلي خيير