الـحب الأعـمـى

الـبـارت 91

{ الحب الأعمي }

الحلقه 91

هيثم: شنووو اني جاي
وصبا هيثم بيطلع من المربوعا
فيصل: كنك وين ماشي
هيثم: طاق مشوار هنا وجاي مش مطول ان شاء الله
فيصل. تمام

وطلع هيثم ولع سيارتا وعدا . وصل مكان الي يبيه ونزل

هيثم: مد يدا يسلم علي صحبه . كيف حالك شن جوك
صاحب هيثم: تمام والله . وينك يامعلم انرن عليك ليا يرمين رقمك موقفل نلقا فيه
هيثم: والله كنت مسافر وهذي جيتي توا ماليش ساعه كيف واصل
صاحب هيثم: حمد الله ع سلامتك . انا ليا يومين طبعاً عندي معلومات بس ماحصلتكش واليوم رنيت بالصدفه ضرب معايا
هيثم: باهي وشن الاخبار
صاحب هيثم:  ياسيدي في الابيار قاعد عند انسباتا ومأجر حوش غادي قريب منهم ويشتغل في محل مع نسيبا متاع مواد غذائيه
هيثم: تمام بكل .وشن اخره
صاحب هيثم: طبعاً من حوش للمحل مايمشيش لاي مكان وبنغازي مايجيهش بكل .ولما سألت غادي قالولي ان حوشهم باعوه ومعندش وين يقعد جا هنا
هيثم: حط يدا علي لحيتا. يعني هذي كذبه الي قيلها لهما
صاحب هيثم: اها .بس ماقتليش شن في بينك وبينا راجل هذا
هيثم: موضوع ياطيري كبير .مش وقت نحكيلك فيه .بس منور ونصبيلك في الافراح
صاحب هيثم: ولو ياحاج خيرك سابق
هيثم: تمام معناها انا خليني انروح تعبان من سفر ونتلاقو ياطيري
صاحب هيثم: تمام عدي ياحاج مربوحا
هيثم: اوكي

وركب هيثم في سياره وفرح ان عرف مكان عمران وين قاعد

~~~~~~~~~~~~~~~~~~~~~~~~~~

انا: يوسف مش بطريقه هذي ينحل الموضوع
يوسف: كيف يعني
انا: لو سمحت بنروح خليني نمشي لهلي
يوسف: حيااه نقولك العيل طلع مش ولدي . حتي شوفي
وعدا يوسف للساكو متاعا في صاله يطلع منا في ورقه
وجابها ليا. بحتي هذي ورقه تحاليل
انا: بحتت في يوسف. حتي كان مش ولدك بس مايمنعش انك كنت مجوز وحده وداسها عليا وماعنديش بيها العلم وتستغفل فيا
يوسف: قدم شوري. حياه ماتصعبيش علينا الامر اكثر من هكي يعني عيل طلع مش ولدي هذا المهم في الموضوع والي قبلك كلا ماضي وانتهاء بالنسبه ليا
انا: وماضيك ليش انفتح من جديد في حاظرك لو انتهاء . بحت يايوسف انا تعبت ومليت والله
ومعش عندي اعصاب لاي صدمه
فأرجووك خليني نطلع
يوسف: شكلك ماصدقتي مشكله اتصير بينا بيش تخلي عليا
انا: لا مش هكي بس لكل شي حدود وصبر . وانا صبري نفذ
في كل مره نسامح ونفوت بس لقيت روحي زي مغفله تضحك عليا
يوسف: في حالتين  كنتي حتصرفي هكي حتي لو قتلك
عرفتي عليش كنت اندس عليك
انا: خليني نمشي. حق عيسي يرن عليا
يوسف: تعرفي ياحياه لو طلعتي من الحوش . اعتبريه اخر يوم تشوفيني فيه
لان خلاص مش حنرضا ع روحي نجداك اكثر من هكي وانا اعترفتلك بغلطي واعتذرت منك اكثر من مره
انا: بعناد في يوسف. وشن انت اتهدد فيا هكي
يوسف: مانهددش انا نقولك قاعد
انا: تمام وصلت . وفتحت الخط ع عيسي .الو
عيسي. وين من بدري انرن .بتروحي ولابيتا غادي
انا: لا تعالي توا
عيسي: اوكي في طريق جايك
انا: اوكي
يوسف: انصدم . يعني بديري الي في راسك
انا: اها
يوسف: بلاش عناد راه مش حينفعك
انا: مش كنت تو تهدد فيا وتقولي تطلعي معش تشوفيني . يعني متاع اقعدي ولا خلاص
يوسف: انا مانهددش فيك .انا بس كنت نوضحلك ان الي عليا درتا بس انتي ماتبيش اتسامحي ومسكرا راسك وتعاندي .العني شيطانك ياحياه
انا: تنهدت. شن مازلت داس اخره في ماضيك عليا
يوسف: اقسم بالله ولا حاجه هذينا بس الي عرفتيهن وانا قدامك كتاب مفتوح قعدت
انا: تعرف يايوسف لو طلعت حاجه اخره .انا الي معش تشوف وجهي
يوسف: ابتسم. يانا عليا .يعني خلاص رضيتي
انا: انفكر
يوسف: جا حضني . والله انحبك باهي
انا: حضنتا بالقوووه . حتي انا حتي نقول نقسا عليك ومانسامحكش بس قلبي يحن
يوسف: بعدني من عليه . نوعدك معش نزعلك هذا وعد مني
انا: هيييي. عيسي جاي في طريق تو يهزبني كان نقولا رد
يوسف: تو نرن عليه ونقولا اني جيت وماكنتيش تعرفي . طبيعي مش حيحكي ويسكت
انا: باهي رن هيا .
وطلع يوسف موبايل من جيبا ورن ع عيسي وحكالا ورد عيسي للحوش
يوسف: خلاص تم هكي
انا: اوكي خلاص . خليني نخش نغير دبشي وندوش ونطلع نديرلك حاجه تاكلها
يوسف: تعالي هنا مش وقت وكال
انا: يوووسف
يوسف: اششش ولا كلمه مرايف عليك اليوم بناكلك انتي
انا: يو ..وقطع كلامي ونزل عليا فمي ورحنا في خبر كانا........