الـحب الأعـمـى

الـبـارت الـسـادس

عرفات وحده اتقولي اقصيره ايجيها بلوك 😂😂
صبعي صارلا صداع من الكتيبا
قرأ موافقه

{ الحب الأعمي }

الحلقه 6⃣

جده: خش خش
يوسف: هو مصبي فم الباب كنك ياحاج شغلتني شن في
جده: خش تعال وقعمز
يوسف: قعمز وقابل جده
الي كان مقعمز ع صالون وماسك سبحا

جده: شن جو الشغل معاك
يوسف: تمام والله  عندي يوم السبت رحله لتركيا
جده: اها باهي تمشي وتجي طيب
يوسف: ان شاء الله  وكان متوتر وشغل بالا جده شن يبي فيه

جده: طبعا اكيد مستغرب شن نبي فيك
يوسف: اها شغلتني قلت في شي صاير مشكله حاجه
جده: لا فيش مشاكل وربي مايجيبهن
لكن في مشكله عندنا في الحوش هنا ولازم انحلوها
يوسف: شن ياجدي احكي
جده: انت عارف معزتك عندي دون خوتك كلهم وعارفني ديما مصبي معاك في كل شي ومع انك تغلط واجد ونمشيلك في حاجات كان ديرينهن خوتك ولا واحد من اعيال سيدك راه انفصلت عليهم
لكن انت نستثني فيك من دونهم كلهم

يوسف: عارف ياجدي
جده: تو نبيك اتكون معايا صريح وبلاش لف ودوران وتقولي شن السر الي مخليك رافض تجوز

يوسف: سكت اشويه
ياجدي مافي شي مخليني رافض الفكره بس قصه ومافيها انا شغلي يربط فيها ونسافر واجد ونبيش انجيب مره ونظلمها امعايا ونقعد طول الوقت مش فاضيلها

جده: ريت قصة شغلك محلولا انت تخدم معايا في شركه هذي حاجه وكنك ع طيران انت اساسا خشلا كهوايه لكي مش شغل اطلع منا رزقك يعني بجوك وهو اساسا انت في الاسبوع عندك رحلتين غير انت الفتره هذي وخذ اسبوع عمل واسبوع راحه ولا تحسبني نندريش عليك ومانسألش امتبع اخبارك كلهن

يوسف: انصدم من جده الي طلع عارف كل حاجه علي شغلا

جده: ها تبيش اتقولي سبب الحقيقي
يوسف: مافيش سبب ياجدي هذي القصه
وتنهد يوسف وتما يفك في بطمت السوريه امتاعا

جده: طول عمري ديما انقول يوسف هذا نسختي وذكر فيا بروحي ايام ما كنت شاب 
وانت من دون خوتك طلعلي واجد حتي عيالي ماطلعوليش
بس نحسبش تفكيرك يطلع مراهق

يوسف: انصدم من كلمة جده 😳
عليش ياجدي شن في

جده: انت عارف شن في تحسبني نعرفش عليش رافض زواج مش علشان اميره بنت عمتك

يوسف: زمط ريقا ونحرج من جده وسكت مابش يرد بكلمه

جده: مش علشان هكي احكيلي
يوسف: مسح بيدا تحت اعيونا ونزل مسح ع لحيتا وحط يدا تحت حنكا وتما يمسح فيه بيدا ويبحت في جدا

جده: الي درت الحركه هذي معناها كلامي صاح
يوسف: باهي شن مطلوب مني ياجدي
جده: مطلوب منك تزوج
يوسف: وانا رافضها الفكره
جده: وبالنسبه ليا هيا هذي اخر كلمه قدامك شهر فكر فيه وقوللنا امك اتشوفلك عروس
وعرسك مع خوك منذر