الـحب الأعـمـى

الـبـارت 43

{ الحب الأعمي }

الحلقه 43

خش عليا يوسف وبحت وكشخ عليا وقعد يأخذ في دبش امتاعا

انا: يوسف
يوسف: ساكت
انا: فيش ادير كنك تأخذ في دبش
يوسف: وانتي شن دخلك
انا: كنك تحكي هكي انت
يوسف:مازالت اتقول انت
حياه فوتيني خيرلك
انا: باهي بنحكي معاك انا
يوسف: مش بجوك انتي حكيتي الي عندك كلا انظني مش حكيت بس كسرتي حتي التكسير
انا: باهي عارفا روحي غلطت بعد كسرت الدار بس نبي نحكيلك توا
يوسف: بحت فيا وقرن حواجبا
وهز براسا وطلع من دار
انا: فهمتش واخذ دبشا وطالع وين ماشي
لحقتا
لقيتا طالع برا الشقه
قعدت نفكر كان مايبات لوطا ويسيبني بروحي في شقه هيييييي ويعرفونا لوطا متعاركين
قعدت نندب حي عليك وحي ياحياه هذا الغباء امتاعك وهذينا تصرفاتك
ياحماره ياحياه شن درتي طفشتي الراجل
قعدت نبرم ومش عارفا شن اندير
لأن انا اساساً لما رقدت في حوش هلي ونضت قالت كان يوسف مارنش عليا بنرن عليه ونحكيلا ع كل شي وخلي الي يبي يصير يصير المهم نفهم منا ومانظلمش ولا هو يظلمني
هذا عليش لما جينا في شقه كنت بنحكي امعاه بس مشكلتي غابيه نعرفش كيف انراضي حد زعلان مني بذات يوسف عرفتش كيف انخش فيه ونحكيلا ونراضيه لو كنت انا الغلطانا

~~~~~~~~~~~~~~~~

هيثم: باشا شن جو
يوسف: تمام انتي الي شن امورك وغمزلا 😉
هيثم: هههه ميه ميه انتي وين من اول ماجيت ماعش قعمزنا وحكينا
يوسف: والله ياطيري عندي مواضيع
هيثم: كنك لام دبش
يوسف: نبي انحطا في سياره انشيلا لمغسلا
هيثم: تي ازح مازالت فيك الحركه هذي خلاص راك ازوجت عطي حياه تغسلا لكي
يوسف: مستحيل دبشي متاع الطلعا مانغسلش في الحوش لازم في مغسلا ونأخذ مغسول ومحدد
عليش انتعب فيها
هيثم: الله مايبيش ايتعب الجماعه ماعرفتكش ياحنون
يوسف: هههههههه يامسخ ماهو حتي امي كنت انديريلها هكي مش قصة تعب في الاخير قصة نفسياً انا مانتريحش الا لما نغسل في مغسلا
هيثم: والله حتي انا نفس الجو
يوسف: باهي ارجا انحط دبش في سياره وانجي انديقلو👈 معناها انهدرزو ع قولت عرب بنغازي مش كلهم يقولو فيها 😉
هيثم: تم
وعدا يوسف حط دبش في سياره وسكرها
وجا قعمز هو وهيثم جنب حوض سباحه وكل  واحد فيهم مولع سبسي
ويهدرزو

يوسف: شن صار في موضوعك
هيثم: عديت طبعا وحكيت لمحمد و فقشتها له من الاخيير
يوسف: باهي شن قال
هيثم: قالي نلقش خير منك لاختي وعرم كلام وشكر فيا وااجد وقالي انا موافق بس راي الاول والاخير شور البنت وكان وافقت مرحبتين بيك
يوسف: باهي ع شنو رست
هيثم: خلاص رست ع ان هو موافق وبيأخذ رايها عادا 
يوسف: وكنك ازح روحت كنت تقعد عند اتجيب الاكيده واتجي بيش رده التانيه اترد بهلك
هيثم: تي عدا قالي عطيني وقت انشوف البنت ونرد عليك نقعد انزر فيه قتلا شوف وتو هيا بعد اتقرر تو يرن عليا ويقولي وبعد انرد للطرابلس تو نشيل امي واحلام امعايا
يوسف: باهي تمام ان شاء الله تطلع من نصيبك وربي يتمملك ع خيير
هيثم: ان شاء الله يارب بس زعمك اتوافق هيا
يوسف: وكنها ماتوفقش يعني ولد عايله وحالتك متريحا وتشتغل وسمح وبشهادتك ومافيك مايرتفض
هيثم: انخاف اتقولك شرقاويه وقصة سكن امتاعها وهكي ماتوفقش بذات هيا ع حسب مايحكيلي محمد مرتبطين بجدتهم وااجد
يوسف: لا ما اعتقدش اكييد حتي محمد دبينا موافق عليك تو يأثر ع قرارها حتي  لو كان هيا مش مقتنعا ميه في الميه يعني بالقصه هذي
هيثم: ان شاء الله خيير
يوسف: ايو خليها ع الله كان عندك نصيب فيها تو يقدمها لكي
هيثم: لا اله الا الله وانا متوكل ع الله 
يوسف: خلاص معناها الي فيه الخير ربك يجيبا
هيثم: ان شاء الله
باهي قولي معتصم من بيجيبا هو ونزار تمشي انت ولا انعدي انا ولا كيف الرأي 
يوسف: لا خليك تو نمشي انا
هيثم: انت عندكش شغل
يوسف: لالا بيبدأن رحالتي رسمي الاسبوع الجاي وخذيتهن داخل ليبيا
هيثم: احسن حاجه درتها . باهي باقي الايام شن اندير فيهن
يوسف: في معرض بنقعد
هيثم: تي شن صار فيه معرض ليا زمان عليه
يوسف: تمام والله قاعد حاط فيه وليد صاحبي هو الي مشي الجو ومره مره معتصم يزرق عليه كان
هيثم: فيش جديد جبتا
يوسف: لا والله لحكايا موقفا رايح سوق سيارات نازل بكل يارا تجار كثرو وخشن سيارات وااجدات قعدو ينزلو فيهن من المينا  وبلاش وقعد كل من هب ودب يدز ع سياره
هيثم: ننقنا لحظتها من اول ماجيت سيارات وااجدات
يوسف: بكل يارا سوق قعد مش زي قبل
هيثم: باهي يعني توا بكره نعبأ عليك انت الي اتجيبهم
يوسف: ان شاء الله
هيثم: تم معناها اصلا انا عندي موضوع بكره الصبح
يوسف: شن في خيير
هيثم: لا موضوع عادي شور مصرف بنمشي
يوسف: اها باهي
انا بديت ننعس تبي شي انت
هيثم: لا سلمتك اربح
يوسف: اوكي تصبح ع خير
هيثم: تلقا الخير سلملي ع حياه
يوسف: يوصل تشاو