الـحب الأعـمـى

الـبـارت 72

{ الحب الأعمي }

الحلقه 72

روح معتصم وماصارش من بيتا امتاعا برا
خش للحمام ودار دوش وغير دبشا واتكا ع سرير امتاعا

وفتح ع فايبر لقا رحاب متصله

معتصم: خير يابطه

رحاب كانت اتوتي في دبش امتاعها عشان بكره ماشيا للجامعه
سمعت صوت رسالة جاتها
عدت شور موبايل الي كان في شحن

رحاب: انصدمت وعيونها كبرن بعد طلعلها عصومي دزلها مسج
فتحت علي فايبر وقرت مسج
وكانت تبتسم وقلبها يدق ومش عارف شن اتقول اتفكر في كلام رحمه وفي نفس الوقت تبي تعترف وفرحانه
تنهدت وبعد هادت نبضات قلبها
كتبت . خيير

معتصم: قرأ مسج . شن جوك
رحاب: بحتت في فون . تمام
معتصم: فيش اديري
رحاب: انوتي في دبشي
معتصم: كنك بتهربي . ودزلها ضحكا
رحاب: اها بنهرب مع محمد . وحبت تقهر معتصم
معتصم: قرأ مسج غمت عندا وقعمز ع سرير بعد ماكان متكي
شن قتلك انا . مش قتلك معش تحكي عليه الفرخ هذا واتجيبي سيرتا ولا اخره وتقولي في اسما ع لسانك كنك اتعاندي انتي
رحاب: باهي ممكن نعرف شن صار بينك وبين العيل
معتصم: مانيش قايلك وسكريلي عليه موضوع هذا خلاص ومعش تنطقي خرا النم علي فمك
ودزلها سمايل غاضب
رحاب: تضحك . وانت شن دخلك
معتصم: رحاااب ماترفزينيش ومعش اتقوليلي امها الكلمه هذي انتي كنك تحرقي في دمي ازح
رحاب: وانت كنك متعصب مادخلكش جديات
معتصم: باهي ممكن تنزليلي بنحكي معاك في جنان
رحاب: وقفت كتيبا وقعدت اتفكر . لالا نقدرش
معتصم: ليش
رحاب: هكي نعسانه بنرقد وبعدين رقايلي منك
معتصم: باهي انزلي بس مانبيكش اتباتي امعايا هنا خمس دقايق وارقي
رحاب: نفكر قبل
معتصم: كنك ياهمي انتي اتفكري شنو انزليلي راه نرقالك
رحاب: تضحك مجنون وديرها عرفتك  . كتبتلا . باهي اشويه بس
معتصم: نرجاك عند الحوض
وسكر موبايلا ونزل يجري

كانت رحاب مش قادره تمسك روحها حاولت اتفوتا بس قدرتش
صبت ع مرايا مشطت شعرها وسقمت لبستها كانت لبسا سروال امريكي وتيشرت بيضا عليها بلوفر عند ركبه مخطط اسود في الاحمر
لبست شبشبها وبخت عطر وخذت موبايلها
وطلعت من دار

ونزلت لوطا لقت معتصم مصبي ع حوض وعاطي بظهرا

رحاب: حطت ايديها وراها . احم
معتصم: بعد سمع صوت تنحنيحت رحاب التفت . بحت في رحاب . شن جو يابطه
رحاب:تمام . كنك شن تبيني
معتصم: حط يدا ورا رقبتا وقعد يحك فيها . أأ سمعتيني شن قتلك امبدري
رحاب: تستعبط. شنو قتلي
معتصم: رحاب فكينا من استعباط وما تستعبطيش عليا . سمعتي شن قتلك
رحاب: نستعبطش انا بس انت حكيت عرم كلام وماسكتش بكل يعني
معتصم: ضحك حكيت عرم صار يابطه
رحاب: اها علي اين كلام تحكي يا انت
معتصم: نحكي ع كلام الي في سياره يا انتي
رحاب: تعاركنا باهي كنها العركه ع سبت محمد انا بنعرف شن حكيت امعاه
معتصم: ضغط علي اسنون تي قتلك مليون مره معش اتجيبي سيرتا علي لسانك كنك انتي
رحاب: محمد باهي شن بدير يعني
معتصم:قدم علي رحاب ومسكها من عند خدودها وضغط عليهن بالقوه
قتلك معش تنطقي اسما ع فمك ليش غالي عليك لعناد
رحاب: دفت يد معتصم ااااه يابارد خدودي وجعتني كنك انت
معتصم: ماتحرقيليش دمي ياهمي فاهما
رحاب: همك صار همك
معتصم: اها انتي هم وبلاء علي راس الواحد  عندك مانع
رحاب: بحتت في معتصم بتكشيخ .بس همك انت وبلاك انت بروحك
معتصم: ابتسم وهز براسا . مجنونه والله
رحاب: سامط
معتصم: باهي انتي شنو
رحاب: كيف انا شنو قتلك همك
معتصم: باهي عارف انك همي الي  ربي بلاني بيه وشن اخره
رحاب: شنو اخره يعني
معتصم: اتحبيني
رحاب: سخنت وزمطت ريقها . وكان قلبها يدق بالقوه
بس حبت تلعب بأعصاب معتصم . ايش عارفا
معتصم: ايش . مش اسمها بالميم. وانتي كلامك كلا غلط تبي  إعادة تأهيل في كلام انتي  
رحاب: دخلكش يا أنت انا انقوللها هكي
معتصم: زكر علي مادخلكش . نفخ معتصم . اووووف وتنهد . باهي قوليلي شنو انتي
رحاب: تبي الحق ياعصومي
معتصم: شير بصبعا سببا ع رحاب. ايوا نبي الحق . شنو
رحاب: تحكي بوجه جدي . نعتبر فيك زي خويا
معتصم: عقد حواجبا . وسكت
رحاب: كان اترد فيها للمعتصم لما قالها لها اول مره . وعمري ماحسبتك غيير هكي
معتصم: يعني حتي اعجاب مانعجبتيش ولاشي
رحاب: انلالا وشن فيك اصلا بيش ننعجب بيك تعرف ديما اني انا وياك مختلفين في كل شي
معتصم:  رقالا . اوكي تمام .
رحاب: معليش اسفه . ونتمنا يعني معملتك معايا تغيرش ونقعدو كيف قبل
معتصم: تمام فهمت . بس مانوعدكش اسف لاني انحبك وحبيتك بس فهمتك غلط وهذا مني مش منك الغلط هذا 
رحاب: تبي تضحك بس تمسك في روحها .
يعني معش اتجيبلي شكلاطه وتوصلني للجامعه وتقولي يابطه
معتصم: في عقلا كل همها في شكلاطه تي انحبك انقولك ازح .. مانقدرش نكذب عليك لاني مش حنتحمل انشوفك يارحاب
رحاب: حست معتصم يحكي بجد واول مره اتشوف الجديه هذي في معتصم
كنت انتمنا لو انحبك كيف مااتحبني بس. وقطع معتصم كلام رحاب 
معتصم: خلاص فوتي واعتبريني ماقتلكش شي وانسي كل شي
رحاب: باهي تصبح ع خير
معتصم: حس بشعور غريب وكأن رحاب ضاعت منا وانصدم لما عرف ان ماتحبش وكان يتوهم بهكي وتحكي جديات مش تلعب بأعصابا . حسها اتبصر بس بعد قالتلا تصبح ع خير حسها تحكي جديات وفيش أمل  . قدامك الخيير