الـحب الأعـمـى

الـبـارت 69

{ الحب الاعمي }

الحلقه 69

يوسف: انحبك انتي كنك انتي
اميره: مش اجوزتها وسيبتني 
يوسف: اجوزتها نقهر فيك لانك قهرتيني  لكن انتي الي في قلب وبس
اميره: انحبك
يوسف: ناض مفجوع . وعرقان
بسم الله شنو الحلم هذا . قعمز اتكا ع سرير
وبحت في موبايل لقاها ساعه 2
فتح موبايل وحط ع اسم (حبيبي العصبي)
ورن

انا: خييير
يوسف: خير وين ع نشاط
انا: هههههه من ساعه 8 صقع عليك
يوسف: مشاء الله مشاء الله
انا: هههههه انت ياكسول  امتا وعيت
يوسف: تو كيف نضت رنيت عليك طول
انا: حي حي غاب القط العب يافار
يوسف: هههههه والله اخره قبل مستمر في نوم بس حلمت حلم شين وعيت منا
انا: شنو الحلم خير ان شاء الله
يوسف: لا تو بعد انشوفك انقولا لكي بس نضت عرقان ونفجعت نحسبا جد وفرحت بعد طلع حلم
انا: شنو ياعمري  شوقتني
يوسف: مهم انحبك انتي
انا: ابتسمت. بصوت هادي. وانا انموت فيك
يوسف: شن اديري .
انا: كنت ندير في بطاطا امبطنا وسيبت هاجر وكريمة يقلن فيها
يوسف: عدا انتي بعد اتحقي الحوسا عيونك يقعداً قلوب
انا: هههههههه عدا شن بندير لازم انساعد
يوسف: باهي ياروحي ساعدي بس تعبيش روحك وااجد يعني واعيا من صبح وامس بعد ركبت من ساهره انا وشباب قريب الاربعه وانتي مازالتي واعيا ومستمره
تعب عليك راه
انا: ماه ياروحي الله غالب الفرح ديما هكي تو بعد العرس تو نرقد ونتريح
يوسف: اها تو ترقدي
انا: هههههه شن قصدك
يوسف: نويلك بعد العرس
انا: هههههه حي عليا يعني فيش راحه
يوسف:ابداً
انا:ونهون عليك
يوسف: عادي
انا: خزيه مصلحجي
يوسف: ههههههه ونا نقدر وراسك ماتهوني
انا: عارف حتي انا
يوسف: تي شن عارفا انتي اها قوليلي
انا: احم .
يوسف: كنك
انا: باهي صحصح انت وبيش اتجي تغداء هنا ماتنقشنيش واجد
يوسف: كنك رايحا تنهي في مواضيع واعره حسيتك
انا:ههههههه
يوسف: عنجد مانقشكش
انا: لا والله جد ماتنقشنيش تعال تغداء امعايا والله نزعل كان ماجيتش
يوسف: باهي ياروحي حاضر تو انجي . بس نبي من بطاطا
انا: اكييد حنحطلك منها حاظر
يوسف: تم معناها نوض ندوش ونصلي الظهر ونزل الكروت لهلي ونجيك
انا: باهي
يوسف: تبيش شي وانا جاي
انا: لالا سلامتك ياروحي
يوسف: والله
انا:والله
يوسف: خاطري تطلبي حاجه
انا: لازم يعني
يوسف: اها لازم
انا: نبي بوسا
يوسف: هههههههههه.احلا طلب والله . امممممووواه
انا: بس نبيهش ع موبايل
يوسف: حي علي امي حياه امعايا
انا: ههههه اها كنك
يوسف: شن رومانسيه نزلت فجأه ومره وحده
انا: البعد عليك خلاني انرايفلك واااجد
يوسف: يانا عليا كان البعد بيخليك ديما هكي معناها انا راضي
انا: ههههههه. باهي خلاص عدي هيا وانت ماصدقت
يوسف: ههههه خلاص ياروحي هيا سلام
انا: باي

وسكرت من يوسف وحطيت موبايل ع لفريز
وجيت اندير في سلاطه امتاع الغداء

هدي: يابنات قتلكن
نحنا: نعم
هدي: اتوشوش . ايمن بيجيني ايجيبلي افلوس عشان نشري بيهن قفطان العرس
انا: باهي ويجي
هدي: نبي جو
انا: جو شنو ياحنه
هاجر: جو شنو يا أم الجو انتي
هدي:ههههههه . ياحمارات تفهمنيش غلط نبي جو قصدي يعني احكن انتن وحده منكن لباتي
عشان يجي ونطلعلا في مربوعا
هاجر: اها . باهي تو نحكيلا انا
هدي: نجك ليا
هاجر: خلاص اسكتي راه نغير راي
هدي: خزيه كلبه عرفتك اديريها .وباهي انتي ياحيوتا نبي منك عطرك
انا: تو علي اساس يعني مش مغرقا روحك بيه امس . بخي ياحنه
هدي: يانا عليا . تم انعدي نستشور شعري
وتو نجيكن