الـحب الأعـمـى

الـبـارت 71

{ الحب الأعمي }

الحلقه 71

معتصم: الو يوسف شن جو
يوسف: بصوت مضايق تمام شن جوك انت
معتصم: كويس . كنا صوتك 
يوسف: شي بس غما اشويه عندي
معتصم:ههههههه كيف صار لان حياه مش قاعده
يوسف: باهي مسخ اسكت كنك شن تبي
معتصم: بحت انت عارف روحك ثقيل وبارد بس الله غالب خويا ماعندي مانديرلك
يوسف: تي كنك ازح
معتصم: انا في حاجه هكي ليا كم يوم حرقتني في قلبي ومش عارف نسكت نبي انعبر ونحكي بيش ماننفجر وبالجو ماعنديش غيرك
يوسف: احكي شن في يارا شغلتني
معتصم: لا خير بس انت وين توا
يوسف: في الحوش
معتصم: باهي تقدر اتجيني
يوسف: انت وين قاعد
معتصم: حالياً في الحدايق واشويه اخره ماشي شور المزرعه واحتمال بنبات غادي
يوسف: تم معناها تو نجيك توا
معتصم: نرجاك هيا اوكي

وسكر يوسف وخذا مفاتيحا وطلع

~~~~~~~~~~~~~~~~~~~~

هيثم: مقدرتش انجامل ماعرفتش حسيتها هيا السبب بحتت في وجها
قبل بنقوللها كان انتي طلعتيش في حياتي راه حياتي مش هكي
عصام: معقوله كنك ياراجل خلاص والله انت الي مشقي روحك راه اسمعني
حاول هدرز احكي امعاه بالك تقبلها مش هكي ياهيثم عرفتكش هكي ضعيف وبنات شن ذنبها حتي هيا نفسك
مش في يدها شي
هيثم: اووووف . انا ليا كم يوم نفخر ومانرقدش الليل اكويس هذا عليش نزقد في العشيه
عصام: فيش اتفكر
هيثم: انفكر نتنازل علي إكرام ونشوف حياتي هذي مانقدرش فكرت في كلامك وكلام يوسف لقيتا صاح خايفا في لحظة ضعف وغضب اندير حاجه نربط في رقبتين  مراتين ونندم بعدين
عصام: ونعم التفكير هذا الصح
هيثم: زعمك صاح
عصام: صح الصح اخره وبعدين كل شي نصيب وكنك علي محمد صاحبك عادي قولا يامحمد كل شي نصيب
هيثم: مستثقلها ومش عارف كيف انقوله له
عصام: قوي قلبك وقولها وبعدين كل شي نصيب جديات مش بالغصب هيا
هيثم: ان شاء الله تو نحكيلا بكره ونقوله له
عصام: معناها العرس امتا
هيثم: مش عارف بس تو نشوف مازال شقه تبي تشطيبات بسيطه
بنديرهن
عصام: وابدأ فيهن وخليك عادي واستمتع بوقت وماتنكدش ع روحك يارا
ودير شقتك وكلم مراتك وعيش لحظتك وتو مع الوقت تأخذو علي بعضكم وصدقني لازم اتساير ياهيثم
هيثم: ان شاء الله
عصام: خبط كتف هيثم . تي اضحك مبردك ازح لكي كم يوم منكد علي امي
هيثم: ههههههه انصبولك في الفرح يا طيري
عصام: احم بنقولك
هيثم: قول
عصام: بس ماتفهمهش غلط . لكن انا بندير حاجه رسميه نبي انتعرف عليها
هيثم: بنت امتحاناتها الاسبوع الجاي ارجاها يكملن اخر يوم في الامتحان تاني يوم تعال ونتفقو
عصام: باهي ياسيدي الي يرجا خير من الي يتمنا انشوف نهيتها معاكم ياعيت فلاني
هيثم: ههههههه عرس ان شاء الله نهايتها
عصام: ههههه ان شاء الله وعقبال ماتفرح حتي انت وتفكنا من نكد
هيثم: تنهد. ان شاء الله

~~~~~~~~~~~~~~~~~~~~~~

هاجر: بنات هيا صبن شن رايكن انطلعو صناديق انحطوهن في سقيفا عشان بكره يطلعوهن من قريب الرجالا
نحنا: باهي هيا