الـحب الأعـمـى

الـبـارت 94

{ الحب الأعمي }

الحلقه 94

انا: مازال يوسف ماكملش كلامه
نعفس ع لميا ونزلق ونطيح ع ارض علي ظهري 
يوسف: انفجع وجاني.بسرعه يصبي فيا
انا: نزلاً دموعي وحطيت يدي علي بطني
يوسف: يبحت في عيوني وحاط يدا تحت راسي يرفع فيا
انا: نبكي. ظهري يوجع فيا
يوسف: حط يدا تحت من رقبتي  وبيدأ تانيه حطها تحت ركبيا من لوطا . ورفعني
انا: كنت حطا يدي علي بطني ونتألم من ظهري .
يوسف: حطني ع كنابه . اتكي هكي ماتحركيش. ويمسح في دموع الي ينزلاً من عيوني . معش تبكي ،تو اشويه ويخف الم ظهرك .لانها طيحا قويه وعلي ظهرك .
انا:  نبكي . معنديش حظ شكلي نفرح . اااه يظهري
يوسف: كنك ياعمري . تحكي هكي . وبعدين هذا كلا عشان طيحا ع ظهرك خفيفه تو اشويه ويقعد كويس والله صدقيني
انا: قعدت نحس بشي ينزل .وظهري يوجع فيا وزاد الألم متاعا . خششني للحمام
يوسف: باهي هيا صبي. . وصباني يوسف وتكيت عليه
وانا نمشي ويوسف مطبس راس تحت .  ويبحت في كرعيا . وقف وفنص فيا
حياه هذا شنو  الدم الي ينزل من كرعيك
انا: نبكي . حطني في حمام بس
يوسف: وصلني للحمام . وقعد مصبي قدام باب الحمام
ويبرم
انا: خشيت الحمام . وقعدت نغسل ونبكي بالعبره
يوسف: يخبط ع باب . حياه شن صار معاك نخش عادي
انا: اشويه بس
يوسف: يمشي ويجي قدام باب الحمام . وكايت متوتر ومعش عرف شن السبب
انا: كملت غسل جسمي. لبست ديشمبر الحمام . وغسلت وجهي . وطلعت وانا مسكا منشف في يدي
يوسف: اول مافتحت الباب. التفت عليا وجاني بسرعه
كنك شن الدم هذا .انشيلك مستشفي .هيا
انا: نبكي . لالا خلاص
يوسف: من شنو .مش من كم يوم كانت عليك
انا: مش مريضه انا
يوسف: ها شنو هذا
انا: بحتت في عيون يوسف وعيوني يدمعاً . وحطيت يدي علي بطني ، كنت حامل
يوسف: فنص عيونا وانصدم . حامل
انا: قعدت نبكي. اها حامل بس ماصار شي منا .خلاص راح ونزل
يوسف: عقد حواجبا.كيف يعني من امتا عارفا انك حامل
انا: نبكي. اليوم بس قبل ساعات عرفت . وكنت فرحانه بنقولك ماصار شي طحت قبل حتي ماتعرف
المره الاوله طاح ومكنتش نعرف اني حامل ومره هذي طاح اول ماعرفت ع طول
عنديش نصيب نفرح بالحمل شكلي
يوسف: مسح بيدا ع وجها. وقرب مني. ماتقوليش هكي مرات مازالتي حامل تو نمشو مستشفي ونتأكدو
انا: نزل دم يا يوسف معناها نزل الحمل
يوسف: وهو يحاول يهديني.باهي حتي كان نزل خلينا نمشو نطمنو عليك باهي مش معقوله نخليك تنزفي ومانشيلكش
انا:  بحتت في عيون يوسف .،وعيوني مدمعات ، ورشفت خشمي.شكلي مش حنجيبلك اعيال بكل
ومش حنفرحك
يوسف: ماتقوليش هكي . انا قتلك كان ليا نصيب نكون اب حنكون لكن منك انتي وكان مافيش فاهذا من ربي وانا راضي بيه
انا: شن ذنبك انت. يوسف طلقني خيرلك
يوسف: تغيراً ملامح وجه لغضب. تحكي بجد انتي .كنك تقولي هكي. ازح كنك مستغنيا عليا وتقولي فيها كلمة هذي بكل سهوله تطلع
انا: لاني تعبت والله
يوسف: تنهد . باهي خلاص بطلي بكا وهيا البسي . نشيلك مستشفي
انا: ليل توا . خليها بكره الصبح خلاص توا الي صار صار
يوسف: حياه هيا البسي .ماترقيهش ليا شن انشيلك بكره هذي
انا: لان والله مش حيصير شي. هو وقف اصلاً ومش دم وااجد . كان صارلي اخره تو نقولك شيلني
يوسف: يعني بتقعدي هكي. افرضي تسببلك حاجه ولاتصيرلك حاجه
انا: مش حيصيرلي اكثر من الي صارلي. خلاص ماتخافش
يوسف: يحك في جبهتا. والله ماني عارف.خليني نشيلك بيش انتريح
انا: خلاص ارجووك ماتزرش عليا .بكره نمشي
يوسف: بكره اول مايطلع الصبح نشيلك ع طول
انا: باهي تمام
يوسف: باهي خشي غيري والبشي دبشك راك تمرضي هيا
انا: التفتت وخشيت .الدار وخذيت دبش جديد. ولبستا
يوسف: تعالي. ارقدي ع سرير . تو نجيبلك اميه وانجي . طلع يوسف من دار
انا: تمددت ع سرير. وقعدن دموعي ينزلاً وانا نمسح فيهن.
يوسف: جا ومدلي كباية اميه .اشربي
انا: مديت يدي . وشربت منها .ورديت اتكيت
يوسف: حط كبايه ع كوميديني الي جنبي . ومشا طفي ضي الدار.وجا جنبي
انا: دموعي ينزلاً . ونرشف في خشمي
يوسف: مسح دموعي. تعالي. وحطني علي صدرا وحضني. معش تبكي خلاص . ربك رايد هكي عليش بتعترضي ع حكمتا
انا: مش معترضا.بس وجعتني روحي
يوسف: توجعك روحك وانا عايش. كنك هبلا انتي
وبعدين .خلينا نعيشو حياتنا لاحقين عليهم لعيال
انا: ماتحاولش اتسكتني ودير روحك انك عادي. يايوسف، تقدر تعبر وتحكي واعترف انك زعلان ومضايق
يوسف: تنهد. زعلان صاح بس عليك مش عشان الحمل نزل. عشان انتي زعلانه وتفكري بطريقه ثانيه
صاح لعيال زينة حياة الدنيا. بس في حاجات في زواج احلا حتي بدون عيال
وربك امتا مايبي يرزقنا حيرزقنا وكلا اختبار ولازم نصبرو
راك انتي مش عقيم معش اتجيبي بيش تيأسي وتنكدي. انتي طيحتي بس يعني كيف ماحملتي المره هذي حتحملي مره اخره .عليش زعلانه
انا: تنهدت.  وسكتت وحسيت ان كلام يوسف هداني اشويه وريحني.مع اني كنت مضايقه وخاطري مكسور
يوسف: هيا ارقدي وماتفكري في شي. المهم مع بعضنا
انا: حضنت يوسف بالقوه .وغمضت عيوني . وانا شيلا في قلبي هم كبيير .وتمنيت لما نوض صبح يقعد حلم مش حقيقه