الـحب الأعـمـى

الـبـارت 70

{ الحب الأعمي }

الحلقه 70

انا: حسيت جو يوسف مش تمام في حاجه ربكتا من موبايل الي يرن عليه
وحتي امعايا غريب اشويه
مشيت الجو وخشيت انشوف في امي ومبروكه

~~~~~~~~~~~~~~~~~~~~~~

رحاب :  يانور عيني ضميني حسني ماتبعدش عني ولاثانيه احضني نسيني الدنيا  واوعدني طول ما انت معايا ماتسيبش ايدي من ايدك 
رحمه: حي حي شكلها اثرت فيك الاغنيه
رحاب: تسلح في إيشاربها تي اسكتي . قولي شن صار اليوم عشت فلم اكشن ع رومانسي ع كلها يانا عليا في خلال نص ساعه
رحمه: كرت رحاب من يدها وجبتها ع سرير . احكي ياحيوانه شن صار
رحاب: عرفتيه محمد الي حكيتلك عليه يبي يحكي امعايا ويدزلي
رحمه: اها كنا
رحاب: اليوم ياحنه صباني يحكي امعايا بنخطبك وغرضي شريف وجاي من باب وكلام هذا
رحمه: هييي باهي
رحاب: وياحنه عمتك رحاب مصبيا وناقش فيه
ويطب عليا معتصم
رحمه: فنصت اعيونها . هييييييييي. شن دار حي عليك وانا انقول جوكم في سياره عجبنيش
رحاب: تي اسكتي خليني انكملك انا في بدايه خفت كيفك وقلت حي عليك يارحاب نهايتك اليوم
بس بعدها شكرت ربي وحمدت ان صار هكي
رحمه: باهي هيا احكي بسرعه جا معتصم شن دار
رحاب: عطاني نظرتا عرفتيها الي بعد يرقالا وبحت في محمد وقالا تفضل ياشاب وتمو يتنابشو بكلام
ويتعاركو اشويه محمد قعد يحكي بصوت عالي مع معتصم
بحت فيا ودفني وقالي امشي في سياره وقال للمحمد اطلع برا نحكو
بعدها محمد قالا لالا احكي هنا اشويه معتصم قالا بنات وجامعه ماتجيش تعالي برا
وعدا محمد قدام معتصم ولحقا معتصم
رحمه: هييييييي باهي
رحاب: خلاص انا بعد شفت معتصم لحقا قلت خلاص اتصير عركه كبيره وبسببي انا قعدت نمسك فيه ونجدأ فيه يرد امعايا
رحمه: عنجد يرد معاك امالا مش عصومي كان رد وفات العيل
رحاب: نحكيلكش ع تسكير الراس بحت فيا وفنص فيا وقالي بكل عصبيه لعند عروقا بانن عدي اركبي في سياره
وطلق يدي وعدا
انا دوريني وقتها ماتلقينيش عارفا خلاص قعدت نبكي وبنات جني يهداً فيا وحمدت ربي جامعه فاضيه نصهم مروحين
رحمه: باهي الحمد الله كان ماهذا التم عليك القسم كلا.
رحاب: بعدها قعدت قريب ربع ساعه
ويرن موبايل معتصم . رديت ويعيط عيطا وينك انتي مش قتلك في سياره اطلعي توا سكرت منا وقلت للبنات اوكي وطلعت نرعش قلت ونتخايل في شكل معتصم دم ومضروب
مشيت للباركي وين ماديما يدرس وصبيت انبحت فيه وتريحت بعد لقيت شكلا كيف ماهو غير ان معصب بس
ضحكني فنص فيا قالي كنك اتبحتي تعالي اركبي
جيت ركبت ويطلع يسوق بسرعه خفت انديرو حادث قعدت انتعارك انا وياها
رحمه: حي ع هبلا طبعا لسانك مايريحكش لازم من عركا نقصا الراجل
رحاب: اسكتي المهم انتعارك كلمه مني وكلمه منا وانت وانتي
ومنندري ع عمك معتصم مدرس ع يمين ويمسكها فرينو لعند قبل طلعت من قزاز القدامي
رحمه: باهي
رحاب: ويعيط عياطا ويقولي انحبك ياحماره انحبك
رحمه: ههههه يانا عليا كذابه
رحاب: تضحك وراسك انتي انا بعد قالها خلاص عرفتش شن اندير نعيط نضبطا نبكي نهزبا خلطن عندي ونصدمت
رحمه: انتي شن قتيلا بيش قالها لكي ونطقتيه
رحاب: نحنا انتعاركو كنا وكنت نحكيلا بعناد ونقولا انت شن دخلك وهو معتصم كلمه هذي ديما يقولي معش اتقوليها ليا يارحاب وانا سكنتلا بيها قعدت انقولا انت شن دخلك وتدخلش في حياتي اتحقني مصبيا مع اين حد تدخلش بصفتك شنو اساساً بيش تدخل المهم من كلام هذا وهو دما فاير وخلاص اعصابا تحت الصفر عدا عيط وقالها ليا
رحمه: خلاص الراجل حرقتيلا دما صدق بعد عصومي نوعيتا مسرع مايتعصب
رحاب: يانا عليا من عصومي ومن كل شي فيه تي يغار بطريقه غريبه
رحمه: ههههه حتي بعد قال انحبك مش كيف الناس بكل هدؤ ورمانسيه لا قالها بأعصاب وعياط واخره ياحماره ههههههه
رحاب: هههههه صاح والله قبل بنقولا انت لحمار بعدها سكتت وهدتني كلمة انحبك ههه
رحمه: اصلكم انتي وياه حمير
رحاب:  طلقت في رحمه مخده .باهي يا كلبه معش تغلطي
رحمه: باهي كنك مارديتيش عليه انتي ونهيتيلنا هالقصه
رحاب: تي موقف صعب بكل تحسبيه عادي تي والله واعره انا ديما انقول بعد يقولها ليا نقولها له دغري بس طلع عكس تي موقف مش عارفا كيف نوصفا لكي
اول شي كنت منصدمه وتاني حاجه عصومي نطقها قالها في وجهي انحرجت وازلطت ثالث حاجه ماصدقتش قلت بالكي سمعت غلط
قبل بكيت
رحمه: صاح معاك حق هو يقولها لكي في موبايل تفرحي وتنحرجي مابالك وجها لوجه
رحاب: اها صعبه بكل . بس توا شن اندير نبيه يعرف اني انحبا
رحمه: لالا
رحاب: شنو الا لالا
رحمه: عذبيه خليه يتعب اشويه اخره ماتقوليهش له بالساهل
رحاب: مازلت بنرجا في عينك
رحمه: ياغبيه اثقلي . وصليه للجنون احرقيلا اعصابا اقل شي الاسبوع هذا
رحاب: بس حرام عليك كنك هكي انتي
رحمه: غير ديري كيف مانقولك مش مره الاوله شفتي كيف نجحت امعاه الطريقه لما استكردتيه قعد يدور عليك حتي توا نفس الشي ديري
رحاب: ربي يصبرني مع اني خلاص مش قادره بنقولا وانا انموت فيك
رحمه: تو تقوليها بس خليك تعبيه اكثر ياغبيه
رحاب: اااه احلا يوم واحلا سنه واحلا ساعه امعاه
رحمه: حي حي
رحاب: والاغنيه جت في وقتها عليك صدفه
رحمه: اها سبحان الله
رحاب: يانووور عيني ضميني حسيني.
تي حستك وضامتك ونحبك ههههه
رحمه: ههههههه حي بدأ لهبال
فتحيه: فتحت باب. هييييي مازالتن ماغيرتن دبشكن
رحمه ورحاب: فجعتينا ياماما عليك عتلت باب
فتحيه: راح سوكن ياحناتي . ونوضن غيرلي دبشكن نحسبكن الا غيرتن لكن ساعه ونبي فيش اديراً بس
رحمه: نهدرزو كنا
فتحيه: باهي غير غيرن وتو تهدرزن وهيا انزلن تغداً امعايا راه ضايق علمي باتكن مسافر وانتن مكنش قاعدت ولعيال مش قاعدين
رحمه: سفيان وين مازال في جامعه
فتحيه: لا سفيان كيف قلتا روح وركب غير دبشا ورقد
حتي قتلا اتغداء قالي عنديش نيه
انظر كنا حسيتا زعلانه فهمتش
رحاب: اكيد ماحلش في امتحان
رحمه: هههههه حيوانه راه يسمعك يضربك
رحاب: يضرب عينا
فتحيه: باهي هيا سقدني تو نسخن علي مانزلتن ياعرايس
رحاب: ان شاء الله يارب انتعرسو
فتحيه: حبه ان شاء الله هذي لاحشم لاجعرا
رحمه: ههههههه
رحاب: سنه الحياه يا فتوحا عادي شن تبيني انقولك ان شاء الله انعنز عندكم
فتحيه: لا ياحنه ان شاء الله نفتك منكن ونتريح عليكن
رحمه ورحاب: امين
فتحيه: هزت براسها وابتسمت . وطلعت من دار
وقعداً البنات يغيراً في دبشهن
ونزلن لوطا يتغداً ورحاب كان كل تفكيره طول الوقت في عصومي وتذكر في الي صار كلا وتضحك .
ورحمه اتنابش فيها وتقوللها ياحماره وتغمزلها