الـحب الأعـمـى

الـبـارت 56

{ الحب الأعمي }

الحلقه 56

معتصم:هيا انزلن
نزار: نازل من سيارتا . اوووو . وين كنتو
معتصم: كنا نبرمو في لبلاد
نزار: غريبه مش من عوايدك احمار من بيموت الي وخذهن
حتي انا الي خوهن عمري مادرتها
معتصم: هههههه اصلك مسخ عرفت عليش
رحاب: شكراً ياعصومي احلا ادهويرا
معتصم: ابتسم. العفو تو كل اسبوع انطلعكن شن رايك
رحمه: شكراً واااجد والله طلعت اصلي
معتصم: خشي جوا انتي بيش تنضربيش يافرخه
رحمه: ههههه باهي
تصبح علي خيير
معتصم: قدامكن الخيير

نزار: باهي قولي كيف الطالعا هذي
معتصم:شي يارا كنك نفختهن . حرام يعني كان خذيت بنات سيدي وبرمت بيهن يانقصي
نزار:تي مش قصة نقص ياتافه نحكيلك يعني شن جد عليك رايح عاقل وكابر 
معتصم: هههههههه ننقنك واطي
نزار: والله وينك رجيتك امبدري علي اساس نطلعو مع بعضنا
عديت وزعتني
معتصم: لا والله مش قصة وزعتك بس ياسي عديت تلقيت مع بو راس
نزار: اها شن جو
معتصم: تمام والله
نزار: باهي
معتصم: خلاص مشيت نحكي معاه عندي موضوع الفرخ هذكي
نزار: شن صار فيه
معتصم: اسمع . خليني نخش نخذلي دش ع سريع وتعال برا نكسدو ونحكيلك
نزار: تم اصلا حتي انا نبيك في موضوع
معتصم: باهي خلاص معناها

وخش معتصم الحوشهم ونزار خش لحوشهم

فتحيه: ها شن جو الدهويرا
رحاب: عادي برمنا في بلاد وخذلنا معتصم شكلاطات
فتحيه : باهي مره ثانيه قولن ياحناتي انكن طالعات
مش تطلعن من غير ماتحكن اتقول عيشات بروحكن
رحاب: جت ع سريع ومعتصم مستعجل خشينا نجرو لبسنا بلطواتنا وطلعنا قلنا انكلموكم انقولها لكم
جمال: حصل خيير خلاص . غير امكن دايره موضوع

نزار: سلام عليكم
كلهم: عليكم السلام
فتحيه: جيت
نزار: لالا مازالت برا
فتحيه: باهي ياحانط متعشي
نزار: اها تعشيت . بس في طويست شاهي خضر
فتحيه: لا مافيش للاسف مادرتش
نزار: انتي شن تعرفي اديري يافتوحا
فتحيه: نزي.  فكني من منبشتك .
نزار: تو نعدي لحوش جدي نشرب طويسا لمقنطا جنب امي عزيزه
جمال: وعدي من ماسكك
فتحيه: والله
نزار: تؤتؤ غير بشويش بس هذا كلا لاني قلت شن تعرفي اديري
فتحيه: لا ياباتي 

نزار: رحاب
رحاب: نعم
نزار: حدديلي سورية امتاعي
رحاب: عدي روح
نزار: قدها انتي كلمة هذي
رحاب: نزار خطاني راه تعبت من دهويرا بنخش نرقد بكره ورايا محاظره
نزار: كنك تعبتي كنتي شايلا سياره علي ظهرك
جمال: خلاص ياليد خاطا اختك
نزار: معناها رحوما تو اتحددها
رحمه: باهي هيتها
نزار: تي ننقنك صقع خيير من جيفا هذكي
رحاب: كشخت عليه
نزار: كنا وجهك اصفر انتي
فتحيه: حتي انا حسيتها .
رحمه: زمطت ريقها . باهي حطلي سوريتك تو نحددها
فتحيه: مش منها وجها اصفر من هالسهر علي هالدامر الي ينقلا النت
جمال: مش كويس يابابا افطنن لروحكن والي صحتكن
رحاب: باهي ان شاء الله . هيا يارحمه صبي وريني الصور
رحمه: صبت وركبت هيا ورحاب للدار