{ الحب الأعمي }
الحلقه 51
هيثم: يوووسف
يوسف: خلاص وسعلي بالك واهدأ يارا
هيثم: يوسف ياعطيني مفتاح سياره والله راه انروح تشيير
يوسف: والله وحدك مانك مروح تو نروح انا معاك
هيثم: رقالا. باهي هيا
وكنا كلنا مصبيين ومش فهمين شي غير ان جا هيثم وقعد يقول عطوني مفتاح سياره ويبي يروح
وكلهم يمسكو فيه ويهدو فيه وهو كان شايط
التمو معتصم ونزار وجا فيصل ومنذر ع هيثم ويحكولا
ونحنا صبايا كل وحده مصبيا في مكان ومش فهمات شي
وعلي وابراهيم عدو بعيد يحكو مع بعضهم
يوسف: قرب وجا عندي وكانت جنبي رحاب .
حياه وتي ساكونا والبسي وهيا بسرعه
انا: باهي
وخشيت نجري وخشت امعايا رحاب اتساعد فيا
هيثم: خلاص ماحد يحكيالي
فيصل: اهدأ وان شاء الله مايصير الا كل خيير
هيثم: ان شاء الله وين اتشوف فيه الخير هذا
تي هيا يايوسف
يوسف: باهي نجيبو سكوات وانت مركب تو نطلعو بشويش بس
شفتنا واجدين لازم يمشي حد امعانا
نقصو العدد سيارات سدنهمش كلهم
هيثم: ماشي باهي
وخش هيثم جوا لم الشنطه امتاعا
وعزقها في كوفني من لورا
معتصم: حتي نحنا انروحو عندنا عليش قاعدين
فيصل: استغفر الله تو جدي وقت كلام
نزار: مش عارف يارا عايله غالي ع امها النكد
منذر: اششش ياشباب فكونا معانا راجل براني فكونا من كلام قداما
معتصم: تي صبح مز..... عرفتا انا من بدايتا
هيا لمو اروحكم وروحو كيف بتكملو الزردا
ويوسف وهيثم مش قاعدين
تقعد زردت امزاط ونكد
فيصل: غير خليهم يطلعو ويجي جدي من غادي هو وباتي وتو انلمو اروحنا ونعدو
طلعت وخذا يوسف مني الساكو وحطا في سياره
وركب هيثم وركبت انا ويوسف وطلعنا
وكلهم كانو متنكدين وجوهم شين
يوسف: باهي احكي شن قالك وشن صار
هيثم: يمسح بيدا ع وجها
عادي اندخن ولا حياه تنغم
انا: لا عادي خوذ راحتك
يوسف: عادي حياه .دخن . واحكي ولا تبيش تحكي
هيثم: لا مافي حد براني حياه منا وفينا
وتعود عليهن هذينا اوامر الحاج علي وقالها بهزوأ
يوسف: يسوق باهي ممكن اتقول شن قال مزطتني راك
انا: خبطت بيدي ع كتف يوسف
وقتلا بشويه عليه
هيثم: يوسف ماتنفخهنش ليا راه رقيلي وعنديش نيه نحكي بكل
الزبده يبي يجوزني فرخا مواليد 98
وانا شايب مش شايب انا باتها كان مجوز راني ضانيها
يوسف: ومن بنت هذي
هيثم: حفيدت المرحوم الي الله يرحما ميتا جت ع راسي انا
يوسف: سيدي مفتاح
هيثم: اها مرات اولد عندها بنت ولما مات رجالها سيبها عمرها سنتين
وهيا ربتها ورباها امعاها سيدي مفتاح
وتو البنت خوالها بيجوزوها واحد معروف سكار ومايوعش بيش يفتكو منها وتقعد امها بس عندهم وعمامها قطعو ايديها منهم
المرأ كلمت باتي وقالتها له وعدا سأل عليه وهكي لقاه مش تمام
وقالي خوالها مافيهمش مخش هما واحدهم صياع ومتعين شر
قالي فيش حل غير اني انجيبها يالايا هنا لان هذي امانه
ومالقيتش حل ايخليها اتخش العايله وتقعد بينا وقدام اعيوني غير اني انجيبها كنا ليا وتجوزها انت
يوسف: معقوله جدي
انا: كنت نسمع ومنصدمه . وجعني هيثم بكل وجعتني اكثر البنت وقصتها
وصدمني جبروت جدي علي الي عشان مساعدتا للناس وحفظا للامانه عفس ع مشاعر ولدا واصر عليه يجوزا لها
أنت تقرأ
الـحب الأعـمـى
عاطفيةطبعآ هياا روايةة منقولهه مش انا اللي كتبتها بس هيا عجبتني وحبيت انزلها ع الوات باد❤
