الـحب الأعـمـى

الـبـارت 67

{ الحب الأعمي }

الحلقه 67

هيثم: مد يدا اهلين
البنت: مدت يدها وهيا ترعش وصوتها دوبا طالع . خيير
هيثم: يبحت فيها وهيا مطبسا راسها ومنحرجا . احم مبرووك
البنت: الله يبارك فيك
هيثم: شن اسمك
البنت: ساره 
هيثم: عاشت الاسامي يا ساره 
ساره : سلمك
هيثم: عادي تقدري ترفعي راسك. يبحت فيها وعقد حواجبا
ساره: رفعت راسها وابتسمت  وجت عينها في عين هيثم  ولحظت خط بين حواجبا طالعلا من عقدتا لهنا. وقعدت اتبحت في ملامحا الجذابه  
هيثم: يبحت  وساكت في لون اعيونها الاصفر وحواجبها السود وشعرها الي كان اسود طويل تحت ظهرها
هيثم: مواليد. الكم انتي ياساره
ساره: 97
هيثم: مشاء الله
ساره : ممكن نسألك سؤال
هيثم: تفضلي
ساره: بتخليني انكمل اقرايتي
هيثم: اها أكييد . انتي تقري ثالثه ثانوي صاح
ساره: اها السنه اخر سنه
هيثم: وتمشي للمدرسه
ساره: لالا .انتسبت السنه .لان خوالي  ماخلونيش انعدي للمدرسه قلولي انشيلوك ع الامتحانات
هيثم: آها باهي
ساره: كيف حال جدي علي
هيثم: كويس . يسلم عليك . انتي تعرفيه شيفتيه ولا بس تسمعي عليه من مرحوم كنتي
ساره: لانعرفا ديما يجينا كان ونحكي انا وياه وجدي الله يرحمه . وفي الفتره هذي ماسيبنش انا وماما عند خوتلي كل بعد فتره كان يجي يشوفنا
هيثم: اها
ساره: سكتت
هيثم: بحت فيها وساره اتبحت لوطا
ساره: هيثم. انت مواليد الكم
هيثم: بحت اشويه وسكت. انا جدك
ساره: عقدت حواجبها. كيف
هيثم: يعني انتي موافقا عليا ومش عارف مواليدي علي اساس
ساره: استغربت للاسلوب هيثم الي كان فيه نوع من تكذيب
ساره: لالا نعرفش شي عليك غير ان اسمك هيثم ولد جدي علي . هذا عليش استغربت بعد نديتك بأسمك. مش معنا نعرف اسمك معناها نعرف كل شي عليك          
هيثم: اها . باهي شن تبي تعرفي عليا
ساره: تو نتعرف عليك بعدين
هيثم: عقد حواجبا. وسكت
ساره: سكتا . وقريب تبكي
هيثم: راضيا ع زواج هذا
ساره:  انصدمت من سؤال الي كان محرج بالنسبه لها . وسكتت
هيثم: احم. سكوت علامة الرضا
ساره: مش شرط
هيثم: شن الي مش شرط
ساره: ان السكوت من علامة الرضا اوقات واجد يكون من علامات الاحراج 
هيثم: استغرب رد ساره عليه وكيف كانت واثقه من روحها وقويه في رد عليه
وانتي عليش انحرجتي يعني
ساره: في حد يسأل سؤال هذا بعد قرأ الفاتحه
هيثم: ماجتش فرصه اني نسألا قبل الفاتحه
ساره: يبقا مجبور 
هيثم: انصدم من رد ساره القويه الي متوقعش . لا من قال هكي 
ساره: شاب ولد عايله ومش نقصك شي تقبل تجوز وحده وتقرأ فتحتك عليه بدون حتي ماتعرفها . غريبه اشويه
هيثم: اممم. لا مش غريبه عادي اتصير
ساره: ممكن
هيثم: الغريب. ان بنت في جيلك تقبل بواحد كبري انا .
ساره: لا مش غريبه عادي اتصير
هيثم: ضحك. اتردي في نفس الجواب انتي
ساره: ماقتنعتش
هيثم: بصراحه . لالا
ساره: ولا انا
هيثم: بحت في ساره . انتي اتعاندي ولا كيف
ساره: لا ليش حسيتني انعاند فيك
هيثم: لا حسيتك هكي قاعدتيلي بالمرصاد وكلامك واتي 
ساره: هههههه لا عادي انا هكي. واسفه لو حسيت ان كلامي في نوع من لعناد
هيثم: لا عادي ولا يهمك راجلك خوذي راحتك
ساره: في عقلها. واضح بكل
هيثم: اممم . باهي . انشوفك وتو نحكي معاك ع موبايل
ساره: ان شاء الله
هيثم: عندك موبايل
ساره: عندي اها
هيثم: باهي . شوفيلي طريق . بنطلع
ساره: تفضل
وجا هيثم بيطلع
ساره: واضح ان عندك نيه تحكي امعايا ومش مجبور 
هيثم: التفت . كيف
ساره: بنص ضحكا . شي
هيثم: لا فهميني كيف
ساره: جت بتحكي جا خالها قطعهم
خال ساره: هيا يانسيبنا . مبارك ياعرسان
ساره: بحتت في هيثم. الله يبارك فيك
مع سلامه
وخشت جوا وسيبت هيثم حاير ويفكر في شن قصدها وفي نظرتها الاخيره له