الـحب الأعـمـى

الـبـارت 42

{ الحب الأعمي }

الحلقه 42

يوسف: هيا تو فهميني كل شي
انا: انا شن انفهمك يايوسف فيش شي انفهما لكي
وبجد راه انا تعبانه عنديش نيه نحكي
يوسف: صبا وعيط بصوت عالي عند نطيت
حيااااااااه ماتنرفزينيش
تو تحكيلي وتفهميني سبب تصرفاتك هذينا عليش
وماتقوليليش تعبانه وعنديش نيه
فكيني منهن لطروح هذينا وتو تحكي خير راه ماتشوفي وجه تاني ليا راني مازالت ماسك اعصابي
انا: لما عيط يوسف خفت من عيطتا وكان يحكي عند عروق رقبتا بينات
ورقها ليا يعيط ويهزب وضربني كف ويقولي كنك
يعني ع اساس هو مش عارف الي دايرا والي قايلا فعلا مقوا عينا

يوسف: احكي قتلك مش تسكتي
انا: معش اتعيط في وجهي افطن لروحك مش ساد الكف الي ضربتا ليا ومش ساد قاعده معاك غصبني عني
فتبيني نقعد هنا معاك احترمني وماتعدش حدودك امعايا يايوسف
يوسف: تي حدود شنو تي انتي مجنونه ولا كيف
انتي عارف الكف هذا عليش لانك اتشبهي فيا بواحد ف.......
يلعن ام الشيطان بكل هيا  لواحد يقعد يبيش يفلم  وتخليه يفلم وانا ماسك اعصابي عليك ليا يومين وانتي تصرفاتك غلط تي حتي عليش اديري هكي مافهمتش انا
معطيتينش حتي فرصه نشرحلك شطحتي مره وحده وكسرتي الدار
شن هذا شنووووو اها قوليلي ليش هذا كلا ازف
انا: ربعت ايديا ونحكي ليوسف بكل برود
اها ع اساس انت مش داير شي ياملاك انت ياطيب صاح هكي ماه
يوسف:  عطاني بظهرا وحط ايديه ع وجه وقعد يمسح عليه
استغفر الله ياربي تبي اتجنني المرأ
تي شن درت يابنت الناس شنو الي درتا

تي عارفا انا وقت الي جبت النم هذي كنت نحكي معاها
وهيا استفزتني بكلام خنقتها وفجأه ارتخت في يدي خفت روحي نقعد قتلتها وقتها كان رقيلي لدرجة ماحسيتش ع روحي الا وانا نخنق فيها
وجبتها مش خايف عليها كيف ماتوقعتي كنت خايف انكون قتلتها
وعارف روحي غلطت معها كنت نخنقهش هذا سبب خوفي مش لاحب لاشي
اقسملك بالله العظيم
انا: كنت نسمع في كلام يوسف وفي نفس الوقت نبي انصدق ونبيش انصدقا مش عارف حسيتا صادق بس كلام الي قالتا ليا اميره منين جيبتا كان مش يوسف قايلا
معش عرفت
يوسف: بس هذا الي صار ومافيش منا كلام الي في عقلك والي تفكري فيه قاعده الي خالك تصرفي هكي زي الهبلا 
انا: سكتا
يوسف: باهي تصرفاتك علشان هكي
انا: تنهدت
خلاص مش كملت كلامك ممكن اتسيبني نرقد
يوسف: كنك هكي انتي
انا: ماكني شي يايوسف سيبني بروحي لو سمحت
يوسف: تي ماهو حكيتلك الي صار كنك انتي لعند وين بتوصلي
انا: اها وتبيني انصدقك يعني توا ولا شنو
يوسف: فنص قصدك مش مصدقا انتي
انا: لا للاسف عنديش فيك ثقه لا انت ولا بنت عمتك شن عرفني انا بيك وبلعبكم
يوسف:عيط حيااااه تحكي بجد انتي
انا: اها نحكي بجد ومانبصرش شن عرفني انك اتقول في الحقيقه
انت اساساً حتي حبك ليا شاكا فيه
يوسف: كلام جديد هذا وامتا شكيتي تو بعد تعاركنا ماهو كنتي امعايا طول الفتره الا فاتت اها من قبل انحبك كنت وتو نحبكش يعني
انا: اها ايوا اصلا انت حبيتنيش من الاول انت كنت بتنسا وبس يايوسف
وانا طبعا لعبه الي في يدك وقت الي تبيني اتجيني يعني انا بالنسبه لكي فراش و قطع كلامي 
يوسف: جاني بسرعه وقرب مني وحط يدا ع فمي وسكتني
وضغط ع اسنونا ويحكي بأعصاب وعروق رقبتا بينات 
اسسسسس اسكتي نبيش نسمع منك كلمه اخره قاعده اتلبزي وتقولي في كلام غلط في غلط وخربتيها بكل راك بعصبيتك الزايدا ياغبيا