الـحب الأعـمـى

بـاقـي الـبـارت 97

{ الحب الاعمي }

الجزء الثاني من حلقه 97

نزار: قعد يبرم ورقيلا ويفكر في معتصم . شاف يوسف ،جاي عدا شورا ،شن صار
يوسف: هديتا اشويه بس عدي اقعد امعاه وهديه وحاول تقنعا وقولا ماتعندش جدي وخليه ع يوسف
نزار: باهي وانت بديرلا حل صاح
يوسف: اميد ان شاء الله امالا نلعب عليه
نزار: باهي تمام تو نمشيلا
يوسف: رد بالك منا
نزار: تمام

وعدا نزار للمعتصم. ويوسف مش شور هيثم

هيثم: شن جوا توا
يوسف: كويس .
هيثم: تو حكيتلا ان ماينفعلش ويسرع بس مابش يسمع الكلام
يوسف: وهو يطلع دخان . ويحط سبسي . في فما ويولع بالولاعا. الله غالب ماتلومش عليه
مازال اصغير وبعدين صعبه عليه
هيثم: بس عصومي راجل . مانحسبش يدافع للدرجه هذي علي قراره . كنت نحسبا طيش وفتره وتمر وبعد يتحارب تو يمل ويفوت
بس صدمني بعد قعد مصمم ويحاول لدرجة خلا باتي يخاف ويسفرا برا ليبيا
يوسف: ينفخ في دخان. وجدي عليش الجو هذا . ليش انت ماقتليش من الاول قبل ماتقول للمعتصم
هيثم: وانا شن عرفني انك بتحكي مع باتي .توا كيف عرفتها من نزار قالي يوسف قاللنا ونحنا في مستشفي معش تحكو وخلو الموضوع شوري
يوسف: اها انا قتلهم هكي. غير صارتلي حملت حياه ولهيت فيها وقعدت نماطل في موضوع معتصم
هيثم: وباهي بتحاول مع باتي
يوسف: ان شاء الله
هيثم: غير ان شاء الله يقتنع بس منك
يوسف: وهو ينفخ في دخان. لا ان شاء الله يقتنع
هيثم: والله يرا عليك وجيج معش عرفنها من وين نلقوها ولا من من
يوسف: الله غالب . ماعندنا مانديرو
هيثم: ان شاء الله خير
يوسف: ان شاء الله. وعزق سبسي. وعفس عليه بكرعا . قولي انتي شن صار عندك
هيثم: في شنو
يوسف: في شنو يعني . في عروسك ياعريس
هيثم: شي قعدين شن بيصير يعني
يوسف: مانكش طالع بيها شهر عسل
هيثم: لا والله مش فاضي عندي شغل وااجد بنديرا
يوسف: شغل شنو هذا من ورانا يامعلم
هيثم: لالا بنبني شقه اخره وحال الغايه انكلها في رمضان او بعدا بكم يوم
يوسف: استغرب.عليش وكنها شقتك
هيثم: لا مكنها شي.بس الي نبي نبنيها للثانيه
يوسف: انصدم. ثانيه
هيثم: اها ثانيه كنك انقول اول مره تسمعها انت مانك عارف
يوسف: لا عارف بس مانحسبكش بسرعه هذي
هيثم: خلاص. هذي الامانه الي خايف عليها باني جبته له وانا من نحيتي مش حينقصها شي . ومن حقي مجوز ثانيه الي حتكون من اختياري وبرغبتي
يوسف: بس مش بدري تجوز عليها وهيا يقعدلها شهرين بس عندك
هيثم: توا شن تفرق شهرين ولا سنه ماهو بنجوز علي كل حال . وبلا تمثيل علي بعضنا
يوسف: غير اصبر ياراجل بالك تعلق بيها بنت كويسه ويتيمه وماعندها حد غيرك
هيثم: ياطيري. ماتنفخهنش ليا . انا قراري واخذا من قبل ماشي يردني عليه
يوسف: والله علي كيفك انت ادرأ بمصلحتك. عندي عليش انشف في ريقي معاك
هيثم: ايوا اشق انت بهلك وعيشي حياتك . وخليني انا نعرف شن اندير قاعد
يوسف: براحتك .
هيثم: باهي خليني نخش .تعرف مارقدتش كويس امس ونحس في روحي نعسان ومدهكل
يوسف؛ عدي توكل
هيثم: تصبح ع خير
يوسف: قدامك الخير