الـحب الأعـمـى

الـبـارت 16

{الحب الأعمي}

الحلقه 16

يوسف:حياه
انا: نبكي من ألم الي في كراعي
آهاااا
يوسف: جا وطبس عليا وقعمز ركبا ونص
منين توجع فيك كراعك
انا: نبكي لا ن انفصعت فصعا قويه
من هنا توجع فيا
يوسف: اكيد ألتوات
ومسك يوسف كرعي وحول السندل امتاعي
ومسك كراعي من تحت بحنيه  وقعد يحرك فيها وانا انعيط

انا: ااااه لالا ماتحركهش
يوسف: لازم انردها لكي
انا: فنصت اعيوني  دمعا قاعدا في عيني ودمعا نازلا ع خدي
كيف اتردها ليا
يوسف: كرعك انفصعت لازم انحركها ع يمين ولا اليسار عشان ايرد العظم في مكانه كان ماهضا حتنتفخ وتتعبي منها يقولولا شعب 

انا: لالا الله يربحك هيا هكي واعره
يوسف: تحملي ياحياه حتحسيها مره وحده وتقعدي كويسا بعدها
هيا وصبا يوسف
ورفعني حط يد  تحت كرعيا ويد ورأ ظهري وجا راسي ع صدرا وكنت نبي من ألم الي كراعي . 

وانا : اول مارفعني قلبي تما يدق بالقوه لعند خفت يوسف يسمعا
وكانت بنت عطره اتهبل بكل الي خالطا مع بنت الدخان اتشيلك لعالم تاني

مشا بيا يوسف وحطني ع كنبه 

وقعمز ركبه ونص تحتي ومسك اكراعي  
انا: بنظرة حزن ونبحت في يوسف ودموع في عيني لا  والله واعره
يوسف: يبحت فيا وفي عيوني زين وضغط ع كراعي ولفها ع يمين بالقوه
ومن قوة الالم عيطت ومسكت في سوريته وكنت  اقريبا منا واجد وانا راسي ع صدرا  وهو راسا فوق مني بشويه رفعت راسي  
وبحت يوسف في عيوني من قريب
ونزلت دمعه ع سورية يوسف

انا: فطنت للوضع الي كنا فيه وحولت ايديا وخرت لورا اشويه
ويوسف ارتبك ولقا روحا ماسك كراعي
فكها بشويش وصبا

يوسف: تو ردت هيا حتوجعك اشويه تعرجي منها بس بكره تقعدي كويسا
وكان مادرتش هكي كنتي تقدريش اتصبي عليها من كثرة الالم الي فيها

انا: شكراً يايوسف
يوسف: لاعادي
هاكي سندل امتاعك
بعدين اسلحيه خيراك انتي كراعك توجع فيك ومش حتقدري تمشي بيه كويس
بعدين شكلك تعرفيش تمشي بالكعب هذا عليش طحتي

انا:مش متعودا عليه بس مش هو الي طيحني انا فطنتش للدرجات لان كنت لهيا في اسواره انسقم فيها وانسيت لدروج ع اساس انهن بعيدات مافطنتش الا وانا طايحا

يوسف: مش مشكله جاتك ساهلا بس مره اخره افطني . وضحك ضحكت الغرور الي يدير فيها ديما
مش قتلك بدوني تقدريش اديري شي وابتسم

انا: صبيت وكشخت عليه ومشيت وانا نعرج خشيت للدار
هل الحيوان هذا المغرور المتكبر حتي قلت حي غريبه انفجع عليا وكان حنون عليا بعد طحت طلع دايرها بغرور خزيه شن يحساب روحه
عن جد نقدرش اندير شي بلاه يحساب روحه مهم
اووووف وينها لخرا هذي

وطلعت كندره لونها اسود واطيا
لبستها وطلعت نعرج ونزلت من دروج ولقيتا مقعمز في صاله