الـحب الأعـمـى

الـبـارت 82

{ الحب الأعمي }

الحلقه82

هيثم: بحت في خالد . وهو رقايلا ومش طايق حد . وينها ساره
خالد: قاعده جوا معاهاالدكتور
صالحه: حطا يديها في بعضهن وتبكي ومتوتره وخايفه ع ساره .ومش عارفا شي
هيثم:قدم ع خالد . باهي ليش  حاولت تنتحر هيا .شن صار
خالد: زمط ريقا .وبحت في عيون هيثم .تو نحكيلك كل شي بس نرجو دكتور ويطمنا عليها بس
هيثم: وهو رقيلا . باهي باهي . والتفت بحت في عمران
عمران: جت عينا في عين هيثم . نزل راسا وقعد متوتر
هيثم: استغرب شكل عمران الي كان باين عليه اثار تخبيش وضرب .وحس ان شكلا مش طبيعي وان متعاطي حاجه من عيونا

وكان هيثم مصبي ويرجا قدام دار الي فيها ساره .ويفكر ان الانتحار هذا يكون بسبب معاملتا لساره .وقعد يحس بتأنيب ضمير
وخوال ساره وامها كانو بعاد من دار مقعمزين ع كراسي

دكتور : طلع وبحت في هيثم
هيثم: قدم ع دكتور . اهلين يادكتور . شن حالتها مريضه
دكتور: بحت في هيثم بنظرة حقد . انت شن اتكونلها مريضه
هيثم: راجلها
دكتور: عقد حواجبا . بس كيف
هيثم: شن الي كيف يادكتور . في شي
دكتور: جا بيحكي جت ام ساره وخالد
صالحه: شن يادكتور ابنيتي كنها
دكتور: اطمني ياحاجه وقفنا نزيف وماجتش ع الاوتار كان جرح سطحي
خالد: وهو متوتر محوتك بيش يحكي خايف دكتور يحكي شي. باهي نقدرو انشفوها يادكتور
دكتور: اها تفضلو
هيثم: شكراً يادكتور
وخش خالد وصالحه للدار الي فيها ساره وجا هيثم بيخش وراهم
الدكتور: يااستاد معليش
هيثم: التفت نعم
الدكتور: ممكن نحكي معاك
هيثم: اها تفضل يادكتور في شي بخصوص مريضه
الدكتور: اها لو سمحت
هيثم: خير يادكتور شغلتني فيها حاجه
الدكتور:ممكن تفضل معايا ع مكتب نحكو
هيثم: استغرب. وبعد لحظه من سكوت . تفضل
دكتور: هيا

وكان دكتور يمشي وهيثم يمشي جنبا وفي بالا يفكر دكتور شن يبي فيه

صالحه: خشت  وانهرت بكا وهيا  اتشوف في ساره راقده ع سرير ويدها يسار مربوطه من عند معصمها
ومركبينالها تغذيه ودم في يدها اليمين
وفي وجها اثار ضرب وكدمات ع ايديها ورقبتها وتخبيش

خالد: بحت في ساره  وحط يدا ع عيونا و دمعن
صالحه: قربت حبت ع  راس ساره وتمسح بيدها ع شعرها وتبوس في جبهتها
وتنزل اتحب ع يدها
كنك يااسويره انتحرتي ليش يا أمي درتي في روحك هكي
عارفتك اصغيره ومش حمل اتشيلي هموم
وعارفا انك مظلومه وعارفا ان عمران ضربك
بس ديما تعاركي انتي وياها ليش مره هذي انتحرتي اها قوليلي
خالد: انهر بكا وطلع من دار .معش تحمل يسمع كلام صالحه ويشوف ساره بالحالا هذي

بحت في عمران الي كان مصبي
عمران: شن حالتها
خالد: بعصبيه . ولك عين تسأل بعد عملتك الي درتها يا....
عمران: يحكي بندم. والله ماكنت فاطن لشي .مش عارف شي ومش مذكر حاجه من الي صار
خالد: مش منك من السم الي شاربا ومحششا ريح عقلك
خلاك ادير كارثه مش معروف كيف نطلعو منها
انت متصور حجم المصيبه الي درتها ليا
كان يعلمها راجلها يطلقها لكي وقتها تدبس فيها
واخر كيف تدبس فيها وهيا هكي
عمران: قعد يخبط بيدا ع راسا .ياريت ربي خذاني
خالد: ياريت خذاك قبل مادير هذا كلا. والله اعلم مايشكو فيك وتنسجن 
عمران: فنص اعيونا. لا ياخالد سجن لا .مسك ايديه خوه
انحب ع ايديك ماتخلوهمش يسجنوني
انت عارف شن معنا سجن وشن في .في سجن منقدرش انعيش كان انسجنت
خالد: باهي ياراجل اثبت كنك انت .ان شاء الله مايسجنوكش .وانا تو نبه ساره تحكيش وتقول انك انت الي جيت شورها
عمران: ايواا خش قوللها خش
خالد: خاليها اتنوض قبل بعدين نحكيالها. واسكت ماتقولش شي لحد حتي صالحه عندهش علم
قتلها انك انت تعاركت معاها وضربتها وهيا خشت انتحرت
عمران: يهز براسا .باهي باهي