الـحب الأعـمـى

الـبـارت 52

{ الحب الأعمي }

الحلقه 52

رحمه: رحااااب 😳
رحاب: كنك
رحمه: شن الي نزلتيه توا
رحاب: فجعتيني .
رحمه: راح سوك ياحنه . بس شنو البوست هذا
رحاب: خليني ساكتا راه تعبانه بكل وحتي نيه في دوا معنديش
رحمه: صارت حاجه . حتي بنحكيلك ع هناء
رحاب: خنقتها العبره . شفتي الحظ
رحمه: اوووف عليك قصه توا شن بيصير . بس عصومي يعرفش انها هيا
رحاب: بس يكلم فيها ويحكي امعاها يعني يحكي مع بنات. يعني انا شن بالنسبه له 
رحمه: باهي احكيلي شن صار بينك وبينا
رحاب: طلعت نبكي ولحقني بعد اشويه و........ وهذا الي صار
طلعت نحسابا يحبني ويبادل فيا في نفس المشاعر بس هو سكت مابش حتي يحكيلي بس معتصم عمرا ماحيتغير ولا حيحب لان تعود ع هكي
رحمه: سألتيه باهي
رحاب: عنجد نسألا انقولا اتحبني يعني
رحمه: اها مش اتحبيه
رحاب: حتي كان انحبا مستحيل انقوله له
رحمه: باهي تو شن بديري
رحاب: شي بنقعد كيف ما انا ونعتبر روحي ماحبيتش
رحمه: وتقدري
رحاب: حنحاول
رحمه: وباهي بعد اتشوفيه
رحاب: حنهرب منا
رحمه: لو صار موقف وانزريتي تقعدي امعاه
رحاب: حنبين ان مافيش شي
رحمه: لعند امتا
رحاب: لعند ماننسا
رحمه: وتحسابي هكي انك حتنسياه لان صعب عليك اتشوفيه وانتم في حوش واحد مع بعضكم
رحاب: عارفتها صعبا بس مجبوره نتحمل
رحمه: باهي افرضي كان يحبك ولو شاف معملتك هذي الجافه يبتعد عليك وضيعيه منك
رحاب: مايحبنيش قتلك
رحمه: وشن عرفك اذا كان انا ابروحي لحظت معتصم معملتا معاكي انتي غيرنا نحنا
رحاب: انتي تهيالك كيف ماصارلي انا وتوهمت بأن يحبني
رحمه: لالا في حاجه غريبه في الموضوع . معتصم مستحيل يلعب بيك وبمشاعرك انتي بنت سيدا ومستحيل يدير فيك هكي
رحاب: ضحكتيني وعنديش نيه نضحك
رحمه: والله نحكيلك من جدي لحظتي حتي في الحافله اغلب الوقت يبحت فيك
رحاب: بحتت في رحمه . كيف يبحت واجد كان فيا
رحمه: اها مافطنتيلش. غير مابيتش انقولك لان بنات جنبي خفتهن يفطناللنا 
رحاب: لا فطنت بس من كثر ماني مقهوره منا مابيتش انديرلا اي اهميه ومابيتش انعدل عليه
رحمه: حتي الاغنيه سمعتيها الي حطها بينا وواضحه عليك كيف عين الشمس واخره وقتها لما سمعتها حسيتها شورك وتو بعد عرفت الي صار بينكم تأكدت
وتقوليلي مايبادلش فيك بنفس الشعور حتي كان مايحبكش بس معجب بيك وتو اتشوفي كان ماطلع عصومي يبيك
رحاب: كان في خاطرها يطلع كلام رحمه صاح وتصدقا . بس في بالها ان معتصم مش متاع حب ولايمكن ان يحب
رحمه: هاي انتي وين رحتي
رحاب: ماتخلينيش انتوهم عالفاضي ونبني احلام وآمال وفجأه ننصدم خليني انتباعد قبل مانحبا اكثر
رحمه: بتسيبيه للهناء يعني
رحاب: كان يحبني صاح كيف ماقلتي اكيد مش حيكون للهناء وكان عندي فيه نصيب تو يجي لان انا عنديش نيه نتعب أكثر من هكي وننصدم
رحمه: آها وخلاص فعلاً ان الحب متعب وصعب بذات لو تفرقتي ولا حبيتي شخص من طرف وااحد بس
رحاب: وانا هذا الي نبيش انعيشا لان انا ضعيفه وجبانه مش كيفك قويه وقادره اتحملي
رحمه: تنهدت . وخطر عليها انسان حبتا لمدة سنه ولا شافها ولاشفاتا بس حبو حروف بعضهم وكان حبهم صعب يخليهم يرتبطو
رحاب: بحتت في رحمه . وعرفت روحها نكدت علي رحمه وذكرتها بيه
حبت اتغيرلها الجو قعدت تحكيلها علي قصة عمها هيثم