الـحب الأعـمـى

الـبـارت 93

{ الحب الاعمي }

باقي الحلقه 93

هيثم: قعد ساكت ويحك في رقبتا من لورا
ساره: اكيد انت تعبان وبدوش وبترقد . انسكر انا و انخليك اتريح
هيثم: جا بيسكر .بس صعبت عليه ساره .وحب ان يكسد معاها اشويه
لا عادي كان انتي مافيش شي وراك  انا عادي راه
  ساره: فرحت ان هيثم بيقعد يهدرز معاها. لاحتي انا مافي شي ورايا كسدت قلت بدل مانرقد لاني مكملتها نوم خليني نقرأ قرآن
هيثم: اها باهي كويس ع اقل اتمشي وقتك في شي تستفيدي منا
ساره: اها الحمد الله بعد نقرأ قرآن انحس براحه
هيثم: اكيد ألا بذكر الله تطمئن القلوب
ساره: ونعم بالله .فعلاً فيه راحه غريبه القرآن مهما يكون همك  كبير بمجرد ماتقرأه اتريح معاه
هيثم: ان شاء الله تقعدي ديما متريحا ومعش اتشيلي هموم .دبيني موجود كوني مطمنا
ساره: سكتت وحست براحه من كلام هيثم .
هيثم: كنك سكتي
ساره: لاشي .بس نبي نشكرك علي كل شي درتا معايا وقفتك معايا مستحيل ننساها عمري كلا
وحنكون مديونا لكي طول عمري
هيثم: ماتقوليش هكي هذي من واجبي اني انصبي معاك كان ماصبيتش معاك توا امتا حنصبي
ساره: بس مكنتش ملزوم وقتها
هيثم: لا ملزوم وقتها وتوا انتي مراتي عارفا شن معنا مراتي يعني بأسمي
ومستحيل حد ينكتب علي اسم هيثم ويقعد محتاج او نقصا شي
ساره: سكتت و لما سمعت كلام هيثم .قعدت تحس بأحساس غريب وبذات قلبها قعدت تحس فيه يدق بقوه
هيثم:  حب يكسر الصمت ،اكيد صوتك سمح صاح
ساره: مافهمتش .شنو قلت
هيثم: اكيد صوتك في قرآن سمح بعد تقريه
ساره: ابتسمت. عادي يعني
هيثم: لا انا متأكد ان سمح
ساره: بااستغراب. وشن الي يخليك متأكد
هيثم: تو نقول شي يوم من الايام عليش متأكد
ساره: يعني تبيش تحكي توا
هيثم: لالا كل شي في وقتا حلو
ساره: ابتسمت .باهي
هيثم: جا بيحكي . خشت إكرام عليه انتظار
ساره: ساكتا
هيثم: باهي نخليك تقري قرآنك ونعدي انا انتريح باهي
ساره: تمام باهي .تصبح ع خير
هيثم: قدامك الخير

وسكرت ساره وكانت فرحانه انها حكت مع هيثم واول مره تحكي هيا وياه بطريقه هذي

هيثم: ألو يالحب
إكرام: خيرك انتظار
هيثم: كنت نحكي مع ساره
إكرام: يااي علينا ماعيتيش وانت تحكي معاه هدي
هيثم: عليش كنك انتي
إكرام: انت تعرف اني نغار عليك ولاه
هيثم: باهي وانتي عارفا انها بتقعد مراتي وهي اصلاً توا مراتي .وانتي عارفا قصه عليش تغاري
إكرام: والله ياهيتم مانعرف علاش هكي يصيرلي مش بإرادتي بس لما نسمع سيرتها ننكلب .
هيثم: انتي هذا كلا مازلت ماخطبتك ولاقعدتي مراتي معناها بعد اتجي بتقعدي تغاري هكي
إكرام: اكيد لا يعني .غير توا بعيده عليك وهكي بس لما نكون بحداك خلاص حنطمن وقتها
هيثم: باهي ان شاء الله . راه انا من توا مانبيش مشاكل .قتلك ان زواجي بيها هكي لكن القلب انتي فيه . فانبيك تكبري عقلك وتقعدي مصبايا معايا مش ضدي
إكرام: حاظر انت اطمن بس ان بعد نزوجو مش حيصير هكي
هيثم: يانا عليا من العاقل وخلاص
إكرام: ههههه ويانا عليا منك .هكي تقولو فيها ولاه
هيثم: اها ماشاء الله بديتي تعلمي اهو
إكرام: ايه وحده وحده نبقا نتكلم شرقاوي مسكر
هيثم: باهي عطينا وحده رايفت عليك بالغرباوي
إكرام: هههه استحشتك هلبا
هيثم: وانا رايفت عليك واجد بكل
إكرام: باهي نقولك ع حاجه
هيثم: قولي .شنو
إكرام: اني ،وسكتت
هيثم: كنك سكتي . انتي شنو
إكرام: اني انحبك
هيثم: ابتسم.اووووو واخيراً
إكرام: أيه بلاش مسخره ماتحرجنيش
هيثم: وانا انموت فيك
إكرام: بالحق اتحبني
هيثم: لا بالبصاره انحبك
إكرام: غير قولي هيا ماتبقاش تتمسخر عليا
هيثم: كان مانحبكش بالصاح راه ماكلمتكش ولا تعرفت عليك مازال عندك شك في حبي لكي
إكرام: لالا بس نحب نسمعها منك نرتاح اكثر
هيثم: لا ارتاحي