الـحب الأعـمـى

الـبـارت 95

{ الحب الأعمي }

الحلقه 95

علي: في شغل عندي في تركيا ولازم واحد يديرا ليا غادي
هيثم: باهي . ومن هذا انا
علي : قبل نبيك انت بس بعد فكرت وبعد الي صار قررت ان معتصم هو الي يمشي
هيثم: وعليش تبيه يمشي وهو عند الكافي هنا مالش واجد كيف فاتحا
علي: مش مشكلتي الشغل انا.مشكلتي اني نبيه يتباعد من هنا
هيثم: استغرب.وعليش قصدك ع موضوع الي صار
علي: اها علي موضوعا هو ورحاب
هيثم: وباهي عليش اتباعد فيه مش انت رفضت خلاص خليه
علي: لالا لان هو توا مصمم وهي طهقا وتو بعد يتباعد ويسافر تو ينسا ويروح فايت الموضوع
هيثم: بحت في باتا وهو من جو رقيلا . والله انا ماعندي مانقولك انت دير الي تبيه
علي: كنك حسيتا مش عاجبك الكلام
هيثم: وشن حيغير سرا عاجبني ولا مش عاجبني
علي: لا هو مش حيغير شي بس نبي نعرف شن هو اعتراضك
هيثم: اعتراضي انك ماتوقفش في وجوهم وتباعدهم علي بعضهم خليهم هما الي يقررو كيف بيعيشو
وموضوع العايله مش هذا الي يجمعها ويفرقها مرات يصيراً حاجات ثانيات يخلي العايله تطرطش مش معتصم ورحاب هما الي طرطشوها
علي: لا اي شي ثاني مقدور عليه. الا الخطبه والنسب هو الي كان خلطت في بعضها معش تعرف كيف تدخل
لذلك مانعاً لاي مشاكل يقولو العرب الاوله اقطع عرق وسيح دما
وانا بننهي القصه هذي ونريح راسي ودبيني عايش وخشمي يشم في الهواء نحاول علي قدر مانقدر نخليكم ديما مرتبطين وماتفرقوش
هيثم: تنهد . باهي ان شاء الله خير .بس مافهمتش عليش حكيتلي انا .شن مطلوب مني اندير
علي: المطلوب نبيك بعد عرسك تحجزلي تذكره له وترتبلي اموره في تركيا
هيثم: باهي تو نشوفو راي معتصم قبل مرات مايسافرش
علي: مافيش حاجه اسمها مايسافرش انا قررت وماحد يكثر كلام ومعتصم حيسافر برضاها ولا غصبن عنا
هيثم: ياحاجه بنفهمك حاجه راه جيل توا مايبيش اعناد خوذا بالشويش وبالين وتو يدير الي تبيه بس تعاند ح يعاند ويسكر راسا
علي: ماعليك فيه خليه شوري معتصم انت دير بس الي قتلك عليه
هيثم: باهي ان شاء الله .وصبا بيطلع .ماتبي شي توا
علي: لا.
هيثم: وصل عند الباب بيطلع
علي: هيثم
هيثم: التفت نعم
علي: طالع برا ليبيا انت ولا لا
هيثم: لالا مش طالع
علي: وعليش .ماتمشيش كم يوم تغير جوك وجو البنت
عيثم: وراي ميت موضوع مش فاضي .بعد نفضا تو نطلع
علي: تنهد. ياهي ان شاء الله خير .عدي تو اربح
هيثم: اوكي

وطلع هيثم وهو رقيلا ومضايق من باتا ومن القرار الي خذاه ع معتصم
ركب سياره وطلع . وهو في طريق
رنت عليه إكرام

إكرام: الو
هيثم: الو شن جو
إكرام: تبكي . تعرف من بكري واني انرن .
هيثم: عارف والله كنت نحكي مع شباب وبعدها باتي ونسيت موبايل في سياره مانندريش عليه
إكرام: انخلعت قولت شكلا ماعش بيرد عليا
هيثم: معقوله وانا نقدر مانردش.بعدين كنا صوتك .تبكي انتي ولاشنو
إكرام: ايه كنت نبكي
هيثم: وعليش كنك
إكرام: تحكي بالحق انت .وتسأل فيا خيرني
هيثم:تنهد. تو ليش لبكا مانك عارف كل شي انتي
إكرام: ماقدرتش واعره عليا تعرف نار قايده فيا
هيثم: عارف والله انها صعبه عليك .بس تبقا صعبه لو انا نبيها ونحبها . لكن انتي عارفا ان زواج شكلي بس
إكرام: ايه نعرف .بس لما تجيني فكرت انك يكره بتأخدها وبتعيش معاها تحت سقف واحد وبيتكسر عليكم الباب .خلاص معادش نقدر نتحمل
اعييت من تفكير عييت
هيثم: انتي شيلي تفكير هذا من بالك وفكري في اني بعد كم شهر هكي حنأخذك وتقعدي انتي هيا مراتي صاح ويسكر علينا باب
إكرام: باهي اوعدني انك تخطبني قريب
هيثم: والله وعد حنخطبك
إكرام: لا اوعدني ياهيثم انك بعد العيد هدا الصفير اتجي وتخطبني اهو نعطيك شهرين قدامك وتجي تخطبني فيهم
هيثم: سكت
إكرام: خيرك سكتت ماتبيش
هيثم: لا نبي بس شهرين اشويه
إكرام: مادخليش اني .كانا تبيني بالحق عندك شهرين اعطيتهملك اعتقدت ان هلبا شهرين
ساد واني نرجا واني قريب ننجن بنهبل تعرف شنو معنا بنهبل حس بيا
هيثم: باهي حاظر شهرين شهرين انا قتلك ان زواج شكلي. وعد مني بعد رمضان العيد الصغير انجي نخطبك
إكرام: ابتسمت . حقا
هيثم: والله وعد راجل
إكرام: ايه نعرف انك راجل و وعدك وعد .ليش حبيتك وتعلقت فيك اني لانك قد كلمتك
هيثم: ابتسم. باهي خلاص هيا سكري لاني وصلت للمزرعه وشباب ديريلي حفله
إكرام: باهي توعدني بعدين تكلمني
هيثم: باهي تو بعد تكمل السهر نرن عليك
إكرام: باهي وعد تاني نبيه منك
هيثم: ابتسم. كثرن الوعود.شنو
إكرام : غدوه اتكلمني بعد ماتخذها
هيثم: سكت
إكرام: خيرك سكتت . معناتها ماتبيش ولا
هيثم: لا مش هكي .بس سامطه
إكرام: لا مافيهش سماطه . انت كلمني مش ماتبيهش
خيرك تخوف فيا انت .
هيثم: والله باهي حاظر خلاص عدا ماترقيهش ليا
إكرام: باهي اني اسفه نعرف اني كثرت عليك بس من حبي ليك وغيرتي عليك
هيثم: يانا عليا باهي وانا مقدر شي هذا
إكرام: هيا عدي وبعدين نتكلمو
هيثم: باهي بس بطلي لبكا ومعش تبكي
إكرام: ابتسمت.حاظر
هيثم: هيا باي
وجا هيثم بسكر
إكرام: هيتم
هيثم: نعم
إكرام: انحبك
هيثم: ابتسم حتي انا
إكرام: مع سلامه
هيثم: باي
وسكر هيثم . وطفا سياره وقعد يفكر في كلام إكرام
تنهد ونزل .لقا الشباب كلهم قاعدين والفرقه الي جيبينها جت ويجهزو في الحاجات