__وتين__💕
بقلم الكاتبة timar#
رواية رومانسية جديدة من وحي الخيال...
لايك قبل ماتقرو وتعليق بعد ماتقرو
#قراءة_ممتعة
________________________________________
🌷الحلقة 1🌷
يوليو 2013
~
~
"🌸انت ذلك الشريان النابض من القلب ؛ انت من يغذي عروقي ويمدها بالقوة انت كل نبضة ينبضها قلبي انت ذاك الاكسجين اللذي يدخل قلبي ليخرج منه كل الشوائب ؛ #انت_وتيني"
رتاج : تهبببل الكلمات💓
تسنيم: كاتبة شاعرة مبدعة 😍
اني : شكرا 😌 شكرا😌...تعالو نراجعو الرياضيات ياحلوات
تسنيم : ليال نبيك تكتبيلي زيها
اني : الف مرة نقوللك معاش تقوليلي ليال😒
تسنيم : سوري سوري قصدي #لونا
رتاج: لمنو الرسالة😂
تسنيم : لسراج 💘
اني: من امتى الجرأة
تسنيم : من توا 😁
اني : عادي تو نكتبلك....غر هيا نقرو الامتحان بيبدا
رتاج : شورك ماتبيش تنسيه سراج
تسنيم :نحبه😔💔
اني : به كيف بتبعتيله رسالة وهو مرتبط
تسنيم: غر اكتبيلي رسالة وبعدين ساهل
رتاج: زي رسالة السنة اللي فاتت😂 نكتبو ومتعبين روحنا وفي الاخير راح في المشمش
تسنيم: لا المرة هده بجديات بنبعت
•
°
•
°
•
°
عمي عبد الله : فريااال
فريال مرت عمي : ايواا
ع عبد الله: هاك خودي الخبزة
فريال: سلمك جياب
معتصم: ماما ماااما خودي مني بيطيحو
فريال : علاش تقيم في الشكاير مع بعضهم رزان عليك
رنا: هات هات .... اووو نوتيلا وجو
معتصم : في شكلاته في الكيسة متاعي ماتاخديهاش
رنا: خيرك تتلوى
معتصم : بنشخ 😂
رنا : برا للحمام خير ماتنزله تحتك
ع. عبد الله : مشت علا للمدرسة
فريال : مشت اي
ع. عبد الله : من رفعها
رنا : رفعها عمر
فريال: عصووومي
معتصم : نعم
فريال : برا لمدرستك شوف نتيجتك بالك طلعت
رنا: تعالا نلبسك
عصومي : نعرف نلبس بروحي😑
فريال وعمي:😂😂
~~
ترررن تررررن 📱
رنا : الو
بلسم : اهلا رنووو شن الجو
رنا : عاش من سمع صوتك
فريال : مني يتصل يارنا
رنا : بلسم
بلسم : شني عصومي شاف نتيجته
رنا : بيمشي توا
بلسم : حمودي نجح
رنا : مبروووك مبرووك
بلسم : الله يبارك فيك....طمنوني لما عصومي يشوف نتيجته
رنا : انشالله
فريال : هاتي نكلمها...ايوا بلسم
بلسم : كيف حالك يام
فريال : باهي الحمد لله كيف حالك انتي
بلسم : كويسة
فريال: كيف حال راجلك وصغارك
بلسم : كويسين يسلمو عليك الصغار
فريال : تعالي تغدي اليوم
بلسم : انشالله كان قالي باهي
فريال: كان قال لا ... قولي لبوك يكلمه يعطي علي راسه
بلسم : بالك يقول باهي تو نقوله
فريال: بوسيلي الصغار .... قولي لحمودي هديتك محفوضة
بلسم : هههه به يوصل
نبذة عن عيلتي🍁
《🌹 عمي الكبير عبد الله مرته فريال و صغاره / بلسم م 83 متجوزة وعمر م 84 وسراج م 87 واحمد م 90 ورنا92 وعلا م 95 وعصومي م 2003🌹》
《🌹 اني م 95 عندي خو واخت ومرت بابا حامل ؛ماما وبابا منفصلين من لما نقرا في العدادي و اني وخوي قاعدين مع بابا
خوي نادر م 90 ومسرة اختي من بوي م 93🌹》
والباقي حتتعرفو عليهم في باقي الرواية ...
•
°
•
°
•
°
هدى : عيونها تبارك الرحمن وقصيرونة شوية😜 وبيضااا وناعمة رقيقة💓 تهبل تهببل😍
محمد:😊 ماحسيتيش روحك بالغتي
هدى : والله قد مانوصفلك جمالها مانوفيش
محمد 😀: به كم عمرها
هدى : نديدت اختك سوسو م95
محمد : به نظمي امورك 😉
هدى : وانت حاول تلقى خدمة بسرعة شن هكي جاي ومقعمز
محمد : ندور والله ندور....نسيت ماسألتكش شن اسمها
هدى : ليال 💜
•
°
•
°
•
°
اني : واخيرا طلعتي
رتاج : صعبة الاسئلة
تسنيم : تمشي مرض يرفعها هي واسئلتها
اني : ابلة الرياضيات شن متوقعة منها يعني
رتاج : المهم كملنا وافتكينا
اني : انشالله غر ننجحو
تسنيم : خايفة اني راهو تالته تانوي حي علينا
اني : انشالله السنة الجاية جامعة يارب وماترسب مننا وحدة
رتاج وتسنيم: ااامين
مريم : لياال بتروحي معاي
اني : اي
رتاج : اليوم اخر يوم ونبي ماتروحوش بكري مبردكم
مريم : مزال قلت لمراد ماتجيش توا
اني : خلاص لما يجيك قوليلي
مريم : به
اني : اففف...توا بنقعد وجهي في وجههم
رتاج : ووو ربي يكون في عونك
تسنيم : اقعدي مع امك
اني : ياريت
رتاج : صح لولو مفروض في العطلة تقعدي مع امك
اني : مايخلينيش بابا
تسنيم : بتقعدي مع الحرباء اللي اسمها ايناس وبنتها الصيف كله
اني : والله معاد ساكتتلهم...لما نرد الكلمة بعشرة
رتاج: هكي يبو
اني : تعرفو يابنات امس جتنا مرا تهدرز من لما جيت سلمت عليها معاش حولت عيونها من عليا
لين ايناس بدت توزع فيا
رتاج: من هي المرا
اني : صاحبت ايناس
تسنيم: وووه ردي بالك اكيد صاحباتها سوس زيها
اني : لا والله بالعكس تحسيها المرا محترمة وكل مانشبحلها تبتسملي
رتاج : غريبة علاش تشبحلك
اني : والله ماحولت عيونا بكل لين تعقدت اني وقعدت تسأل فيا شن اسمك كم عمرك شن تقري
رتاج : امممم وعندها ولاد😜
اني : لالا صغيرة اصغر حتى من ايناس وماعندهاش صغار
تسنيم : امالا عندها خوت😂
اني : هههه ممكن
•
•
•
•
بابا: مسرة يا مسرة
ايناس : نعم ياعلي
بابا: وين بنتك
ايناس : راقدة
بابا : الساعة 12 قاعدة راقدة
ايناس: عطلة خلي والله ترقد
بابا : ماروحتش ليال ؟
ايناس :😏اشبح وينها لتوا
بابا : في مدرستها وين بتكون
ايناس: للساعة 12 قاعدة في الامتحان
بابا: ____
•
°
•
°
•
°
بلسم : افتحي الباب ياهداية
هداية : هيا هي
سعيد: ساعة واني نطقطق😠
هداية : ماسمعتاش
سعيد : وين امك
هداية : في الكوجينة
سعيد : قولها اديرلي فطور ماكليت شي
هداية:حقاا..نجح حمودي
سعيد ببرود : به كويس
•
°
•
°
•
°
ع عبدالله : الو السلام عليكم
بابا: وعليكم السلام ...عبدالله كيف حالك
ع عبدالله : في نعمة الحمد لله....بنقولك غدوا انشالله غداكم عندنا
بابا: انشالله بأدن الله... امتا مروحة سعاد
ع عبدالله : طيارتهم اليلة تطلع انشالله
بابا: به انشالله علي خير نتلاقو
ع عبدالله : هي سلملي ع العويلة
بابا: يوصل
ايناس : منو
بابا: عبدالله يأكد عليا علي غدي غدوا
ايناس : روحت اختك سعاد
بابا: قال طيارتها الليلة
《🌹 عماتي / الكبيرة سعاد ليها 7 سنين في كندا وعندها ولد اسمه قيس م85 🌹》
《🌹والصغيرة خيرية بناتها> بسمة م 85 متجوزة ونهى م 92🌹》
•
°
•
°
•
°
مريم : لونااا
اني : نعم
مريم : هيا جي مراد
اني: هي
رتاج : بتروحو
اني: اتصلي ببوك يجيك ياسر شن بتباتي ف المدرسة
رتاج : اخر يوم اللطف
اني: تي الساعة 1 الاربع
رتاج: به باي
اني : بااي
~~
مراد : وينها ليال
مريم: اهي جاية
اني : السلام عليكم
مراد: وعليكم السلام ... شن الجو لونا
اني: تمام مراد شن جوك انت
مراد : ميه ميه
•
°
•
°
•
°
علا: السلام عليكم
فريال: وعليكم السلام
رنا: وين لتوا .... شورك سكرتي المدرسة
علا: سكري فمك بلا يباري
فريال : جاوبتي
علا: الاسئلة زي السم
رنا: وانتي مشالله امس مانضتيش من ع الكتاب 😂
علا: 😒 لكن جاوبت
فريال: هده شهادة تانوية مش ساهلة
علا: انشالله خير
فريال: هي بدلي وتعالي تغدي
علا: هي
معتصم: نجححححت نجححت
علا : خلعتني اللطف
مرت عمي باساته: مبروووك مبروك
رنا : ناجح ومنقول للصف الخامس...وين التقدير
معتصم:😒اعطي لماما تقرا
رنا حدفتها عليه : خزي
•
°
•
°
•
°
علا:الو
سامي : اهلا حبي
علا : خيرك البارح ماتردش😑
سامي: كان جنبي خوك سراج
علا: وخريك ماعاودتش بعدها
سامي: حبي قعدنا ساهرين هلبا قلت اكيد رقدتي
علا : امممم💔
سامي: خيرك😕
علا: شي😒
سامي: امتا روحتي من المدرسة ❤
علا: توا
سامي : اخر يوم اليوم ولا
علا: اي واخيرا
سامي: انشالله بالنجاح حبيبتي💓
علا: انشالله يارب ❤... باي توا
سامي: باي ياقلبي❤
~~
رنا: هي كان بتتغدي
علا: خوتك قاعدين
رنا : احمد توا كيف جي وعمر وسراج مهناش
•
°
•
°
•
°
اني و مراد : السلام عليكم
جميلة مرت عمي عادل: وعليكم السلام ...جيتو
مريم : ومعانا ضيفة
جميلة : اهلا اهلا انستينا
اني : الله ايآنسك عميمة جميلة
جميلة : وين الغيبة لاتسألي لا ادوري
اني : والله نسأل عليك في مريم ديما
جميلة: لا عندي تلفون اتصلي بيا
اني : هههه اي عندك حق مقصرة
جميلة : كيف حال امك
مراد: تي خلي البنت ترتاح انتي تلقيتيها
جميلة: سلمه اللي خايف علي بنت عمه😉
اني تلكمست ووجهي ولا احمر ومشيت لدار مريم
مراد شبح لامه : 😒
مرت عمي : مشالله تبارك الرحمن مجملها😍
مراد : به كويس😐
جميلة: وكملت تانوي😏
مراد : شن بنديرلها
جميلة: برا اخطبها
مراد : رجعنا لنفس القصة
جميلة: الحيط يفهم وانت ماتفهمش
مراد: في غدي
~~
اني : شفتي الاسئلة
مريم : نهار احرف زي السم
اني : بكل
مريم : اشبح علا جاوبت ولالا
اني: اكيد ...مدرستهم ساهلة مش زينا
مريم: مدرستها هيدقا
اني : الا احني هالمدرسة اللي طحنا فيها
مريم: توا كملنا اهو اخر يوم في القرايا
اني : اي من قال
مريم : ادكرتيها الرسمة هده
اني: الله مقدمها قعدة محتفظة بيها
مريم: اي ههههه
اني: تاريتني رسامة منذ الطفولة 😂
مريم: بالتاريخ مسجلتيها
اني: اي ....من 2007
مريم: تدكري لما ابتهال تقلد فيك 😂
اني : هههههههههه رسمتها تقول ديناسور
مريم: عليك ايامات
اني: احلى ايام بالله 💔
مريم : بتمشي غدوا لحوش عمي عبد الله
اني: علاش
مريم: عمتي سعاد مروحة هي وصغارها
اني : الله
مريم: كيف ماتندريش
اني: وعلاش بنمشو لحوش عمي
مريم : هي ماشيا غادي غدوا وهوا دار عزوما ع الغدي
اني: واني آخر من يعلم
مريم : احني امس قالنا مراد و مراد قاله سراج
اني: قصدك ماتصلوش عزموكم
مريم : مانعرفش بالك اليوم فريال تتصل بماما
جميلة : مريييم لونااا تعالو تغدو
احني: هيا هي
《 🌹عمو عادل متوفي وعنده مراد م 87 ومريم م 95 ومرته عميمة جميلة اطيب وحدة في العيلة💓🌹》
•
°
•
°
•
°
عمر : السلام عليكم
الكل: وعليكم السلام
فريال: نحطلك تتغدى معانا
عمر: لا كولو صحة طالع اني
ع.عبدالله: قعمز تغدى وبعدين اطلع
عمر : الراجل يستنى فيا برا يابوي
ع. عبد الله: وخوك سراج وين
احمد: سراج في المعرض مع اياد
علا: غدوا مروحة عمتي سعاد ؟
فريال:الليلة
ع.عبدالله: كلمتي جميلة مرت عادل
جميلة: لا بنكلمها توا
ع.عبد الله: كلميها اي....واني خلي نقول لخيرية
علا ورانيا شبحو لبعض وعجبو
علا: حتى راجلها عمتي خيرية بيجي بابا
ع.عبدالله: امالا بنقلها هي وراجلها لا
رنا: مفروض عماتي وعمامي بس
احمد : مفروض تسكرو فمكم وماتدخلوش
فريال : حق هو عبد القادر راجل خيرية طلباته هلبا ومايبطلش قرمة
ع. عبدالله كشخ : نقلها ماتجيبيش راجلك ولا شنو
فريال: لاتقلها لاتقولك 😑
ع.عبد الله: تقول بتقعمزوه فوق روسكم الراجل
•
°
•
°
•
°
اقدار : الو
سراج : ايوا
اقدار: حبيبي شن الجو
سراج : تمام شن جوك انتي
اقدار : قبل ما نسمع صوتك ولا بعد ماسمعته 💓
سراج: ههههه بعد ماسمعتيه
اقدار : جوي يهبببل زي صوتك ❤
سراج : اممم به اني توا مش فاضي لما نفضى نكلمك
اقدار: علاش انت امتى فاضي😒....باي
سراج : باي
•
°
•
°
•
°
ترررن ترررن
ايناس : الو
هدى: اهلين ايناس شن الجو
ايناس : تمام هدو شن جوك انتي
هدى : تمام الحمد لله شن قتلك الدكتورة
ايناس : لا الحمد لله قتلي صحت الجنين كويسة
هدى : ماقالولكش بنية ولا وليد
ايناس : لا مزال
هدى : انشالله ربي ينوضك سالة
ايناس: انشالله نشوفوه عندك هدوو
هدى : امين يارب اسمعي بنقولك
ايناس : شنو انشالله خير
هدى : .....
🌷يتبع🌷
لو لقيت عليها تفاعل كبير حنزل الحلقة التانية اليوم...
#timOo
