#__وتين__🍃
🌷الحلقة 87🌷
عبسي يلبس ف سوريته وطلع بيفتح واول مافتح لقي رنا واقفة قدامه
رنا قعدت واقفة ومتحشمة هلي مصدومة تخلطت عليها
عبسي قعد يشبحلها وملي عيونه منها وف داغله حقد وع كبر الحقد اللي ف قلبه في حب💔
ع سعاد : السلام عليكم نجلاء قاعدة
عبسي : اي تفضلي
وخش : نجلاء
ماما : ها منو
عبسي وجهه مقلوب: نساوين يبوك
ماما طلعت لقتهم واقفين ف السقيفة نصدمت
وكانو جايين عمتي سعاد وعمتي خيرية ورنا
ماما : اا تت تفضلو تفضلو 😳
ع خيرية : يزيد فضلك
خشو قعمزو وف البداية كلها هدرزة عادية وسلام وهكي ورنا كانت متوترة من موقف عبسي...
ماحستش شي لما شافاته...مافيش نفس اللهفة او العشق اللي كان بس اللي وترها ان اول مرة تتلاقى معاه وجه لوجه بس
ماما : تشربو قهوة ولا شاهي
ع سعاد: لا والله مانبو حاجة غر جايين بنقولولك كلمتين بس
ماما : سعاد جيتكم ع العين وع الراس لكن كانك علي موضوع ليال ياريت ماتحرجينيش لان الموضوع هدا مسكر عندي
رنا : به علاش قصدي...احني نبو نعرفو السبب مرات نعالجوه
ماما : لا مافي شي يتعالج وبنتي اني مانبيش ياخدها حد م العيلة الحق
ع خيرية : عاد ماهو قبل بتعطوها لولد اختك 😑
ماما : لا هدا شي مختلف
ع سهاد : ااه يعني ماتبيش من عيلتنا احني قصدك
ماما : مش هكي لكن...
رنا قصت ع كلامها : يعني باختصار ماتبيش سراج بالدات
ماما : اي هدا الحق
رنا : علاش شن ناقصه سراج
رنا : ماناقصه شي ربي يحفظه ويطيحه ف بنت الحلال
ع سعاد تضحك: ياودي هو طايح في بنتك يانجلاء وياهي يا لا
ماما تنهدت وسكتت
ع سعاد : عاد اني قلت مدام جيتك لعندك ماتردينيش
ماما : جيتكم ع العين والراس والله لكن الموضوع هدا لا
ع خيرية : باهي زي ماقتلك رنا شن الغلط واحني نصلحوه
ماما تحشمت لما شدو ف الموضوع هلبا وقررت تقوللهم شرط وطبعا شبه متأكدة انهم حيحققوه هالشرط ولما مايتحققش هي بترفض..
ماما : اني حتى لو وافقت عندي شرط
ع سعاد : شن هو
ماما : صح ليال ساكنة مع بوها وهداكا حوشها لكن لما بيجو نساوين يطلبوها يجو اهني واني لازم تجيني فريال اهني وتطلبها زيها زي اي بنت
رنا تنهدت : اهو جيناك احني
ماما : امك مش انتي 😒...خيرها لما خطبت مريم مشت للحوش شني بنتي مش بنت ناس ولا شني
رنا : لا كان مش بنت ناس راهو ماجيناش خطبناها لكن امي راسها مسكر و....
ماما قصت ع كلامها : خلاص كل شي بالنصيب
ع سعاد : لا عندك حق مفروض تجي تطلبها منك
ماما : اي هدا اللي عندي
ع سعاد : خلاص اعتبري الموضوع تم
ماما نصدمت : لكن ياسعاد ردي بالك تحطيني ف الامر الواقع وتجيني انتي وخلاته بس...اني كان ماجتنيش فريال مش حنقبل
°
•
°
•
°
In the car🚗
سراج : شن صار
رنا : وووك قداش ماتسكر ف راسها
ع سعاد: عندها حق ره
سراج : علاش شن قالت هي
ع خيرية : في الاول مسكرة راسها
سراج : وبعدين
ع خيريه : قالت تجيني فريال تطلبها مني
سراج : فريال فريال😑
رنا ضحكت : اي فريال فريال 😂
سراج : نديرولها نسخة احتياطية ولا كيف 😂
ع سعاد: وخيرها امك ماتجيش شن بينقص منها
ترررن ترررن 📱
سراج شاف التلفون ورد وهو يضحك
اني : الو
سراج : تعبتناااا امك كيف نتفاهمو معاها
اني : مشولها 😮
سراج : اي
ع سعاد : ريتي هالمفعوص اللي مايتحشمش...يكلم فيها قدامنا 😒
رنا : علي اساس هي تتحشم😂
ع سعاد : بالك هي ماتندريش علينا معاه😏
سراج: نقصو صوتكم نتكلم 😑
ع خيرية : تكلم تكلم من شادك...عليك مفرخ مايستحوش
اني : قصدك عماتي معاااك😨
سراج : اي
سكرت الخط ووجهي يتحمر ويتخضر ويتصفر 😳
قعد يعاود معاش رديت عليه
سراج : حشمتوها البنت😂
ع سعاد حطت ايديها ع بعض : تو نبي نفهم
سراج بنفس الاسلوب : تفضلي
ع سعاد: مش زمان تقول ماعنديش ليها خلوق....ياكداب
سراج :مني قال... اني قلت...🤔
رنا : اي الزوز علي اساس مايحبوش بعض😂😂....كوشي وارناف 😂
سراج : 😒
°
•
°
•
°
ايناس : شن صار في موضوع بنتك 😒
بابا : والله ماني فاهم حاجة
ايناس : علاش 😑
بابا : نحس فيه غر بيدير المشاكل هالموضوع
ايناس : هه قلتهولك الكلام هدا...ماعجبكش
بابا : مانحسابش امها ماتبيش
ايناس : ااه 😏...انت غيرت رايك علي خاطر نجلاء 😒
بابا شبحلها : شن هيا 😒
ايناس : زي ماسمعت
بابا : خير دين ملتك انتي😠
ايناس : اني ماخيرني شي 😊...انت اللي تتصل وتعاود بيها شورك ماصدقت
بابا : شن تخرطي انتي
ايناس : لا مانخرطش وكانك تحساب روحك بتفوته عليا انت غالط
بابا : تبي تسكري فمك ولا انوض نسكرهولك 😠
ايناس تضحك باستفزاز: سايبة تحسابها 😂
مناسك قعدت تبكي😭😭
ايناس : خلاص ماما خلاص هدا بوك حشيشته النكد
بابا : ماتبيش تستيقني يامرا...راني شاد رزحي بالسيف😠
مسرة نزلت تجري : خيركم 😮
بابا : من وين بيجي الخير من امك امالا؟😠
وطلع وقربع الباب وراه
ايناس : برا سحيقة تسحق
مسرة : خيركم شن في
°
•
°
•
°
نحكو شوية علي ميرا ومراد 🤗
مزال اسبوعين علي عرسهم وطبعا بوها تحسنت حالته شوية...وطلب منهم يديرو العرس بسرعة بش يطمن عليها ويرتاح باله
....
ميار : ميرا الباب يطق
ميرا فتحت
👨💼 : مساء الخير الانسة ميرا ال### موجودة
ميرا : اي اني ميرا تفضل
مدلها بوكس كبير : تفضلي هدا ليك
ميرا : شش شني هدا
الراجل ابتسم مجاملة و مشي
ميرا دخلت البوكس وسكرت الباب
ميار : منو....شن هدا
ميرا تفتح ف البوكس : مش عارفة
ميار جت جنبها
فتحاته لقت فيه الفيلو اللي حكت عليه لمراد ولقت فوقه كندرا بيضا
ميرا حاطة ايدها ع فمها ومصدومة وتضحك
ميار : حي ع الجووو😮...هدا خطيبك مانحصلوش واحد من ولاد عمه
ميرا : نقول لخطيبك ره 😑
ميار : لالا بنفسخ منه القفاص الجلده 😡
ميرا : شوفي بالكندرة 🙈...ياحليلي اني وخلاص
ميار : لكن مش كان محجوز..... ؟😶
ميرا : اي...شكله كلمهم 😍🙊
ميار : كلميه كلميه😀
ميرا خدت تلفونها واتصلت بيه
~~~
مراد : ايوا
ميرا : تهببببببل انت 🙈💕
مراد يضحك : والله مانقدر نخلي حاجة ف خاطرك ❤
ميرا تضحك
مراد : ايوا اضحكيلي الضحكة هده بس...واللي تبيه يجي لعندك
ميرا : ياعمري نموت فيك اني💓
مراد : كان تشوفي اني قداش نموت فيك
ميرا ضحكت: باهي كيف درت بش خلوهولك.. مش كان محجوز
مراد : ايااا قصة طويلة عريضة...قريب ضربتها مولات المحل 😂
ميرا : شفتها مركها ولا 😂
مراد : اي نفاخة للنم😂
°
•
°
•
°
☀️⛅
سرور : اعطيني الشيت هدا ليال نروح بيه
اني : صوريه اهني ماتروحيش بيه انتي ماتحافضيش😐
سرور : مشناك
اني : خليتلك انتي الجمال 😂😂😂
سرور : حي حبيبيك هداكا ولا
اني قمت راسي : سراج 😨
سرور : خيرك مصدومة حسستيني اول مرة يجي 😒
اني : تي ماما جايتني وبيتلاقو وااااك
مشيت بسرعة جيهت سراج
سرور واقفة وتدوي بروحها : باهي وكان تلاقى هو وامك شن فيها😶....الحيوانة مشت وخلتني تفو💦
....
اني : علاش جيت
سراج : صباح النور حالي كويس
اني : صباح الخير والفل والورد والياسمين 😁وبرا بسرعة لان ماما بتجي تروح بيا 😦
سراج : به عادي
اني : تي شن عادي ياسراج
سراج : عادي خطيبتي انتي
اني : مزال ماوليناش
سراج : لا ولينا...مش وافقت هي
اني : لا توافق لما امك تمشي
سراج : اي خلاص تو تمشي امي
اني : تو امك بتمشي بالله تتوهم انت وتوهم فيا معاك 😑
سراج : نتوهم 😒...علاش امتى قتلك بندير حاجة ومادرتهاش...وامتى وهمتك اني...خيرك بديتي تدوي زي امك انتي
اني : ااا اني مش قصدي هكي لكن امك مستحيل....
سراج قص ع كلامي : انتي عندك مستحيل اني مانشوف في شي مستحيل 😑
اني قعدت ساكتة
سراج : وصحيتي علي كلمة تتوهم سلام...وفتح باب السيارة بيركب
شديته من ايده : خيرك سراج مش قصدي اني لكن امك طبعها صعب ومتأكدة انها مش حتقبل تجي 😔
وقاعدة ايدي ف ايد سراج وماحسيتش غير ماما جابدتني من ايدي قريب فكتها من مكانها 😨
ماما : بري للسيارة 😠
اني نسمطت معاش قلت شي
ماما : معاش تجي اهني انت باهي
سراج اتكى ع السيارة ويتكلم باستفزاز: علاش ليكم الجامعة 🤔
ماما : بنتي معاش تجي جيهتها 😡
اني : ياماما جاي لاخته هو
سراج : لا مش جاي لاختي جاي ل ليال وبنجي امتى مانبي وكيف مانبي باهي وانشالله تهربيها للمريخ حنجيها 😒
اني واقفة ورا ماما ونأشر لسراج بمعنى امشي
ماما تكلمت بنفس الاسلوب الاستغزازي : ليال ماتحلمش يجي يوم وتاخدها 😊
سراج : اكيد مش حنحلم لانه واقع 😊
ماما : هههههه خلاص تو نشوفو
سراج فتح باب السيارة وعطي بظهره وبيركب
واني نجبد في ماما نبيها تركب ف السيارة
ماما : معاش نبي نشوف وجهك اني باهي
سراج طارتله وتلفتلها : زي اللي تأمري حسيتك 😂...بنجي 😒...وبنجي لليال شن بديري هي 😏
ماما : اتعب ف روحك ع الفاضي لان ليال في ناس يبوها وبياخدوها 😊
سراج : هه 😏...بالله عليك
ماما : وحق ربي 😊....وانت انساااهااا
سراج : حناخدها وراسك لما ناخدها 😉
ماما : كان قدرت 😂
سراج : الايام بيننا
اني قعدت شادة ضحكتي وخلاص "شر البلية مايضحك"
~~~
في السيارة 🚗
ماما : الراجل اللي قتلك عليه بيجي بيخطبك وبتقولي باهي فاهمة
اني شبحتلها : تو مش قلتي تجيك فريال توافقي علاش تقوليلهم ف كلام وبعدين تغيري فيه
ماما : بعد اللي قاله المسخ هدا انشالله يجيني جدك من تحت التراب والله ماهو مسكر عليك باب 😡
اني : حتى انتي تكلمتي واستفزيتيه ياماما شن تبيه يقعد يتفرج عليك
ماما : ادافعي عليييييه ياحيوانه تو ينفعك هالحقير هدا....تو يديرلك اللي درتهولك اني 😡
اني : ماندافعش عليه لكن انتي تخلقي في المشاكل معاه
ماما : سكري فمك 😒....وهاتيه تلفونك
اني : علاش 😦
ماما : هاتيه 😠
اني : نقرا بيه😡
ماما : هاتيه تفهمي انتي ولا ناخده بالسيف
مديتهولها قفلاته وحطاته ف شنطتها
روحنا للحوش وخشيت رقدت طول ...
°
•
°
•
°
سراج روح للحوش رقد شوية واول ماناض اتصل بيا لقي تلفوني مقفل...
طلع م الدار لقي امه مقعمزة تقري في معتصم
فريال : نحطلك تتغدى
سراج جي قعمز جنبها : يام
فريال : نعم
سراج : بندوي معاك ف موضوع
فريال : شنو
سراج : نوض اقرا داخل انت
معتصم : مانعرفش نقرى بروحي 😶
سراج : نووض 😠
معتصم خدي كتاباته وخش
فريال تلفتتله : انشالله خير
سراج : نبيك تمشي معاي
فريال : وين
سراج : تخطبيلي
فريال : بنت علي؟ 😒
سراج : اي
فريال : وليدي خلي نشوفلك وحدة....
سراج قص ع كلامها : لا وحدة لا اتنين....هما كلمتين تبي تمشي معاي باهي ماتبيش عادي تو نرفع خلاتي ره....لكن مش حلوا ف حقك بس
فريال : وانت ترضها اللي مش حلوا ف حق امك 😐
سراج : وانتي ترضي تكسري خاطر ولدك 😑
فريال : اني المرا هده مانمشيلهاش
سراج : علاش الحقد الزايد هدا 😡
فريال : لان لو مشيت نتوقعها حتى تلزني
سراج : لا والله لما تفرح واني نظمنلك
فريال : واني مانبيش نفرحها...ياسراج هده ماهيش كويسة وبنتها زيها فك روحك منهم ومن مشاكلهم وراس وليدي
سراج : توا خليني من نصايحك تبي تمشي ولا يمشو خلاتي وخلاص
فريال : باهي ياسراج دير اللي في راسك باهي 😡
سراج ناض متعصب: باهي تو ندير اللي فراسي ووجهي تو نزال تشوفيه 😠
وطلع وقربع الباب وراه
°
•
°
•
°
#بريطانيا
عمر : خلاص جهزتي كل شي
داليا : اي كل شي تمام...وانت كلمه المدير
عمر : كلمته ومايبيكش تستقيلي....كلهم تعفلقو لما عرفوك بتستقيلي
داليا : عادي...تو ينسوني
عمر قرب وحط ايديه ع خدها : خيرك تدوي هكي 💔
داليا : هدا الواقع...يحزنو شوية وينسوني
عمر : هي تأخرنا ع المطار
داليا : هيا
وانطلقو عمر وداليا لليبيا بعد ماتمت داليا كل امورها في بريطانيا وبتسكن مع عمر
~~
~~
~~
ومرو يومين ☀️🌒...واني في حوش جدي وماخلتنيش ماما نروح للحوش وماعطتنيش تلفوني يعني شبه محبوسة...
حوش عمي عبدالله دارو غدي كبير للرجالة علي جواز عمر
واليوم دايرين عشي للنساوين وخيمة صغيرة...يعني عرس بسيط
°
•
°
•
°
☀️⛅
نادر : نقدر نفهم علاش تلفونك مسكر ليال
ماما : تكسر تكسر
نادر : علاش شن كسره
ماما : طاح منها
اني ساكتة وخلاص
نادر : باهي امتى بتروحي
اني : اسأل ماما 😑
ماما : لا مافيش مرواح
نادر : علاش
ماما : هكي
نادر شبحلي : مش ماشية لحوش عمي عبدالله اليوم
اني : علاش
نادر : دايرين عشي...ماهو عمر تجوز ماسمعتيش
اني شبحت لماما : نبي نمشي
ماما : هدا ماناقص 😒
نادر: تي خليها تمشي شن هدا ماناقص
ماما : مافيش مشي...ماتحرقوليش دمي 😡
°
•
°
•
°
🌒
طبعا جت خالت داليا وبناتها وشوية من عيلتها اللي قاعدين في ليبيا
ع سعاد : امك وين ياداليا
داليا : اا امي ميته 💔
ع سعاد: اا سامحيني بنيتي والله مانحسابها متوفيه...الله يرحمها
داليا : تعيشي وترحمي....ماتت في حادت سيارة هي وبوي واختي
ع سعاد: ياروووحي...ربي يتقبلهم برحمته
داليا : امين
فريال جت قعمزت جنب داليا : تعرفتي ع العيلة ولا نسميهملك
داليا : لا الحق ماعرفت حد😅
ع سعاد: انشالله حتى اني ماتعرفينيش
داليا : لا انتي عمت عمر عرفتك...واصلا يحكيلك عليك 😊
ع سعاد : وهديكا اختي عمت عمر التانية
داليا : اها....مرت سراج وين
فريال : سراج مش متجوز
داليا : اا قصدي احمد 😅
فريال : مريضة ياناري ف المستشفى
داليا : علاش 😮
فريال : حامل...كل شوية ورافعينها للمستشفى
داليا : ربي ينوضها بالسلامة 😊
ع سعاد شبحت لفريال : العقبة ل سراج انشالله 😒
فريال : انشالله 😑
ع سعاد : امتى بتمشي تخطبيهاله
فريال : اا مش وقته الكلام هدا
داليا تشبحلهم ومستغربة
~~
هداية : خويلة ينادي عليك خالي
علا : من خالك
هداية : خالي سراج
علا مشتله
سراج متكي ع الباب : اسمعي ليال اهني
علا : لالا ماجتش
سراج : والله
علا : اي...جت مسرة بس
سراج : باهي به
علا : علاش ماجتش
سراج : تسألي فيا اني 😒
~~
رنا : شني داليا...شن رايك ف عيلتنا 🤗
داليا ابتسمت : مشالله عليكم 💕
رنا : انشالله ترتاحي عندنا
بلسم : ياناري علي سندس وخلاص 😏
رنا وعلا فنصو فيها
علا : مش وقته 😡
داليا وجهها ولا احمر وملامحها تغيرت
بلسم ناضت وتطنفر
علا : هده اختي هكي طبعها مادوريش عادي
داليا ساكته
......
فريال واقفة هي وخواتها
بلسم خشتلهم : خيركم دايرين حزب
فريال : عمتك اللفعة هده تسكت تسكت وتجبدلي سيرت المفعوصة اللي سماها ليال 😑
بلسم : عمتي سعاد 😒
ام حلا : مركها قلها انتي شن دخلك فيها المواضيع هده من الاصل
اسماء : عمته كيف شن دخلها😒
بلسم : لا احني خواته نخطبوله هي ماتدخلش
اسماء : الولد يبيها لاش توقفوله انتو
فريال : ناقصاتك حتى انتي
اسماء : اي هو هدا انتو اللي مايعجبكمش ماتبوشي....هه والله عليك حالة
وطلعت
بلسم : تعرفو تزنلي نطلع نلزها هده
ام حلا : لالا صلي ع النبي
فريال : تحشمي خالتك 😒...
بلسم : لا خالتي لا عمتي اني مانعرف حد 😑
خشتلهم عمتي سعاد : خيركم
بلسم شبحتلها وطلعت
فريال : اا شي
ع سعاد : خيرها هده قالبة خليقتها
فريال : تعرفيها عصبية هكي
ع سعاد : عليك منكدة 😒
ام حلا : هي حرة 😏
فريال فنصت فيها
ع سعاد شبحت لام حلا من فوق للوطا وبعدين تلفتت لفريال : بنحددو موعد للنجلاء امتى يناسبك
فريال : لا مانمشيلهاش نجلاء اني
ع سعاد : الحق فيا دايرتلك قدر وقلت امه لازم نرفعوها لكن براحتك تو نمشي اني وخيرية والبنات....وناخدوهاله 😏
فريال : مافهمتش بتاخدوها بالسيف عليا ولا كيف
ع سعاد ضحكت : اكيد بالسيف عليك
ومشت وخلتها
ام حلا : محقرها حماتك هده
فريال تغلي
بلسم خشتلهم : شن قتلك
ام حلا حكتلها
بلسم : يام بري وخلاص...خير ماتقول نجلاء خداها بالسيف علي امه
فريال تنهدت وطلعت م الدار
°
•
°
•
°
كانت ماما راقدة واخدها النوم وعبسي بايت برا خشيت لدارها بالشوية خديت تلفوني وطلعت
فتحته لقيتها منحيا الشفرة منه 😑...سكرته ورجعته لمكانه وخنبت تلفونها بالشوية وطلعت للدار التانية واتصلت بسراج
~~~
سراج كان راقد ف المربوعة الخارجية هو وخوته وولاد ....بما ان الحوش معبي نساوين....شوية وشرين تلفونه
مراد : سراج سررااااج
سراج :هممم😪
مراد : تلفونك
سراج فتح عيونه طول وشاف لقاه رقم غريب...رد
سراج : ايوا
اني بهمس : الو
سراج : مني
اني : غولة 😑
سراج : تي مني
اني : تي ليال خيرك
سراج حول التلفون من ع ودنه وشافله ورده : لياااال...وين اختفيتي شغلتيني
اني : ماما خدت مني التلفون
سراج : مانسمعش فيك شن تقولي
اني : يسكر تو نكلمك رسايل مانقدرش نعلي صوتي
سراج : تي لالا ماتسكريش...غر فهميني خيره تلفونك مسكر
اني : عند ماما
سراج : وانتي وين توا
اني : ف حوش جدي
سراج : اها...
اني : كلا منك قتلك ماتستفزهاش توا شن بيحلها
سراج : اني تو نحلها حبيبي ماتفكريش انتي ❤
اني : قتلي حتى لو جت امك مش حتقبل
سراج : شن هيااا😠
مراد : تي نقص صوتك
سراج : تي فوتني وراس امك....وناض طلع للجنان
اني : الوو
سراج : تي شن تبي امك بالزبط مافهمتش اني
اني : قتلك ياسراج ماتعاندهاش انت ماتسمعش فيا
سراج : تو اني بنقنع اني ولا بنقنعها هي ولا شني 😑
اني : نعرفش 😔
سراج تنهد
اني : اسمع رصيدها كملتهولها تو تحس اني استعملته بااي
سراج : سكري تو نعاودلك اني
سكرت واتصل هوا
اني : اسمع اصلا لازم نسكر مرات تفيق بيا
سراج : تي كيف هكي ياليال بالله عليك...تعبت جد امي امك هده
اني : شن دخلي اني
سراج : باهي شن تبي هي شن طلبها بالزبط
اني : مندري 😶
سراج : نكلم خوالك ؟
اني : لالا شن خوالي
سراج : علاش لا
اني : فكنا ماتزيدش تكبرها
سراج : تي شن نكبرها مانكبرها...قصدي نقوللهم يقنعوها
اني : ومن قال هما يوافقو مرات يزيدو يشعلو النار....
سراج : واااك
اني : به شن رايك تمشي تعتدر منها
سراج : نعتدر 😑
اني : اي
سراج : ماغلطتش اني بش نعتدر
اني : خلاص امالا معاش تقولي شن الحل...
سراج : ماهو ياليال م الاخير اني معاملتها ماتمشيش معاي ره 😑
اني : والله لو تبيني مضطر تتحملها..
سراج بصوت هادي : نبيك وسكتي..❤
اني : به تعالى كلمها
سراج : ااه منك ومن امك اااه
اني : بتجي ولا شني
سراج : باهي شن بنقوللها
اني : تكلم معاها بأدب 😊...واعتدر
سراج : دليتيني هلبا انتي
اني : اممم انت مش مجبور لو ماتبيش...
سراج قص ع كلامي : اللي يبي الورد يتحمل شوكه
اني ضحكت : ايوا 🙈
سراج : باهي به
اني : باي
سراج : تي شن باي 😑
اني : خلاص تو تجي تشوفني فكني م الهزايب عقاب الليل
سراج ضحك : باهي باي
اني بالشوية: باي
سراج تكلم بالشوية زيني : نحبك❤
اني بالشوية : حتى اني 💕
سراج : نموووت فيك
اني ضحكت : حتى اني نموت فيك
سراج : ديري منعات واتصلي ماتخلينيش مشغول عليك
اني : تمام
~~
~~
~~
☀️⛅
نضت الصبح درنا فطور وقعمزنا وشوية وطق الباب
ماما ناضت فتحت : مزال ليك وجه تجي 😒
سراج ف سره " صبررررك ياربي " : صبار الورد 😊
ماما : شن جاي تبي
سراج : بنقعدو واقفين ع الباب
ماما : تبيني ندخلك متلا
سراج : لا حشاك 😑...المهم اني جاي بنقولك كلمتين وبنمشي
ماما : مانبيش نسمع منك شي 😒
طبعا اني كنت نفطر وطلعت بالصدفة ماتوقعتش نهائي انه يكون سراج قصدي مش معقولة نكلمه ف الليل موخر يجي الصلح بكري🙃
اني طلعت : منووو
سراج شبحلي وابتسم
ماما : خشي داخل 😠
اني خشيت بسرعة وقعدت وقفة في الممر ونسمع
سراج : معقولة جايك لهني وفي الاخير نروح ومانقولك شي...مايجيش منه ولا😅
ماما : شن تبي هي
سراج : نبي نعتدر منك ع اللي صار هداكا اليوم...اني اسف
ماما : به المطلوب
سراج : تي غر يامدام نجلاء خلي نخش ونتفاهم معاك مايجيش ع الباب...مش حلو ف حقي 😅
.....
ف المربوعة....طبعا اني ورا الباب نسمع
ماما : ادوي اللي عندك هي
سراج : تو انتي هكي م الاخير شن تبي...
ماما : فوت بنتي 😒
سراج : باهي نحبها اني....كيف الحل
ماما : تحبها موضوعك 😒
سراج : تبيها تعنس انتي
ماما : تعنس ولا تاخدك انت 😊
سراج : علاش...شن دايرلك اني
ماما : شي...اني حرة بنتي مانبيش نعطيها
سراج : باهي انتي عندك شروط معينة...اللي تبيه اني فيه
ماما : انت ف حد داتك مانبيكش 😒
سراج تنهد وشبحلها : والله حرام اللي اديري فيه...
ماما : هدا الموجود
سراج : باهي لو جبت امي تطلبها
ماما : لا
سراج : مش قلتي باهي ف الاول
ماما : قبل ماتتواقح معاي
سراج : باهي اهو جيت اعتدرت
ماما : مش مقبول اعتدارك
سراج : نكرره ؟
ماما : مش حينقبل لو كررته الف مرة....وبعدين امك اللي تدوي عليها هي بروحها جت وقالت كلام طالع نازل وماحسبتش مكان ليك ولا لبنتي ومتأكدة انها مش حتقبل تجي لان ماعندهاش وجه تقابل بيه
سراج : اا امي جت اهني😳
ماما هزت راسها بمعنى اي
سراج حط ايديه ع وجهه وتنهد
ماما : هدا قبل ماتجيكم بنتي وهكي ....معناها كان تولي كنتها توريها الزنباع وين ينباع
سراج ضحك : ياودي والله مايتجرأ واحد يوصل فيها بكلمة واللي يجرحها نوريه اني الزنباع وين ينباع علي قولتك
ماما : واحني علاش نجيبو ف المشاكل ونوجعو في راسنا ماهو يمشي كل واحد فحاله خير
سراج : مفهمتش اني كل مانقول بنوصل معاك لحل ترجعي لنفس الكلام تعبتيني م الاخير
ماما : باهي اعتبرني موافقة لكن لما تجي امك لهني
سراج : يصير خير
°
•
°
•
°
🌒
عمر متكي ع ظهره وداليا راقدة علي بطنه وتلعب بلحيته
عمر : قلتيلهم العيلة انك حامل
داليا : اي
عمر : شن جوهم معاك كويس
داليا : اي حلوين 🙈
عمر : حلوين 😂...انتي احلا
داليا : مبردك تتسهوك
عمر قلبها وجي فوقها : اححح منك 🔥
داليا : حبيبي تعبت اني 😶
عمر نزل راسه وباسها في رقبها : مانشبعش منك بكل ❤
🔞🔞🔞
°
•
°
•
°
سراج : يااام 😠
فريال طلعت م الكوجينة : خيرك
سراج : مشيتي لحوش ام ليال انتي
فريال فنصت حطت صبعها ع فمها تبيه يسكت لان عمي في الصالة
سراج : ماتسكتينييش ماتسكتينييش شن ماشية تقوليلها 😠....خيرك انتي دايرتيلي هكي
فريال خايفة : ااا اني ماقلتلها شي غلط
سراج : تي انتي لاماشيتلها بكل
فريال : اسكت وراس وليدي خوك ومرته ف الدار عيب
سراج : تعرفيييه العيب انتي 😠
ع عبدالله: خيركم شن في ؟
🌷يتبع🌷
.
.
#_timar_ha 🌛
