#__وتين__🍃
🌷الحلقة 36🌷
سامي : بما ان السيدة سارة عندنا بنكلمكم ف موضوع
سارة : انشالله خير
فاطمة : شنو
سامي : نبي نخطب
يارا : روروروري
سامي : سكري فمك 😒
سارة : هده اخت صاحبك
يارا : علا 😍
سامي : اي
فاطمة : به وليدي ياريت
سامي : تقدرو تمشو اليوم
سارة : اليوووم 😮 خيرك اللطف راجلي قريب يجيني
سامي : به امتى غدوا
يارا : خيرك هديت علينا فجأة قصدي مفروض قلت قبلها بوقت بش قلنالهم
فاطمة : اي عاد كيف هكي
سامي : ياودي اليوم انتي كلمي ام سراج يام وقوليلها وغدوا نمشو
فاطمة : عاد غدوا بكري ع الاقل نقوللها الاتنين بنجو
سارة : ايا سكروها في وجهه توا وهوا متحمس تي اعطيني رقمها ام صاحبك واني نقوللها غدوا نجوك
سامي : تي ياودي انتي ياسروو مافيش زيك
يارا : خودي الرقم هي
~~~
~~~
~~~
مؤيد : باهي ياعمري اني اسف
مسرة : 😑باهي
مؤيد : شني باهي...يعني سامحتيني
مسرة : اي
مؤيد : به شن رايك غدوا عندك تغدايا برا
مسرة : وين😀
مؤيد : في مطعم ####
مسرة : به 🙈😅
مؤيد : ياعمري انتي...نموت فيك اني
مسرة : حتى اني 😑
~~
بابا : نسوكة
مناسك : ابي تاتة
بابا : به بنتي اهو طالع تو نرفعك معاي
ايناس : هده ليال عودتها الشكلاته مانبيهاش تتعودلي بيها وسنونها ينهردو اني😐
بابا : تو ناخدلها سانتب حليب بس
ايناس : اي وخودلها ياغورت
بابا : هي تعالي بنتي
~~~
~~~
~~~
ميرا : يايارا معشش ويبي يشوفني او بالاحرى يبي يشوفك
يارا : شن المطلوب مني
ميرا : تطلعي معانا ع اساس انتي
يارا : علاش ماقلتيلاش من الاول انك ميرا علاش مشيتي في الكدبة يادراه😑
ميرا : ماهو هوا يعرفك وواضح عليه يبيك
يارا : تي عادي ياغبو الولاد اي بنت يحبوها حتى كان قلتيله صاحبتها يكلمك
ميرا : تؤتؤ هوا مش زي باقي الولاد
يارا : تي بالله جو المسلسلات التركية فكيني منه
ميرا : تو بتطلعي معاي ولا شنو
يارا : به حدديله موعد
ميرا : به امتى
~~~
~~~
~~~
بو سندس : ياولدي انتو بيناتكم بنية وسعو بالكم ماكمش صغيرين
عمر : هيا مش محترمة نفسها ياعمي وتعلي في صوتها
سندس : السلام عليكم
الكل : وعليكم السلام
بو سندس : تأسفي من راجلك وقوليله سامحني
سندس : سامحني ياعمر مش قصدي نعلي صوتي
عمر : نوضي وتي روحك ووتي بنتك هيا
سندس : باهي هي
بو سندس: كيف حال بوك والعيلة كويسين
عمر : الحمد لله ياعمي كويسين....والله بوي كان يبي يجي معاي لكن ماسخرش ربي
بو سندس :فيها خيرة انشالله مرة تانية
•
°
•
°
🌒
وليل جديد كله حكيات وقصص عشاق المتعدب والفرحان والحزين والسعيد كلهم جامعهم الليل....
علاش في الليل الالام والجروح كله تهيج
علاش اللي ننسوه في النهار ندكروه في الليل...
قداش ماصعب جرح الحبيب وبدات لما تكونو الاتنين ماليكمش دنب والضروف جبرتكم....💔
🌸•°•°•°•°•°•°•°•°•°•°•°•°•°•🌸
مطلب : به نحبك اني والله نحبك
اني نسمع وساكته ومش قادرة نكدب ونقوله حتى اني
مطلب : اسمعي حبيبتي
اني : نعم
مطلب : شن رايك غدوا نرفعك تشوفي الحوش
اني : حوشك
مطلب : اي
اني : من عقلك تبيني نمشي معاك لحوشك😒
مطلب : حبيبتي نرفعو معانا شهد ولا صفاء
اني : لالا
مطلب : علاش
اني : هكي...تو سيوري نشوفه
مطلب : باه
~~
~~
علا : اشبح شن اللي صار بين سراج وسامي 😢 زعما شن يدير سامي توا وشن يفكر 💔...زعما تعارك هوا وسراج ولالا....اااه ياربي علاش هكي 😢 المشكله حتى رنا خدو تلفونها ومافيش كيف نوصل فيه😣
~~
~~
_________________________________________
مراد : حقااا
_________________________________________
ميرا : اي....لكن امتى
_________________________________________
مراد : امتى مايعجبك ووين ماتبي
_________________________________________
ميرا : باهي نشوف روحي ونرد عليك....لكن بنجي اني وصاحبتي
_________________________________________
مراد : علاش صاحبتك
_________________________________________
ميرا : هكي لازم تجي معاي
_________________________________________
مراد : اياااا علينا....اني من الاخير في كلام نبي نقوله ومانقدرش قدام صاحبتك
_________________________________________
ميرا : كلام شنو
_________________________________________
مراد : فوتيها ولا قوليلها تقعمز بعيد مش جنبنا
_________________________________________
ميرا قلبها يتقطع ومش قادرة ادير شي...تكلم فيه وهيا غاصرتها العبرة وقلبها مكسور لانها عارفة الكلام اللي بيقوله شن هوا لكن مجبورة تمشي وماتسمعاش ويارا مجبورة تسمع وهيا ماتبيش شي غريب....
ديما في الحب لازم حد يتوجع 💔
~~
~~
_________________________________________
قيس : مش ولينا اصدقاء 😉
_________________________________________
تسنيم : يس
_________________________________________
قيس : نبي نهدرزلك علي موضوع ونبي نستشيرك فيه بما انك بنت وتفهمي....وبما ان ماعنديش خوات نستشيرهم
_________________________________________
تسنيم : اكيييد تفضل 😊
_________________________________________
قيس : اني نحب بنت وميت فيها لكن المشكله ان من طرف واحد وخايف نقوللها تردني
_________________________________________
تسنيم : اها به
_________________________________________
قيس : شن رايك نعترف ولا نفوت
_________________________________________
تسنيم : اكيد تعترف كيف تفوت وتقعد كاتم في قلبك قصدي ع الاقل لما تعترفلها في امل انها تطلع حتى هيا تحبك لكن لما تقعد كاتم في قلبك شن استفدت غي انك تتعدب وخلاص
_________________________________________
قيس : به كيف نقوللها....اني من الاخير المواضيع اهيا مانفهمش فيها هلبا...مش عارف كيف نبدا وشن نقول
_________________________________________
تسنيم : امممم....ابعتلها متلا رسالة حلوا
_________________________________________
قيس : شن نكتب فيها
_________________________________________
تسنيم : اسمع....اني اليوم نفكر ونكتبلك وغدوا نقولهالك
_________________________________________
قيس : شكرااا 😊
_________________________________________
تسنيم : ولو 😊
_________________________________________
~~
~~
نادر : لالا اني نبي تجيبيلي هلباااا صغار
ديما : بتفتح بيهم جبهة امالا
نادر : شن دخلك انتي جيبي واسكتي 😂
ديما : بالله عليييك 😂
نادر تكلم بصوت هااادي : نبيك تجيبي بيبي بعد شهر تحملي وتجيبي وبعد شهر تحملي مافيش بريك بكل
ديما : عقاب يعني
نادر : لا ياعمري لكن نبي نعبي الحوش بيبيات ❤
ديما : يعني صحتي مش هاماتك🙁
نادر : نشرولهم شغالة 😂
ديما : بكم نشروها 😂
نادر : 😂😂 ناخدولهم اغلى حاجة وتكون ماركة
ديما ميته بالضحك
نادر : اااه ياربي من هالضحة جننتني 😍
~~
~~
مريم : حتى انت ضربتها
احمد : اي
مريم : فالح😒 بدل ماتهدي الاوضاع زيد ولعها
احمد : تي شن بنهدي واني بروحي بننفجر منها
مريم : حبيبي خليك منطقي شوية احني في نفس وضع علا
احمد : اي عارف ان في نفس الوضع وتوا جربت وحطيت روحي في مكان مراد وقررت بنقوله
مريم : شنووو😮
احمد : اي خيرك
مريم : بش ناكل نفس الطريحة 😦
احمد : اني بمقوله وهوا اكيد حيتفهم وخلي يعرفو العيلة الكلها اني نبيك💓
~~
~~
رتاج : انت سكران 😮
عبدو يتكلم بطريقة غريبة : اا اني نبي نبوسك ونبوسك ونبوسك ليييين نعلم علي جسمك
رتاج : عبدووو خيرك هكي تتكلم
عبدو : اسكتي خليني ندوي يا#### ونبي ندير معاك...
رتاج ماخلاتاش يكمل وسكرت عليه الخط : خيره المجنون هدا 😢 معقوله عبدو يسكر عبدووو كان نشوفه بعيوني مانصدقش
°
•
°
•
°
☀️⛅
فريال : اهلين انستونا
فاطمة : الله يآنسك كيف حالك
رنا : اهلين سارة كيف حالك
سارة : تمام...وين علا
بلسم : ااا علا مشت لحوش خالتي علي خاطر جايبة كيف نايضة من العملية 😁
سارة وفاطمة شبحو لبعض بأستغراب
~~
ع عبدالله : هدا خالك ولا عمك
سامي : عمي خو بوي
حسن : اني عمه الكبير
ع عبدالله : حصلنا الشرف بمعرفتك
حسن : اني اكتر
سامي : اا امالا وين سراج
عمر : في الخدمة ماسك
سامي : ااه
حسن : تو خلي نخشو في الموضوع اللي جايين علي خاطره
~~
سارة : اي وكل شي بالنصيب
بلسم : وخوك عنده حوش
فاطمة : هوا عنده قطعة وبوه الله يرحمه بانيله حوش فوقي
فريال : فوق العيلة بتسكن 😐
سارة : مبدأيا اي
فاطمة : لين ينظم روحه ويبني حوش كيف مايبيه هوا وياها
~~
~~
علا تبكي : وهدا اللي صار
اسماء : لا حول ولا قوة الا بالله
علا : اشبح شن صار في حوشنا
اسماء : مقنينتا تو جاي يخطب
علا : اي
اسماء : به الي جيتي عندي خير من شافوك هكي
علا : المشكلة ماما شروطاتها هلبا 😑
اسماء : اي والله ندكر فيها في بلسم تشرطت لين دهشت
~~~
~~~
~~~
عمر : جو عيلت سامي
سراج : اليوم
عمر : اي اليوم
سراج : هوا ومنو
عمر : هوا وعمه ونساوين معاهم
سراج من داخله فرح لكن في شي غريب حاسه ومش قادر يطلع فرحته لكن شافهة من سامي بعين كبيرة: باهي وبوك شن قال
عمر : بوك فرحان ويبيهم العيلة
سراج : باهي انشاالله خير
عمر : جاي انت اليوم
سراج : اي انشالله
~~
سراج : ايوا
مراد : اهلا
سراج : شنج
مراد : ماشيا
سراج : شكلك كلمت سامي وقتله
مراد : اي علاش كلمك هوا
سراج : لا ماكلمنيش لكن قالي عمر جي اليوم هوا وعمه
مراد : بالله عليك
سراج : والله
مراد : باهي ربي يتمم علي خير
سراج : اسمع مراد قاصدك في خدمة بسيطة
مراد : انشالله خير
سراج : في بنت صاحبت ليال هيا
مراد : اي خيرها
سراج : هيا........وحكاله اللي قلتهوله علي تسنيم
مراد : كل البنات بتحبك كل البنات حلوين 💃😂
سراج : نضحك 😒
مراد : به شن المطلوب مني 😂
سراج : نبي نهرفها من تكون البنت وشن اسمها ونبي رقمها
مراد :😒ومن وين بنجيبهولك هدا كله
سراج : ياتيس من اختك مريم مش كانت تقرا معاهم لازم ادبرهملي منها ومن غير ماتعرف ليال
مراد : زعما تعرفها مريم وحتى كان تعرف صاحبات ليال بتعرف اما وحدة منهم
سراج : غر شوفها شن بتخسر
°
•
°
•
°
_________________________________________
قيس : اسمعي
_________________________________________
تسنيم : نعم
_________________________________________
قيس : فوتيه موضوع الرسالة....نبيك تقوليلي كلام نقولهولها هكي
_________________________________________
تسنيم : يعني شفوي مش تحريري😂
_________________________________________
قيس : ايوا😂
_________________________________________
تسنيم : انت خايف من لحظة ااعتراف ولالا؟؟
_________________________________________
قيس : اي
_________________________________________
تسنيم : لكن صدقني في اللحظة اللي بتعترف فيها الكلام بيطلع بروحه والاحاسيس بتتحرك واللي في قلبك كله بتقوله
_________________________________________
قيس : زعما
_________________________________________
تسنيم : اي اي
_________________________________________
قيس : تعرفي ياتسنيم مانقدرش نوصفلك قداش مانحبها البنت هده..... في حياتي كلها ماحسيت شعور زي اللي حسيته اتجاهها
_________________________________________
تسنيم : ربي يجعلها من نصيبك...وانت والله مافي زيك وتكون مجنونة لو رفضت
_________________________________________
قيس : ماتقوليش عليها مجنونه 😒
_________________________________________
تسنيم : ياعيني ياعيني😂
_________________________________________
قيس : هي قوليلي شن نقول وكيف نتكلم
_________________________________________
تسنيم : قلها انتي عاجبتيني وحبيتك ونبي نكون معاك بالحلال ونبي تكوني ام صغاري ومولات حوشي ونبي نكمل عمري معاك واللي حسيته اتجاهك ماحسيتاش لاي شخص تاني ومن لما خشيتي قلبي مافيش ولا بنت قدرت تخشه....وهكي
_________________________________________
قيس : تعرفي اللي في قلبي كله قلتيه
_________________________________________
تسنيم : ههههه
_________________________________________
قيس : بندير نسخ لصق
_________________________________________
تسنيم : غر امسح كلمة قلها في البداية 😂
_________________________________________
قيس : وكلمة وهكي 😂
_________________________________________
تسنيم : 😂😂 راك تنساهم وتحشمنا مع البنت
_________________________________________
°
•
°
•
°
مراد ياكل : بنسألك
مريم خافت تحسابه حاجة بخصوص احمد : همم
مراد : لكن الموضوع بيناتنا
مريم : به
مراد : ليال قداش عندها صاحبة مقربة
مريم : زوز
مراد : شن سماهم
مريم : تسنيم ورتاج 😞
مراد : به يهدرزولك في اسرار وجو هكي
مريم : والله مايحكوليش بالاخص لكن يهدرزو قدامي عاطيين في الثقة عادي😕
مراد : مرتبطات هما
مريم : رتاج مخطوبة وتسنيم لا
مراد : به عمرك سمعتي وحدة من صاحبات لونا تهدرز علي سراج وجو هكي
مريم : سراج🤔
مراد : اي قصدي ماعمركش سكعتي ليال ووصاحباته دوو علي سراج قدامك
مريم تفكرت تسنيم طول وضحكت: اا اللالا
مراد : خيرك ضحكتي
مريم : اا شي لكن ماعمريش سمعت
مراد : فكينا من الجو وقولي الحق
مريم : الحق اي وحدة منهم تتكلم عليه مرات
مراد : اما هيا المخطوبة ولا التانية
مريم : تسنيم مش مخطوبة
مراد ابتسم : شن تقول
مريم ضحكت : تقول محلاه وطرف والدوا هده
مراد : تحبه يعني
مريم : مانعرفش المهم هكي تدوي عليه
مراد : هيا بس ولا كلهم
مريم : لالا هيا بس
مراد : غر قولي 😂 ليال ماتقولش في الكلام هدا
مريم : لالا والله لا يخي لما تسنيم تدوي عليه تنوض حتى رتاج تقولها اي طرف وهكي لكن ليال تقوللهم مبردكم وغيرو الموضوع
مراد : الكدابة هده😂
مريم : كدابة 😞؟؟
مراد : متأكدة انها تسنيم
مريم طلعت منها: اي تسنيم تحبه
مراد : تحبه😮
مريم : اا ق قصدي تقول قنين وهكي بس
مراد : به عندك رقمها تسنيم
مريم : هدا كله مافهمتنيش علاش تسأل
مراد : غر عندك رقمها
مريم : اي نهدرز معاها ع الفايبر
مراد : اعطيهولي
مريم : كيف نعطيك رقم البنت هكي
مراد : تي شن بنعاكسها اني غر جيبيه
°
•
°
•
°
ميرا : فهمتك شن تقولي ولا
يارا : تي فهمت ياهمي
ميرا : وديري روحك تعرفي عليه كل شي
يارا : حفظت😑
ميرا : ايوا
يارا : وينه في اما طاولة مقعمز
ميرا : اهو ندور
يارا : حي ع الجو نسيت اني حتى شكله مانعرفاش وطايحة ندور معاك 😂
ميرا : اهوني شفته 😍
يارا : مراااد 😨
ميرا : خيرك
يارا : نهاري الحرف هدا صاحب سامي 😨
ميرا : تكدبي 😮
يارا : وحق ربي
ميرا : لكن ماتخفيش هيا
يارا: كيف مانخافش تي كان يقول لسامي😦
ميرا : انتي ماتعرفيشي زي مانعرفه وبعدين هوا يحبني....قصدي يحبك 😑
~~
مراد شبح ليارا طول وماعطاش لميرا اي اهتمام ولا عبرها
مراد : اهلين ❤
يارا : اهلا بيك
مراد شبح لميرا : مساء الخير
ميرا ابتسمت من عيونها ومدت ايدها : مساء النور
مراد شبح ليارا : قعمزي
قعمزو التلاته في طاولة وحدة وكانت ميرا تشبح لمراد وعيونها يلمعو و مليانات حب
ويارا مقعمزة وتستنا امتا تروح وفنفس الوقت خايفة
مراد اشر ليارا يبي ميرا تمشي
ميرا فهمت : اا اني نستأدن
مراد : واخيرا ... قصدي لاش جايبتيها معاك
يارا : هيا تبي تحشمت منها
مراد : مش قلتيلي انتي تبيها تجي لازم
يارا : اا ا لازم لان تحشمت منها
مراد : اها... اي شن جوك
يارا : تمام
مراد : صار ماتعرفينيش
يارا نحرجت ووجها ولا احمر : ااي 😳
مراد : وتوا عرفتيني
يارا : اي تشرفت
مراد : شن نطلبلك
يارا : علي رايك
مراد : تحبي الطابونا ولالا
يارا : لالا
مراد استغرب
يارا بعدين فهمت : اا اي اي نحبها 😳
مراد : خيرك انتي اليوم
يارا : هههه شي
مراد : مش كأنك اللي تكلمي فيا ع النت
يارا : اي ماهو ع الفيس مانشوفش فيك لكن توا وجهي ف وجهك متحشمة شوية
مراد : ماسألتينيش ع الكلام اللي قتلك بنقولهولك
يارا من غير ماتفهم شي : اي حقا شن هوا
مراد : هههههه غر توا شن تبي نطلبلك
يارا : اا اطلبلي طابونا نحبها 😁
مراد : به
°
•
°
•
°
ايناس : ووين تبي اديريه انشالله 😐
اني : في حوش جدي
بابا : علاش في حوش جدك شن ماعندناش حوش احني
اني : بياني ومانقدرش نديره وماما مش موجودة
بابا : ااه وبتمشي اديريه غادي...بش يقولو بوها ماعنداش باش يديرلها
اني : عادي...اصلا هوا اكتريته صرفت عليه ماما
ايناس : مصح وجهك ياوقحة
اني شبحتلها ومابيتش نرد 😒
بابا : فوتيه موضوع البيان ف حوش جدك طلعيه من دماغك بكل
اني : كيف ندير بيان وامي ماتحضرش
ايناس : ماعندنا مانديرولها
اني : ع فكرة اني ندوي مع بابا ياريت تطلعي منها
بابا : تكلمي باهي ياحيوانه
نضت وخليتهم
~~
خ ليلى : ويبونا نجو غادي في حوش بوك😳
اني : اي تخايلي ياخالتي ندير بيان وماما مش معاي 😢
خ ليلى : لالا اصلا اني مانمشيش لحوش ايناس اللفعة
صفاء : اعطيهالي...الو لونا
اني : اهلين صفو شن الجو
صفاء : تمام....اسمعي كان مايبوكش اديريه ف حوش جدي قوليله يديرهولك ف صالة اصلا كلهم توا في الصالات
اني : تي بالله عليك ايناس امالا بتخليه يديرهولي ف صالة 😑
صفاء : مصح وجههم....كيف خالتي ماتحضرش
اني : تي والله مانديره كان هدا
°
•
°
•
°
مراد : يارا انتي عاجبتيني ونبيك وانتي عارفة كل شي اكيد
يارا نصدمت : ااا شش شن هوا اللي عارفاته 😳
مراد : عارفة اني نبيك ورايدك بالحلال
يارا : ااا ا مراد اني ينروح عندي كورس
مراد : تي غر اصبري خيرك نضتي
يارا : سامي يستنى فيا ف الحوش مانقدرش نتأخر
مراد : انتي عارفة ان اني صاحب سامي
يارا تلخبطت : اا ا لالا
مراد : ااه...وخيرك مانصدمتيش لما عرفتي
يارا وجهها احمر : اا وينها ميرا لازم نمشي بسرعة
~~
ميرا : احكيلي اللي صار بالتفصيل💔
يارا : ماعندي مانحكييييلك 😠واخر مرة تقوليلي نتلاقاااا معاه خليتيني ف موقف اخي ومافيش سؤال سأله جاوبته صح ومتوترة وحالتي حاااله 😡 واصلا لو نندري انه مراد صاحب سامي ماكنتش جيت
ميرا : راك تقولي لخوك
يارا : خيرك اللطف هبلتي😒
ميرا : قالك يبيك😢
يارا : اي 😔
ميرا غصت ودمعتها ف عينها: كنت خاطري نسمعه الكلام حتى لو ماكانش ليا 😢
يارا : قصدك تحبيه
ميرا : هلبا😢💔
يارا تنهدت مش عارف كيف خش ف حياتك من غير لا احم لاتستور 💔 ياريت لما هوا بعتلي ماكنتيش بايتة عندي وماعرفتيشي وماحبيتيشي😔
ميرا : ماتنفعش كلمة ياريت توا 💔 شكلي لازم ننهي معاه القصة وخلاص
~~
~~
مراد : وصلك الرقم ؟
سراج : اي...متأكد ان رقمها ومتأكد هيا البنت
مراد : اي هيا واقعة ف غرامك😂
سراج : مريم قتلك
مراد : اي قالت يقولو طرف وحلو😂😂 مايعرفوكش علي حقيقتك 😂
سراج : حقيقت امك يا###😂
مراد : المشكلة مش اهني....المشكلة قتلك لما يدوو عليك ليال تقوللهم غيروه الموضوع الممل الكدابة هده😂
سراج : نضحك😒
مراد : اندب علي ياماتك السود😒
°
•
°
•
°
اليوم فضانية علا..... وسامي وسراج بيتلاقو لاول مرة بعد اللي صار ......
عمر : وصلو الجماعة
احمد : اطلعلهم سراج دخلهم
سراج : اطلع انت 😒
احمد : مركك الزح 😑
بابا : تفضلو تفضلو
حسن : يزيد فضلك انت عمها ؟؟😕
بابا : اي اني خو عبدالله وعندي حوي عادل متوفي ليه فتره وهده خالها الكبير
حسن : الله يرحمه....اهلين
خال سراج : اهلا بيك تفضل
ع عبدالله : مني هدا يا حسن
حسن : هدا خوي حتى هوا وهداكا خوي
~~
وصل سامي ومعاه ومعاه راجل اخته خش سلم ع الكل وقعمز وبعدين خش سراج
سراج : السلام عليكم
الكل ردو السلام
سلم سراج عليهم لين وصل ف سامي
سامي ناض وقف ومد ايده
سراج مد ايده وهوا ساكت
سامي : غلطت وجاي نصلح ف غلطتي
سراج ابتسمله : راجل وولد اوصول
~~
سندس : صبي اهم الطواسي
هداية : خايفة نبزع
اسماء : هاتي نصب...انتي بري ستفي الشكلاته زي ماقتلك امك
سندس : جيبي المتارد يارنا
عمر : نقصي صوتك 😒
°
•
°
•
°
مسرة : العقباليا يجي غالية...ويديرولي فضانية 😂 والله طلعت شاعرة
ايناس تعجب فيها : والله تلعت شاعرة 😒 هزي دقنك زي النعجة لين ياخدوه منك
مسرة : شن تبيني ندير ماما...نمشي نخطبه تي ماباش يشبحلي مابااااش
ايناس : ماهو من هبالك
~~
مطلب : اليوم فضانية بنت عمك ؟؟
اني : اي
مطلب : خيرك مامشيتيش
اني : فضانية شن بنمشي ندير وهيا اصلا مانادتناش
مطلب : بنت عمك لين تناديك
اني : اي توا كله مولي بالعزمومات
مطلب : عندها خوت ولاد
اني : اا اي😖
مطلب : قداش
اني : علاش
مطلب : نسأل بس
اني : 4 😑
مطلب : مشالله امالا هداكا واحد منهم
اني : معاش تفتحهولي الموضوع هدا
مطلب : باهي نهدرزو خيرك
اني : هدرز ف حاجة تانية 😐
مطلب : باهي به😑
°
•
°
•
°
_________________________________________
مراد : امس متلخبطة ماعرفتش حتى كيف ندوي معاك
_________________________________________
ميرا : اي ههه ماهو ع الواقع مش زي
_________________________________________
مراد : هلبا مختلفة....
_________________________________________
ميرا : صاحبتي عجبتها
_________________________________________
مراد : ههههه والله
_________________________________________
ميرا : اي
_________________________________________
مراد : اسمعي المرة هده جت مفركسة ونضتي روحتي نبو لقاء تاني ره
_________________________________________
ميرا : لالالاا خلاص معاش نقدر
_________________________________________
مراد : علاش😳
_________________________________________
ميرا : هكي
_________________________________________
مراد : نمشو لمكان علي دوقي اني...انتي دوقك مش حلو
_________________________________________
ميرا من غير ماتركز : ماهو خوها يدور في كل مكان هدا المكان الوحيد المناسب
_________________________________________
مراد استغرب : خوها 😞...قصدك خو صاحبتك
_________________________________________
ميرا تلخبطت : اي اي خو صاحبتي
_________________________________________
مراد : تي لاش جاية هيا من الاصل
_________________________________________
ميرا : والله جوها حلو ره غر انت ماتعرفهاش
_________________________________________
مراد : المهم تبي نتلاقو ولا شني....نعرف مكان حلو
_________________________________________
ميرا : باهي تمام لكن وين
_________________________________________
مراد : في ####
_________________________________________
ميرا : اسمع صاحبتي لازم تجي ره مانعرفش نتصرف من غيرها
_________________________________________
مراد : مافهمتكش كل مرة تقولي كلام....تو مش قليلي قالتلك بتمشي معاك تحشمتي منها
_________________________________________
ميرا : اي المرة اللي فاتت لكن المرة هده نبيها تجي
_________________________________________
مراد : باهي عادي
_________________________________________
~~
يارا : شنووو 😳 مستحييييل😑
ميرا : بالله عليييك بالله عليييك
يارا : ميرا هدا صاااحب خوي عارفة شني يعني...يعني سامي يدفني حية
ميرا : تي مش حيعرف سامي
يارا : واااك ياميرا اديري ف حاجات تحرق الدم
ميرا : والله حتكون اخر مرة وعد
°
•
°
•
°
بابا : هيا كلمة وماتحرقيليش دمي😠
اني : مانقدرش نديره وماما ماتحضرش كانهدا بلاش منه بكل
بابا : بلاش بلاش شن كان مادرتيش بيان بتوقف الدنيا
اني : اني حرة هوا بياني خلوني نختار المكان اللي نبيه ولا ديروهولي ف صاله😏
ايناس تكلمت بصوت عالي : اهدييي😐 اهديي وياسرك انتي نافخة روحك شن مافيش من يحكم فيييك😡 البيان اهني يعني اهني
اني : بابا قوللها تنقص دوشا بش نعرف كيف ندوي معاك
بابا : احترمي نفسك ليال مانبيش نغلط فيك
اني : البيان ف الحوش اهوا وبالمعاملة هده والله ماني مدايراته
بابا : ماني اني الحمار اللي عطيتك وانتي مزال عيلة نحسابك كبرتي طلعت غالط
اني ركبت لداري واتصلت ب ماما
~~
اني : ايوا ماما شن الجو
ماما : تمام بنتي شن جوك انتي
اني : مش مليح بكل...تعرفي اللي اسمها ايناس معبية لبابا راسه تبيني ندير البيان اهني
ماما : غريبة واني نحسابها تبي تفتك منك
اني : التافهة ماهو تبي اللي يجيبوه حوش خالتي تاكله هيا وبنتها😒
ماما : اني بنتي نقولهالك من توا والله الحوش هداكا معاد نقدر نخشله
اني : قصدك كان سكرو راسهم انتي مستحيل اتجي
ماما : كيف نجي....وهديكا شن مانعرفهاش تي مرات تقولك تجي عادي ولما نجي تلزني نعرفها
اني : تلز طيح سعدها شن حوش بوها هيا
ماما : حاولي معاه بوك وكلميه بهدوء واقنعيه
اني : هه😏 بعد ماكلماته هيا مزال بيقتنعلك
°
•
°
•
°
سامي : واخيرا ❤
علا : اي....شن صار بينك وبين سراج بكري
سامي : عادي ماصار شي
علا : باهي الحمد لله
سامي : انتي يكلم فيك عادي؟؟
علا : تؤتؤ اصلا لما يجي نهرب لداري
سامي : اني غلطت...مفروض من البداية قتله نبي اختك مادرتهاش من وراه
علا : تي شني هوا حلال عليه واحني حرام 😑
سامي : مش هكي لكن عنده الحق لو اني مكانه هكي تكون ردة فعلي
علا : لكن اللي مستغرباته ان كان ماشيلك مغلول شن اللي خلاه مشي لحوشه
سامي: بالك مراد كلمه
علا: لالا احمد قال ماباش يرد علي مراد
سامي : الله اعلم....المهم مبروك ياعمري💓
علا : الله يبارك فيك حياتي...ربي يتممنا علي خير
سامي : يارب
علا : اي قولي...شن علقو اماليك ع الحاجات
سامي : عجبوهم
علا : عجبها امك الخاتم
سامي : اي
°
•
°
•
°
نادر : باهي انتي هدا حوش بوك مش غادي وهم مفروض يجو لحوش بوك مش حوش جدك
اني : ومفروض ماما تحضر وهيا تنظم كل شي مش ايناس😑
نادر : اففف منك
اني : اسمع كان بيسكر راسهم والله ماني مدايراته
نادر : سكري فمك شن تحسابي الموضوع لعبه
اني : والله هدا اللي عندي
~~
ديما : حياتي خيرك ماتردش
نادر : كنت مع لونا مانتبهتش للتلفون
ديما : شن جوها والله مستاحشتها
نادر : باهية
ديما : خيرك جوك مش مليح
نادر : لا عادي جوي...شن جوك انتي
ديما : تمام
°
•
°
•
°
ع صالح : وباهي برو غادي وخلاص
خ فاطمة : هدا ماناقص .....كان اختي ماتحظرش شن فيه بنة
ع صالح : لاحول ولا قوة الا بالله
خ فاطمة : خنكلمها لونا نشوف شن صار معاها
~~
خ ليلى : ايوا لونا كيف حالك
اني : الحمد لله
خ ليلى : شن صار معاش تكلمتو فيه الموضوع
اني : لالا قاعدين مسكرين راسهم يبوه اهني
كان باب داري مردود وايناس طالعة من دار مسرة وقفت تسمع
خ ليلى : كلمي بوك بروحه مش قدامها العقربة هديكا
اني : بابا دايرتله غسيل مخ والله كلامها ماشي زي السيف
ايناس خشتلي تجري وخطفت من ايدي التلفون....
🌷يتبع🌷
__قراءة ممتعة__💛
.
.
#__ťìmÒò__💟
