#__وتين__🍃
🌷الحلقة 81🌷
مسرة : والله ماني عارفة اللي درته صح ولا غلط لكن حنقولك وخلاص
سراج : ادوي يامسرة بالله عليك حرقتيلي اعصابي
مسرة توترت : هي ليال ااا...😳
سراج : ادوي النم
مسرة : عاقر...ماتجيبش في الصغار
سراج نصدم: كك كيف يعني😳
مسرة : اول ماعرفت الموضوع هدا قررت تسيبك وتبعد ع المشاكل
سراج : متأكدة من اللي تقولي فيه
مسرة : اي...بالله عليك ماتطلع منك ياسراج
سراج شبحلها بنص عين 😒: ومن قال مش دعاية مطلعتيها بش...
مسرة قصت ع كلامه : ارجوك ماتجرحش بالكلام😔....اني قلتلك لان وجعني حالكم وعارفة انكم تحبو بعض لكن الدنيا مش جاية معاكم
سراج : قصدك هدا علاش هي سيبت
مسرة هزت راسها بمعنى اي
سراج ضحك: هده مغلوب عليها
مسرة : عادي يعني تعيش معاها بالشكل هدا
سراج : عادي نعيش معاها بأي شكل....غر قوليلي رقدت هي
مسرة : اي علاش😮
سراج شدها من كتفها : نوضي نوضيها بسرعة بالله عليك
مسرة : هييي...ماتقوللهاش ان اني قتلك بالله 😯
سراج : تي باهي مانقوللهاش غر نوضيها بسس
مسرة : تي ليل اللطف خيرك
سراج : به خلاص خلي الصبح 😑
مسرة ناضت : تصبح ع خير
سراج بينه وبين نفسه " تي شن بيصبرني للصبح " وناض : يامسرة غر نوضيها بالله عليييك
مسرة ضحكت : تي كيف ماهو لما انوضها تعرف ان اني اللي قتلك
سراج شبح فوق: افففف...باهي غر في اما دار راقدة هي
مسرة : هبلت انت😂
سراج : حاجة زي هكي😂...غر اما دار بس
مسرة : اهوني...غر خليني نركب وندير روحي راقدة بش ماتحسش ان اني اللي قتلك
سراج : به
خشت مسرة رقدت وركب سراج تسلحب بالشوية وخش للدار بفلاش تلفونه وطبعا كنت راقدة في الحاشية جنب الباب وطبعا كنا مطرحين زي الميتين وكل وحدة مندارها في تركينة...خش بالشوية جي جنب راسي وقعمز علي ركابه ❤ وقرب وجهه مني وقعد يهمس بالشوية : لونااا...لونااا فيقي
{كنت نحلم ونخترف ان سراج متجوز حلا ويبوس فيها وهي تشبحلي وتغيض فيا 😂😂} فتحت عيوني..صوته ولمسات ايديه ع وجهي وريحته مخلطة مع ريحة الدخان 💕 وكمية الحنية اللي ف همسات صوته...معاش فهمت تخلطت عليا الحلم مع الواقع ومعاش قدرت نستوعب قعمزت لا شعوريا وقعدت نحك ف عيوني بايديا😴 وشعري جاي علي وجهي وتوكتي طايحة وحالتي حالة تقول طالعة من حرب...
سراج يشبحلي و يضحك وبعدين شدلي يدي : تعالي بسرعة بنكلمك
اني نشبحله ومستغربة : فف في شنو😳
سراج جبدني بالشوية : غر تعالي
نضت معاه ومزال مش فايقة نمشي وخلاص ومش عارفة حتى كيف نمشي.... وهو زابطني مزال مافقتش كويس قعد شادني من ايدي ولما وصل للباب حول دجاكته ولبسهالي : البسي صقع
اني شبحتله : اا انت...
سراج قص ع كلامي : اششش تو يفيقو
قعد يلود بيا في الجنان ورفعني لمكان غريب مع اني لدت الجنان كله الصبح بس الدغروقة هده ماشفتهاش بكل وهو عاد خبرة لان يجي مرات اهني...المهم
طبعا كانت زي الفيراندا مسقفة وفيها طاولة وكراسي قدم شكلهم...
قعدت واقفة نشبحله : علاش جايبني شن تبي
سراج ضحك : غر ساوي شعرك قبل
قمت شعري ولبست التوكة كويس وهو متكي ع الطاولة ويشبحلي ومبتسم❤
اني : شن تبي
سراج : نبيك انتي
خفت الحق : خخ خيرك سراج😳
سراج قدم وشدلي يديا : نبيك لونا نبيييك ومن غير اي شرط المهم كوني ليااا بس ومانبي شي تاني❤
اني جبدت يديا وخنقتني العبرة😢: سراج قلتلك مرة وتنين ومية اني وانت....
سراج قص ع كلامي وعلا صوته : انتي ليااااا باهي حطيها ف راسك اهيا😡
اني : اششش تو ينوض حد 😓
سراج : ليال قولي باهي بسسس واللي تبيه اني فيه اللي تبيييه غر خليك جنبي بس
اني : مانقدرش😢
سراج : به كانك علي عيلتي...لو قتلك نقطع عيلتي كلها
هزيت راسي بمعنى لا وخانقتني العبرة😢
سراج : لو قتلك نبيك بأي عيب فيك
هزيت راسي بمعنى لا والدموع يزيدو💔
سراج : لو قتلك نعيش معاك حتى من غير صغار ❤
اني تقول من صب عليا امية سخونة قعدت نشبحله ومصدومة هدا من قاله ولا اني نفضحت قدامهم ولا شن صاير ف الدنيا
سراج قرب خطوة وحط انامله ع خدي ومسحلي دموعي : شن قلتي 💕
اني نشبحله: شش شن قصدك ب من غير صغار 😢
سراج ابتسم : قصدي نتخلى علي عيلتي وعلي رزقي وعلي حياتي المسقبلية اللي اني مخططلها في سبيل انك تكوني ليا بس هدا قصدي
اني : علاش قلت صغار بدات
سراج يدوي بحنية كأنه يكلم في بنته💖: لان هما احلى حاجة في الدنيا واني نفهم فيك انك مش احلى حاجة في الدنيا انتي دنيتي كلها
اني : انت تعرف ؟😢
سراج : بشني
اني حطيت يديا علي وجهي وقعدت نبكي ونبكي ونبكي معاش قدرت نشد روحي بكل💔....حولي يديا من ع وجهي وقربني ليه ولف يديه عليا وحضني...وقفت ع صوابع رجليا ولفيت يديا ع رقبته و نبكي و نشهق
سراج طبس بحيث نوقف مرتاحة { مركز ع ادق التفاصيل💓}
نحس ف لحيته ع رقبتي ويهدي فيا بلمسات ايديه ع ظهري : اهدي حبيبي 💔
اني : تعبانة ياسراج تعبااانة تعباااانة 😭
سراج وخر وجهه شوية وحط ايديه ع وجهي : سلامتك من التعب...يا عيون سراج وقلب سراج وروح سراج❤....وباسني بين عيوني بوسة خفييييفة وهادية ومليانة حنية : نوعدك طول ما اني معاك مش حتشوفي تعب ولا زعل...نوعدك عيونك الحلوات ماتنزلش منهم دمعة واني حي 💕 نوعدك يالونا....غر خليك جنبي بسسس ومانبي شي تاني
اني شهقات البكي مامشتش مني : اني...اني...😢
سراج : انتي متاعتي اني وغير هكي مافيش كلام تمام
اني ضحكت والمدوع ف عيوني: متأكد
سراج : متأكد متأكد زي مانشوف فيك
اني : حتى لو....😢
سراج قص ع كلامي : حتى لو يقوف في طريقي كل شي....تعرفي لو يقولولي تعيش معاها يوم وتموت والله ماني رافض
اني : ماهو انت مفروض تفكر بعقلك مش بقلبك وفكر ان مش حيجي يوم وتكون بو
سراج : نعرفه الكلام اللي تقولي فيه....ونبيك...كيف ماأنتي نبيك ❤
.
.
#بعد_ساعة
مقعمز سراج تحت الحيط متكي ظهره ع الحيط واني جنبه وحاطة راسي ع كتفه وشابك ايده في ايدي...
شعووور مانقدرش نوصفه ❤ رجعلي..رجع ملكي اني رجعتلي ضحكته وحنيته وغيرته 💕 رجعت احلى التفاصيل معاه 💖 نحبه نحبه 💕
سراج: صقعتي
اني : تؤتؤ
وبعدين شبحتله : مني قالك
سراج : مش مهم المهم رجعتيلي ❤
اني نضت من ع كتفه وتلفتتله : غر قوول
سراج : واااك فوتي مش وقته
اني : نادر ؟؟
سراج : تؤتؤ....
اني : بالله عليك قولي نبي نعرف مني اللي عنده علم حاسه الموضوع انتشر للعيلة كلها 😢
سراج قعمز نص تربيعة وحط ايده ع رجله وايده التانية ع الارض { انشالله زبطوها اللقطة} : انتي لمن قايلة ترا
اني : ماما بس وبعدين الموضوع بدي يطلع بالشوية بالشوية
سراج : باهي لمن طلع
اني : نادر ومسرة
سراج : لو قتلك من قالي ماديريلاش مشاكل
اني حطيت ايدي ع خده : كيف نديرله مشاكل ولولاه ماكنتش معاك توا💕
سراج شدلي ايدي حطها ع فمه وسكر عيوه وباسها: هبلتييني انتي ❤
اني : هيا حبيبي قولي
سراج : مسرة
اني : الله 😮
سراج : هههه حتى اني نصدمت...لكن موليا طيبة شكلها بتموت تودع😂
اني : اي متغيرة هلبا الفترة الاخيرة
سراج شبح لعيوني : خلينا منها توا
اني ضحكت ورجعت اتكيت ع كتفه
~~
~~
~~
☀️⛅
ع سعاد : صباح الخير
الكل ردو صباح النور
ع سعاد : شني شكلهم الولاد والبنات راقدين
بلسم : والله مطرحين زي الموتى
فريال : عاد امس ساهرين ايش ماناضولك توا
~~
~~
مريم كيف طالعة من الحمام واحمد راكب ابتسملها وبعتلها بوسه من بعيد 😘
مريم بعتتله بوسة 😘
~~
تن تن 📩
______________________________________
اول ما فتحت عيوني جتني فرحة غريبة ❤
مش مصدق اللي اني فيه
______________________________________
سمعت صوت رسالة فتحت لقيته باعتلي ابتسمت واتصلت بيه
سراج : صباح الخير
كان واضح كيف نايض من النوم وفي بحه في صوته...تهبببل فيا البحه هده ❤ ومع صوت انفاسه وكيف يدوي بهمس...ردلي الروح 💕
اني : صباح الورد
سراج : فقتي
اني : هأه...قاعدة في فراشي
سراج : تمنيت البارح ماتمش
اني : ولا اني 💕
سراج : بكلمة منك بسس نعيشو زي البارح طول العمر ومن غير خوف من حد
اني ضحكت : انشالله
سراج : نعتبرها موافقة هده
اني : هههه
سراج : ادوي النم
اني : به غر خلي يفوت عرس علا
سراج : شن دخل شعبان ف رمضان تي تتجوز علا شن دخلنا احني...اني نكلم بوي مبدأيا وبعدين تمشي الامور
اني : باهي دير اللي يريحك ❤
سراج : باهي نوضي ياخميرة هي
اني: امممبه
سراج : توا نوضي
اني حولت البطانية وقعدت نتكسل : نضت نضت
~~
~~
~~
ع سعاد : هيا نوضو وتنا الفطور يابنات
نضت اني وعلا نوتو في الفطور
علا : وين الزيتون
اني : في التلاجة
علا : اهوا لقيته
اني : لو نقولك توا اني ناوية نرجع اني وسراج حتفرحي
علا تلفتتلي : اكيد 😀
اني جيت وقفت جنبها : باهي شن اللي خلاك تقولي اللي قلتيه هديكا المرة
علا : اللي صار صار لكن توا متمنيا ترجعو 🙁
اني ضحكت : رجعنا
علا عيطت : ااااااه😀 🙊 تكدبي
اني : اشششش خيرك نهار احرف😱
علا : بجدياااات
اني ضحكت و هزيت راسي بمعنى اي
علا : يوخييييتي محلاكم😍😘😘
اني : اسمعي ماديريليش العار اسكتي ماتقوليش...تو يقعدو يتسهوكو ويحلو في عسلهم😑
°
•
°
•
°
ايناس تبكي : شفتوووه😭...ليا قريب خمسة ايام حرجانة ولا اتصل لا دور
خوها الكبير : تحسابي روحك ضريفة....بنت يخطبو فيها وانتي قاعدة تتحرجي تي كاني مكانه نقولك شدي مكانك معاش تجيني 😠
ايناس : ماتشوووفش فيه هوا شن ايدير انت....المهم اطلعوني اني الغالطة وخلاص😭
مرت خوها : تي فوتيه تو يوم اتنين ويجي يروح بيك
خوها شبح لمرته : اي العبي بعقلها انتي تو ينفعها كلامك😠
°
•
°
•
°
وليد " زعما علاش دارت هكي...شن معناه اللي ادير فيه ....تنحرق شن دخلي فيها خيرني حارق دمي اني😡 "
مقعمز وليد ويفكر...شوية وجاته غزل قعمزت جنبه
غزل : خيرك المدة هده
وليد شبحلها : خيرني
غزل : تخمم هلبا وديما سارح
وليد : لا شي 😶
غزل : نتصل بمسرة ليا يومين ماتردش
وليد : فوتيها
غزل : متعارك انت وياها
وليد تعصب : تي شن متعارك اني وياها حسستيني مرتي هيا😡....تي تتعامل بمزاجها فوتي امها معاش لاتعزميها ولا تناديها
غزل : نقولهالك من الاخير هكي...هي تحبك وواضح عليها وانت نفس الشي😒 وطبعا اني بوابة الاتصال😂...فخلي نمشو نخطبوها من غير نفخ زايد
وليد : شكرا ع النصايح وسعي ترا
غزل ناضت : لو بتقعد بتفكيرك هدا ماعمرك حتلقى حب 😒...ومشت وخلاته حاير
°
•
°
•
°
خشت مسرة للكوجينة وكنت اني بس فيها
اني بتسهويك درت روحي متعصبة : صباح الخير يامسرة😏
مسرة شبحتلي وبدت تدوي معاش سكتت : وحق ربي ماكنت نبي نقول لكن والله شفته هو كيف...
قصيت ع كلامها : شكرا 🙂
مسرة : رجعتووو😀
اني :هههه اي 🙈
مسرة : مبرووووك 🤗
....
قعمزنا كلنا نفطرو ع الطاولة وضحك وهدرزة ومرة مرة سراج يديرلي شبحات 💕
مسرة تاكل وجت عينها ف عين سراج ضحكت: كان مش مني ولا😌😜
سراج ضحك : والله الا طلعتي احسن وحدة في اخر حلقة 😂
مسرة : خزي😶
اني شبحتلهم وضحكت
جي معتصم كيف نايض من النوم : تفطروو عليا😡
فريال : تعالى هي
معتصم : بنقعمز جنب لونا
سراج شده من تيشيرته يهز فيه ويتكلم وحاط سنونة ع بعض بقوة : قعمزززز جنبي اني اهنييي 😑
وشحه جنبه...
قعمز معتصم وقارن حواجبه😡....
اني قعدت نضحك
~~~
وفات اليوم وقبل مايدن المغرب لمينا دبشنا وتسقدنا...
كانت زردة حلوا حلوا...اغلبهم جايين مايكلموش في بعض وروحو يضحكو ويهدرزو مع بعض واولهم رنا ومسرة...واني وعلا...
ومن اللي ماكنتش متوقعاته بكل ان نروح واني وسراج راجعين لبعض🙈💕...فرحتي ماتنوصفش 💛
°
•
°
•
°
☀️⛅
طقطقطق✊
رتاج : منووو
اني : انيي ليال
رتاج فتحت
اني : صباااحووو
رتاج: ياااي مفاجأة حلوا😘..صباح الورد
سلمنا وخشيت لقيتها هي وامها بس وجوهم مكسد
رتاج : شن الجية المفاجأة
اني : عندي هلبا اخباااار حلوا ماقدرتش نصبر للعشية 😅
رتاج : اخبار شنو 😀
اني : اول شي اني وسراج رجعنا لبعض😄
رتاج : تكدبي تكدبي تكدبي😆
اني: وحق ربي🙈
رتاج : كان مش عيب راني زغرطت 😂...واخيراااا
اني : تبيش تعرفي الخبر التاني😌
رتاج : وووك شني شني🙊
اني : امممممممم😌
رتاج : ادوييييي
اني : عبسي😜...يبي يجي يخطبك
رتاج تلاشت الضحكة من ع وجهها : نعم ؟؟
اني : اقسم بالله...قعد يسأل فيا عليك وهكي وبعدين قالي كلميها شوفيها 😊
رتاج : هه 😏...من جدك لونا متوقعتيني حنفرح 😒
نصدمت : اكيد هكي متوقعة 😶
رتاج : جواز مش مبني ع حب مش حينجح هدا اولا....وتانيا شكله يبي ياخدني باش ينسى بنت عمك ويستقر بس...وتالتا بعد كلامه اللي قالهولي مستحيل نفكر حتى التفكير ان نرتبط بيه
اني : علاااش☹
رتاج : كنصليه الموضوع 😑
اني : به اعتبري جيته لما بيخطبك ردة اعتبار للكلامه
رتاج : ليال كيف بنعيش مع انسان مايحبنيش...ما يحب نييييش 😡
اني : من قااالك شن انتي خاشة في قلبه
رتاج ناضت : خلي نصب عصير ع شرف رجعتكم انتي وسراج🤗...ومشت
اني تنهدت
°
•
°
•
°
ترررن ترررن 📱
مسرة : الو...ايوا...تمامالحمد لله..من معاي 😶...وليد😶
وليد : اي وليد...خيرك مصدومة
مسرة : مش مصدومة لكن مش رقمك هدا😑
وليد ضحك بهزوة : رقمي حاطتيه ف الرفض😏
مسرة : اي...تبي حاجة
وليد : مافهمتش انتي علاش اديري هكي وش السبب....لكن اختي غزل شن دنبها ماترديش عليها بكل...ولا انتي طبعك تتعاملي بمزاجك😏
مسرة : غزل صح حبيتها وخشت خاطري لكن اسفة مانقدرش نمشي ونجي عليها لان ليها علاقة بهناء وحتصير قيلة وقال وقصص اني في غنى عنها....وانت ساعدتني ووقفت معاي ومش حننساهالك لكن ع اي اساس تتصل بيا وتهدرز معاي وع اي اساس نجيكم في الحوش قصدي هدا كله اللي يصير غلط...
وليد : باهي تقدري تبعدي باللتي هي احسن مش بالعداوة
مسرة تنهدت : شن تبي توا
وليد : علاش روحتي يوم العيد ميلاد
مسرة : لان هناء غادي...وسمعت صوتها اول ماخشيت لما تهدرز معاك وماقدرتش نقعد😊
وليد جي قدامه كلام هناء وتفكر الموقف : كك كيف 😳...انتي فهمتي غلط...
مسرة قصت ع كلامه : مش مضطر تبررلي...واصلا من وين لوين تبررلي...المهم ربي يسمعنا ع بعض الاخبار الطيبة 😔
وليد سكر من غير مايدوي
ومسرة انهارت بالبكي
°
•
°
•
°
نادر مقعمز في الجنان يدخن شوية وطلع بابا
لوح نادر السبسي ع طول ايده وقعد يكح من الخلعة والدخان يطلع من خشومه وفمه وحالته حاله
جاه بابا قعمز جنبه ودار روحه ماشافش : امتى روحت م الخدمة
نادر : بكري شوية
قعدو الزوز ساكتين شوية وبعدين تكلم نادر : مزال مش مروحة ايناس شكلها 😶
بابا : مشت بروحها تروح بروحها
نادر ضحك
بابا : والله اني بندوي معاك ف موضوع ومش عارف كيف نبدا😅
نادر : انشالله خير
بابا يبلع ف ريقة : والله هو الحق ااا...
نادر يشبحله : خيرك بوي تقول بتخطب😂
بابا ضحك وهو منحرج: وهو كذلك
نادر نصدم : بجديات😨
بابا : تبي الحق هكي اني نبي نرد امك لو تقبل
نادر زاد نصدم : امي 😨😨
بابا : اا اي 😳
نادر معاش عرف شن يقول قعد ساكتوالصدمة في وجهه
بابا : اا ممكن تستغرب من طلبي وكيف بعد سنين جاي نبي نردها لكن فكرت ان مدامني توسعت نفتح حوش تاني وتقعد فيه انت وامك وليال والحوش هدا لايناس ومسرة ونفتكو من المشاكل
نادر : قصدي جاي توا بعد ماليال قريب يخطبوها واني نكمل ف شقتي وبنتجوز وتقولي تعيشو مع بعض...وبعدين لما كانو ليال ومسرة في سن المراهقة والغيرة والعراك يوميا مادرت شي وتوا لما رجعت علاقتهم وبدو زي السمن ع العسل وما صدقنا اختلطو ببعض تبي تفرقهم😶...قصدي لو جيت قتلي امك توا زهت ف عيني ونبي نردها 😏اهون من الكلام اللي قلته😒...ومع هدا اني تو نقوللها ونشوفها شن ترد عليك مرات يصير نصيب...وناض وخلاه ولما قاله ان حيقوللها كان شبه متأكد ان ماما حترفض الموضوع
°
•
°
•
°
رتاج " بعد اللي داره ويبي يجي يخطبني😢...يحساب قلبي لعبة...مايحسابش الكلام اللي قاله قطعني💔...لكن لو وافقت حنعيش معاه...حنكمل حياتي واني معاه وقربه...هه 😏 لكن كرامتي فوق كل شي "
~~
~~
~~
#بعد_مرور_اسبوع🗓
....
ماما : اهو خالك صوت سيارته
فتحت الباب : اووو اهلا اهلا الحمد لله ع السلامة 🤗
عبسي قرصني في خدي : الله يسلمك ياطشة 😘
اني : طشة ؟ 😒
ديما : عبسييي حمد الله ع السلامة
نادر : اطلعوله في الشارع وخلاص😠
اني وديما تحشمنا ع وجهنا وخشينا😁
شهد : خالوووو جبتلي اللي قتلك عليه 🤗
عبسي : تي بري العبي نسيتك من الوجود بكل😂
صفاء : اهلا
عبسي ناضلها : اووو صفو اهني...تي وييين ليك وحشة
صفاء ضحكت وسلمت عليه : ليك اكتر
قعمزنا وتغدينا وهدرزنا ولايخلو الامر من نظرات نادر لديما 💓 وبعدين خش عبسي بيرتاح وناداني
جيت قعمزت جنبه : شنو
عبسي : شن صار في هدكا الموضوع
اني : ااا موضوع رتاج 😳
عبسي : اي خيرك😑
اني : الحق هي...
عبسي : كلمتيها انتي ولالا ؟؟
اني هزيت راسي بمعنى اي
عبسي : اي وشن قالت
كيف بتطلع مني كلمة رفضت وفجأة خطر عليا ان مرات لو يمشي للحوش ويطلبها وتشوف الموضوع جدي توافق
اني : والله الحق هي لا قالت اي ولا قالت لا لكن واضح انها فرحت 😁
عبسي : وشن نفهم منك اني توا😑
اني : قصدي بالعقل مافيش وحدة يفتحولها موضوع هكي وتقول اي طوول اكيد بدير جو الحشم لكن هي فرحت واضح عليها
عبسي : قصدك نتوكل علي ربي
اني ضحكت وهزيت راسي بمعنى اي
~~
~~
🌒
بعد ماروحو كلهم وعبسي طلع يشوف في صحابه قعدت اني وماما ونادر واني نوتي في روحي بنروح ونادر يستنى فيا في الصالون ومقعمز هو وماما
نادر : بنقولك موضوع ومش عارف نتعفلق ولا نضحك
ماما : موضوع شني 😶
نادر : هو يخص بوي
وعلي طلعتي اني...جيت قعمزت جنبهم: شن تقولو نبي نسمع😮
ماما : قالي موضوع ماموضوع حتى اني مافهمت شي
نادر : بوووي
ماما : تي باهي خيره😑
نادر : يبي يردك
اني و ماما : شنييي😨
نادر ضحك : والله هكي قالي مش عارف نعتبرها جرأة ولا وقاحة😂
ماما : لا مش هو الوقح...الوقح انت اللي جاي تعاودلي😒
اني : مصدوومة بجد ومش بنطق ولا عارفة ارد😂
نادر : سكري فمك ندوي بجديات ره
ماما : نوض روح باختك نوض ليل😒
نادر : باهي شن نرد عليه
ماما : قوله ماقدرتش نقوللها ولو فكر يفتحه الموضوع تاني حنتصل نمسح بيه الارض 😒
نادر : لا هو اني درت اللازم معاه ولا يهمك
ماما : باهي غر برو ونبي...ننعس 😴
اني : تصبحي ع خير
ماما باستني : وانتي من اهله
~~
~~
~~
في السيارة 🚗
اني : واني نقوول خيره متغير مع ايناس 🤔
نادر : تعرفي ليه قريب اسبوع داويلي لكن ماقدرتش نفتحه الموضوع 😅
اني : ومتوقع ماما بتقول باهي😒
نادر : عارفها بتقول لا
اني : وانت شن رايك
نادر : اكيد لا هدا ماناقص
اني : قصدي بعد اللي داره فيها كله وهو وايناس واللي داراته فريال ومزال عنده الجرأة 😶
نادر : اللي يكبر يهبل 😑
اني ضحكت
°
•
°
•
°
☀️⛅
فقت من النوم نسمع في شوية دوشا لوطا طبست لقيتها ايناس مروح بيها بابا....درنا فطور وهي تحاول تخلي ف جوها عادي معانا وتتباعد ع المشاكل لان شكله بابا عاطيها محاضرة في الطريق
~~
طلعت اني ومسرة نشرو في حاجات لعرس علا {من قال يجي يوم ونطلع مع مسرة } المهم...
خشينا لمحل اكسسوارات قعدنا نوازو ونشرو وهكي
قعدت اني نساوم في حديدة ومسرة واقفة قدام فترينة فيها تواكم بناتيات و تتفرج وبعدين نزلت عيونها شافت خاتم عجبها : بكم هدا
مولى المحل : ب###
... شوية وتكلم وراها واحد : عجبك ❤
مسرة نخلعت وتلفتت لقاته....
🌷يتبع🌷
.
.
#_timOo_💜
