#__وتين__🍃
🌷الحلقة 34🌷
ميرا : الووو ياارا 😯
يارا : الو انشالله خير خيرك
ميرا : اسمعي😦
يارا : نعم
ميرا : هداكا الولد اللي اللي بعتلك وبديت نكلم فيه اني عرفتيه
يارا : اي...قصدك قاعدة تكلمي فيه مفضى بالك
ميرا :اي ويبي يشوفني معشش فيا
يارا : به شوفيه وكان هدا
ميرا: ياغبوووو ماهو هوا يكلم فيا علي اساس اني يارا
يارا : اي حقا نسيت😅
ميرا : والحل
يارا : توا مشغولة بعدين نهدرزو فيه الموضوع
ميرا : باي😑
°
•
°
•
°
اني اللي غلطت ولا هوا ؟؟😭....لا هوا اللي غلط اني ماقلت شي عيب😡....لكن حتى اني عليت صوتي وعيطت ف وجهه....اي من حقي والكلام اللي قاله مش شوية جرحني وطلعني امسخة ويسب ويقول ف كلام كبير ماحترمنيش ولا دارلي قدر وهدا كله علي خاطر كلمتين قالهمله سراج طول صدق الكلام وبدل مايجي ويتفاهم معاي بالعقل سمعني كلام يجرح يحسابني ناقصة هم اني😣..... واصلا كلامه كله يعتبر شك ويعتبر خووني وطلعني خاينة ومانسمحلاش يتكلم علي شرفي بكل
لكن حتى اني غلطت 😢 غلطت لما وقفت مع سراج ف حوش عمي عادل ولما سمحتله يقولي كلام حلو واني واقفة نسمع 😢 اي غلطت وتعتبر خيانه
لكن مهما كان هوا مطلب كيف صدق فيا كلام زي هدا من غير مايستفسر من غير مايتأكد من غير مايوريه شي يتبت من غير مايعرف اصلا ان سراج يكون ولد عمي معناها اي حد يجيه ويقوله الكلام هدا هوا تفوت عليه ويشك فيا علي ابسط موضوع
اااه ياربي صبرني💔...والله تعبت تعبت😭
مسرة : خيرك 😏
اني غاصرتني العبرة : شي
مسرة : مزعلك حبيب القلب 😂
اني : تعرفي...مش ناقصاتك اطلعي من راسي
مسرة بصوت عالي : احترمي نفسك 😏
اني : شياطين الكورة الارضية كلللهم نشوف فيهم قدام خليقتي فوتيني خير مانجي نطلع غلي كله فيك و نريشلك شعرك ونوريك الاحترام علي اوصوله
مسرة : مامتك ماعلماتكش كيف تتعاملي مع الناس الكبيرة 😏 اااه نسيت غر تتعلم هيا😂
نضتلها بغل وشديتها من شعرها : مامتي مصمصي فمك بالزهر قبل ماتدوي عليها
مسرة : ااااه ؛ وشدتلي حتى هي شعري: نمصمص فمي بطياح سعدك انتي وياها يابنت الهجااالة
اني اول ماقلتلي الكلمة زدت تعصبت او بالاحرى نجرحت لكن حاولت ندرق دموعي بالعصبية وخلاص ومالقيتش روحي الا مادتها كف طبعت ايدي ف وجهها : هجالة مطلقة ومن غير راجل المهم شريفة والشرف هدا انتو ماتعرفوشي ولا تقدرو تدوو عليه
وطبعا هي تشحشحلي في توتي واخبش في وتعيط زي المجنونة : انيييي تضربيني كف ياوسخة يا#### يابنت ال###
~~
نادر : انزل ياراجل نشربو طاسة شاهي
احمد : باهي غر بسرعة عندي خدمة
نادر : فيسع فيسع نقول للونة تكمنا طاسة شاهي بالنعناع تكييف
فتح نادر الباب وخش هوا واحمد وطبعا الحوش مافيشي الا اني ومسرة واول ماخشو سمعو عياطها وهيا منهارة وتسب وتعيط زي الراجل😑
اني : اطلقيني يامجنوووونه يامريضة
مسرة : الكففف لما نرده يا#### يا####
نادر : تي خيركم 😨 تي لا
احمد : عركة حي ع الجووو😂
نادر : تي اطلقيها النم اطلقيها
مسرة : سيبنيييي بنردلها الكف حووول
احمد : تي يامسرة شركتيلها الفانيليا اطلقيها
اني تحشمت هلبا من احمد : سيبيني خيرها هده ولعت
احمد : حووولي يامسرة خيرك
مسرة طلقتني : تي قسم بالله الكف لما نرده توا ولا بعدين
اني : مش طبيعية انتي ره...بري عالجي 😏
وركبت وخليتهم
نادر : خيركم 😡
مسرة : اختك المسخة والله لما تشوف
احمد ميت بالضحك : ماصارش من طاسة الشاهي😂😂
نادر : عليك حاله وخلاص😂
~~
روح احمد وركبلي نادر ف داري
نادر : علاش تعاركتو
اني نبكي : التافهة كل مانتعارك معاها علي موضوع تنوض تدوي علي ماما
نادر تعصب : شن تقول😡
اني : تقولي يابنت المطلقة وامك ماعلماتكش كيف تدوي مع الناس الكبيرة والكلام هدا
نادر : مشتي ضربتيها كف 😒
اني : اي بنضربها ماتدويش علي امي هكي
نادر تنهد وطلع
°
•
°
•
°
احمد : ومسرة شادتلك لونا من فانيليتها وتشحشح فيها واحني نحزو
رنا : 😂واكيد مسرة عياطها واصل للجيران عاد صوتها مشالله
احمد : تي اي اول ماخشينه نسمعو فيها
وتلفت احمد لسراج : تعرف تقول ف كلام وتسب ف سبان اني بروحي مانعرفاش😂
سراج : حي علي امهم 😂.... حتى لونا تسب😮
احمد : تي لا علي مسرة ....
علا : ولونا ضربتها
احمد : لا الحق اللي شفته مسرة تشح ف لونا ولونا تقوللها اطلقيني ودف فيها....لكن مسرة تقول للونا والله لما نردلك الكف....شكلها عطتها كف كويس قبل مانجو 😂
علا : حي ع الجووو 😂....لكن مسرة ماتباتش فيها ره
سراج يسمع ويضحك
فريال : تعالو حطو العشي يابنات
°
•
°
•
°
_________________________________________
تسنيم : تعرف كتاب اسمه####
_________________________________________
قيس : اي نعرفه علاش
_________________________________________
تسنيم : ليا فوق الشهر ندور عليه ومالقيتاش😑 ماتعرفش وين ممكن نلقاه
_________________________________________
قيس : في ليبيا جابوه فترة لكن بعدين ماعش شفته الحق...انتي تبي تقريه
_________________________________________
تسنيم : اي
_________________________________________
قيس : اني ندبرهولك عادي غر وين وكيف تاخديه
_________________________________________
تسنيم : حقااا😍
_________________________________________
قيس : اي عادي
_________________________________________
تسنيم : غر انت حصلهولي وبعدين نقولك كيف توصلهولي
_________________________________________
قيس : تمام
_________________________________________
°
•
°
•
°
المشكلة مانقدرش حتى نحكي لماما ونستشيرها ف الموضوع لان بنصبح في اسألة تانية علي سراج...اففف
نرررن ترررن 📱
شفت لقيته مطلب يتصل مابيتش نرد درت تلفوني صامت ورقدت 😪
°
•
°
•
°
مطلب : اي و هدا اللي صار واني قلت انتي امها واكيد تحكيلك ف كل شي
ماما : لا والله وراسك انت يامطلب مانعرف ولاعندي علم بموضوعه هدا اللي اسمه سراج...وبعدين عندها حق انت كيف تصدقه وعارف ان في مشاكل ومايحبونيش مرات هدا كله فيلم بش بنتي تفسخ خطوبتها ومايبوهاش تعيش متهنية وانت اللي مفروض سندها توا هكي ادرلها وتصدق شن ينقال عليها
مطلب ساكت ويسمع
ماما : هيا ماغلطتش يامطلب وانت الغالط لكن نعرفها عنايدية وراسها مسكر وتبيييلها بش تكلمك وترد علي تلفوناتك
مطلب : لكن ياااخالتي هيا قالتها بعظمة لسانها قتلي يبيني وتبيني نقعد ساكت
ماما : يبيها هي شن بديرله بتخش لقلبه وتغيره ولا كيف....اهو انت كنت تبيها وكانت رافضاتك ومرات حتى هوا نفس الشي لكن لما تجي تشوف هيا اختاراتك انت وفاتاته هوا وغيره وانت شوف جزائك ليها يامطلب....هده اللي امناك عليها وبديرها ف عيونك قبل حتى ماتتجوزها شوف شن درت
مطلب : به كيف الحل توا
ماما : شن رايك انت😡
مطلب : اني نبي نراضيها لكن كيف وانتي قلتي عنايدية
ماما : انت كلامك ليها تعرف شن يعتبر
مطلب : شني
ماما : يعتبر شك والشك يجرح هلبا هلبا بالدات بالضلم
مطلب : به نعترف اني غلطت لكن كيف ندير ليا 4 ايام نتصل بيها ولا بت ترد عليا
ماما : تو نكلمهالك اني
مطلب : به نستنى ف ردك
°
•
°
•
°
_________________________________________
مراد : وين امس واول امس مغطسة
_________________________________________
ميرا : والله كنت في حوازت خالتي والنت ضعيف هلبا
_________________________________________
مراد : ااه....وخالتك عندها صغار
_________________________________________
ميرا : اي عندها زوز ولاد وبنت
_________________________________________
مراد : زوز ولاد مشالله
_________________________________________
ميرا : ههههههه وين تبي توصل بالزبط
_________________________________________
مراد : انتي عارفة😉
_________________________________________ميرا : ولادها واحد اصغر مني وواحد نديدي
_________________________________________
مراد : به
_________________________________________
ميرا : باهي ايامك...شن ادير
_________________________________________
مراد : ناكل
_________________________________________
ميرا : شن تاكل ديما وانت تاكل
_________________________________________
مراد : ههههه ناكل في شاورما
_________________________________________
ميرا : انت ومني
_________________________________________
مراد : اني واختي
_________________________________________
ميرا :قداش عمرها
_________________________________________
مراد : 20
_________________________________________
ميرا : اها اكبر مني بسنة
_________________________________________
مراد : وانتي شديري
_________________________________________
ميرا : نقرا ف رواية
_________________________________________
مراد : والله....مانحسابكش تحبي تقري
_________________________________________
ميرا : مدمنة روايات اني
_________________________________________
مراد : شن اسمها الرواية
_________________________________________
ميرا : اسمها وتين
_________________________________________
مراد : شني وتين ؟
_________________________________________
ميرا : شريان متصل بالقلب
_________________________________________
مراد : وين الرواية هده خلي نكسد عليها حتى اني
_________________________________________
ميرا : تو نبعتلك الرابط متعها
_________________________________________
مراد : تمام
_________________________________________
ميرا : تحب الشاورما
_________________________________________
مراد : نحب كل شي 😂
_________________________________________
ميرا : 😂😂...مع انك رشيق مايبانش عليك تاكل هلبا
_________________________________________
مراد : خاش جيم
_________________________________________
ميرا : اها...حتى اني خاشة لنادي
_________________________________________
مراد : معناها حتى اي واضح عليك رشيقة 😍😉
_________________________________________
ميرا : كيف عرفت
_________________________________________
مراد : قداش مرة بنقولك شايفك
_________________________________________
~~
ميرا عرفت انه يتكلم علي يارا وجعتها اللقطة...
وبدت نوعا ما تغار من يارا وتبي تقوله ان هيا مش يارا تخاف يفوتها ومعاش يكلمها
ميرا : مياار 😢
ميار : نعم
ميرا : حبيته 💔
ميار : قصدك الولد هدا اللي يحسابك يارا
ميرا : اي😢
ميار : زابطاتك من غير ماتقولي واضح من سهرك في الليل وانتي تهدرزي معاه ومش من عوايدك السهر ...ودوتك عليه وانك معاش كلمتي ولا ولد وشادة راسك وراسه وخلاص
ميرا : تعرفي وصلت بيا الدرجة لين نحلم بيه
ميار : المشكلة انك حتى صوته مش سامعاته وطبعه ماتعرفيشي كويس....والمشكلة التانية انك عارفه انه يبي يارا صاحبتك ودوته كلها عليها وكل يوم يهدرز معاك علي اساس هيا....اديري ف حاجات عبيطة ربي يهديك وخلاص..نصيحة انسحبي من توا خير ماتزيدي تتعلقي بيه اكتر وهوا يزيد يتعلق بيارا وتنجرحي وتجرحيه
°
•
°
•
°
مؤيد : به ياهيام فهميني خيرها ادير معاي هكي اني نحبها والله نحبها
هيام : والله يامؤيد هيا هكي طبعها بتطر تسايرها وتتحملها😑
مؤيد : سايرت هلبا وتحملت هلبا
هيام : الله غالب شن بدير هي
مؤيد به كلميها انتي مرات تفهم منك حاولي تقنعيها ياهيام
هيام : تمام حاضر 😑
مؤيد : سلامات...نفختلك راسك
هيام : لا عيب....انت خوي ومسرة اختي
~~
مسرة : شن قالك
هيام : تو مش كنتي حاشية ودنك وتسمعي
مسرة : مافهمت شي
هيام : وراس امك فوتيه وتلحلحينا مع سراج
مسرة : شن ندير قوليلي
هيام : اتصلي بيه توا وديري روحك تسألي عليه
مسرة : هكي قولتك
هيام : تي اي اي
°
•
°
•
°
مراد : اسلوبهاحلو واخلاقها عالية ومتقفة تي هيا هده اللي اني ندور عليها ياسراج....من لما شفتها مش عارف شن صارلي حسيت النصيب ينادي فيا ليها
سراج : به شن تستنى برا اخطبها خير ماضيع منك زي ماصارلي 💔
مراد : لا انت مازيك حد قصة حب انتهت قبل ماتبدى
سراج : هيا تبيني يامراد...لكن اللي محيرني شن مانعها شن اللي خلاها ادير هكي
مراد : مرات تفكر بعقلها مش قلبها
سراج : به اهو اني حتى بعقلي لقيت روحي نبيها مش غر قلبي بس
مراد : انت تبيها بعقلك وقلبك وريتك وكبدتك والمصران الغليظ😂و....
سراج قص علي كلامه: والمصران الرقيق والبنكرياس والحجاب الحاجز 😂😂
مراد : والمعدة والحنجرة والعظام 😂😂
سراج : وراس امي الا تبي مستشفى قرقارش😂
مراد : انت ياعاقل😂
سراج : لكن انك تحب هده تنكتب ف التاريخ
مراد : قصدي مش حاجة غريبة احني الاتنين حبينا لاول مرة
سراج : ع الاقل اني مؤمن بيه الشي هدا لكن انت ماتدكرش شن كنت تقول😏
مراد : اي ماكنتش مقتنع الحق😅لكن البنت اهيا غيرت فيا هلبا
سراج تنهد وسكت
ترررن ترررن 📱
سراج : الو
مسرة بصوت هادي: الو❤
سراج : مني
مسرة : معقولة ماعندكش رقمي
سراج : مني انتي 😑
مسرة : هههههه مسرة
سراج : اه اهلين مسرة شن الجو
مسرة : تمام شن جوك انت
سراج : تمام
مسرة : مستاحشاتك قلت خلي نسأل عليك ليك فترة مافتحتش النت
سراج : تستاحشك العافية.....كيف حال عمي وامك
مسرة :كويسن وانت شن اخبارك
سراج : باهي....شن جو لونا
مسرة عجبت بفمها : باهية كيف بتكون
سراج : به سلمي عليهم كلهم
مسرة : غر خيرك مستعجل بتسكر
سراج : ااه بتقولي حاجة
مسرة : وين انت
سراج : في قهوة علاش
مسرة : لا غر نسأل بس....انت ومني
سراج : مسرة ولاد ينادو فيها تو بعدين نهدرزو
مسرة : تمام نستنى ف مكالمتك
سراج سكر الخط
~~
مراد : شن تبي هده
سراج هز راسه بمعنى مانعرفش
°
•
°
•
°
☀️⛅
ماما : جابك نادر ؟؟
اني : لا وصلني بابا
ماما : بتباتي ولا
اني : اي
ماما : خيرك انتي ومطلب
اني نصدمت : اا عع علاش هوا عاودلك😣
ماما : خيرك تلخبطتي اي عاودلي
اني : مبرده زي العيل بدل مايخلي الموضوع بيني وبينه ماشي يشهدر
ماما : شي طبيعي 4 ايام يتصل وماترديش
اني : اليوم 6 ايام وانتي الصادقة
ماما : وتقولي فيها بكل برود وبعدين هدا فرخ فريال حق يبيك
اني : مشالله حاكي القصة بالتفصيل الاخ
ماما : ياحمارة اني امك مش برانية
اني : القصة بيني وبينه علاش يعاود
ماما : خليني منه واحكيلي قصة عمر هدا
اني : مش عمر 😑 سراج
ماما : عمر سراج مسعود المهم فرخ من فروخ فريال فريال
اني : قصة شني اللي بنحكيهالك مافيش قصة هدا العيل اللي اسمه مطلب بكلمتين من سراج صدق وسمعني كلام 😢
ماما : اني لمت عليه وقتله انت الغالط مش هيا وهوا حس بغلطه وقلي نبي نرضيها ولعلمك اني عجبتني ردة فعلك وصح ماتسامحيشي بسهولة وخليه هكي يترجاك ويجيك متليع
اني : اني المواضيع هده ماتهمنيش يا ماما متع تجكتري وشوفي روحك عليه ....السبب اللي مخليني مانكلماش انه جرحني وقالي كلام خلاني يومين نفسيتي تعبانه وكنت نحسابه فاهمني ويعرف طبعي طلع علي ابسط سبب يشك ويخون
ماما : عندك حق حبيبتي لكن شوفي للجانب الايجابي انه يحبك
اني : يحبني ويشك فيا😢بلاش منه حبه
ماما : به واللي اسمه سراج
اني : اياااا 😑رجعانه لنفس القصة
ماما: غر طمنيني هوا بس يبيك وانتي رافضتيه وماتحبيشي صح ولا
اني : نحبه ولا نكرهه مش موضوعنا المهم اني رفضته
ماما : رفضتيه وانتي ماتحبيشي ولا رفضتيه وو...
اني قصيت علي كلامها : ااا تت تلفوني ممكن يشرين بنمشي نشوفه
ماما نصدمت وقعدت تفكر : خيرها تلخبطت معقولة تحبه معقووولة تحب ولد فريال 😮😨هداااا اللي ناقصني اني
ماما : منووو اللي يتصل
اني : ااا بب بابا
ماما : تعالي نقولك
اني : شنو
ماما : اسمعي نصيحتي والله الحرج ماينفع يابنتي كبري عقلك ولما يكلمك ردي
اني : تو مش كنتي تقوليلي ماترديش وخليه يتليع والدوا هده
ماما: اا لالا بنتي كبري عقلك احسن
اني : ماما هدا الكلام تقوليه لما نبدا مرته وكان نفوته يطلقني...لكن اني قاعدة ف بداية المشوار وفكرت بنعيد النظر
ماما شهقت بصوت عالي : تعيدي النظر 😨 خيرك هبلتي الولد فض فيك
اني : اي هده الفترة بش نزيدو نتعرفو وبديت نكتشف ف حاجات جديدة وبنعيد النظر من توا خير مانتورط
ماما : يانهاااري الحرف بتحشميني مع خالتك
اني : ماما شن نحشمك ومانحشمكش قصدي هده حياتي ومش مستعدة نضيعها بش انتي ماتتحشميش مع خالتي ليلى الموضوع مش لعبة
°
•
°
•
°
سامي : تي وين ياسيرجوو ليك وحشة مغطس
سراج : والله ماشيا ياسامي
محمد : قداااش لينا ماقعمزناش تقعميزة زي هده
سراج : اي والله
محمد : قوله يجيبنا شيشتين ارقيلة
سراج : قوله هوا الصدر نهرد من الدخان وتكمل الارقيلة
سامي : الحمد لله فايت امه الدخان😂
محمد : نوض سامي كلمهم يجيبونا
ناض سامي وخلا تلفونه محطوط ع الطاولة مابين سراج ومحمد...شوية وشرين التلفون
تررررن ترررن📱
كان التلفون محطوط جنب تلفون سراج وطبعا محمد داس فونه ف جيبه
محمد : تلفونك سراج؟؟
سراج من غير تركيز قامه : لالا متع سامي
قعد سراج شاد التلفون ويقرا ف الرقم وبماأنهم صحاب وعادية اللقطات هده بيناتهم
سراج قعد مركز ف الرقم و......
🌷يتبع🌷
حنبدا من اليوم زي ماوعدتكم حلقتين ف اليوم بس لما الكومنتات يوصلو 600 انزل حلقة العشية❤
.
.
#__timOo__🌟
