#__وتين__🍃
🌷الحلقة 64🌷
سكر احمد الباب و فتح الضي ومريم متوترة وواقفة وخلاص
احمد جي جنبها وقرب منها وتكلم بهدوووء: نورتي ❤
مريم ابتسمت
شدها من يدها ولفتها ليه وقام البرنوص متع الكاب وتنهد بالصوت مع ابتسامه من عيونه وقبل يدق...
ومريم تشبحله وساكتة
احمد قرب من وجهها : طالعة تهبلللي ❤
مريم : حتى انت طالع تهبل
احمد شدهاولصقها فيه ولف يده علي خصرها : مش مصدق انك وليتي حلالي وملكي
مريم حطت يديها علي صدره : ولا اني 💕
احمد يمشي ف انامله ع خدها ويتكلم بهدوء : خفت تمشي لغيري
مريم : اني يأست ان يجي يوم ونكون ليك
احمد : اني مايأستش ولا ممكن نيأس ولا نسمح لغيري ياخدك مني...
قعدو يشبحو لبعضهم وعيونهم مليانه شوق وغرام واحمد بدي يقرب بشكل لا ارادي ومن غير مايسيطر علي روحه
مريم : حح حبيبي ماصليناش 😅
احمد : اي نسيت😑
مريم : معاش تنسى 😜
توضو وصلو ...زي اي عرسان😊
احمد خش لدار النوم لقي بيجامة ساتان موتينهاله شدها بروس صوابعه : هدا شنو☻
مريم تضحك : حلوا 😂
احمد : البسيها انتي
مريم شبحت للروب اللي موتينهولها وتكلمت بالشوية : والله نلبسها ارحم من هدا😑
احمد : شن قلتي
مريم : اطلع بنبدل
احمد : بدلي بدلي عادي
مريم : لالا اطلع اطلع عادي
احمد : لا والله عادي
مريم : لا والله تطلع
احمد قرب منها : وكان مش طالع 😉
مريم : لا حتطلع
احمد لصق وجهه في وجهها : معاش تعاندي
مريم توترت : ااا 😳
°
•
°
•
°
#حوش_عمي_علي
اني : ااه رجليا تكسرو من الكعب
رتاج : حتى اني 😪
جميلة : بدلو والبسو حاجة مريحة
ع سعاد: هده مريم مشت العقبا للي مازالو😊
اخت جميلة : انشالله ياربي
~~
مراد : العقبا لينا ❤
ميرا : انشالله
مراد : اي احكيلي شن رايك في العرس
ميرا : مشاءلله....طلعت تهبل مريم
مراد : اها...وانتي كيف طلعتي
ميرا : مادخلكش 😁
مراد : مني دخله امالا
ميرا : تو انت سألتني ع العرس ولقيتك خاش في حاجات تانية
مراد : تي باهي به
ميرا : حقا بنسألك
مراد : شنو
ميرا : موضوع ليال وسراج يندرو عليه العيلة عادي ولا
مراد : لالا😮
ميرا : كيييف😨نهاري
مراد : لمن قلتي
ميرا : هكي قلتها علناً
مراد : قدام مني 😮
ميرا : قدام يارا وعلا اخته
مراد : قدام علاااا😵
ميرا : ااي 😳
مراد : باهي شن قالت
ميرا : في الاول حسيته تفاجأت وبعدين قتلي نندري
مراد : زمري😑
ميرا :قصدك درت عملة😨
مراد : درتي عملة للنم
ميرا : تي وين نندري انت ماقتليش ماتقوليش لحد
مراد : تي باهي حصل خير
~~
~~
~~
#حوش_عمي_عبدالله
بلسم : ارقدي الساعة واحد 😡
هداية : باهي ياماما بنسهر مع خالتي علا
بلسم : نهار احرف منكم
فريال : اللي ماتعشاش يجي يتعشى
حلا : اني بنموت بالجوع خويلة
فريال : اهوني حطيت السفرة في المربوعة بري كولي
اسماء : مشالله طلعت تهبل صراحة
رنا : اي طلعت قنينة
ام حلا واللي هي تكون اخت فريال: ياوخيتي حتى حميده طلع غزال
بلسم : امالا شني😌 خوتي كلهم غلة
حلا : غر بالشوية عليناا
معتصم : قالولكم سراج وعمر كان ماتجوش بنبدو ناكلو مش مراجيينكم
حلا : هي نوضو النم جعانه
ناضو تعشو كلهم في المربوعة بنات وولاد ويهدرزو ويضحكو وسراج عقله في عالم تاااني وكل ماتصير حاجة يتدكر المواقف اللي تصير بيناتنا في عرس عمر 💔
حلا : شني سراج امتى بديرنا عرس 😜
سراج : لما نقتنع بجنس حوا
اسماء :هدا كله و مزال ماقتعتش😂
سراج : اي شفتي😂
خالته : تي اني نعرفك والله الا شكلك طايح في حدة مورياتك نجوم الظهر
سراج وشوشلها : توريني نجوم الظهر توريني نجوم العشية المهم بنتك والله ماني واخدها 😉
خالته : ميته عليك تحسابها
سراج : كانها مش ميته راهي ماسألتش
حلا ركزت معاهم وقعدت كاسرة ودنها
اسماء : لالا سراج اني نعرفه شن يبي 😉 خلوه فحاله بس
فريال : مخليينه حتى احني... ومن يقدر يكلمه هو😑
علا تنادي من دارها: يارنااااا
رنا : ايوااا
علا : تعااالي انتي وبلسم
~~
بلسم : خيرك تعيطي ليل
رنا: شن تبي
علا : جايتني صدمة تؤدي للجلطة
بلسم ورنا : شنووو😮
علا : خوكم سراج ترا قولو من يبي 😨
بلسم : مني نهار احرف
رنا قعدت ساكتة وخلاص
بسلم : ادوي الززززفت
علا : يبي ليال
بلسم بصوت عالي : نعممممم 😱
رنا : به عادي
علا : عادي؟😒
رنا : اي عادي قصدي ماتبوشي يحب ولاشني
بلسم: هده تنحب هي
رنا : عادي كويسة ومحترمة وقنينة ومستواها كويس وين الغلط في الموضوع
بلسم : بجدياااات انتي 😵
رنا : اي بجديات واني معاه...ومشت وخلتهم
علا : خيرها اختك المريضة
بلسم قعمزت ع السرير : خليني في صدمتي توا😱
°
•
°
•
°
احمد : حبيبتي
مريم : نعم 😓
احمد : ليك ساعة تبدلي
مريم : هي شوية كملت 😶
...طبعا مريم مدبلة ومكملة ومقعمزة ع السرير بتوتر ومش قادرة تطلع لان الروب قصير...ولما فاض الكيل ناض احمد وخشلها في الدار
احمد : ليا سنة نستنى وانتي مقعمزة اهني
مريم شابكة ايديها في بعض بتوتر وتغطي في رجليها بالشرشاف : ااا كيف كملت😳
جي احمد وقف قدامها وطبس عليها : به كملتي...خيرك مقعمزة اهني
مريم : شش شي
احمد يشبح لعيونها وينحي في الشرشاف بالشوية
مريم تضحك وتنحيله في يديه : خلييه صقع
احمد : هههه تو ندفيك اني
مريم : لالا نبي الشرشاف احسن
احمد ضحك : مش كيف ماتبي...ونحاه بالقوة
مريم تشح في الروب وتزنل فيه : مبرررردك😑😳
احمد : ياودي بتشركيه وانتي تشحشحي...المشكلة قد ماتشحي قاعد قصير😂
مريم : باهي اطلع بنبدله
احمد : علاش بتبدلي
مريم : هكي
احمد : لا عجبني ماتنحيشي❤
مريم : لالا بنحيه اطلع هياااا
احمد شدها من يدها وطلعها : تعالي نتعشو ياهبلة
مريم : غر خليني انبدله يااحمد بش ناكل مرتاحة
احمد : لالا خليه بش اني ناكل مرتاح 😜
°
•
°
•
°
اسماء جت قعمزت جنب سراج : هي تلحلح عاد وتجوز قصدي البنات كلهم عيونهم عليك ره😜
سراج متكي: زعما😉
اسماء : كان نحكيييييلك علي ليال
سراج : خيرها 😃
اسماء : حي عليهاااا طالعة طرررف تهبببل
سراج ناض قعمز : بجديات 😍
اسماء : تبارك الرحمن عليها صراحة
سراج : احكيلي احكيلي ....
اسماء تضحك : تي تعرف كان تشوفها تتجوز غدوا هههه
سراج يضحك
وقعدو يهدرزو عليا وهو يسأل وهي تجاوب لين شرين تلفون سراج
ترررن ترررن📱
اسماء : شني عمرها طويل 😜
سراج : هههه حاجة زي هكي
~~
اني : الو
سراج : اهلا اهلا...باهي اللي تفكرتي
اني : والله الا توا كيف قعمزت وارتحت من بكري واني مشنوقة
سراج : حسستيني عرسك انتي الهم
اني : لا في عرسي بيخدموني مش حنتعب روحي
سراج : به حسيته عطل عرسك يابنية
اني : هههه لالا مزال قعدة صغيرة
سراج : بتعنسي ره 😑
اني : باهي غير الموضوع
سراج : بجديات خلي نعولو علي عرسنا حبيبي تعبببت اني
اني : غر كان نفهم شن متعبك في الموضوع😂
سراج: مش لازم تفهمي...عديمين الاحساس اللي زيك مايقدروش يفهمو
اني : اني عديمة احساس
سراج : وعديمة ضمير
اني : صحيت هي برا بنرقد😒
سراج : مافيش رقاد 😑...والله نفددك
اني :عادي نحطه ع الصامت ونرقد😌
سراج : نكلمك من رتاج من تسنيم وكان اضطر الامر من مراد 😏
اني : لهدرجة اني مهمة
سراج تنهد وسكت
سراج : خلينا نرجو لموضوع الجواز 😁
اني : اففف
سراج : من شني تتهربي انتي
اني : مانتهربش اني...لكن حبيبي نبي نكمل قرايتي
سراج : به توا من جدك نقعد اني نستنى لين انتي تقري طب بشري 7 سنين والله الا حرام عليك ره
اني : حبيبي فاتت منهم سنة
سراج : والله😒
اني : وحق ربي😂
سراج : به حددي موعد سنة اتنين تلاته بالكتير
اني : 4 سنين
سراج : هلبا والله هلبا
اني : السنة اللي تخش تطلع ياسراج
سراج : به خليهم 3 سنين وكملي قراية واحني متجوزين
اني : مش حنقدر نوفق بين هكي وهكي
سراج : ياودي كانك ع الصغار نأجلو الموضوع لين تكملي وكانك ع الضمان نجيبو شغالة وكانك ع التطييب ناكلو برا شن تبي تاني
اني : ياخوفي الكلام يتغير بعدين😜
سراج : من امتى نكدب عليك اني
وفات الوقت واني وسراج نهدرزو وفاتت ساعة ورا ساعة ورا ساعة واحني مش حاسين بالوقت...مرة نغازلو بعض ومرة نتخاصمو ومرة نضحكو💛
والباقي نفس الشي كل واحد ساهر مع نصه التاني منهم اللي يتراضو ومنهم اللي كيف باديين في الحب ومنهم اللي يستنو في مواعيد لخطوبتهم وجوازهم وغيرهم وغيرهم
اما احمد ومريم...💕
نص الليل 3:30p.m 🌒
احمد : اهدي خيرك متوترة
مريم تاخد في نفسها بصعوبة وصوتها مش قادرة اطلعه وقلبها يدق بسرعة غريبة وشادة في فانيلت احمد بقوة ومسكرة عوينها من التوتر
قرب بهدوووء وحط خده علي خدها وقعد يمشي في لحيته ويتلم بنبرة هادية : قداش استنيتها اللحظة هده❤ قداش دعيت ربي بش تكوني ليا
لف يديه علي خصرها ولصقها فيه وقعد يمشي ف لحيته بالشوية لين وصل لرقبتها...وباسها بهدووء وهي دابت معاه ونست روحها ونست كل شي في اللحظة هده و....
🔞🔞🔞
°
•
°
•
°
☀️⛅
محمد : الو
رنا كيف نايضة من النوم وبصوت يادوب طالع: صباح الخير 😪
محمد سكر عيونه وتنهد اول ماسمع صوتها : صباح النور ....مزال مش مروحه💔
رنا : عادي تعالى روح بيا امتى ماتبي
محمد : نجيك بعد الغدي
سراج : محمد هدا
رنا : اي
سراج : قوليله يجي يتغدى
رنا مدتله التلفون : اهو يبيك سراج
....
~~
~~
سندس : مش علي اساس بتسافر السبوع الجاي
عمر : اي مصارش بنمشي توا
سندس : علاش استعجلت
عمر : فاتحة تحقيق حسيتك 😒
سندس : خيرك تعامل فيا هكي انت 😡
عمر : نقصي صوتك
سندس شادة مرضعة بنتها حدفتها ع الصالون ومشت : العيشة الغبرة...كرهت حياتي
عمر : صبح اعود بالله منك
~~
°
•
°
•
°
احمد متكي ويتفرج علي مريم وهي راقد ويلعبلها بشعرها
فتحت مريم عيونها ابتسمتله وردت سكرتهم
قرب منها وباسها في خشمها : صباح الورد ❤
مريم : صباح النور...من امتى نايض
احمد : من بكري ياخميرة
مريم : حرام عليك مارقدتش بكل
احمد : هي نوضي حبيبتي جعان اني
مريم : به هي
~~
ترررن 📱
مريم : الو
بلسم : صباح الخيرات ياعروسة
مريم : صباح النور
بلسم : شني احمد قاعد راقد
مريم : لا في الحمام
بلسم : به بتركبلكم هداية صفرة الفطور خوديها منها
مريم : به تمام💜
°
•
°
•
°
جميلة :هي اللي بتمشي تطلع بسرعة مراد يراجي
رتاج : خيره هو اللطف قوليله نلبسو
صاحبت مريم امل: ماعنداش وسعت بال بكل
خالت مريم : عاد الولد ليه ساعة متشحط
جميلة : خيرك مالبستييش😮
اني : لا مش ماشية نرت عمو
جميلة : علاااش
اني : مرة تانية تو نديرلها زيارة بروحي انشالله
رتاج : مصح وجهك
اني : سكري فمك انتي
~~
ترررن ترررن 📱
سراج : الو صباح الورد
اني : صباح النور❤
سراج : شن الجو
اني : تمام
سراج : جاية
اني : لالا
سراج : قالي مراد بيجيبكم لحوش احمد
اني : اي هم مش اني
سراج : علاش انتي لا ؟؟
اني : انت عارف معاش تسأل
سراج : به انتي بتركبي فوق شن دخلك في اللي لوطا
اني : مانبيش نتصادم مع حد
سراج : تعرفي كان ماتجيش والله العظيم لما نكلم مراد يمشي ويخليهم وينفلقو علي خاطرك
اني : هاهاها
سراج : بجديات ندوي ونخلي يقوللهم ان انتي السبب
اني : عاادي😌
سراج : به سكري هي وتو تشوفي شن هو العادي
اني : سراج بلا برادة
سراج : سكري
اني : ماتكلماش مراد
سراج : انشالله انشالله
اني : مش حنمشي وماتكلماش
~~
جميلة : الو مرومة صباح الورد😘
مريم : صباح النور ماما شن الجو
جميلة : باهيين شن جوك انتي
مريم : تمام...بتجو
جميلة : اي اهو جايين 😊
مريم : باهي ماتعطلووش
~~
كنت واقفة في الكوجينة اني ورتاج وامل صاحبت مريم شوية وطق الباب
جميلة : خش يامراد مافي حد براني
خش مراد للكوجينة وشاد ضحكته ويشبحلي: من بيمشي
حسيت ان سراج مكلمه من ملامح وجهه
رتاج : كلنا بنمشو
مراد : قصدي سيارة هي مش باص
رتاج : بنمشو عادي حتى في الكوفينو
مراد : المهم ليال ماشيا ولا 😜
اني : لا اني جايتني ماما بنروح 😊
مراد : تي والله ماصارت لما تمشي معانا
رتاج : احم شكلها جاية توصية من برا 😜
اني شبحت لمراد : هو مهبول ماديرش زيه بالله عليك
مراد : به بري بلا جو زايد وراس امك
بنت خالت مراد معانا ع الخط : من هو اللي مهبول...خيركم تدوو بالاغاز😏
مسرة تنهدت : هي في اخر حلقة بتمشي اول وحدة غر الدلع متع البنات لازم منه
اني : نمشي نقعد ننحرق انتي شن دخلك
مراد : غر نوضي ياودي هيا
جميلة : هي واتيين احني
مراد : قوليلها تنوض معانا يام
جميلة : قتلها مابتش تمشي
اني : برو تو نقول لماما تجيبني بعدين 😒
مراد جبد كرسي وقعمز : حوش عمي علي قالو كان ماتجيبوش ليال ماتجوش.
اني : نضحك😒
امل : هي يامراد مريم تستنى فينا
مراد : والله مايبوكم لين تجيبو ليال شن بنديرلهم...وحتى مريم قتلي كان ماجتش هي ماتجونيش
بنت خالته : تو كلنا معاش معبيين عينها
اني : يتسهوك ويخفف في دمه
تررررن 📱
مراد : الو
سراج : طلعتو
مراد : لا مشحطتنا السيدة الاولى متعك 😑
سراج : ساولتك بالله سكر راسك ماتنوضش لين تطلع معاك
مراد : اااه وخلاص
سراج : تي سكر فمك ودير زي ماقتلك
سكر مراد وقعمز ماباش ينوض
خالته : عاد نوض يامراد خيرك😡
مراد : قولوله تنوض الخرية هده
جميلة : به هي نوضي بري ياليال
مسرة : قصدي العيلة كلها مقعمزين علي خاطر هده 😒
رتاج : اي شفتي😌😒
اني : نوض مراد خيرك هكي 😡
مراد : قسما بالله كان ماتنوضي معانا ماني رافعهم
°
•
°
•
°
قيس : امتى روحتي من العرس
تسنيم : الصبح بكري
قيس : اها
تسنيم : لمحتك امس واني طالعة من الصالة❤
قيس : والله
تسنيم : اي لابس سورية زيتونية صح ولا 😍
قيس : مشالله مركزة كويس ههه
تسنيم : ماهو انت ملفت للنظر
قيس : به مش قتلك قوليلي لماتطلعي نبي نشوفك
تسنيم : طلعت بسرعة مالحقتش نتصل بيك
°
•
°
•
°
مشينا لمريم وخشينا للجنان واني ركبت جنب الباب في السيارة بش ننزل ونمشي لحوش مريم بسرعة من غير مانشوف ولا واحد فيهم
طبعا هم خشو لحوش عمي يسلمو واني نزلت بسرعة وكيف راكبة في الدروج لحوش مريم جبدني سراج من ايدي بقوة ورفعني ورا الحوش
اني : خيييرك انت 😳
سراج : هاربة صار
اني كنت متوترة وخايفة ولاصقة في الحيط بش مايشوفني حد : سراج شن الحركات هده...تخايل شافنا حد 😡
سراج يتكلم بكل برود وقف قدامي وحط يديه ع الحيط : جبتك جبتك 😉 معاش تعاندي
اني : غر تحشمت من عمتي جميلة بس 😑
سراج زاد قرب : المهم قلتي مش جاية وجيتي
اني توترت هلبا وقلبي بيطلع من مكانه : به بعد علاش تخلي فيا في مواقف محرجة
سراج شبك ايده في ايدي وتكلم بحنية: اني مانخليش فيك في مواقف محرجة انتي عاطية للناس اكبر من حقها
اني : باهي خلاص خليني نمشي حبيبي بالله عليك
سراج :ماشبعتش منك مزال ❤
اني : به وكان يجي حد توا
سراج يمشي في ايده علي خدي : مايجي حد ماتخافيش 💓...
حولتله ايده من علي وجهي : به ابعد
سراج : به نحبك
اني : حتى اني نحبك هي خليني نمشي
سراج : تي باهي به بري ياكدابة
اني : وحق ربي نحبك نحبك نحبك باهي هكي ❤
سراج يضحك : واني نموت فيك
~~
~~
مريم : خيرك وجهك احمر اللطف
اني : غر سلمي تقول بايتة معاك
مريم : هههه ماهو منظرك ابصر كيف 😂....خشي خشي
اني : احمد قاعد
مريم : اي داخل...وين العيلة
اني : يسلمو لوطا تو يجو
مريم : وانتي خشيتيلهم
اني : لا
مريم : امالا وين كنتي
اني قعمزت ع الصالون : اااه خليني ساكتة....المهم انتي شن جوك
مريم : مليح😊
اني : واضح من البقع اللي ف رقبتك 😂
مريم : ههههه حيوانة😂
اني : الباب يطق
مريم : اكيد هما جو
~~
~~
علا : ريتيها جت وركبت لمريم من غير ماتسلم 😏
رنا : قصدي عندها الحق لزيناها من الحوش ومزال تبيها تخش
بلسم : خيرك جاية معاها انتي تقول هي اللي اختك الزفت
رنا بصوت عااي: لان البنت كويسة وانتو ماتنفعوش من الاخير 😠
سراج : خيرك انتي وياها
اسماء : خيرا صواتكم طالعة اللطف
سراج : تصوري واقف في الجنان نسمع فيهم 😠
علا : ماهو العوج يحرق الدم 😑
و ناضت علا طلعت بغل ولحقتها خالتها اسماؤ
سراج : خير امها هده
بلسم شبحت لرنا : هده اللي خيرها مش هديكا...في كل مشكلة تجي مع الناس ضدنا تقول اعدائها مش خواتها
رنا : لما تبدي تقولي في كلام الحق نجي معاك لكن تظلمي وتدوي علي بنت الناس وتبيني نقولك اي صح
سراج : من هي اللي تدوو عليها
بلسم شبحتله وتكلمت بهزوة : ليال 😒
سراج وقف شوية وقعد ساكت وبعدين طلع..
°
•
°
•
°
وجي صبح جديد ☀️ وشرقت شمس جديدة وكنت نستنى في هاليوم بالدقيقة والليل مارقدتاش واني نفكر لان اليوم تطلع نتيجة التحاليل...
....
ماما : انتي مدايرتينا موعد بعد شهر ونجو ناخدو التحليل يادكتورة
الدكتورة : باسم مني
اني : ليال علي
الدكتورة : اه اي صح
طلعت هلبا وراقي وقعدت تقرا فيهم وبعدت شبحتلي : انتي م 95
اني : اي
الدكتورة تنهدت
ماما : في حاجة دكتورة 😳
الدكتورة : ليال ممكن تخليني شوية اني وماما
اني : دكتورة اني نستنا في نتيجةالتحاليل بالدقيقة وماصدقت اللي جي هاليوم...ياريت تقولي شن في قدامي لان مش حنطلع
ماما : لونااا😡
اني : اي ماما مش حنطلع وكان في حاجة تقولها عادي .
الدكتورة سكتت شوية وبعدتنهدت : شوفي ياليال انتي م...
🌷يتبع🌷
.
.
انشالله تكون الحلقة عجبتكم
وبأدن الله نحاول انزل بسرعة الفترة هده لان مافيش قراية ومفضيا روحي للرواية بس
وانتو ادعموني بتعليقاتكم ونشطو الصفحة 💛
#ادمن_تِمار 😘
