#__وتين__🍃
في هلبا يقولولي ان في حلقات ماتنفتحش ، حنبدا كل مانزل حلقة ننسخها في تعليق واللي مانفتحتلاش في البوست يلقاها ف التعليقات💛
______________________________________
🌷الحلقة 39🌷
علا: اهلين خالتي اسماء
اسماء تعيط : وووووه عليا ووووه ياعلا مشي 😭 مشيي الغالي ياعلاااا مشي 😭ووووه علياااا
علا خبطت علي وجهها: منووووو😨
اسماء : عماد مات وخيي الغالي مااات وووووه عليا ووووه😭
°
•
°
•
°
بابا بصوت عالي: انا لله وان اليه راجعون 😦
اني و مسرة شبحناله
بابا : لا اله الا الله معقوووولة توفى....لاحول ولا قوة الا بالله...امتا وكيف....والله وجعني ياراجل
مسرة : شن في بابا😮
بابا : عماد خو فريال مرت عمك توفى
اني نصدمت وشهقت بصوت عالي من غير مانحس علي روحي لدرجة ان بابا ومسرة استغربو
اني : ااا هه هدا اللي مختفي😦
بابا : اي والله وجعني الراجل
مسرة : وسراج
بابا : ربك يستر اكيد عرفو خبر عليه مدام جاهم خبر عماد
~~
معقولة عماد مات 😮 به وسرااج 😢 لا ياربي مايكون صايرله شي ياااارب يرجع يااارب 💔
~~
~~
بنغازي
لا اله الا الله محمد رسول الله
لا اله الا الله محمد رسول الله
لا اله الا الله محمد رسول الله
فريال : مشيت يااااغالي مشييييت😭
غادة : وخيييي 😭يا وخييييي هييي ياوخيييي😭
علا حاضنة مرت عماد ويبكو
رنا تبكي : ياااارب خديت خالي ماتاخدش وخيي يااااارب مش الغاليين الزوز ياااااارب 😭رجعلنا وخيي سالم ياااااربي
اسماء تعيط وتخبط: وووووه عليا ووووووه وخيي ووووه 😭
بنتها : خلاص ياماما حرام خلاص 😢
عمر : يااااسر نقصو صووووتكم 😠
غادة: بنبكي جنازة خوووي وماتبينيش نبكي
عمر : قولولها تسسسسسكت😠
سندس : خلاص ياعمر اطلع خليها😢
~~
بابا : تأكدتو من الجثة هيا نفسها
احمد : شافها خالي ناجي وتأكد
بابا : كيف صار وكيف نفجرت السيارة
عمر : ضربو التنك متع البنزينة بالرصاص وهوا ف السيارة
بابا : بروحه ف السيارة
عمر : لا قالو فيها اكتر من شخص لكن مالقوهمش لا حيين ولا ميتين
بابا : ربك يستر علي سراج
احمد تنهد
°
•
°
•
°
اني : اي خاله مات 😢
رتاج : تكدبيي😮
اني : تخاااايلي حتى هوا مااات 😢
رتاج : انشالله خير ..... واضح انك متأترة هلبا
اني : كيف يعني شن تبيني نفرح
رتاج : لا كلامي واضح متأتره اكتر من انه مجرد ولد عمك
اني : اسمعي رتاج...اني ضحيت علي خاطر تسنيم هلبا ولما طلبت مني نكلم سراج علي خاطرها مارديتهاش وكلمته ف الوقت اللي هيا عارفة ضروفي وعارفة شن بيني وبينهم وماعدلتش وماهمهاش الا مصلحتها وغير هكي اني وافقت علي مطلب بش يفوتني سراج بش هيا ماتنجرحش ولعلمك اني مانعرفش نلف وندور وبنقولك الواقع زي ماهيا انسانة وعندها قلب ومشاعر وتحب اني زيها وحبيت سراج ماننكرش لكن اني حكمت عقلي وقلبي دفنته عارفة شن يعي دفنته يعني عفست عليه قتلت مشاعري علاش ؟ علي خاطرها بش مانجرحهاش ومانحسش روحي خاينة وخديته منها وهيا تبيني نساعدها توصله
رتاج : يعني انتو...في بينكم علاقة
اني : اني نقولك مانبيش نجرحها وانتي تقوليلي علاقة...لو في بيننا علاقة ماكانش كلمها...هوا كلمها لان قد ماحاول معاي اني رفضته وسكرت راسي ونديرله فعوائق ولما كتر وبدي يجري وراي هلبا حتى بعد مانخطبت اضطريت نقوله قصة تسنيم لكن من غير ماندكر اسمها
رتاج: به هوا كيف عرف
اني : مانعرفش علمي علمك
°
•
°
•
°
ع سعاد : سامحيني يافريال ماقدرتش نلحق غادي ف بنغازي لان تعرفي الضروف وقيس وبوه خدمة مالقيتش من يرفعني
فريال : لا عادي كأنك جيتي سعيدة
ايناس : عنده صغار هوا
فريال : حامل مرته
مسرة : يارووووحي يسخف
~~
قيس : ربي يتقبله برحمته
احمد : تعيش وترحم
قيس : من في داخل
احمد : حوش عمي علي وامك بس
قيس : مافي حد براني نخش نعزي امك
احمد : اي خش مافي حد براني
خش قيس سلم وعزى مرت عمي وطلع للجنان واتصل بيا
اني : الو
قيس : ليال ماتحسسي حد اني نكلم فيك
اني : تمام تبي حاجة
قيس : اطلعي في الجنان بنكلمك
اني استغربت : علي شنو
قيس : غر اطلعي
~~
اني : انشالله خير
قيس : اسمعي بنسألك علي موضوع
اني : بخصوص ؟؟
قيس : صاحبتك
اني : خيرها
قيس : من الاخير وبصراحة مرتبطة هيا
اني : ههههه والله حسب معلوماتي لا
قيس : علاش معلوماتك مرات مش اكيدة 😞
اني : اي مانأكدلش....
قيس قعد ساكت
اني : تبيها انت ولا
قيس : كنت لكن...
اني : لكن شنو
قيس : هيا ماتبيش....ماهدرزتلك شي معقولة
اني : لالا
قيس : تي مش صاحبتك علي اساس
اني : ااا معاش نتلاقو هلبا ماهو 😓....علاش قلتلها ورفضت
قيس : اي
اني : وبعدين شن صار
قيس : انسحبت
اني : معناها ماتحبهاش
قيس : كيف مانحبهاش
اني : كان تحبها ماتنسحبش بالسهولة هده
قيس : لما ترفضني شن مزال تبيني ندير
اني تنهدت وقعدت نتفكر ف سراج والحاحه عليا واصراره: زيد حاول مرة واتنين ومية اللي يحب يحاول
قيس شبحلي وابتسم : هكي رايك
اني : اممم 😊
°
•
°
•
°
مراد : واخيرا تواضعتي وقابلتيني 😒
ميرا : شن تبي هي
مراد : خوها يبي نديرو فضانية
ميرا : ع فكرة الموضوع كله مش هامني علاش كل مايصير موضوع تجي تقولي شن دخلي
مراد : حليهاااا انتي اللي درتي الموضوع وانتي حليها😠
ميرا : مش كانت عاجباتك يارا وتبيها شن اللي تغير
مراد : عجبني منظرها لكن حبيتك انتي وحبك محي الاعجاب بيها بكل
ميرا : تؤتؤ يتهيألك!.....امتا عرفتني انت بش تحبني
مراد : الفترة هده كلها وتقوليلي امتا عرفتني😒
ميرا : توا انت خطيبها هيا افهم....وحتى كان سيبتها اني معاش نقدر نكون معاك
مراد : علاش
ميرا : كيف تبيني نكون معاك وانت كنت خطيبها
مراد : عادي احني مازال ماخطبناش وبعدين اني مانحبهااااش افهميها اهيا
ميرا : افترض انك سيبتها شن بتكون استفدت
مراد : ناخدك انتي
ميرا : اني مش حناخدك مستحيييل وحتخسر صاحبك وخلاص
مراد : لما نحكيله القصة حيتفهم
ميرا : وهيا....ترخي بيها عادي
مراد : تتحمل غلطها
ميرا : لكن اني اللي غلطت مش هيا
مراد : تو شن الحل
ميرا : مش حنقولك اخطبها بالسيف عليك ف الاخير الموضوع يرجعلك لكن ان نكون معاك حاجة مستحيلة
مراد : متأدة انتي...وقده كلامك هدا
ميرا : اي قده
مراد : لكن انتي تحبيني....عندك عادي تشوفيني مع صاحبتك
ميرا : لا مش عادي لكن حتى هيا صعب عليها لما تشوفنا مع بعض بعد ماعشمتها وبتاخدها
مراد : واجعاتك 😏
ميرا : صاحبتي واكيد بتوجعني
مراد : باهي تمام براحتك.....حنتجوزها ونكمل معاها الحياة اللي انتي متمنيتيها معاي
ميرا : عادي
مراد : عادي تكون هيا مكانك
ميرا : اي....لان خلاص فات الاوان علي ان نكونو لبعض
مراد : اي براحتك خلاص
~~
واتصل مراد بسامي وحددو موعد الفضانية رغم ان مراد مش راضي ومايبيش يارا لكن قرر بياخدها بالمكر في ميرا
°
•
°
•
°
تسنيم : حاسة بفراغ كبيير وجوي متنكد...صايرتلي كآبة غريبة تعرفي
رتاج : لانك متعاركة مع لونا صح ولا
تسنيم : تعرفي رتاج...لو عندي امنية وحدة ف حياتي فحنتمنى اني نكون مانعرفش لا لونا ولا عيلتها....نحس فيهم خشو ف حياتي ولخبطوها
رتاج : حسستيني لونا عرفتيها اليوم ولا امس😒
تسنيم : اي نعرفها من الطفولة لكن لو ما كنتش نعرفها يعني مش حنعرف سراج ومش حنتعدب هالعداب هدا الفترة اللي فاتت كلها وما كنتش حنعرف قيس
رتاج : علاش قيس شن دارلك
تسنيم مدتلها الرسالةمتع قيس : شوفي
رتاج : حي ع الجووو 😮...شن رديتي عليه
تسنيم : قلتله لا ومنها معاش تكلمنا بكل
رتاج : يعني هدا علاش حاسة بفراغ
تسنيم : مش عارفة..
رتاج : علاش رفضتيه
تسنيم : لان مانحباش ومانبيش نكدب عليه
رتاج : اممم
°
•
°
•
°
مراد : سراج قصته قصة...
احمد : تعرف اني والله الا كنت عادي ونعرفه يرجع لكن لما تأخر الوقت هدا كله بديت ننشغل
مراد : اني اللي شغلني وفاة خالك ياراجل
احمد : ربك يستر
مراد : المشكلة مافيش حتى وين ندورو عليه ولا من نسألو....الاوضاع متلخبطة غادي
احمد : اي غر تهدى الاوضاع شوية بنمشي نسأل مرات نفهم حاجة
مراد : اي مفروض نمشو للمستشفيات...ونشوفو الجثت اللي مجهولة
~~
~~
مريم : خيرك ماتردش بكري
احمد : كنت مقعمز مع خوك ياآنسة
مريم : ااه
احمد : شن جوك
مريم : تمام وانت
احمد: مش تمام
مريم : علاش حبيبي
احمد : مش عارف....الفترة هده متلخبطة للمليون
مريم : فترة وتفوت
°
•
°
•
°
☀️⛅
يارا : مش علي اساس قاعدة ومعاش بتولي لامريكا
ميرا : بابا غادي...بنمشيله
يارا : شن اللي غيرلك رايك
ميرا : هكي....غادي احسن
يارا : امتا طيارتك
ميرا : الفجر
سامي : جو الرجالة نقصو صوتكم
سارة : كلهم جو
سامي : اي
سارة : قداش نفر
سامي : 10 كلهم
خالت يارا : عاد زغرطو اللطف خيكم ع الساكت
سارة : روروروري
سامي : سكري فمك 😠
يارا : ياحمارة ولد عمهم مفقود ومنكدين خيرك
ميرا : عاد شن دخلنا بيه احني
يارا : بالله عليييك😒
°
•
°
•
°
اقدار : ويييين مغطسة لاتتصلي لاتسألي
رنا : انتي اللي غطستي قلت شكلها لما معاش تتكلم مع سراج نستنا حتى احني
اقدار : بالعكس يامعفنة شن دخل صحبتي بيك بعلاقتي بسراج
رنا : شن مدايرا
اقدار : ماشي الحال والله...شن جوك انتي والعيلة البقية ف حياتكم والله توا بس سمعت ان خالك مات
رنا : ف حياتك الباقية
اقدار : ربي يرحمه انشالله....وسراج شن قصته
رنا :سراج ف بنغازي ليه فترة طويلة
اقدار : والله....قداش ليه
رنا : ليه شهر توا وماسمعنا عليه شي
اقدار : كيف ماسمعتو عليه شي 😮 ماجاكمش عليه ولا خبر
رنا : تؤتؤ...
اقدار : معقووولة....سمعت ان ف بنغازي لكن نحساب في تواصل بينكم
رنا : كلمنا اول ماوصل اليومين الاولات يكلم فينا بعدين معاش كلمنا وتلفونه مقفل وحتى خوالي غادي معاش سمعو عليه شي
اقدار : صدمتيني😮ربي يستر...انشالله يرجع لا سو لاسوية
رنا : انشالله يارب
اقدار : بالله عليك امانه لو سمعتي عليه اي خبر طمنيني
رنا : بادن الله
°
•
°
•
°
_________________________________________
ميرا : هاااي
_________________________________________
يارا : الحمد لله ع السلامة 😘
_________________________________________
ميرا : الله يسلمك
_________________________________________
يارا : كيف حاله عمو اكرم
_________________________________________
ميرا : باهي كويس...
_________________________________________
يارا : سافرتي بروحك
_________________________________________
ميرا : لا اني وماما...وميار قعدت ف ليبيا مع حوش عمو
_________________________________________
يارا : اها
_________________________________________
~~
~~
_________________________________________
يارا : حبيبي
_________________________________________
مراد : نعم
_________________________________________
يارا : شن الجو
_________________________________________
مراد : ماشي الحال
_________________________________________
يارا : ماسمعتو شي علي خو علا
_________________________________________
مراد : لا
_________________________________________
يارا : خيره تلفونك مسكر بكري
_________________________________________
مراد : تم الشحن والضي هارب
_________________________________________
يارا: اها...وتوا فتحته
_________________________________________
مراد : اي فتحته وماعنديش نية نهدرز ف التلفون
_________________________________________
يارا: ماقتلكش اتصل بيا اني...😒
_________________________________________
مراد : خيرك تدوي هكي انتي
_________________________________________
يارا : ندوي عادي انت مش عارفة خيرك
_________________________________________
مراد : سلام
_________________________________________
~~
يارا معاش ردت عليه
°
•
°
•
°
🌒
فريال ناضت من نومها مخلوعة وتبكي :😭 وليدي قلبي مقبوض علي وليدي
ع عبدالله ناض مدلها طاسة امية: استهدي بالله....تعودي من الشيطان
فريال : بنهبببل ياعبدالله غمه ف صدري غمه😭 قلبي مقبوض
ع عبدالله تنهد : غر اهدي يافريال اهدي وادعيله يروح سالم...نوضي صلي ركعتين وادعي وانتي ساجدة انشالله ربي يطمن قلبك ويطمنا عليه
~~
~~
احمد ونادر كانو بايتين في استراحة متع صاحبهم وساهرين...وكان الوقت متأخر
تررررن ترررن 📱
احمد : تعرفو الرقم هدا ياولاد نهايته 47
ياسر : لالا
نادر : بالك وحدة من متع زمان😂
احمد : زعما 😂
محمود: رد
احمد : الو
المستشفى : هدا رقم احمد
احمد : اي تفضل
المستشفى : احني مستشفى #### بنغازي
احمد كان متكي وقعمز من الخلعة وملامح وجهه تغيرت : تفضل....اي اسمه سراج....اني نكون خوه.....كيييييف😨
نادر : شن في
احمد ناض خدي مفاتيح السيارة ومشي من غير مايدوي ونادر وياسر لحقوه بالسيارة
~~
وصلو لبنغازي الساعة 6 الفجر ومشو للمستشفى...
~~
~~
ع عبدالله : كييييف وووين لقيتوه....امتاااا....الحمد لله يااارب الحمد والشكر ليييك ياربي
فريال : طمنلي قلبي شنو 😮
ع عبدالله: به امتا مروحين...تو نجو لبنغازي احني....لالا بنجي غادي نبي نشوف ولدي
فريال : تي غر قووولي شن في
ع عبدالله سكر من احمد : الحمد لله لقوه في مستشفى
فريال : مستشفى 😢 خيره شن صايرله
ع عبدالله: مافهمتش منه كويس نوضي وتي روحك هلي نتسقدو هيا بسرعة
علا : وين بتتسقدو
فريال : سراج في المستشفى
علا : لقيتووووه😀😢
ع عبدالله: اي
علا : بنمشي معاااكم
ع عبدالله: اقعدي اهني مع اختك ماعندك وين ماشية
~~
~~
بابا : وين انت.. نتصل بيك ماتردش😡
نادر : اني ف بنغازي...امس جانا خبر علي سراج مشينا
بابا : سراااج....ولقيتوووه
اني مقعمزة جنب بابا واول ماسمعت اسمه جسمي تقشعر وقلي نبض
بابا : الحمد لله باهي طمنتنا
اني : لقوووه...وييين وشن حاله
مسرة منتبهة مع بابا ولما تكلمت اني شبحتلي وقعدت مركزة علي ردة فعلي
بابا : الحمد لله لقوه في مستشفى وختى مداير عملية
اني نصدمت وغصيت : ااا علاش عملية
مسرة : متصاااوب ؟؟😮
بابا : قال كان في السيارة اللي نفجرت مع خاله وخش غيبوبة وماحكاليش التفاصيل
اني : وتوا شن حاله
بابا : قال راقد مافاقش بكل....وليه 3 ايام داير العملية
مسرة : شوف قادش ليها السيارة منفجرة...هدا وين تفكرو يديروهاله
اني : مش هدا الموضوع😒 المهم داروها
مسرة : سكري فمك انتي...المشكله متأترة وهوا كلك علي بعضك مش حاسبك
اني تعصبت من كلمتها : هه😏ومن قالك مش حاسبني مرات حاسبني اني قبل الكل
مسرة : زي اللي مصدقة روحك انتي 😂
فتتها ونضت لداري قعدت نبكي ونتخايل ف اللي صار بيني وبينه كله...💔
وبعدين اتصلت بمراد
اني : الو مراد 😢سمعت
مراد : شن بنسمع😮
اني : سراج
مراد كان شاد فنجان القهوة حطه من ايده من غير مايحس : خخ خيره .... انشالله مش اللي ف بالي 😦
اني : لقوه في مستشفى
مراد : حي ؟؟ 😀
اني : شن رايك انت 😒 كان صايرة حاجة كنت نتكلم بهدوء هكي
مراد تنهد براحة : الحمد لله يارب...وشن حاله
اني : مافهمت شي...لكن قال بابا لقوه كيف داير عمليه لان كان في السيارة اللي نفجرت مع خاله وخش غيبوبة
مراد : تي من قاللكم وميف سمعتو ومن مشاله
اني : نادر واحمد ممكن
مراد : به سكري خنكلم احمد نفهم منه
اني : وعاود طمني
مراد ضحك: نطمنك 😂
~~
~~
بنغازي
احمد : فاااق 😀
نادر : بالله عليك 😀
سراج يرك فصبعه ويفتح ف عيونه بتعب ومش قادر يدوي
فريال : وليدي 😢...الحمد لله علي سلامتك ياغالي
الدكتورة : لو سمحتو محد يحكي معاه عشان مايتعبش
احمد : اي يام معاش تدوي معاه خلي يصحصح شوية
ترررن ترررن 📱
فريال : الو
سندس : ايوا اللاي شن صار طمنينا
فريال : اهو فاق الحمد الله
سندس تلفتت للبنات : فاق..فاق
رنا : روووروووري
علا : تي اسكتي الجيران يسمعو
رنا : اتصلي ببلسم
علا : اي اهو نتصل
°
•
°
•
°
علا : قصدك انت مشيييت 😮
سامي يسوق : اي اني واياد ومراد...قريب نوصلو
علا : ف هالوقت
سامي : هدا وين سمعت...خوك البهيم نوصي فيه نقوله اول ماتسمع حاجة قولي...وف الاخير سمعت من مراد
علا : ماهو لهي ومعاش فضي.. حتى نكلمو فيه مايردش
اياد نخصه : بوابة
سامي : بعدين نهدرزو
علا : تمام
~~
~~
☀️⛅
سامي : درتوله وراقي الخروج
احمد : اي...نضمنا الامور
سراج بتعب : احمد
سامي : يدوي 😀
نادر : تحسابه تبكش 😂
احمد مشاله : تبي حاجة
سراج : اميه
اياد : ادلع ياسيرجوو انت الستار توا...لكن عندك يومين بس ماتكترش علي ماوصوك
سراج يضحك
مراد طبس عليه : حمدالله ع السلامة ياشيخ
سراج بصوت يادوب طالع : الله يسلمك
مراد : في ناس يسألو عليك 😉😂
سراج ابتسم
°
•
°
•
°
حوش عمي
فريال : بالشوية عليك وليدي
سراج : به امي...حسستيني انشليت
فريال : بعيد السو عليك
خش سراج لداره وجو كلهم يسلمو عليه ويحضنو فيه وبعدين رقد..
~~
احني: السلام عليكم
الكل : وعليكم السلام
مسرة : شن الجو
علا : الحمد لله
مسرة : وينه سراج 😍
علا : متكي ف داره
اني : راقد ؟؟
رنا : فاق توا
مسرة بتمشيله
رنا : اصبري اهو بيطلع يرقد ف المربوعة لان جو صحابه
~~
بابا : شن تحس ف روحك توا
سراج : كويس الحمد لله
ع عبدالله: هكي ادير فينا ياراجل...شهر كامل مانسمعو عليك شي
سراج : اهو جيت
سامي : المهم رجع سالم ياعمي احمد ربي
ع عبدالله: الحمد لله
روحو صحابه وخشوله عماتي والبنات لكن اني قعدت في المطبخ بحجة اني نوكل في مناسك
~~
مسرة : حمدالله علي سلامتك
سراج بتعب : الله يسلمك
قيس : شكلك مش قادر تتكلم
سراج : لا عادي
مراد مقعمز قدام سراج وسراج يأشرله بعيونه
مراد ضحك : مسرة
مسرة : نعم
مراد : ماجتش ليال
مسرة : جت...
رنا : داخل توكل في مناسك ؟؟
مراد شبح لسراج
~~
وفات الوقت وطلعو قعمزو ف الجنان وخلو سراج يرتاح ف المربوعة واحني البنات قعمزنا في المربوعة الخارجية بروحنا...
فوتت شوية ونضت خشيت للحوش وطبعا الحوش فاضي لان كلهم برا
