#__وتين__🍃
🌷الحلقة 35🌷
سراج قعد مركز ف الرقم و قراه اكتر من مره ومكدب عيونه : هدا رقم علا ولا اني غالط تي شن غالط اي رقم علا....لالا اكيد في رقم مختلف واني مش مركز
شويه وسكرت لكن والتلفون في باسوورد لكن لما حد يتصل تقعد مكالمة فايتة والرقم يبان
طلع سراج تلفونه وفتح رقم علا وقعد يشوف ف تلفونه وتلفون سامي ولقاه نفس الرقم لعب براسه الشيطان ووجه ولا اسود
سامي : هاك سيرجو
سراج : صحيت
محمد : هات هات
سراج : تلفونك كان يشرين
سامي بعفوية : ايااا نسيته اهني نحسابه طاح مني ؛ وبعدين شاف الرقم نصدم وشبح لسراج طول لقاه يشبحله
سامي : شفتو من اللي اتصل
سراج : لالا
سامي : ااا ههدا رقم غريب
سراج : كم ؟؟
تن تن 📲💬 سامي جاته رسالة
سراج زاد خنس
سامي تلخبط : ااه تي هدا جارنا خالد معشش فيا من الصبح
اهني سراج قطع الشك باليقين🚫وفهم القصة
محمد : تي وين
سراج : بنروح
سامي توتر : تي خيرك
سراج : تعبان بنروح نرقد غدوا عمل
طلع من جيبه فلوس : هدا حق الارقيلة تصبحو علي خير
سامي : خيره😮
محمد : شكله تعبان
سامي : شفتو من اتصل بيا انتو لما اني مهناش
محمد : اي سراج شاف علاش
سامي : قري الرقم
محمد : تي ويين نندري علي امه قعد شاد التلفون وهوا يشرين لكن مانندريش عليه قري الرقم ولالا علاش
سامي : ااه لالا شي
°
•
°
•
°
سراج : اووو اسماء عندنا
اسماء : خزي قريب نروح وانت هدا وين جيت
سراج : اقعدي باتي
علا : قتلها مابتش
سراج قام عيونه ف علا وشبحلها شبحه قسمتها نصين
رنا : سيرجو تتعشى
سراج : لالا ماعنديش نية
~~
اسماء : هي تصبحو علي خير....تهبل المكرونة يارنا يسلمو يديك
رنا : سلمك سوما صحتين
معتصم : باااي خالتي
اسماء : باي عصوم
~~
سراج : علا
علا : ايوا
سراج قعد يشبحلها وبيشوف ملامحها: ترا تلفونك
علا واضح عليها التوتر ووجها ولا احمر : تت تلفوني؟؟
سراج : اي
رنا تبي تنقض الموقف : اا تبي حاجة.... اهو تلفوني
سراج : علاش تلفونها لا
علا : غر لانه ف الدار داخل بس
سراج : الدار مش الصين اهي قدامك
علا : باهي تو نجيبه وانتو درتولي موضوع
سراج ناض لحقها وعلا خدت التلفون وتلفتت لقاته وراها وحست حركاته غريبه ومش هي بس كلهم حسو وطبعا هوا اكتر واحد يخافو منه وعارفينه عصبي ماعنداش الريح وين يدور ...
سراج : هاتي
علا تحاول تمسح في الرسايل والمكالمات : ااا شش شوية نفتحلك في الباسوورد
سراج يشبحلها كيف داهشة وتتنفس بسرعة وقريب اطيح قدامه من الخوف جبد من ايدها التلفون
سراج : ساعة تفتحي ف الباسوورد
رنا واقفة وراه وحاطة ايدها علي فمها
سراج تلفتلها : خيرك
رنا ترعش: اا شش شي 😣
علا انصمتت ومعاش قالت ولا حرف
سراج يشبح لرنا: اطلعي
رنا : خخ خيرك سراج
سراج : للمرة التانية اطلعي😑
رنا : به😣
علا اطربق ف صوابعها وتهز ف رجلها وقلبها بيوقف
سراج فتح شاف اخر برامج فاتحتها لقاها خاشة ع الرسايل وبعدها ع الفايبر وبعدها المسنجر
فتح المسنجر مالقي شي فتح الرسايل مالقي شي فتح الفايبر لقي شات بينها وبين سامي غمض عيونه بصدمة وتكلم بهدوء : تعرفي ياعلا جاي والطريق كلها واني ندعي انشالله اللي ف بالي غلط انشالله نتوهم مانبيكش اطيحي من عيني وتخيبي املي ؛ وطبعا علا راسها ف الارض وماقالتش ولا كلمة
قعد يقرا في رسايل الحب ع الفايبر وبعدين انهار وحدف التلفون بقوه علي علا
سراج يعيط : انتيييي اديري هكي انتييييي😠
علا تبكي : افهم قبل بالله عليك😭
سراج شادها من شعرها ويضرب فيها : نفههههم شن بنفهم شنوووو مع صاحبي يافا##### يا#### مع صاااحبي دايرتيلي قرون يابنت ال#### اني اديريلي قرووون اني
علا تبكي: اااه😭 شعري 😭
سراج بدي يضرب فيها فضرب هبال لين نفسها هرب وهوا نسي روحه ولولا احمد ماكسرش الباب كانت ماتت بين ايديه
احمد : مش هكي ياسراج بتقتلها
فريال : ووووووه عليا وووه قتلها
سراج : اسكتييييي اسكتييي كانك خايفه تمووت راك ربيتيها بنتك مش متربية بنتك وحدة #####
رنا : ياسراج غر اهدى
سراج دفها لين طاحت : نهدااااا يارنا تبيني نهداااا وانتي راضيتلهاااا والمشكلة ممعا المسخ ال#### اللي عطيت فيه التقة ودخلته حوشي
احمد مصدوم : تي من هوا
سراج : ساااامي اللي حاسبه زي خوي شوف شن دااار
احمد دعس علي علا وقعد يضرب فيها : طلعتيناااا مش رجالة يا#### ياساقطة يا##### تفو عليك يامسخة اني بنربيك اليووووم انيي
سراج : اني تو نوري جد امه الفاسد المسخ الليلة بنشرب من دمه
فريال : ليل 😣...بترعشهم ليل ياوليدي صلي ع النبي والعن الشيطان
سراج : الشيطااااان البسني الليلة والله اللي اسمه سامي لما يشوف
احمد : ياسراج ليلة وفراقها صبح خيرك
سراج : بيجيني نوم اني 😠
ركب سراج السيارة ومشي وماخلاش احمد يمشي معاه
احمد : ايوا يامراد اسمع سااامي ......وحكاله القصة
مراد : قصدك سراج ماشي لسامي الليلة😨
احمد : اي يامراد حلها وراس امك
مراد : من بكري طالع😮
احمد : توا كيف مشي
مراد : تمام تمام
~~
~~
اني : كيييف 😮
مراد : زي ماحكيتلك وتوا هوا ماشي ومرات يصير فيها رقب
اني : رقب😨
مراد : كلميه ياليال انتي بس تأتري عليه ديري اي موضوع قبل مايوصل
اني : اا ششن بندير اني😣
مراد : مانعرفش كلميه قوليله تعالى قوليله اي حاجة....اني ماباش يرد عليا
اني : باهي غر سكر
~~
نتصل بيه وقلبي يرعش متوترة وخايفة ومش عارفة شن صايرلي
سراج يسوق بسرعة بيقلب السيارة ومغلووول
ترررن تررررن 📱
داره صامت من غير مايشوف الرقم وبعدين عاودتله تاني عطل بعدين قام التلفون وشاف الرقم نصدم
سراج : ليال اي هيا تتصل ؛ ورد
اني : اا الو
سراج : ايوا
اني قلبي يدق بسرعة : وين انت ؟؟
سراج هدي ولا كأنه هوا اللي كان زي المجنون وحتى سرعة السيارة خفضها لا ايراديا
سراج بصوت هادي : اا اني برا...تبي حاجة ❤
اني : وين برا
سراج : برا ف الشارع
اني : وين بالزبط
سراج ضحك : بالزبط في###
اني : ووين ماشي
سراج : شن تبي تعرفي بالزبط
اني : بنطلب منك طلب
سراج : هدا علاش المقدمات هده كلها
اني : اي
سراج : انتي تطلبي عيوني يرخصولك❤
اني : اا وين ما أنت اوقف بسيارتك
سراج : علاش...ومن قالك اني ف السيارة
اني : امممم توقعت
سراج : توقعتي ولا جاتك النشرة
اني : وقفت ؟؟
سراج : ماوقفتش اني ف السريع كيف بنوقف
اني : درس واوقف ساهلة
سراج : جو الواسطات فوتيه مايمشيش معاي واللي مشي يشهدر حسابه بعدين
اني : تحبني ❤
سراج قلبه رعش ونبرت صوته تغيرت لا اراديا : نموت فيك❤
اني : مقتنع باللي ادير فيه انت
سراج : كيف شن درت
اني : مش انت بس تحب للعلم الحب مسموح للجميع واللي درته مع علا يعتبر اهانه ليا ولمريم اللي يكلم فيها خوك وانت صاحب مراد وعندك عادي
سراج : خوي يبيها بالحلال ومادار معاها شي غلط
اني : علاش من قالك صاحبك غلط مع علا ولا انت واتق في رباية جميلة لبنتها ومش واتق في رباية امك
سراج تعصب : شن تقولي انتي
اني : كلامي مقنع ياسراج وتصرف بالعقل مش كل شي ضرب وعياط وتكسير وزي ماتشوف في اختك بنت عيلة خوتنا هكي يشوفو فينا واني مقتنعة ان البنت لما تحب ماتتسماش هانت خوها او طيحتله كرامته المهم تحب باحترام ويكون ولد عيلة
سراج : انتي مش فاهمة
اني : فاااهمة كل شي وانت اللي درته كله غلط انت توا انحطيت في موقف مراد شوف شن درت معناها لما هوا بيسمع بمريم شن بتكون ردة فعلة بالدات اتجاهك
سراج : خووي ومراد يتفاهمو.... لكن تخااايليها مقعمز جنبي ويهدرز معاي واختي تكلم فيه وتبعتله في الرسايل واني مدايرني مضحكة ال####
اني : معاش تسب😒
سراج : بنسب...ومعاش تقوليلي انت الغالط
اني : انت الغالط هدا واقع
سراج : ماتزيدينيش علي مابية وراس امك
اني : به غر اسمعني ....تو انت تلف ودور وتولي للحوش
سراج : وراس امك😒
اني : خلي نكمل دوتي....ولي فكر وتريث ....قصدي لما بتمشي وانت مغلول مرات يصير فيها حتى القتل وحني مانبوش هكي يااا بات مان 😂
سراج يضحك : تتسهوكي انتي
اني : حط قدامك بوه وامه وخواته والله اخي الموقف قصدي براله الصبح وخليها بينكم
سراج : بوه ميت انشالله يلحقه
ليال : ااه اي نسيت....به المهم شني بتولي
سراج تنهد وسكت
اني : حرام تخايل انت بعصبيتك هده بتهد عليهم في الوقت هدا وبينخلعو
سراج : حسستيني بنخش عليهم في فراشاتهم....تي انادي هوا برا ونتفاهم معاه
اني : حتى لما تنادي ويطلع ف الوقت هدا امه مش بتقعد مشغوله
سراج يسمع فيا وتفكر انه حتى مراد يكلم ف اخت سامي وفكر ف كلامي علي احمد ومريم
اني : شني خيرك ساكت
سراج : معاك معاك
اني : بتولي
سراج : تعرفي انتي دوتك هلبا وحتى حوشهم فتت طريقه وكملت طول
اني : الله...ووين ماشي توا
سراج : لحوشي
اني : مش لانه دوتي هلبا...لانك اقتنعت 😉صح ولالا
سراج ساكت
اني : اقتنعت باااهي
سراج : باهي
اني : قول اقتنعت به علاش العناد
سراج : مش عناد عي لكن....
اني قطعت علي كلامه : قول اني اقتنعت 😡
سراج ضحك : به اقتنعت وانتي عششتي
اني : ليلتك سعيدة💔
سراج : شن هيااا😡 كملتي مهمتك وتوا بتسكري
اني : اا مم ماهو عندي غدوا قراية
سراج : كان سكرتي بنولي نتعصب ونتفكر الموضوع ومرات نمشيلة عقابات الليل
اني : تهدد انت ولا شني😂
سراج : ماتسكريش لونا 💔
اني : مجبورة نسكر
سراج : مش قتيلي محد يجبرك علي شي
اني : افهمني
سراج : انتي افهميني
اني : اني كلمتك لان مراد قالي وحكالي القصة وخفت تكبر بس....ولو بتجي تشوف انت غلطت معاي هلبا وماكنتش نبي نكلمك ع اللي درته
سراج : علاش شن درت
اني : شن درررت......بسببك انت اني في مشاكل في غنا عنها و...
سراج قص علي كلامي: ااه قصدك انتي والتافه هداكا....اصلا اني هدا اللي نبيه وانتي لياااا اني وطلعيه من الموضوع خيرله
اني : باهي به
سراج : ليال اني نبيك علاش ماتبيش تفهمي
لما قالي هكي قررت نقوله كل شي قلت مرات لما نقوله علاش رافضاته يفهمني ويعذرني
اني : انت لما عرفت ان صاحبك يكلم ف اختك شفتها خيانه صح ولالا
سراج :اي لكن شن دخل هدا ف هدا
اني : علاقتي بيك حتكون خيانة
سراج : لكن انتي رافضة من قبل ماتنخطبي و كنتي مافي حد ف حياتك واني نفس الشي وين الخيانة ف الموضوع
اني : تعرف الفترة اللي هدرزنا فيها وقعدنا شبه يوميا نهدرزو ونبصرو.... ومعاملتي ليك اللي كانت جدية وتغيرت وبديت نعامل فيك عادي ونضحك ونهدرز معاك....هدا كله بطلب من بنت والبنت هده تبيني ندير هكي بش نحاول نقربك ليها ولو بشكل بسيط
سراج : علاش
اني : لانها تحبك وتتعدب زيك انت توا واقل شي انت تقدر تعترف وتعبر عن شعورك لكن هيا لا ....
سراج : و شن اللي خلاك توافقي علي طلبها
اني : لاني نشوف فيها كيف متليعة من الحب ونشوف ف عيونها كل مايندكر اسمك ولان هيا صاحبتي واختي واكتر وماقدرتش نتحمله اللي صاير فيها 💔
سراج علا صوته : به وانييييي..... انييي عندك عادي مش هاااامك نتليع نتعدب نموت مش هامك....زي ماحسيتي بيها حسي بيا اني
اني : لكن لما نكون معاك نعتبر خنتها.....ولما كانت تستنى امتا نجيها بنتيجة حلوا تلقاني واخداتك اني هده بروحها تعتبر خيانه وغدر
سراج : خيااانه لما نبدا نحبها وتحبني وانتي خليتيني نسيبها...لكن اني مانحبهاش ومانعرفهاش من الاصل
اني : انت قلتها.....ماتعرفهاش مرات لما تعرفها تحبها😢
سراج : وانتي راضية لو ناخدها
اني : اي راضية
سراج : بالله عليك شن الكلام الفاضي اللي تقولي فيه....
اني : ياسراج افهمني وحط روحك مكاني
سراج : مش موضووووعي...... صاحبتك مش موضووعي ومادخليش ومالياااش علاقة اني نحبك وهدا اللي نعرفه واللي فاهمه😡
اني : واني مانقدرش 😢💔
سراج : به تو انتي تتليعي هكي عندك عادي....قصدي ف الحالتين اني مش حنشوفلها بكل...انتي شن بتكوني استفدتي
اني : اني مانبيش نطلع خاينة...مانبيش نجرحها
سراج بصوت هادي : واني تجرحيني وعندك عادي
اني : تؤتؤ😢
سراج : ااااخ ياااربي....تعبت معاك اني 💔
°
•
°
•
°
علا : زعما مشاااله😭
رنا : فكري ف روحك لما يولي
علا : خايفة يتقاتلو يارنا خااايفة😭
فريال : الله يسود وجهك الله يسود وجهك تفوو
رنا : خلاص ماما ماتزيديناش
فريال : صدق خوك والله ماعرفت نربي
رنا : زعما شاف انك باعته صور ولا حاجة
علا : لالا نبعت ونمسح مانخليش فيهم الصور
رنا : وقبل مايخد منك التلفون شن مسحتي
علا : الرسائل والمسنجر
رنا : والفاااايبر😨
علا : لالا ....هوا اصلا شاف الفايبر
رنا : 😨😮
~~
احمد : شن صار يامراد
مراد : والله شبه درت حل وربك يستر
احمد :حل شنو....رد عليك هوا
مراد : اعتبرها نحلت تو نكلمك غر سكر توا
احمد : به كلم سامي افهم منه
مراد : تي لالا سامي اكيد مايندري علي شي
°
•
°
•
°
مراد : ليك ساعة وتلفونك مشغول شكله الحديث طول😉😂
اني : هاهاهاها 😒
مراد : شن صار
اني : مشي لحوشه
مراد : زعما ماكدبش عليك
اني : لالا
مراد : شن اللي اكدلك
اني: قتله كلام واقتنع بيه
مراد : ااه باهي تمام
اني : عاود كلمه توا مرات يرد عليك
مراد : تمام تصبحي ع خير
اني : وانت من اهله
~~
مراد : خيره نتصل بيك ماتردش
سراج : شن في
مراد : تعرف علي من ترد يا###
سراج ضحك : شن تبي يانفخ
مراد : شن اللي درته بالله فهمني....وجعاتك من سامي وماتفكرتش لما نتكلمو علي اخته
سراج : ماقلت عليها شي غلط...قتلي عجبتني قتلك برا اطلبها صح ولا
مراد : قصدك هوا متلا بيفكر حاجة تانية ف علا يا#### تفو عليك وعلي تفكيرك
سراج قعد يعيط : اااه.....عندك عاادي انت معناها كان لقيت اختك تكلم ف واحد من صحابك تاخدها عادية
مراد : خير من تكلم واحد مانعرفاش....ولا تحسابني فايت عليا...قصدي فاهم وعارف ومتأكد ان البنات كلهم يكلمو لكن اختي عارف اخلاقها ونعرفها حتى لو كلمت مادير شي غلط
سراج : مم من جدك تحكي انت😮
مراد : اي نحكي من جدي ومن حناي 😂
سراج : كان تعرف انها متلا تكلم في واحد عادي
مراد : اي واحد ممكن يحب زي ماانت حبيت متلا
سراج : صدمني كلامك
مراد : لكن واقعي
سراج تنهد : تي باهي
مراد : فوته سامي ياسراج....هوا مادار هكي الا حبها واكيد ناويها بالحلال
سراج : تمام تمام
°
•
°
•
°
☀️⛅
_________________________________________
قيس : يعني عمرك كلمتي ولاد
_________________________________________
تسنيم : عادي نهدرز ع المسنجر وانستا بس وفترة قصيرة وبعدين نديرلهم حظر😂
_________________________________________
قيس : هههههه والله انتي من الاخير.....لكن عجبتني جرأتك
_________________________________________
تسنيم : مانعرفش نكدب هدا الواقع....وبالله عليك جيبلي بنت ماتكلمش
_________________________________________
قيس : اي اي صح كلهم يكلمو
_________________________________________
تسنيم : لكن الحمد لله لحد هالحظة ماكلمتش ولد وميعدت معاه بتلفوني وممكن اكتر ولد قعدت معاه مدة طويلة انت
_________________________________________
قيس : علاش
_________________________________________
تسنيم : هكي والله الحق ارتحتلك....وجوك حلو واخلاقك كويسة....حسيت روحي كونت معاك صداقة
_________________________________________
قيس : اها....يعني نعتبر روحي صديقك
_________________________________________
تسنيم : لو توافق اي
_________________________________________
قيس : اي موافق.....وحتى انتي بنت كويسة ومحترمة ومش متع دوا فاضية واضح عليك
_________________________________________
تسنيم : نعرف👌😌😂
_________________________________________
قيس : وتعرفي انك عبيطة ومتخلخلة 😁
_________________________________________
تسنيم : خزي....شني متخلخلة امالا كلمة جايبها من كندا 😂
_________________________________________
قيس : كندا 😂😂.....
_________________________________________
°
•
°
•
°
_________________________________________
مطلب : ليال ردي عليا وماتخلينيش نتصل بخوك نادر
_________________________________________
اني : اي شهدر في الدنيا كلهاا ولقطة انك مشيت قلت لماما.....متع عواويل ره
_________________________________________
~~
ترررررن ترررن 📱
شفت لقيته مطلب مابيتش نرد عاود مرة واتنين وتلاته ومابيتش نرد وبعدين كلمتني ماما
ماما : خيرك يالونا عاد بسلتيها ليه قريب اسبوعين الولد يتصل واني ولا كأنه....وكيف تقوليله عيل هده كلمة كبيره ومايرضهاش هوا ياليال
اني : ماقلتلاش عيل هكي .....ماوجهتهالاش مباشرتا قتله انك تمشي تشهدر هده لقطة عواويل وهده الواقع قصدي شن عيل يرضع في صبعه كل مابنتعاركو بيحرشك ولا كيف
ماما : عنده حق هبلتيه
اني : انتوووو هبلتوني اني كرهت حيااااتي ره....هوا لاش يدخل فيك ويقولي بنقول لنادر تي شن احني نلعبو
ماما : انتي موليا اعصااب
اني : لان شي يعصب ويحرق الدم قصدي تخايلي علي خاطر مارديتش عليه بيحرش نادر....ماما معاش قادرة نتحمله ومليت
ماما : من توا مليتي اللطف ياربي
اني : قصدي حطي روحك مكاني...معاملته اخي بكل ره ومن الاخير اني كبدي درهت
ماما : بالله عليك اسمعي كلامي وردي عليه وخليك متماسكة اعصابك
اني تنهدت
ماما : ردي عليه بنتي هدا في الاخير بيولي راجلك وبو صغارك
اني : باهي به😑
ماما : سلمها ياربي اللي تسمع في الكلام
°
•
°
•
°
مراد : ايوا
سامي : مراااد شن الجو
مراد : والله الجو مش تمام بكل
سامي : خير انشالله
مراد : ماتندريش البارح شن صار
سامي : لا والله
مراد : البارح كان سراج جايك وشديناه بالسيف
سامي : علاش😮
مراد : علي خاطر اخته ياسامي
سامي : اااعع علي خاطر اخته 😮
مراد : اي....وعرف كل شي
سامي : اني يامراد مادرت شي غلط وانت تعرفني اني شني والله العظيم نبيها ورايدها بالحلال
مراد : تي بتقولي اني شن مامعرفكش...لكن شن بديرله هي
سامي : وهيا دارلها حاجة
مراد : اكيد....احني حاولنا نهدوه البارح وتوا دورك.... حلها من عندك
سامي : تمام يامراد محلوله انشالله
مراد : ميه ميه
°
•
°
•
°
مطلب : خيرك ماترديش 😡
اني : بعد اللي قلته تبيني نرد ونكلمك عادي
مطلب : باهي مرات كنت متصل بنعتدر لكن انتي ماخليتيليش فرصة نقول شي....مش معاملة هده ياليال
اني : امالا معاملتك انت تحسابها معاملة...انت خونتني وقتلي امسخة تعرف الكلمة هده ماعمري سمعتها من بنادم غيرك
مطلب : به وانتي قتيلي عيل
اني : ماقتلكش عيل مطلب وبعدين انت اللي طيحت القدر وبديت تسب وتقول في كلام مانقدرش حتى نعاوده وكان انت ماحترمتش نفسك ماتطلبش من الغير يحترمها
مطلب : ليال الزمي حدودك وكلميني كويس
اني : باهي به
مطلب : ياودي غلطنا ومنك السماح شن تبي تاني
°
•
°
•
°
_________________________________________
مراد : به امتا فهميني امتا 😡
_________________________________________
ميرا : مراد تو يجي وقتها علي شن مستعجل
_________________________________________
مراد : به نبي نكلمك
_________________________________________
ميرا : اهو تكلم فيا 😂
_________________________________________
مراد : يارا ماتحرقيليش دمي
_________________________________________
~~
ميرا غصرتها العبرة لما قرت الاسم: يارا 😢....لامتا بنقعد عايشة في الوهم زي المجنونة.....اني ميته ف حبه وهوا ماينديش اني في الوجود بكل 💔
ااااه ياقلبي
°
•
°
•
°
سامي يخبط علي دومان السيارة ويعيط : كيييف مزال بنشوف لوجهه كيييف.....اني حمااار خيرني مامشيتش طلبتها في شن نستني
~~
سامي : امك وين
يارا : في المربوعة تصلي
سارة اخت سامي : سامي شن الجو
سامي : اوو شنج
سارة : تمام
سامي : وين ولدك
سارة : راقد مريض ف حالة
سامي : خيره
سارة : مستبرد
فاطمة : جيت ولدي
سامي : بما ان السيدة سارة عندنا بنكلمكم ف موضوع
سارة : انشالله خير
فاطمة : شنو
🌷يتبع🌷
تفاعلو ❤
.
.
#__timOo__💋
