#__وتين__🍃
🌷الحلقة 66🌷
اني : نعم
نادر : ينعم عليك
اني : نوضتني من علي غداي ع فكرة
نادر : به بري زي البنت الفالحة جيبيلي غداي وقعمزي تغدي معاي بنهدرز عليك شوية
اني : موضوع شنو
نادر شبحلي : هههه غر بري بري
مشيت وتيتله سفرة غدي وحطيتهاله وقعمزت جنبه
اني : تكرم وادوي بعد ادنك😊
نادر يهز في رجله ويشبح للارض وقارن حواجبه : نسألك سؤال
اني خفت من منظره اول مرة يكلمني بالطريقة هده : اسألني سؤال
نادر قام راسه وشبحلي : لو صار وكلمك ولد ونعجبتي بيه حتجي تحكيلي
اني : شن السؤال العبيط هدا
نادر : بش تقوليلي اني مانكلمش واني ماعنديش ع الدوا هده مستحيل بنت في سنك انتي وبجمالك 😉 وماتكلميش...قصدي اني ولد ونعرف البنات وتفكيرهم وحتى لو كنتي عاقلة ورزينه لكن مافيش انسان مايحبش صح ولا
اني منزله راسي وماقلتش ولا كلمة
نادر : هي جاوبي
اني : مانعرفش
نادر : كيف ماتعرفيش
اني : قصدي بالعقل تبيني ندويلك في مواضيع زي هده😑
نادر : خيرا اني نحكيلك في كل شي وقصتي مع ديما من بدايتها لنهايتها تحت اشرافك انتي
اني : لان انتو واخدين قناعة اني نكلم واختي ممنوع
نادر : اه قصدك غلط القناعة هده 😜
اني شبحتله : شن رايك انت
نادر : به انتي كيف عرفتي ان هده قناعتي وانتي حتى ماهدرزتيش معاي في المواضيع هده
اني : واني كيف بنتجرأ ونهدرز معاك اصلا
نادر : خلاص ماتحكميش عليا من غير ماتهدرزي معاي مرات اني مقتنع عادي زي مااني عندي قلب حتى انتي عندك قلب وتحبي
اني : تو شن خطر عليك المواضيع هده 😁
نادر : عادي هكي خطر عليا قلت خلي نشوف وجهة نظر لونا وكيف تفكر😉
اني : به كويس
نادر : به كان يخطبوك ناس توا توافقي
اني : خيرك انت اليوم😑
نادر : نهدرزو عادي خيره خلوقك ف حكة انتي😒
اني : لا مانوافقش لان نقرا وانت عارف
نادر : ولو قالولك فلوس😜
اني : لا
نادر : ولو قالولك فلوس وحلو
اني : لا😑
نادر : ولو قالولك يحبك وفلوس وطرف
اني : لا نادر...وكيف جيت بنطلع
نادر علا صوته : ولو قالولك سراج 😉
اني نسمطت ويبست جنب الباب وقعدت عاطياته بالظهر وماقلتش ولا حرف وتوترت هلبا
نادر يضحك : خيرك تجمدتي😂😂
فتحت الباب بكل هدوء وطلعت ومعاش نشبح في شي قدامي ...
°
•
°
•
°
مريم : السلام عليكم
الكل : وعليكم السلام
فريال : مرومة قعمزي
مريم قعمزت جنبها : روحت بلسم
فريال : اي جاها سلفها روح بيها صغارها يقرو غدوا
مريم : اها ...وعلا وين
فريال : عندها كورس
ع عبد الله شبح لاحمد : شني هدا ماشي معاك كويس
مريم ضحكت : هههه اي
ع عبد الله : يديرلك حاجة غلط قوليلي بس
مريم : ولا يهمهك عمي😌 اول غلطة ننزلكم
احمد شبحلها : زي اللي صدقتي حسيتك
فريال : قعمز يلا الا مريم خط احمر😡
احمد : تي بالله ياسر بلا كدب
مريم :تؤتؤتؤ محسدي 😛
ناضت مريم ادير في قهوة واحمد وامه وبوه يهدرزو في الصالة وبعدين جي سراج وقعمز من غير مايدوي...
ع عبدالله : وين كنت
سراج : في المعرض
ع عبدالله : ماشي الشغل كويس
سراج : اي
احمد : خيرك انت جوك منكد
سراج تنهد : شي..وناض مشي للكوجينة
~~
سراج : السلام عليكم
مريم تلفتت : وعليكم السلام شن الجو سراج
سراج : ماشيا..علا وين
مريم : عندها كورس قالت امك
سراج اتكى ع الطاولة : اسمعي مريم
مريم : نعم
سراج : ماكلماتكش ليال ؟؟
مريم : لا والله من لما جوني زيارة معاش تكلمنا وحتى بعتلها ع الفايبر مسكرة
سراج هز راسه بمعنى باهي
احمد خش : معطلة القهوة
مريم : لا اهو كملتها
احمد : خيرك سراج
سراج : خيرني احمد 😑
احمد يتسهوك : من مزعلك خووي
سراج شبح لمريم : شكلك سحرتيه الولد
مريم ضحكت : نصبلك قهوة
سراج : لا مانبيش.....و مشي خش للحمام
احمد وقف جنب مريم
مريم : شكله متعارك هو وياها 😮
احمد : اي واضح...من اول ماخش زبطته تاكها هو وياها
مريم : مشالله حفظته شكلك😂
كان سراج كيف طالع من الحمام وسمع احمد وهو يدوي
احمد ضحك : اي بجديات لما يبدا متعارك معاها حتى ملامحه تتغير يبدا زي الجن
مريم : اشبح شن صاير
احمد : يحبها هو لكن هي تسكر في دماغها هلبا
مريم : والله حتى هي تحبه...تعرف لما نبدو مع بعض ويتصل سراج حتى نبرة صوتها تتغير لكن مشكلتها تحب تبينله العكس
سراج ابتسم ومشي
احمد : اي شوره وارتينها من بعض الحركة هده😒
مريم : مصحك اني ماندورش واللي في قلبي نطلع فيه
احمد جي وراها ولف يديه علي خصرها وحط لحيته ع رقبتها وباسها : قصدك انتي بتقنعيني ان ماديريش فيه جو تكابري وتتجكتري
مريم حطت يديها عليه : اي مانديرش فيه 😌 وبعد تو يخش حد
احمد دخل يده تحت بلوزتها وقعد يمشي في انامله علي جسمها...
مريم : احمممد خيرك تو يخش حد
احمد : به حطيلهم القهوة وهي نركبو ❤
مريم تحوله في يديه وتضحك : باهي غر حووول
احمد : به هي نركبو حبيبي ❤
مريم : به نحطلهم القهوة بسس
°
•
°
•
°
مقعمزة ع السرير وجايتني صدمة لاقبلها لابعدها...
تي هدا كيف عرف من قاله😳 والمشكلة مش وقتها بكل...
وفي الوقت اللي اني وسراج لازم نسيبو...نادر عرف
ااه علي بختي المايل ااه 💔
ترررن ترررن 📱
شفت لقيته سراج مارديتش...
و قعدت نفكر "به علاش اني ندير هكي😢 شن دخله سراج نتجاهل فيه بالطريقة هده..
لكن حتى لما نكلمه ومانقولاش علي موضوع الصغار نعتبر نخدع فيه 💔 وهدا موضوع كبير مانقدرش ندسه عليه😢
~~
~~
سراج مقعمز ع سريره ويهز في رجله بتوتر وشاد الدخان بغل وبعدين بدي يتكلم
" اااه علاااش ادير هكي علاااش كان نفهم بسسس
تعبببت اني تعبببت ياربي تعبببت💔"
ناض ركب سيارته ومشي..
°
•
°
•
°
ترررن ترررن 📱
اني : الو
تسنيم : لولووو استاحشتك
اني : حتى مستاحشاتك توتو❤
تسنيم : بتجي اليوم ولا
اني : وين
تسنيم : لعيد ميلاد رتاج
اني : حي ع الجووو😮 ناسياته بككككل
تسنيم : مصح وجهك هي تتصل بيا قبل عيد ميلادك باسبوع وجابتلك تورته للحوش ياحيواانه
اني : هي فايقة ورايقة واني الهم كله فوق راسي 💔
تسنيم : دخليش فيك اني بنمشي وانتي تفاهمي انتي وياها والله لما تحرج منك
اني : خلاص تو نجي
تسنيم : بنبات اني ره
اني : حتى اني مرات نبات خلوقي مطبقة نبي نغير جو
تسنيم : تمام
سكرت من تسنيم و شوية وطق باب داري صارتلي الزغبة نضت من السرير وفي السافة بين السرير والباب قعدت ندعي : انشالله مش نادر انشالله مش نادر انشالله مش نادر 😖
اني : مم منو😓
نادر : اني
الدم تجمد في عروقي خديت نفس عميييق وفتحت الباب
نادر متكي ع الحيط ومربع يديه : قوية الهربة اللي درتيها
خشيت قعمزت ع السرير لحقني قعمز جنبي وطبعا منزله راسي ماقلتش ولا حرف
نادر : صار قاسمة انتي ومريم وحدة احمد والتانية سراج😜
اني ساكتة
نادر : به علاش اني اخر من يعلم
اني : ااا كك كيف تبيني نقولك موضوع زي هدا😳
نادر : اي عندك حق كيف تقوليلي غلط....خلي المية تجري من تحتي
اني : قبل كل شي انت من قالك
نادر : هههه اها معناها هم العيلة كلهم يندرو وانتي تبي تعرفي من قالي
اني :اسمع اول شي اني مادرتش حاجة غلط وماتعديتش حدودي واي شي درته باحترام وانت تعرفني...وبعدين انت بروحك قلتها زي ماانت عند قلب حتى اني انسانة ونحس
نادر : اي اني ماقلتش كيف اديري هكي اني قلت علاش ماقتيليش
اني : لان مافي شي ينقال واكيد لما الموضوع بيبدا رسمي انت اول واحد حتعرف 😳
نادر تنهد وهز راسه
اني : بالله عليك من قالك ؟؟
نادر : حبيب القلب قالي 😉
اني نزلت راسي
نادر : المشكلة ان انتو الزوز تظاهرو بالكره وعلي اساس ماتحبيهمش وبدات سراج...تاريتني فايت عليا
اني : مافي شي فايت عليك قتلك كنت بنقولك...و اصلا هو يصر علي انت تعرف ومايبيش يدير شي من غير علمك
نادر ضحك : ليال وسراج هههه والله الا جو
اني ساكتة...
نادر : لكن هو كويس ره وراجل ويحمل المسؤولية
وبعدين غمزلي : تعرفي تختاري 😜😂
اني : تتسهوك😒
نادر : هما يحبو بعض هما يحبو بعض يتلاقو يمشو ويجو هما يحبو بعض
اني : برا نادر 😑
نادر : اول مرة راها مشي يجري بحداها 😂
حدفته بالمخدة : اطلللع نادر 😡
°
•
°
•
°
happy birthday to you🎉
happy birthday to you🎁
happy birthday...happy birthday... happy birthday to you🎂
تسنيم : عقبال المية ياعمري انتي😘
رتاج : سلمها ياربي علاش متعبة روحك سومتي
اني : هابي بيرث داي انشالله العمر كله
رتاج باستني: يوخيييتي محلاكم 😍
ماما : كل سنة وانتي طيبة رتوجة العمر كله انشالله
رتاج : صحيتي خويلة نجلاء 😘
واحتفلنا وهدرزنا وغيرت جو بعد النكد اللي فات وسراج معاش اتصل بيا بكل...
وفااات الوقت وروحو كلهم وبتت اني وتسنيم عند رتاج
