#__وتين__🍃
🌷الحلقة 65🌷
اني : دكتورة اني نستنا في نتيجةالتحاليل بالدقيقة وماصدقت اللي جي هاليوم...ياريت تقولي شن في قدامي لان مش حنطلع
ماما : لونااا😡
اني : اي مش حنطلع وكان في حاجة تقولها عادي .
الدكتورة سكتت شوية وبعدتنهدت : شوفي ياليال انتي مش مريضة ولا فيك اي شي يخوف لكن في مشكلة وحدة بس
ماما : شن هي دكتورة 😦
الدكتورة : اكتشفنا ان عندها حاجز في تجويف الرحم ويعتبر تشوه خلقي من الولادة وهدا الشي تقدري تقولي ان علاجه بالعمليات شي خطير جدا ويدخلك في مواضيع تانية انتي في غنى عنها زي الاورام لقدر الله
ماما : به دكتورة الشي هدا مأتر علي صحتها ولا كيف😯
الدكتورة: لا هو مش مأثر علي صحتها نهائي...صحتها ممتازة لكن..
اني : لكن شني دكتورة
الدكتورة : اني والله مانحبها المواقف هده لكن مضطرة نقوللك ان انتي تعتبري عاقر ماتجيبيش في الصغار
ماما : كييييف 😨...كك كيف بنت ماتجيبش كيييف يادكتورة اكيد في غلط
...انفعلت ماما هلبا وقعدت تعيط وتناقش في الدكتورة واني ماقدرتش ننطق بولا حرف نضت انسحبت بهدوء...
الدنيا ظلمت في وجهي حسيت القدر قدامي ويقولي انتي وسراج مش لبعض....
حسيته يقولي كل مابتنفتح عليك من جيهة اني حنسكرها في وجهك من جهة تانية وفي نهاية الحلقة مش حتكوني ليه وممكن حتى مش لغيرة ههه وممكن ماتكونيش بكل 💔
علاش هكي !! ناس من لما تولد ماتعرفش الحزن وناس من قبل ماتولد لين يحطوها في القبر والقدر ينقشلها في الحزن والتعب ع الصخور بش مايمتسح شي وبش تعيشه كله بأدق تفاصيله وبش تبكي بعد كل فرحة...
مافيش فرحة في حياتي بدت وماكانتش خاتمتها دموع وهم....وهده نهايتي مع الحب اللي مش مكتوبلي نعيشه ولا نفرح بيه😢
ماعرفتش ننصدم لان في حياتي ماحنحس شعور الامومة ولا ننصدم لاني مش حناخد الشخص اللي مانقدرش نعيش من غيره ولا ننصدم لان نصيبي نقطع ومافيش راجل حيقبل بوحدة ماتجيبش...
نصدم بشني ولا شني ولا شني 💔
°
•
°
•
°
نادر : استاحشتك ❤
ديما : حتى اني
نادر : متغيرة هلبا
ديما : لا مش متغيرة عادي
نادر : مش ديما اللي نعرفها قبل
ديما تسمع وساكتة...
نادر : معاش تحبيني💔 ؟؟
ديما : هكي تشوف انت
نادر : اي معاملتك هكي ادل
ديما : لو تغيرت مشاعري اتجاهك ماكنتش نكلم فيك توا ❤
نادر : به زعلانة
ديما : تعرفني نادر ...مانقدرش نزعل منك 😢
نادر : ولا اني نقدر نزعلك ياعيون نادر 💓
~~
مراد : غر شوفو نادر شكله دايب في الغرام 😂
احمد : اي تو تسمعو بعرسه غدوا حتى هو😂
سراج شبح لاحمد : توا في واحد بعقله ينزل ويخلي الدفي فوق😂
احمد : تي معاها خواتك الشلات مافهمتش خيرهم مايروحوش يشدو حياشهم النم
مراد : ناااادر ياسر من الرومانسيات
نادر قام عيونه واشرلهم
ديما : من يكلم فيك
نادر : الولاد
ديما : به خلاص بعدين نهدرزو
نادر : نكلمك في الليل ؟💕
ديما : به
سكر نادر الخط وقعد مقعمز يدخن و ناض سراج من جنب الولاد وقعمز جنب نادر
نادر مدله دخان : تاخد سبسي
سراج : ناخد
قعدو الزوز يدخنو وساكتين...
نادر : نسألك سؤال
سراج : شنو
نادر : قصدي لتوا مسكر راسك ع الجواز...الموضوع فيه ان ولا يتهيألي😉
سراج : هههه كيف فيه ان
نادر : قصدي ياأما تراجي في كبيدة ياأما حبيت مرة ومعاش تبي تعاودها
سراج يضحك
نادر : معناها تراجي 😂
سراج : توا دوري نسأل
نادر : اسأل
سراج غمزله بتسهويك : علاش لتوا ماتجوزتش 😉
نادر ضحك: والله نكون روحي وانظم اموري بس
سراج : وفي وحدة ف بالك ولا بالبركة😂
نادر : لا معاش في حد ياخد بالبركة😂
سراج : اي عندك حق
نادر : ماجاوبتنيش انت
سراج : هههه علي شنو
نادر : علاش ماتجوزتش😜
سراج : والله لتوا مالقيتش وحدة نقتنع بيها...
نادر : معقولة !!
سراج : عندك انت
نادر : شووق بنات...لكن المسألة مش مسألة مافيش بنات
سراج : كيف امالا
نادر : قصدي مسألة قبول...كان ماتقبلتش الشخص مش حتقدر تقتنع بيه
سراج : اي صح
نادر : به انت مافيش بنت خشت دماغك ولا تقبلتها علي قد ماسافرت وشفت
سراج : والله اهو انت بروحك قلتها سافرت وقعدت برا وشفت بنات اشكال والوان وفي حياتي كلها ماخشتش راسي الا بنت وحدة ❤
نادر : به كويس...خيرك ماتخدهاش
سراج : صعب شوية
نادر : ياودي كان انت تبيها مافي شي صعب 😉
سراج ضحك: زعما
نادر خبط علي كتف سراج : برا برا اطلبها قبل مااضيع من ايدك وتقعمز تصفق في يديك
قال نادر الكلمتين هادو وناض بيمشي
سراج : ناادر
نادر تلفتله
سراج وقف قدامه وتنهد : به كان قتلك البنت هده اختك..
نادر واقف مصدوم ماقالش ولا حرف
سراج : عارف مفروض اني نجيك ونطلبها منك لكن والله كنت مسترزنها واهو جت في الدوا
نادر : مني من خواتي ؟؟
سراج : ليال !
نادر زادت صدتمه كبرت : كك كيف😮
سراج : شن هو اللي كيف
نادر : لل ليال ولا مسرة
سراج : ليال
نادر ضحك باستغراب : انت وليال
سراج : هههه خيرك وين الغريب في الوضوع
نادر : تبي الحق نعرفها من يومها ماعندهاش بيكم هديكا الخلطة...كيف صار
سراج : غر قعمز قعمز
نادر قعمز والصدمة في عيونه
سراج : تعرف يانادر اختك بصراحة هكي في حايتي ماريت بنت هكي شخصيتها و...
نادر قص علي كلامه : قصدي !!...في بنينك وبينها حاجة
سراج : والله نكدب لو نقولك لا...لكن ليا فترة نبي نقولك لان مانعرفش نديره جو نكلمها من تحت لتحت وهي مش راضية ان تكلمني من غير علمك
نادر : لكن كلماتك
سراج : قلتلك ليا فترة نبي نقولك
نادر : اي ملاحظك تلمح قداش ليك
سراج : اي شن رايك في الكلام
نادر : والله شن بنقولك...انت ياسراج عارف معزتك عندي واكيد مادبيا نعطيك انت خير من البراني لكن...
سراج قص علي كلامه: ماتسكرهاش حتى انت وراس امك😒...خلاص المهم عندك علم وانت فكر ونظم امورك
نادر : هههه تمام
°
•
°
•
°
عبسي : السلام عليكم....ياعيلة...نجلاااا تي وينها هده
خش للمطخ مالقهاش خش للمربوعة مالقهاش
عبسي : نجلااا...
خش لدار نومها :نجلاء.... خيييرك😯
ماما كانت مقعمزة ع السرير وتبكي بعبرتها
جي عبسي جنبها : خيرك تبكي
ماما : شي شي😭 خايني بالله عليك
عبسي : تش شن خليني...تي خيرك تبكي
ماما : ما فيا شي ياعبد السلام بالله عليك خليني بروحي😭💔
عبسي : باهي به طالع
°
•
°
•
°
~~
مروح نادر وطول الطريق يفكر ومستغرب ومصدوم ومخلطه عليه
" كيف سراج وليال...لياااال اختي...!!
تي باهي مش قبل تكرهم والمشكلة سراج اكتر واحد ماعندهاش ليه جو ومافيش بيناتهم خلطة...والله شي يحير
لكن المهم سراج خير من غيره "
°
•
°
•
°
🌒
روحت للحوش ومانشوف في شي قدامي وحاسه الدنيا تسكرت في وجهي...
تلوحت ع السرير وقعدت راقدة ودموعي ماوقفوش بكل ونسمع في باب الدار يطق ماعنديش خلوق حتى نقول مني شوية ونفتح الباب
نادر : نقدر نخش ؟
مسحت دموعي وخليت روحي عادي : اي 💔
جي نادر جبد كرسي وقعمز جنبي : بنهدرز معاك كانك فاضية
اني : توا
نادر : لا السنة الجاية
اني : تعرف توا خلوقي ضايقة ومايعلم بيا الا ربي
نادر : وشني اللي مضيقلك خلوقك
اني خنقتني العبرة : مضايقة وخلاص ماتسألش😢
نادر : تي خيرك شني مضايقة وخلاص اهيا...
اني: ...
نادر : تعاركتي انتي وامك؟؟
اني : تؤتؤ
نادر : باهي خيرك
اني انهرت بالبكي ومعاش قدرت نسيطر علي روحي: شي ياناادر شي اطلع بالله عليييك😭😭
نادر جي جنبي ع السرير وحضني : باهي باهي خلاص ياودي معاش نبي ندوي معاك في شي غر اسكتي بس..
قعدت في حضن نادر وبكيت بكيت ليين ارتحت وهو يمسد ع شعري وساكت وماحسيتش بروحي لين خداني النوم...
حطلي راسي ع المخدة وطفي الضي وطلع
°
•
°
•
°
رنا : تبي تتعشى
محمد : لا شبعان 😑
رنا : يعني معاش نتعب روحي ونطيب...لان مافيش مرة طيبت وكليت
محمد : عادي كولي انتي
رنا تنهدت بصوت عالي ومشت بغل
محمد هز راسة باستغراب 😑
°
•
°
•
°
#بريطانيا🌾
عمر : حبيبي جيت اني
داليا طلعت من الدار وجرت وحضناته بقوة : استاحشتتتك مووت ياعمري ❤
عمر لف يديه عليها : واني مستاحشك مووت
بعدت شوية ولصقت وجهها في وجهه : نحبك
عمر باسها في خشمها : واني نموت فيك 😘
داليا حطت جبينها ع جببنه وسكرت عيونها : معاش تمشي وتخليني..
عمر تقوو انفاسه وقرب وجهه من وجهها: نحبك ❤..
داليا : واني نموت من غيرك
°
•
°
•
°
ترررن ترررن 📱
ماما : الو
نادر : ايوا يام شن الجو
ماما : باهي
نادر : اسمعي...خيرها ليال
ماما : ااا خيرها😳
نادر : هي مش كانت معاك اليوم
ماما : اي
نادر : به خيرا جوها منكد وتبكي
ماما : ااا شش شي شي
نادر : تي كيف شي 😡
ماما : مافيها شي عادي غر تناقرنا شوية بس
نادر : قتلها متعاركة انتي وامك قتلي لا وانتي توا تقوليلي تناقرنا مافهمت شي اني😒
ماما : ياودي مافيها شي وانت تقصقص خلاص فوت الموضوع
نادر : تي شني نقصقص يام😡... البنت راقدة ليها 3 ساعات وكل مانوضها تبكي وتولي ترقد وتقوليلي تقصقص
ماما : باهي سكر تو نكلمها
~~
بابا : في من تكلم يانادر
نادر : امي
بابا : من هي اللي تبكي وترقد وابصر شنو
نادر : ليال
بابا : خيرها
نادر : مافهمتش خيرها
بابا : فوق هي
نادر : اي فوق
~~
كنت راقدة مانندري علي شي فتحت عيوني لقيت بابا فوق راسي...
بابا : بنتي نوضي تعشي هي
اني : شبعانة 😪
بابا : لا الكلام هدا مايصيرش منه...نوضي هيا
اني : ااا جابلي نادر بكري ساندوتش شبعني
نادر : كدااابة ماجبتلها شي وماكلت شي من الصبح😒
اني : مركك😒
بابا : باهي به خليها براحتها لما تجوع تو تاكل
~~
ايناس : شني ماتبيش تتعشى ؟؟
بابا : لالا تو بعدين تاكل
ايناس تكلمت بالشوية : الدلع الزايد😒
نادر : شن قلتي
ايناس : شي...نحطلك انت
نادر : كيف ماتبي😒
مسرة: مناسك تبكي ماما
نادر : نوضي شديها ولا يديك محنيات😑
مسرة : شن دخلك انت
نادر : مقعمزة لاصنعى لا منعى زي الراجل
مسرة : خيره المريض هدا
بابا ضربها علي ضهرها : نوضي لاختك وسكري فمك اعود بالله منك
مسرة : واااك النهار الحرف كرهوتوني في عيشتي..هديكا تدلع مرة مريضة ومرة مضايقة واني فالحين غر تقولولي شدي اختك..ضمي..اكنسي😡
نادر : وحق الله ليا شهر ماريتك شادة المكنسة ولا ريتك في الكوجينة الا كان تبي تاكلي سم الهاري انشالله😒
~~
ترررن 📱
ماما : الو
اني : ايوا ماما 😪
ماما : ايوا ليولا كيف حالك
اني : مش باهيا ياماما 😢😭
ماما : خلاص ياروح ماما معاش تبكي عادي ربي هكي كاتبلك واحني مانقدروش نغيرو اللي كاتبه ربي
اني : به علاش اني هكي حظي علاش هكي علاش😭😭 شن دايرا بش ربي يعاقبني
ماما : خلاص معاش تبكي ماتخليهمش يحسو عليك امسحي دموعك وخليك قوية عادي هدا اللي ومااحب الله عبدا الا ابتلاه
°
•
°
•
°
2:28 نص الليل 🌒
ظلام وهدوء ومافيش غير صوت التلفزيون وصوت المطر..
هدا كان جو حوش رنا وهي بروحها ومحمد مش قاعد
كانت حاسة بالخوف شوية لكن اطمن في روحها ان تحتها العيلة ومع هدا حاسه ان محمد مخلي ماكنه وكانت متمنيا تتصل بيه وتقوله يجيها لكن كبريأئها حقير🖤👌🏻
مقعمزة رنا ع الصالون وتتفرج وبعدين سمعت صوت روشن نفتح...توقعت ان من الريح لكن خافت تنوض تشوف...
شوية وسمعت صوت الروشن تاني
رنا: ياربي😓 شن هدا...اهدي يارنا اكيد ريح
وفوتت رنا الوقت وهي تهدي في روحها وعلت صوت التلفزيون بش ماتسمع شي تاني وانسجمت مع التلفزيون...بعد شوية لمحت حركة في الكوجينة
قلبها يدق بسرعة وماتت من الخوف ومش قادرة تتحرك ومع هدا كدبت عيونها وحولت تتغاضى لين لمحت حد خش لدارها وكانت متأكدة من اللي شافاته
رنا : منووو😦
ناضت خدت تلفونها وفتحت الضي وقعدت تمشي بالشوية لين وصلت الدار وقبل ماتفتح الباب سمعت الروشن نفتح واول مافتحت الباب شبحت واحد ينزل من الروشن ومالقتش روحها الا تجري لباب الحوش وتبكي ...فتحت الباب وبتنزل
رنا : 😭😭 ياعمييي
محمد كيف راكب من الدروج : خيرك😨
بشكل لا ارادي وبكل عفوية مالقتش روحها الا مرميه في حضنه وشادة في بكل قوتها : واحد شفته في الحوش بعيوووني شفته😭😭
محمد شدها ليه ويمسد علي ظهرها بحنيه : اششش اهدي خيرك شن في
رنا مكبشة في سوريته وغارسة راسها في صدره وتبكي : شفته اني شفته طالع من الوشن يامحمد 😭
طلع بوه : خيركم شن في
رنا بعدت بسرعة
ركب محمد وبوه بسرعة للحوش ولقو دهب مخنوب من دار النوم ولقو الدار مقلوبه كلها
بو محمد : هدا كله صاير وانتي وين يارنا
رنا : اني كنت مقعمزة في الصالة وخفت انوض 😢
محمد : شبحتيه اللي خنب
رنا : شفته من تالي لكن ماشفتش وجهه
سالمة : مشو الدهيبااات ياناري علي وليدي اللي شراهم😦
محمد : تي باهي يام ليل ماديريناش العار
مودة : كيف هكي واحد يخش ويطلع من الحوش وانتي قاعدة 😏 هده وين صارت
بو محمد : ماهو خوك الاستاد مخلي مرته بروحها عقاب الليل شن تبيها ادير
صارت شوية دوشة ع الموضوع وبعدين نزلو امالي محمد وخش محمد يشوف في الدار كيف منكته ويحاول يتبع جرت الخانب...شوية وسمع صوت رنا تبكي في الصالة...
طلع وقف جنبها : خيرك
رنا تبكي
محمد قعد يشبحلها شوية وبعدين شدها من يدها وقربها لحضنه بحنان : معاش تبكي خلاص اللي مشي ياخد سوك
رنا : خفت هلبا 😢
محمد قرب وجهه منها وحط يده علي خدها : ماتخافيش اني جنبك ❤
°
•
°
•
°
مريم راقدة ع صدر احمد وتلعب بلحيته : امس علا ركبتلي وقعدت تهدرز حسيتها تلمح علي موضوع ليال وسراج
احمد لاف ايده ورا ضهرها ويلعب بشعرها بالايد التانية : لالا مايندري حد الا رنا
مريم : اي عارفة لكن والله امس علا كلامها كأنها تبي تجبد مني دوا
احمد : شن تقول ؟؟😞
مريم : تقولي ليال مزال مطولة...وبعدين قتلي نحس فيها تكلم وماتبيش تقول وبعدين طول قعدت تقولي بنخطبو لسراج ومانبوشي ياخد وحدة من العيلة
احمد : اها..تي عادي سراج مش مدورهم بكل
مريم : مش عارف خيرهم مايتجوزوش ويريحونا
احمد : ماهو هي ادير في التسهويك الزايد
مريم : تسهويك شنو😒
احمد : اي هي اللي ماتبيش هو كان يلقى ياخدها اليوم قبل غدوا
مريم : عندها ظروفها الخاصة
احمد : عندها عينك😑 ونبي اسكتي
مريم : اسكت انت
احمد قلبها وجي فوقها : تسكتي ولا نسكتك بطريقتي😉
مريم تضحك وادف فيه بيديها : حوول يابارد
احمد غارس راسه في رقبتها ويبوس فيها : شن ندير فيك توااا
مريم تضحك : هههه حووول تخبش فيا لحيتك
وبعدييييين 🔞🔞🔞
°
•
°
•
°
☀️⛅
ترررن ترررن 📱
فتحت عيوني بالسيف قمت التلفون لقيته سراج..
حطيته ع الصامت ووليت رقدت
وبعدين تعودت من الشيطان نضت لميت شعري وتوضيت وصليت وضميت فراشي وطلعت
ايناس : شني معاش مضايقة 😒
مسرة : 😂😂😂 ياي
خشيت للكوجينة من غير مانشبحلهم بكل درت قهوة وركبت لداري...
~~
ترررن 📱
اني : الو
نادر : نضتي ياخميرة
اني : اي دورتك مالقيتكش
نادر : طلعت الصبح بكري
اني : اها
نادر : فطرتي
اني : مزال تو نفطر
نادر : نوضي كولي بلا جو زايد امك مشغولة عليك ره
اني : باهي
نادر : باي 😘
اني : باي 💔
خش عليا سراج انتظار واني نكلم في نادر واول ماسكرت عاود اتصل مابيتش نرد لان حاسة بشعور مش حلو ومانبيش نكلمه واني في الحالة هده...
واتصل مرة واتنين وتلاته لكن مابيتش نرد
°
•
°
•
°
مراد : قصدي درهتلها كبدها الزح ماتبيش ترد البنت😂
سراج : شن دخل جد امك وانت معاي ع الخط
مراد : لصقة النم
سراج : شكلي درت عملة 😂
مراد : شنو
سراج : قلت لنادر
مراد : شن قتله😨
سراج : قتله نبي اختك
مراد : شكلها كلت طريحة هدا علاش ماتردش😂
سراج : لالا مستحيل يضربها
مراد : علاش مستحيل 😑
سراج : هدرزت اني وياه وجوه عادي وحسيته فرح
مراد : اي مفروض يفرح ماهو هي اخته خداها بات مان 😂😂
سراج عزقه علي ظهره : يفرح يا### بالك مش عاجبك
مراد يغني : بااات مااان...بااات مااان
سراج : انشالله بالشفي 😑
مراد : انت سألتها قبل ماتقول لنادر
سراج : لالا
مراد : ومن تبيها ترد 😒
سراج : عادي سيوره بيعرف اني مايمشيش معاي جو نكلمها بالدرقة
مراد : به مفروض سألتها مرات هي تبي تقوله بطريقتها
سراج تنهد وسكت
°
•
°
•
°
نادر : حبي❤
ديما : اهلين حبيبي
نادر : وين
ديما : في الحوش وانت
نادر : في السيارة مروح
ديما :خيرك انت
نادر : شي
ديما : حسيته صوتك مش عارفة كيف
نادر تنهد وسكت
ديما : احكيلي
نادر : تعرفي صار موضوع لخبطلي دماغي
ديما : شن هو
نادر : اسمعي..اختي ليال ماتحكيلك في شي
ديما : زي شنو
نادر : انتو بنات ف بعض قصدي ماتهدرزلكش في مواضيع خاصة
ديما تلخبطت : ااا لالا😳
نادر : متأكدة😒
ديما : اي حياتي متأكدة وخليك واثق ان ليال رزينة هلبا وماعندهاش جو البنات الزايد
نادر : نعرفها نعرفها
ديما : شن هو الموضوع اللي ملخبطك
نادر : وصلت للحوش تو بعدين نكلمك حبيبي
ديما : تمام ياعمري 😘
~~
خش نادر للحوش لقانا نتغدو ابتسملي وبعدين اشرلي بأيده بمعنى تعالي...
لحقته لداره
اني : نعم
نادر : ينعم عليك
اني : نوضتني من علي غداي ع فكرة
نادر : به بري زي البنت الفالحة جيبيلي غداي وقعمزي تغدي معاي بنهدرز عليك شوية
اني : موضوع شنو
نادر شبحلي : ....
🌷يتبع🌷
.
.
#__timOo__💛
