#__وتين__🍃
🌷الحلقة 44🌷
سراج تعصب لين ملامح وجهه تغيرت ومشي من غير مايدوي واول ماطلع ووصل للمر تلاقى هوا و مسرة
سراج ماتكلمش معاها بكل
مسرة خنست : وين كنت
سراج : ف داري......خيرك
مسرة بخبت : اهني دارك 😅
سراج : خشيت للحمام مسرة....خيرك في مشكلة
مسرة : لالا
سراج : نحسابة في مشكله 😒
وقعدنا مقعمزين كلنا ف الجنان ونهدرزو وسراج ماحولش عيونا من عليا لين تلبكت وتوترت وكل ماتجي عيني ف عينه يحولها ع اساس مايشبحليش ...
وتأخر الوقت وكل مرة ينوض حد لفراشة لييين قعدت اني واسماء خالته وهو قعد ماباش ينوض....طبعا اسماء كل ماتشبحله تلقاه عيونه عليا ومن تلقيحه وطريقة دوته معاي فهمت كل شي
اسماء : اني بنخش نرقد
سراج : تعملي معروف 😂
اسماء : تفو ياحيوان...اصلا عارفتكم تستنو امتا انوض😂
اني تحشمت وجهي ولا احمر
~~
قعدنا مقعمزين بروحنا وسراج شاد تلفونه وماباش يتكلم ولا يشبحلي ولا شي
اني سكتت سكتت وبعدين تكلمت : زعلان ❤
سراج : هه...من شني ولا شني 💔
اني : علاش شن هوا اللي درته يزعل اني
سراج : لا مادرتي شي...
اني : قصدي خيرك تتكلم معاي ببرود...
سراج : زي ماأنتي تتعاملي ببرود
اني : مش اني نتعامل ببرود انت تطلب ف حاجات صعبة واني مانقدرش نديرها
سراج : انتي ماتبيش تبادري حتى شوية ولا حسستيني انك مهتمة....تتعاملي ببرود ف حياتي ماريته
اني : نحسسك اني مهتمه لو طلعتلك ولا قعدت واقفة معاك ف الدار...قصدي ياسراج اني مانبيش اي حد يشد عليا حاجة ومانبيش نقعد ف موقف محرج
سراج شبحلي : باهي تمام 😑
اني : دير ف حساباتك ان احني علاقتنا صعبة وهلبا وفي 100 عائق قدامنا
سراج : وانتي تزيدي ف الطين بله
اني : به اني بارده ومش محسساتك بأهتمامي ونزيد ف هم علي همك خلاص تقدر تنسحب ماحد ضاربك علي يديك
سراج شبحلي : هكي رايك 😒
اني غصرتني العبرة : مش مضطر تكمل ف علاقة وانت مش مرتاح
سراج قعد يهز فرجله بتوتر وساكت...واني معاش قلت شي
قعدنا شوية ساكتين وبعدين تكلم : لو قتلك معاش بنكمل ؟؟
اني الدم تجمد ف عروقي وحسيت الدنيا ظلمت ف وجهي...جمعت كل قوتي وتكلمت بأبتسامة: براحتك 😊
سراج : وانتي
اني : اهم حاجة انت تكون مرتاح...خليك مني اني
سراج : نفهم من كلامك ان وجودي زي عدمه
اني تعصبت : تو انت هكي فهمت من كلامي ولا تبي اطلعني غالطة بأي طريقة
سراج قعد ساكت واني معاش تكلمت قعدنا شوية هكي وبعدين تكلم
سراج بعتب وبهدووء : انتي راحتي ❤ ولما تكوني انتي راضية قلبي يكون مرتاح....
اني طول دمعتي نزلت من غير مانحس : به علاش تحمل فيا فوق طاقتي😢....اني لمجرد اني توا معاك نعتبر مبادرة فوق ماتتصور وواخدة حمل اكبر مني ومع هذا راضية ومش مزعوجة من شي....لكن اللي يكسر الخاطر ان بعد هدا كله جاي تقولي عندك برود والكلام هدا 😢💔
سراج شدلي يدي بحنية وبطريقة حسسني كأني بنته مش حبيبته : انتي محملتيها زيادة ياليال....احني لا اول ولا اخر اتنين حبو بعض
اني : مش شايف الظروف اللي احني فيها
سراج :بعد ماشفتك معاش نشوف ف شي بكل
اني : عارف انت ان بعلاقتي معاك حنعادي هلبا واغلب اللي نعرفهم حيكونو خصمي...وعارف انني عاديت صاحبتي ولحد هالحظة مانتكلموش وان امي حتوقف فيها وامك نفس شي وايناس وخواتك
سراج يسمع فيا وساكت
اني : لكن اني هدا كله ماشفتلاش وتغاضيت بش نكون معاك 😢
سراج : انتي شايلة همهم زيادة ع اللزوم....لعلمك اني هادو كلهم مش شايفهم ومفيش حد يقدر يوقف ف طريقنا لكن اهم شي انتي كوني معاي وجنبي ووالله مانسمح لواحد يوصل فيك ولا نسمح لواحد يزعلك وينزلك دمعتك....
~~
°
•
°
•
°
☀️⛅
ميرا : بيانك ؟؟💔
يارا : اي انشالله بنديره السبوع الجاي ونبيك تحظري ضروري
ميرا : لالا والله مانقدر يا يارا 💔
يارا : يامسخة ف يوم زي هدا بتخليني بروحي
ميرا : صعب نجي من امريكا السبوع الجاي
يارا : امك وميار بيجو...انتي بس صعب عليك 😏
ميرا : مش هكي لكن....
يارا قصت علي كلامها باهي باهي براحتك...شن بنجيبك بالسيف...باي
ميرا : خيرك هكي تتكلمي معاي يارا
يارا : باي ؛ وسكرت الخط
~~
ميرا : باهي اني مانبيش نجي شن اللي يحرج ف الموضوع
ميار : انتي اعز صاحبة عندها وهي عارفة انك تقدري تجي يعني معندكش مبررات ياميرا...عندها حق تزعل
ميرا تنهد
يارا : شن صار مع فريد
ميرا : يستنى فيا اليوم بنرد عليه....
يارا : و انتي قررتي بترفضيه ؟؟
ميرا : لالا غيرت رأيي
يارا :😳 كك كيف يعني 😮
ميرا : بنوافق نتجوزه
يارا : بتتجوزي واحد لبناني وعايش ف امريكا وامه امريكيه تي شن السلاطة هده
ميرا : المهم كويس ويحبني وصغاري تبدا عندهم جنسية ونعيش اهني
يارا : بعد ماقررنا بنقعدو ف ليبيا انتي توا ماصارلكش
ميرا : خلوني نتخد القرار بروحي
يارا :هدا لو بابا رضالك
~~
~~
~~
مراد : تعبت منه الموضوع هدا ياراجل...مش قادر نتأقلم معاها مش قادر حتى نتحمل دوتها
سراج : خييير### انت هبلت...تي السبوع الجاي بتلبس والعرس بعد شهور وتقولي تعبت...الوضوع مش لعب مفرخ ره
مراد : به اني قلبي مع هديكا...نبيها هي نبي نكون معاها هي عيلة وصغار
سراج : به مدام هكي شن اللي خلاك تخطب هده ولا تمهتيك وخلاص😑
مراد تنهد وسكت
سراج : لما تتجوزها ويصير اللي ف بالي بالك حتحبها 😉😂
مراد : بالله 😒
°
•
°
•
°
🌒
تسنيم : اي ماما هدرزت مع بابا امس 😊
قيس : وشن صار
تسنيم : نعرفش...المهم فتحتله الموضوع
قيس : انشالله خير
تسنيم : اسمع حبيبي
قيس : عيونه 😘
تسنيم : بنطلب منك طلب زغيرون 🙈
قيس ضحك : تأمري انتي 💗
تسنيم : اني ولونا صاير بيننا سوء تفاهم
قيس : والله
تسنيم : اي 😔...ونبيك غدوا تقوللها تجي معاكم وهكي
قيس : بتجي وانتو متعاركين؟؟
تسنيم : انت قللها مرات تجي وتنحل هالعقدة...نعرفها تجي طيوبة هي
قيس : والله!....تو نقوللها
تسنيم : لكن مش تقوللها ان اني قتلك
قيس : هههه عارف عارف
~~
~~
علا : كيف...شن لونه ؟؟
سامي : ابيض...بعتلك صور ع المسنجر شوفيهم
علا : ابيض😕...نحس فيه مش حلو
سامي : بالعكس حلو...غر شوفي وانتي تسكري فيها من الاول
علا : باهي خيرك تعيط😒
سامي : ماعيطتش
علا : به كله ابيض مادخلتش فيه لون تاني
سامي : حبيبتي التلاجات والغسالات كلهم لونهم رصاصي
علا : يعني رصاصي ف الابيض
سامي : اي
علا : كان ندخلو فيه اماعين وبساط ع الاحمر يبدا حلو 😍
سامي : غر نكملو هو وبعدين نفكرو ف الحاجات التانية
علا : كل شي صورهولي باهي
سامي : حاضر 💕
~~
~~
اني : هههه كيف ؟
سراج : نقولك كيف ؟
اني : اي قولي🙈
سراج : نحبك نحبك نحبك نحبك ❤
اني : هههههه مجنون 💜
سراج : به جني حتى انتي
اني تحشمت وتكلمت بصوت يادوب طالع: نحبك 🙈
سراج : ههههه حنعتبر روحي سمعتك
اني : انت سمعك ضعيف شن بنديرلك
سراج : اني سمعي ضعيف 😂..علاش انتي دويتي اصلا
اني : اي مادويتش😒
سراج : باهي به قوليهالي حتى بعد مانتجوزو...وكان ماتبيش تقوليها بكل عادي 😑
اني : خيرك تتكلم هكي
سراج : ماقلت شي غلط
اني : هدا طبعي وانت متضطر تتحمل ع فكرة
سراج : وانتي مضطرة تغيري شوية
اني : انت هكي عرفتني وحبيتني ولا...خلاص هدا الموجود
سراج : ميه ميه
اني : به غير الموضوع
سراج : حقا بنسألك
اني : انشاالله خير
سراج : جاوبيني بصراحة
اني : اي شنو
سراج : تتدكري لما رنا صاخت ورفعناها للمستشفى
اني : اي😳
سراج : تتدكري اني سألتك علي رقم
اني : اا اي😓
سراج : نعاود نسألك....تعرفيه؟؟
اني : علاش تسأل فيا اني بدات...وشن قصته اصلا الرقم هدا
سراج : انتي بتقوليلي شن قصته
اني : مش فاهمة شي من كلامك 😅
سراج :مش اني اتصلت بصاحبتك
اني : اي 😑
سراج : مشي فصل بيننا الخط...وعاودتلي هي من رقم تاني...هو نفسه الرقم الي جتني منه رسالة
اني : اا ر رسالة 😳...رسالة شني
سراج : جتني رسالة قبببل منه الرقم هدا
اني : شن فيها الرسالة
سراج : كلام حلو
اني : اها
سراج : ماتبيش تعرفي شن هو الكلام
اني : بتقولي كلام قايلتهولك وحدة هكي بكل برود
سراج : تغاري
اني : لو انت ف مكاني شنو
سراج : لاني نحبك حنغار اكيد....لكن انتي مانعرفش
اني : حتى اني نحبك ونغار
سراج ضحك
اني : خيرك تضحك
سراج : شي...نرجعو لموضوعنا
اني :اياا😑
~~
~~
عبسي : اه...يعني ولد عمك واختك بيديرو عرسهم مع بعض
رنا : اي انشالله
عبسي : عقبالنا ياعمري
رنا : اامين ❤
عبسي : نستنا امتا بتولي حلالي بالساعة والدقيقة
رنا : انشالله ربي يجعلك من نصيبي يااارب😍
°
•
°
•
°
☀️⛅
اني : انشالله ربي يتمملكم ع خير😄..والله فرحتني😊
قيس : انشالله..وعقبال مانفرحو بيك يارب😉
اني : ههه انشالله
قيس : شن رايك نخطمو عليك تمشي معانا
اني : وو وين 😳
قيس : لحوشهم
اني : هههه😅 واني شن دخلي ف الموضوع
قيس : عادي اني ماعنديش خوات كوني انتي مكان اختي وف نفس الوقت هي صاحبتك
اني : صحيت بارك الله فيك ياقيس...لكن اعفيني
قيس : علاش
اني : هكي وخلاص
قيس : واني قلت لعمتك نرفعو لونا وفرحت...تو تحرج منك 😒
اني : به لاش قايلها ياقيس...اني مش دايرة الموضوع ف بالي
قيس : تي موضوع شني حسستيني انتي اللي جايين يخطبو فيك...عادي بري زي ماتمشيلها ديما
اني قعدت ساكتة
قيس : تعرفي امي قداش تعزك لكن لو مامشيتيش معانا حتحرج ره
°
•
°
•
°
فريال : لهيت في البيان وماهدرزناش....شن رايك فيه
غادة : يهبببل البيان وعلولا طلعت اميرة تبارك الرحمن
فريال : عقبال مانعولو ف بيان حلا يارب
غادة : انشالله...حقا بنقولك
فريال : شنو
غادة : سلفتك ايناس تلمح قالت تبي سراج ياخد بنتها
فريال : ونبي...لمن قالت
غادة : قتلي اني
فريال : لا يوخيتي...ولدي مانخدهاله الا مهندسة زيه ولا دكتورة 😌
غادة : اي هدا الصح 😑😒
فريال : عليك حالة البنات بدو يخطبو ف الولاد
غادة : والله الا تشوفي العجب 😂
°
•
°
•
°
قيس : قريب نوصلو
تسنيم : جت معاكم ؟؟
قيس : لالا
تسنيم : بجديات 💔...توقعتها تجي
قيس : اصريت عليها وكلمتها حتى امي
تسنيم : كلمتها حتى امك ومابتش تجي
قيس : اي والله كلمتها
تسنيم تنهدت : به بعدين نهدرزو
قيس : تمام
~~~
~~~
ع عدنان : اي وكل شي نصيبات
بو تسنيم : هوا هدا... ربي يقدم اللي فيه الخير
قيس : انشالله
تسنيم طقت ع الباب : بابا....القهوة
قيس ابتسم لا اراديا
فتح بوها الباب بياخد القهوة وكان قيس مقعمز مقامل وطبعا تبادلو النظرات💛
~~~
~~~
🌒
سراج : قيس خطب صاحبتك تندري
اني : اكيد نندري وحتى كانو يبوني نمشي...انت من قالك
سراج : هو قالي...ومشيتي
اني : تؤتؤ
سراج : علاش
اني : شن دخلي نمشي لاني اخت تسنيم ولاني اخت قيس
سراج : عادي صاحبتك وهو ولد عمتك
اني : به بلا جو...انت عارف ان في سوء تفاهم بيننا
سراج : عادي مدام يبوك تمشي مفروض مشيتي وحليتي المشكله
اني : علاش مش هي تبادر بش تحلها...علاش اني
سراج : ماهو ع القناعة هده مش حتنحل
اني : مدامك مش فاهم القصة كويس ف الاحسن انك ماتقررش
سراج : مهما كانت مفروض صحبتكم فوق كل شي
اني : وانت الصادق كرامتي فوق كل شي 😊
سراج : اووو...علاش هو الموضوع واصل لهكي
اني : ماهو قتلك مدامك مش فاهم القصة كويس ماتحكمش
سراج : يعني قطيعة
اني : مش عارفة...مرات
سراج : من امتا انتو صاحبات
اني : من اول ابتدائي
سراج : وممكن تقاطعيها عادي
اني : لو هي ماحاولتش انها تولي معاي زي قبل...اي عادي
سراج : موعرك
اني : مش وعارة لكن زي ماقتلك كرامتي ثم كرامتي
°
•
°
•
°
اليوم بيان مراد ويارا وطبعا كلنا بنمشو لانها دايراته ف الصالة وعازمتنا كلنا....💛
#ف_المزين
المزينة : اي تفضلي
ميرا : وينها يارا
المزينة : داخل...اختها انتي
ميرا : شبه 😅
الموينة : هههه ربي يحفظك
~~
ميرا : تبارك الرحمن ملكة
يارا تلفتت وعيونها تعبو دموع : جيييتي😢
ميرا : اكيد مش حنخليك بروحك ف يوم زي هدا...؛وحضنتها
يارا : ياعمري انتي
ميرا : اششش ياقردة معاش تبكي مكياجك ولا سلاطة😂
يارا : 😂😂😢
~~
~~
يادبلة الخطوبة 💍عقبالنا كلنا....ونبني طوبة طوبة في عش حبنا ❤
نتهنى بالخطوبة ونقول من قلبنا...يادبلة الخطوبة عقبالنا كلنا ❤
اني : اهلين 😊...الف مبروك تتهني انشالله
يارا : الله يبارك فيك...انتي بنت عمه ؟
اني : اي
مريم : هده اقرب وحدة ليا اني ومراد ع فكرة
اني : تقصد انه زي خوي راك تفكري ف حاجة تانية هههه
يارا : هههه اي عارفة
ودرنا جو ورقصنا وبعدين خش مراد كان لابس بدلة رسمية وطالع زي الغزال وطبعا هو نقشة ع القهوي وطول ف عرض😍 وبنات خالها وعمها ماتو فيه وهي نفس الشي لكن مع الاسف هو كان مش قادر يدرق الحزن اللي ف وجهه مش قادر يتأقلم مع شي ومع ان يارا حتى هي طالعة حلوا وملفته لكن كان كل همه ان يشوف ميرا
مراد : مبروك
يارا : الله يبارك فيك ❤
علا : مبرووك مراد تتهنى
مراد : الله يبارك فيك علووو
اني : الف مبروك
مراد : الله يبارك فيك...عقبالك😉
اني تحشمت وسكتت
لبسو الدبل وقصو التورته وهكي وبعدين قعدو يصورو وجت اختها وخش سامي وبعدين جو بنات عيلتها وصاحباتها الا ميرا
يارا : نادي ميرا ياسارة
مراد جسمه تقشعر لما سمع اسمها وعرف انها موجودة زاد عقله تشوش وملامح وجهه تغيرت
مريم : ابتسم اللطف خيرك قارنهم 😁
مراد : فوتي جد امي
سراة تشح في ميرا من يدها : تي هياااا
ميرا : نتحششششم قفطاني قصير
سارة : اهو لابسة عباية يادراااه
ميرا : تي شن بنصور بالعباية 😶
سراة : عاااادي
المهم اصرت عليها ورفعته شبه بالغصب وهم جايين مراد يشبح من بعيد وعيونه علي ميرا ونسي الموجودين كلهم ونسي روحه وهو يشبحلها ف نظرات جنونية وبياكلها بعيونه والشوق اللي ف قلبه طلع علي برا وهو مش حاس...قلبه تقوو نبضاته عيونه ضحكو كأنها هي اللي خطيبته وحتى نبرة صوته تغيرت
ميرا عيونها ف الارض ومابتش تخلي فرصة ان تجي عينه ف عينها
ميرا : مبروك
مراد : الله يبارك فيك
يارا : تعالي صوري معانا
ميرا : جيت
صورو وكملو ومراد قاعد عيونه علي يارا وهي حاسه بالشي هدا لكن تحاول تتجاهله وبعدين مشت للحمام وغصرتها العبرة وقعدت واقفة ع المراية وتحاول تمسح ف دموعها وبعدين خشو بنات للحمام وماخدتش راحتها مشت لغرفة العروسة وكانت فاضية
حاولت تستجمع قوتها وتهدى وهي طالعة كان مراد كيف طالع وتلاقو والممر شغالات وهكي
مراد وقف وقعد يشبحلها لكن ماقدرش يدير شي لان المكان مش فاضي وهي تجاهلاته وخشت
طلع مراد قعمز ف سيارته واتصل بيها : الو
ميرا : ش شن تبي
مراد تنهد وتكلم بحرقة : نبيك انتي
ميرا : جنيييت انت جنييت...اني طلعني من دماغك واصلا غدوا مسافرة باي
مراد : ماتسكرييش ميرااا...الووو ....الوووو
سكرت ف وجهه الخط وهو قعد يخبط ع دومان السيارة ويخبط ف راسه ع مسند الكرسي
وتمت الحفلة وروحو كلهم وطبعات احني البنات روحنا مع مريم وبتنا ف حوش عمي عادل.....كانت يارا حاسه بالبرود اللي ف مراد لكن تحاول تتفائل وتتغاضى ع كل شي
~~~
~~~
سامي : طالعة تجنني 😍
علا : ماشبحتش لحد تاني 😒
سامي : شبحت لكن مش هلبا 😂
علا : شن هي
سامي : واحد عنده عسسل حقاني بيشبح للشربات
علا : جديات ماشبحتش
سامي : وراسك انتي عيوني مايبو يتنحو من عليك...حتى يارا مسكينه ماركزتش معاها
علا : ههههه
°
•
°
•
°
سراج : خييير جد امك انت تبي تصبحنا ف مشكلة 😠
مراد : وراس امك ماتزيدنيش علي مابيا مش ناقص
سراج : تي فهمني تتصل بالبنت شن تبي منها....وافترض تقول لخطيبتك
مراد : نبيها تقووول اني يااريت تقول ونفسخ ونفتك منها الطيحة الغبرة هده
سراج : حمااار وراس امي الا حماار
مراد يتصل بميرا مابتش ترد اكتر من مرة
سراج : انت هكي ماتخونش فيها هي بس تخون ف سامي وف التقة اللي عطاهالك
مراد : ياسررراج شن تبيني ندير مش بأيدي والله مابأيدي اول ماشبحتها مش عارف شن صارلي عقلي تشوش وتخلبطت ومش عارف كيف
سراج تنهد بصوت عالي
مراد : عطيني تلفونك شوية
سراج : علاش
مراد : غر اعطيني
سراج : ماتقوليش بتتصل بيها
مراد : اعطيني الز##$#$
سراج : الساعة 3 عندك علم 😒
مراد : اي عارف غر اعطيني
~~
~~
ترررن ترررن 📱
ميرا من غير تركيز ردة لان رقم ماتعرفاش وكانت راقدة :الو 😪
مراد : خيرك ماترديش علي رقمي
ميرا نصدمت : ااا انت😳
مراد : ميرا لازم نشوفك غدوا لااازم
ميرا : مراد اطلع من راااسي بالله عليك مانبيش مشاكل
مراد انهار وقعد يعيط : مشش علي مزااااجك فاااهمة مش علي م ز ا ج ك 😠 نبي نشوووفك كيف ووين مانعرفش المهم لازم نشوفك وماتخلينيش نهبل ونجيك للحوووش
سراج : حابب شوفك كل ظروفك ماتعنيني😂مش على كيفك تبعد عني وتلاقيييني
مراد : اسكت النم 😠
ميرا : كيف تجيني للحوش عندك عادي تخسر صاحبك
مراد : عادي نخسر الدنيا كلها ياميرا 💔
~~~~
مراد شد مش عارف من خش انتظار
سراج : انتظاار ؟؟
عاود اتصل سراج
اني : الو
سراج : نحسابك رقدتي
اني : خيرك انتظار...ف من كنت تكلم
سراج : مراد يتكلم بيه التلفون
اني : عطل وهو يتكلم 😑
سراج : اي
اني : به وخيره مايتكلمش من تلفونه
سراج : ااا تلفونه تسكر
اني قعدت ساكتة
سراج : شني مش مصدقة
اني : لا مصدقة
سراج : شكلك شاكة....😒
اني : تؤتؤ
سراج : شن اديري
اني : شي...نستنى ف اتصالك ماتصلتش 😏
سراج : ماهو مراد الخرا شدني ساعة يلكلك لين تأخر الوقت قلت اكيد رقدتي
اني : قدرت تبعت رسالة
سراج : اي عندك حق...حقك عليا 💕
اني : وين انت
سراج : ف الطريق
اني : وين ماشي فهالوقت
سراج : مروح اني ومراد لحوش عمي
اني : جايين اهني
سراج : علاش انتي ف حوش عمي عادل
اني : اي
سراج : سرعة السيارة تقوت بروحها 😍🤣
اني :ههههه
~~~
مريم : محلاه العشي
اني : ماضقتش منها اللحمة هده اعطيني
علا : هاك
مسرة : مراد بايت برا شكله
مريم : كلماته ماما قلها جاي هو وسراج
مسرة : هو وسرااج ؟ ❤
اني شبحتلها
علا : محلاه الشعور لما تروحي تنحي القفطان وتلبسي توته مريحة 😪
مريم : يكون احلا لما تلبسي رووب ناعم وتتبطحي ع سرير زوجي كبير وجنبك واحد طرف 😂
اني : اسمه احمد 😂
علا : 😂😂
مسرة : واحلى لو يكون سراج 😍
اني رقالي ووجهي تغير : نضحكو 😒
مريم ميته بالضحك : 😂😂😂ووه جنابي 😂😂
مسرة : خيرك ضايقتك ف حاجة 😒
اني : دوتك باردة
مسرة : هه 😏 شني غايرة
علا : ياسر مبردكم
اني : منك بنغااار 😂😂
~~
مراد : تاكلو اعطيكم سم
علا : يسمسمك
سراج : منظركم زي المجاعة
مريم : نحطلكم تاكلو
سراج : كان العزي بالطلبة
اني : فيهم غر التلقيح
سراج : بالك مش عاجبك 😏
اني : نوضي مريم شكلهم مأتر فيهم الجوع
علا : مراد احكينا شن شعورك اول ماشفت ميرا
مراد : بتنزليها ف الصحافة 😒
سراج : مواضيع ماتخصكش ره
علا : خيرهم ناضو فيا اللطف...
فات الوقت واحني مقعمزين ونهدرزو ونضحكو وطبعا سراج كلامه كله تلقيح ليا ويخطف ف شبحات مرة مرة وفي من مركز معاه
مريم : قصدكم تسنيييم وقيييس...وخيرني مانندريش
اني : نحسابك سمعتي
مريم : ياوقحة خايفة تقوليلي
سراج : وقحة انتي
مراد : الا اختي ايوا 😡😂
سراج : شني ناضت ف البنت شن دخلها ينخطبو ولا ينحرقو فخار يكسر بعضه 😤
اني ومريم :😂😂
سراج شبحلي : تكلمي انتي شن ساكتيلها
علا : موكلينك محامي سراج
سراج : اي يمشي حالي ولا شنو
اني : يمشي يمشي 😂
مسرة تشبح لسراج وخلاص
مراد : الله غالب يامريم الجماعة قلبو ضدنا...غر ف حوشنا بس
سراج : شن بدير كان مش ف حوشكم 😂
مراد : ماتخلينيش ندوي 😂
~~
سراج : رقدتي
اني : لالا
سراج : تعالي للصالة
اني : علاش
سراج : هكي..نهدرزو
اني :و تطلع جميلة مرت عمي ونمشو ف داهية
سراج : نقعمزو ف البلكونة ومراد عساس ولا يهمك
اني : ياودي...
سراج قص علي كلامي : نستنى فيك ❤
~~
خشينا للبلكونه وقعمزنا ع الارض واتكينا ع الحيط وقعدنا نهدرزو وطبع كانت الساعة 5 الفجر
اني : مايجينا حد اهني
سراج : تؤتؤ
قعدنا نهدرزو ونضحكو واني حاطة راسي ع كتفه وهو شابك يده ف يدي 💗
لما ايديه ماسات يديه حاسه بأمان كاني جنب خوي ولا بوي ورغم انه يتكلم معاي ف كلام رومانسي واني متكية عليه لكن ماحاولش يدير ولا حاجة غلط او يفكر فيا بتفكير انه يرضي شهواته...وزاد ثقتي فيه اكتر واكتر
اني : سراج ❤
سراج : عيونه 💕
اني : معاش ادير حركات واضحة قداهم حبيبي وبدات لما تبدا مسرة موجودة
سراج : تي شني خايفة منها
اني : هدم كلهم نبيهم يعرفو لما يكون في شي رسمي لان لو عرفو من توا حيبدو يديرو ف مشاكل ومش حنتريحو والله
سراج : قصدك مسرة وامها
اني : اي وهلبا تانيين المهم انت حاول تخفي الموضوع
سراج : حاظر ❤
اني : محلاه الشروق
سراج : نحب نتفرج ع الغروب اكتر اني
اني : اي حتى اني
سراج : به حبيبي
اني : نعم
سراج : علاش مانديروش حاجة رسمية..ف شن نستنو
اني : كك كيف يعني خطبة وهكي
سراج : كانك عليا حتى زواج
اني : ايااا مزاااال
سراج : امتا في عمرك الجديد....ماتقوليليش لما تتخرجي بش ماندفنكش اهني
اني : ع الاقل نبدا قريب نكمل
سراج : به توا نديرو فضانية بس
اني : لالا والله لما نفتحو علي روحنا سريب ليه اول ماليشي اخر
سراج سكت
اني : خلينا بالشوية بالشوية تو يصير كل شي
سراج : علمتيني الصبر 😒
اني : به كويس 😂
سراج : لونا
اني : هممم
سراج : ممكن تفكري تسيبيني
اني : لو تقعد معاي بالشكل هدا مستحيل نفكر
سراج : كيف بالشكل هدا
اني : هكي بطبعك هدا وشخصيتك هده وماتغيركش الدنيا
سراج : اممم
اني : وانت
سراج : شن رايك
اني : نبي نسمع منك
سراج : تعرفي اني واصل لحالة الادمان زي اللي يتعاطو بالزبط...
اني قعدت نضحك
سراج : بجديات...مش المدمنين يدفعو اللي فوقهم واللي تحتهم بش يحصلوه...حتى اني هدا اللي صايرلي يعني كل ماتفكري اني ممكن نسيبك تخايلي روحك انك ف حياتي زي المخدرات لو سيبتك تجيني اعراض الانسحاب😂😂
اني : 😂😂 شكلك كنت شاطر ف الاحياء
سراج : بش تعرفي بس
اني : وشن هم اعراض الانسحاب
سراج : سيبيني فترة بش ندكرهم
اني : ههههه
سراج : ههههه تضحكي
اني : مش راقد مزال
سراج : لا بنرقد اهو نايض
اني : تصبح ع خير
سراج : الساعة 7 😂
اني : به صباح الخير 😂
نضت طلعت من البلكونه وطبعا البلكونه ف المطبخ ... شربت اميه خليت سراج واقف شوية ف البلكونه وبنطلع من المطبخ سمعت صوت باب الحمام تجمدت ف مكاني ودرت روحي عادي وتلفتت جيهة الحمام بنشوف مني اللي طالع من الحمام لقيتها....
🌷يتبع🌷
sory ع التأخير
.
.
#__timOo__💛
