#__وتين__🍃
🌷الحلقة 54🌷
مسرة : لالا هده بدمر احمد تدمير
ايناس : بخصوص شنو
مسرة : مريم😏
ايناس هزت براسها بمعنى خيرها
مسرة غمزتلها : تي بنتك افكارها واااو😉
°
•
°
•
°
اني : بتجي ولا شني
رتاج : اهو قريب نوصل
اني : باهي تمام
رتاج : من وصل
اني : تسنيم ومريم الزوز اهني
رتاج : باهي مسافة السكة
~~
~~
تسنيم : شني مريم مزال السيد احمد مايبيش يتحرك
مريم : هييي..هو مادابيه اليوم قبل غدوا لكن اني نبي لين نكمل قرايتي
تسنيم : اي هكي احسن
نادر يساوي ف شعره ع مراية الانتري والبنات مقعمزين في المربوعة داخل
نادر : مبرووك ياتسنيم
تسنيم : الله يبارك فيك العقباليك
نادر : انشالله يااارب...قولي امين انتي وياها😂
رتاج ومريم : ااامين
رتاج : لكن عندك دوق ره
مريم : هههه اي طرف
نادر قعد يضحك
~~
رتاج : رد عليك
اني : لالا نبعتله ع المسنجر مايردش بكل
رتاج : حرجان منك شكله لانك تعرفي بقصة رنا وماحكيتيلاش
اني : اصلا هو الموضوع من بدايته جاي علي راسي اني😑
رتاج : والله....عليك حالة وخلاص
°
•
°
•
°
______________________________________
احمد : به امتا مروح انشالله😒
______________________________________
سراج : امتا مايحن ربي
______________________________________
احمد : قلتلهم العيلة انك سافرت ره
______________________________________
سراج : قول عادي....شن قتلك ماشي بالسر اني
______________________________________
~~
~~
فريال : وماقالكش امتى مروح
احمد : مزال مش مروح...ماعنده مايدير باليامات السود 😒
فريال : نحطلك غداك
احمد : حطي اي جعان مافطرتش
علا : قاعد انت ونادر متعاركين
احمد هز راسه بمعنى اي
علا : امسخ طلقت عليه ايناس المشكله حتى كان تعامل فيه كويس نقولو
~~
رنا من يوم المشكلة ماتطلعش من دارها الا للحمام وصايرتلها حالة كآبة ماعمها مرت بيها ومتمنية الموت..
°
•
°
•
°
ماما : لامتى بتقعد ع الحال هدا لاماكلة زي الناس لا نوم زي الناس
عبسي يدخن وساكت
ماما : شن رايك نخطبلك هناء بنت جيراننا
عبسي : تي بالله خليني ف همي
ماما : هلي خاطر هالفانص هده...تي هي تلقاها حتى نساتك وانت قاعد حارق دمك
عبسي تنهد
ماما : وبعدين دير في بالك ان لما ربي يحرمك من حاجة حيكون لمصلحتك واحمد ربي اللي عرفت حقيقتها قبل ماتتجوزها وتتورط
عبسي : عرفت حقيقتها😒...حسستيني لقيتها ف بار ترقص....قصدي كل مافي الموضوع انها كانت تكلم وكل بنت تكلم عادي...اني اللي قاهرني...وسكت
ماما : اللي قاهرك شني
عبسي تنهد : شي
~~
نادر : في غدي جعان
ماما : اي حتى تغدينا تو نصبلك
عبسي : وين ليال
نادر : عازمة صاحبتها😑قعدت ندور ف الشارع وخلاص
ماما : خرك مامشيتش لخدمتك
نادر : عطلة اليوم
°
•
°
•
°
بابا : مريم 😞
ايناس : اي مريم تبارك الرحمن عليها...اخلاق وادب وحشومية
مسرة : وامها تنحط ع الجرح يبرا
بابا : بالك هو مايوافقش
مسرة : هههه تي هو يبيها كان هدا مانقولولكش
بابا : من قالك يبيها
مسرة : واضح من دوته وتلقيحه وشبحاته ليها
بابا : والله كانكم عليا وين بنلقى خير منهم...خوالها مشالله والبنت لينا تعتبر
ايناس : خير ماياخدلك بنت خالته اعود بالله منها
بابا : بنت خالته
مسرة : اي ف البيان تلقح وتدوي علي نادر الهم
بابا : لالا اني معاش نخالطهم خواله بكل....مانسيتش صالح هداكا شن دار
ايناس : اي وهي نجلاء ادفنا ف صغار خواتها
بابا : خلاص انروحو لليبيا ونهدرز معاه في الموضوع
مسرة : لالا شن رايك انديروهاله مفاجأة
بابا : مفاجأة شني شن احني نلعبو😒
ايناس : عاد ياعلي قلنالك يبيها البنت واصلا صح ماتقولاش لان مرات هم يرفضو ويكسروله خاطره فهمت...خلي نتفقو معاهم ونطلبوها رسمي وكان وافقو نقولوله
مسرة : نادر بيشكرني عمره كله😌
بابا : اني رايي نقوله خير
مسرة : يابابا افرض قلتله وهي رفضت بعدين هو مسكين شن بيصير فيه
بابا قعد يسمع فيهم وساكت
ايناس : بش كانهدا نديرو العرس بعد رمضان
بابا : غر نكلموهم انتي بديتي تفكري حتى ف العرس
ايناس : والله من فرحتي...نستنى امتى نشوفه عريس ويدرجو فيه
°
•
°
•
°
______________________________________
اني : مافهمتش خيرك تتصرف هكي لكن شكرا ع اللي ادير فيه
______________________________________
سراج : مافهمتيش صار...اي خليك مش فاهمة خير
______________________________________
اني : هم كلهم دسو عليك وكلهم تكلم فيهم وجوك عادي الا معاي اني هكي...شن يقولوله هدا
______________________________________
سراج : واني كلهم ماوجعتنيش منهم زي ماوجعتني منك...لاني كنت نشوفيك اقرب وحدة لكن طلعتي زيك زيهم...ويخي احرف منهم وطلعت مشالله خالك يبيها وقصة طويلة واني نسمع من مسرة
______________________________________
اني : مانقدرش نقولك لان مانبيش خواتك يشوفوني نعاود في الدوا وندير في المشاكل وبعدين انت سيورك حتعرف
______________________________________
سراج :👍
______________________________________
اني : انت شكلك ادور في عدرش بش معاش تكلمني وخلاص...عادي قولها طول ماتقعدش تخلق في المشاكل من غير سبب
______________________________________
سراج :ههههه بتقلبيها عليا علي اساس...قوية منك لكن
______________________________________
اني : توا شن الحل
______________________________________
سراج : ليلتك سعيدة
______________________________________
اني : تعرف سراج...هو الموضوع بين رنا ومسرة ولالا والله اكتر وحدة نجرحت اني....انت شفت الكلام اللي سمعوهولي ايناس ومسرة لما جيت والمشكلة كل همي ماتصيرش مشاكل بيننا ومن غير هدا اختك رنا لزتني من حوشكم وتوا انت كملتها..👍ليلتك اسعد
______________________________________
سراج : رنا لزاتك ؟
______________________________________
اني : اني مالياش دنب وانت من بينهم كلهم تعاقب فيا اني...لكن لما تبدا محتاج تكلمني وتشكيلي ونواسيك زي كل مرة مش حتلقاني دير ف بالك
______________________________________سراج : لا ليك دنب ياليال....صايرة مشكله هكي كبرها واني اخر من يعلم في الوقت اللي تكلمي فيا كل يوم
______________________________________
~~
قريت الرسالة ومابيتش نرد
______________________________________
سراج : الووو وينك
______________________________________
~~
قعد يبعت واني سكرت النت ورقدت
°
•
°
•
°
🌒
نادر : وتي اليوم ماسك وتي روحك نرفعك لحوش جدي
اني : ماما بايته في حوش خالتي ليلى اليوم
نادر : الزح قوليلها تروح
اني : علاش
نادر : شن بتباتي غادي ومطلب يحوس معاكم😡
اني : شن جابني ليه اول شي هو يخدم للمغرب وبعدين اني داخل مع البنات
نادر : تي باهي غر هي
~~
~~
صفاء : بتباتي حتى انتي😀
اني : اي انشالله
ماما : صار نخطبتي صفيوة
صفاء : اي العرس بعد رمضان انشالله
اني : ربي يتمملك علي خير
خ ليلى : سلمك العقباليك انشالله
شهد : العقبا ليا حتى اني
خ ليلى : نوضي ديري قهوة انتي فيك كان اللسان
اني وصفاء ضحكنا
~~
~~
☀️⛅
صفاء : صباااحو
اني : صباح الورد
شهد : خييرك لابسة
اني : بتوصلني ماما للجامعة
صفاء : مبردك ماتبيش تفطري معانا
اني : والله ياصفوو محاضرتي قريب
شهد : وانتي خالتي نجلاء
ماما : اني عندي مدرسة بالله
شهد : وااك
خ ليلى : ولو تغدو
نجلاء : تو نشوف روحي
~~
~~
كنت ف المحاظرة شوية ورن فوني درته صامت من غير مانشوف الرقم ولما طلعت من المحاظرة شفت لقيت3 مكالمات فايته من سراج نصدمت : ه.ا امتى روح اللطف
ترررن ترررن 📱
رديت بجفاف : الو
سراج : وين انتي
اني : علاش
سراج : في الجامعة انتي
اني : اي
سراج : به اني نراجي فيك في###
~~
~~
سراج : وعليكم السلام...صباح النور...والله يسلمك😒
اني : مانبيش نحيي مش بالسيف
سراج : تو انتي بتقلبي الموضوع عليا ولا كيف
اني : شن تبي سراج
سراج : كيف يصير موضوع زي هدا وماتقوليليش
اني غصرتني العبرة وانفعلت😢 : لان لما نقولك وتمشي تقلب الدنيا ويقولولك كيف عرفت تقوللهم من ليال... بعدين خود العيلة كلها معاديتني وهم مشالله يستنو فيا ع الغلطة 😡
سراج : غر اهدي خيرك ولعتي فيا...
قعدنا شوية ساكتين بعدين قرب وشدلي ايدي : اسمعي انتي غالطة باهي واكتر واحدة غالطة ولومي كله عليك انتي بسس....وكان واحد غيري راهو حتى خليقته معاش تشبحيها...؛ واشر علي قلبه : لكن البهيم الحمار هدا مايقدرش يستغنى عليك
اني نحيت ايدي من ايده : خلاص معاش تشغله خليك تشغل ف عقلك بس
سراج : حتى عقلي مايقدرش يستغنى....
اني عيوني مدمعات وساكته وخلاص
سراج قرب مني وشدلي يديا الزوز : من لما سافرت مقرر مانكلم حد وبالاخص انتي...وشاد روحي ومانبيش نرد عليك لان عارف لو رديت بنلقى روحي ف ليبيا طول
اني ضحكت
سراج : لكن امس معاش قدرت ولقيت روحي نكلم فيك لا اراديا ونبي اي طريقة للصلح....وشوفي اهو اليوم اني ف ليبيا ❤
اني : هه ع اساس علي خاطري انت اهني
سراج : علي خاطر مني امالا
اني : بالك علي خاطر مراد...مشالله هو الوحيد اللي عنده علم بسفرك
سراج : لاني عارف حتتصلي تسأليه
اني : لا والله معاد متصلة ولا سائلاته وانت خليك تقوله فكل شي اول باول
سراج : تو مراد شن دخله ف الموضوع
اني : مادخله شي...ربي يعقد عسلكم😡
سراج : قصدك غايرة من مراد😂😂
اني : مش غايرة 😡
سراج قرب حط راحة ايدي ع خده وقعد يمشي فيها وبعدين باسها بهدووء وحنية...اني نشبحله وجسمي تقشعر مع بعضه
سراج : وراسك انتي الناس كلهم في كف وانتي ف كف❤
اني ابتسمت
سراج : ومعاش تقارني روحك بحد
اني : نحس فيك تحبه اكتر مني😔
سراج يضحك : 😂😂 حتى كانه بنت نقولو
اني : كان بنتك ره قتلتك وقتلتها😒
سراج يضحك
°
•
°
•
°
نادر : خيركم روحتو بسرعة قاعدين ما استاحشناكمش😑
ايناس : نستنو فيك بتستاحش مشي عطلت قلنا خلي نروحو خير
نادر : هاهاها
مناسك : عمت ف البهر🚣♀️
نادر : ف البهر مرة وحدة😂كويس
ايناس : خايفة توتيلنا عشي عارفتينا مروحين تعبانين
اني : نقرا
ايناس : هو هدا
°
•
°
•
°
فريال : هو هدا يروح واحد يسافر التاني
احمد : يام 3 ايام ومروح
فريال : السفر هدا متع صحابك مش مرتاحتله اني
سراج : حسستيني ماشي للمالديف تي اهي تونس خطوة
علا : اصلا مايعتبرش مسافر هو😂
احمد : تو مزال العرس اللي بيديره بوي 😑
سراج : تي عادي مايقول شي
~~
ع عبدالله: 3 ايام تزيد يوم مايصيرش خير
احمد : بوووي تشوف فيااا👋 احمد اني ره بالك تحسابني معتصم 😑
معتصم : اني كبيييير 😡
سراج : 😂😂 عليك عيلة عبيطة ؛ مشيت اني
ع عبدالله: ويين
سراج : للخدمة ماسك اليوم
°
•
°
•
°
مريم : به ياعمري توصل بالسلامة
احمد : سلمك حبيبتي...لكن بنقولك ره بنسكر تلفوني 😁
مريم : علاش😡
احمد : ماهو متفق اني والاولاد جو التلفونات والنت لا وكان بنفتح بيلبسوني فهمتيها كيف
مريم : تي باهي به
احمد : هم 3 ايام
مريم : اي كويس عيش حياتك باهي واني كان تبي حتى اسبوع ماتكلمنيش عادي 😏
احمد : تي خيرك تدوي هكي
مريم : لان حضرتك ماشي بتهيج وشرب وبنات بالك تحساب روحك بتفوته عليا😡
احمد : ادوي باهي😠
مريم : بندوي زي مانبي
احمد : به دوري من يسمعك ؛ وسكر
مريم حدفت التلفون
~~
~~
بابا : والله مريم زي بناتي واكتر وقلت ناخدوها احني خير ماتمشي للبراني
مراد : والله فاجأتني ياعمي الحق
خال مراد 《انور》: والله انتو ونعم النسب ياعلي الحق
علي : تو احني ماناش برانية....نادي امك يامراد بش حتى هي تعطي رايها
انور : اي صح ناديها
~~
بابا : وانتي ياجميلة زي اختنا والله مراد ومريم زي صغاري...وبنت خوي مانبيش نضيعها
مراد مبتسم ويسمع
جميلة : والله نادر ماعندي مانقول فيه وفي اخلاقه الحق
بابا : وكانك ع الحوش هو ملقط مبلغ واني نزيده وتو يشري شقة كويسة تسدهم
جميلة : واللي فيه الخير يقدمه الله
انور : هو هدا
~~
~~
~~
ايناس : اشش نقص صوتك
بابا : تي خيرك
ايناس : كان عرفت ليال بتقول لنادر واحني نبوها مفاجأة
بابا : قداش ماتتهيبلي انتي وبنتك😒
ايناس : شن تحسهم
بابا : والله جميلة فرحانه وخوها حتى هو تحسيه فرح
ايناس : به وقتلهم يخلو كل شي بالسر ولالابابا : اي قتلهم مش لازم حد يعرف لين يبدا في شي رسمي
ايناس : باهي امتا بيردو عليك
بابا : تو يردو علي شن مستعجله
°
•
°
•
°
مراد مشي لمريم ف الصالون قعمز جنبها
مريم : خيرهم عمي علي وخالي انور...غريبة جيتهم
مراد : عمي علي يخطب فيك
اني : هاهاها😑
مراد : والله يخطب فيك لنادر
مريم جتها صدمة ومعاش فهمت شي حست روحها ف كابوس وحتفيق...كانت عندها احساس انه حيقوللها نبصر عليك
مراد : تسمعي فياااا🖐🏻
مريم : ن نن نادر
مراد ضحك : اي نادر
مريم تكلمت لا اراديا : مستحييييل 😳
مراد : شن هيااا
جميلة : اللطف شكلك مافرحتيش
مريم : نفرح ؟؟...تي شن نادر هدا ماناقص
مراد : علاش هدا ماناقص😠..خيره نادر مش عاجبك
جميلة : اللطف اني قلت تو تفرح..تي من زيك بشقته وخدمته وسيارته شن تبي تاني
مريم متعصبة وتبي تقوللهم ان هي تبي احمد وتحكي كل شي لكن خايفة وماجتهاش الجرأة
مراد : يامريم شن ناقصة نادر...ولا تستني ف ولد السلطان انتي
مريم : مش لما نقولولك خود ليال تقول زي اختي خلاص حتى اني نادر نشوف فيه زي خوي
مراد : وانتي لما نقولك زي اختي مش نقوليلي لكن مش اختك ولالا...حتى انتي لكن هو مش خوك
مريم : اا اني نبي نكمل قرايتي
مراد : عادي هو يخدم ويشري ولا يبني مابين ماأنتي كملتي
مريم : مانبيش اني مانبييش ناقص غر نقعد نتعارك مع ايناس وبنتها
مراد تعصب : تفاهمينا معاها بنتك ؛ ومشي
جميلة : يابنتي مسرة سيورها تتجوز وتمشي وليال صاحبتك وبعدين انتي بتسكني في حوش بروحك شن جابك ليها ايناس....واصلا عزوزتك نجلاء مش ايناس
مريم : لانبي نجلاء لا ايناس مانبيييش نتجوز افهمو
~~
~~
🌒
وفات الليل كله ومريم تفكر في الموضوع ومش جايها نوم ومصدومة كيف نادر يدير حاجة زي هده كيف يخطبها وعارفها لاحمد...كيف حتى يفكر فيها بالطريقة هده وهي اللي حاسباته زي مراد...
مريم : وحبيبته كيف يفوتها بالسهولة هده وليال ليال كيف ترضاله يدير فيا هكي كيف....زعما نتصل بيها ؟ لكن الوقت تأخر...واحمد تلفونه مقفل لكن لا اني مفروض مانكلم حد ومانتسرعش لان الموضوع ملغي من اساسه ولو قلت لاحمد حنكبر المشكلة اااه ياربي💔
°
•
°
•
°
🌒
ديما : روحي
نادر: هممم
ديما : نبي شكلاته وبابا مهناش🙁
نادر ضحك : توا اني بعيد شوية...ساعة تانية عادي ولا ماتقدريش تصبري😉
ديما : لا نصبر
نادر : ماهو نعرف اللي يدمن علي حاجة يبدا معاش قادر يصبر
ديما : واني مش مدمنة وبلا سخافاتك
نادر : ناقصك غر تدمني علي حاجة غيري😡
ديما : ههههه اهو انت مدمن ع الدخان😏
نادر : وانتي ادمني عليا اني بس فاهمة
ديما : لما تسيب الدخان حاظر
نادر : شن هياااا😡
ديما :😂😂
°
•
°
•
°
☀️⛅
انور : قتلك يامراد...شني هدرزتو فيه الموضوع
مراد : مسكرة راسها ماتبيشي
انور : علاش
جميلة : ماتبيش تتجوز توا
انور : ياجميلة يامراد افهمو كلامي كويس...ياولدي انت بوك ميت رحمة الله عليه
مراد : تعيش وترحم
انور : وانت يامراد ولد واحد وماتندريش ع الدنيا مرات تموت توا مرات بعد 30 سنه مرات غدوا ماتندريش
مراد : اي صح
انور : وتعرف الناس يلتو ويعجنو غدوا بعد غدوا انت تموت وتخليها هي وامك ولا امك تموت وتقعد البنية بروحها قصدي تو لو انتو عيلة كبيرة وهلبا ولاد وبوكم فوق راسكم تي والله تتشرط وتتجوز امتى ماتبي لكن هي بوها ميت وانت مرات تتجوز قبلها وتقعد هي وامك ف الحوش بروحهم وتعرف الناس ودوتهم...اني رأيي عطوها والله حوش عمها خير من يجيها البراني...ترتاحو والله لو عطيتوها ترتاحو انتو وترتاح هي
جميلة : والله حق كلامك
انور : وهده صغيرة تبي تطلع وتهيج وماتبيش المسؤولية لكن لما تتجوز تتعود عليه ويتعود عليها اهو بنتي لمياء كانت مسكرة راسها زي مريم وجوزناها تحب تكره وتوا بصغارها وحوشها معززة مكرمة
واني بوك يامراد بوووك والعرس نشتركو فيه كلنا ويجيها احل عرس والله البنات توا هدا اللي هامهم
مراد : معناها نردو عليهم نقولولهم باهي...اصلا اني عمي الحق متحشم منه ولما سكرت راسها قلت كيف بنرده بعد ماجي لهني
انور : تي اي والله كاني مكانه ونجي نطلبك في اختك وترفض نعاديك للابد نقول فضل البراني عليا
انور : اصلا اني بوك موصيني وصية والوصية امانة
جميلة : شن هي
انور : موصيني اني نتولى مسؤولية جواز مريم لما مريض وقالي انت اكبر واحد وعارف الصح من الغلط بنتي مريم امانة ف رقبتك مراد قاعد صغير وانت نحملك المسؤولية لما تكبر ويجوها الخطابة....الله يرحمه ندكر ف كلامه بين عيوني
مراد : ناديها بنتك تسمعه الكلام هدا
~~
~~
مريم : لان نبي نكمل قرايتي واصلا حتى لو كملت... نادر لا
انور : علاش يابنتي
مريم : لان ياخالي مانشوفش فيه الا خوي ومانقدرش نتجوزه
انور : لالالا الدوا هده فوتيها وبنوفقو علي بركة الله وبري خلي يطبك نصيبك
°
•
°
•
°
مريم : الو 😭
اني : اهلين مريم
مريم :....
🌷يتبع🌷
.
.
#timOo💛
