300 كومنت = حلقة تانية اليوم
لايك قبل ماتقرو كومنت بعد ماتقرو ومنشن لعشاق الروايات ❤
الكاتبة #timar
_________________________________________
#__وتين__🍃
🌷الحلقة 8🌷
"سراج : اول ماوصلت فيا ريحتها عبت المكان اللي اني فيه ومش ريحة عادية ريحة اول مرة في حياتي نشمها ولما تكلمت صوتها هاااادي وناعم ؛ حسيت اني نسلم علي انثى بمعنى الكلمة وعيونها في الارض ماقامتهمش فيا بكل....اول ماايدي مست ايدها حسيت برعشة غريبة في ايدي تمينت هالحظة ماتمتش"
~~
مسرة : يهبببل ياهيام يهبل سلم عليا ويضحك
هيام: حقااا
مسرة: اي محلاه
هيام : شن لابس
مسرة : لابس تيشرت اسود وسروال جينز محلاه محلاه
هيام: توا انتي مخليتيهم وراكبة تكلمي فيا ياحمارة بري قعمزي وديري شبحات.....وديري القهوة
مسرة: القهوة !
هيام: اي ياغبو نوضي ديري القهوة بروحك قبل ماأمك تناديك
مسرة: اها به سكري سكري
هيام: باي
~~
ايناس: ديري قهوة ياليال
اني: به
جت مسرة زي المخلوعة : لالا تو نديرها اني القهوة
كلهم استغربو فيها ⁉️
خشت هي دارت القهوة وركبت اني ومريم لداري
مريم: ليال.😁
اني بنفس اللحن: نعم😁
مريم: ااا كيف بنقولهالك يعني
اني: ادوي بلا جو زايد
مريم: قصدي يعني من الاخير هكي لو خطبناك لمراد حترفضي ولا توافقي
اني: من عقلك تدوي
مريم: اكيد
اني: مريم مراد مانشوفش فيه الاخوي لعلمك
مريم: لكن هو مش خوك 😒
اني: ولو كان....بعدين انتي اكتر واحدة عارفة اني نبي نقرا ونكون مستقبلي ومش مفكرة في الزواج والكلام الفاضي هدا
مريم: قصدك بتقعدي هكي لبعد 7 سنين تانيات
ترررررن📱
اني : ايوا
تسنيم : اني قدام الباب
اني: هي اهو جاية
تسنيم: جي سراج
اني: اي
تسنيم: ااااه معاش قادرة ناخد نفسي افتحيلي بسرعة
اني: ههههه ربي يشفيك
مريم: جت؟
اني: اي...خلي ننزل نفتحلها
~~
فتحتلها الباب
تسنيم : هاي
اني: هاي
تسنيم : منظري حلو ولالا ؛ وشعري باين هلبا ندخله😦 وهو وين مقعمز 😕
اني: اهدي ريلاكس....هو في الصالة وانتي بتقولي السلام وبتركبي طول....يعني احتمال حتى مايركزش
تسنيم: علاش تحبطي فيا
اني: شن تبي تخشي تسلمي مثلا
تسنيم : المهم هو مقابل نقدر نشوفه لما نخطم
نادر: لياااال
اني: ايوا
نادر : من ع الباب
اني: تسنيم صاحبتي
تسنيم : تو اني بنمشي وانتي وراي اني بنقول السلام وانتي ركزي علي سراج يشبحلي ولالا
اني: افففف منك
خطمت تسنيم واني وراها واول ماقالت السلام اني شبحت لسراج تنفيذا لتعليماتها طبعا ولما شبحت لقيته يتبع فيا بعيونه متت وحييت في هديكا اللحظة
اني شبحتي ماكانتش عفوية واضح مقصودة لان هي قتلي اول مانتكلم شوفيله وهو واضح انه يشبحلي من قبل ماتتكلم تسنيم ....وجت عيني في عينه واني طول حولت عيوني من عليه وتحشمت تمنيت الارض تنشق وتبلعني وكله من تسنيم وعمايلها
~~
خشت تسنيم سلمت علي مريم : شني شني يشبحلي ولالا😀😀
مريم : ههههه غر اهدي شوية
تسنيم: قصدك متوترة هلبا😂
"شن بنقوللها مايشبحلكش بتقولي وين يشبح هي اسألتها هلبا ومانقدرش نقوللها يشبحلي اني بعدين بتفكر في حاجات تانية....لكن اني شن دخلي مفروض نقوللها الواقع ؛ بعدين في حاجة غريبة هو علاش يشبحلي😞 اه لالا مرات تكون شبحته عفوية عادي"
تسنيم: لولو ...لولوووو
مريم: في عالم تاني لونا😂
اني: اا مم معاكم معاكم
تسنيم: تي يشبحلي ولالا تكلمي
اني: تسنيم واضح الموضوع كيف تبيه يشبحلك وجنبه العيلة كلها....قصدي بالعقل وبالمنطق تخايلي بيشبح لصاحبت بنت عمه قدام عمه ومرته وولاد عمه يعني عبيطة اللقطة
مريم: اي صح حتى لو يبي مايقدرش...بعدين سراج رزين هلبا مش بالساهل يشبح لاي بنت
اني: وشن اللي مخليك تقولي رزين
مريم: نعرفه وبعدين كلهم يدوو عليه هكي
اني: مافيش ولد مايبحتش علي قولت الشراقة
تسنيم: اااه💔
مريم : عندك علم كلمته هده😂
تسنيم : كلمة سراج😀
مريم اي
اني: تقصدي يبحت
مريم: اي يقول فيها هلبا
تسنيم : ياحليلي💕
مريم: ماهو يمشي هلبا لبنغازي بحكم ان خواله كلهم غادي
مريم: صارحيه
تسنيم: فكرت فيها لكن نخاف
اني: ابعتي رسالة وماتقوليلاش انتي مني
تسنيم: وشن الفايدة😒
اني: لما تبعتي الرسالة وتقوليله من انتي يحسك مطفوشة وخلاص لكن لما تبعتيها وانتي مجهولة بتستفيدي هلبا حاجات
تسنيم: زي شنو
مريم: ابدعينا يافيلسوفة
اني: اولا انك تتعرفي علي طبعه وشخصيته اكتر مرات في حاجات انتي ماتعرفيهاش ولما تعرفيها تتغير نضرتك ومرات تكتشفي حاجات تخليك تعيدي النظر في حبه ؛ هده حاجة وحاجة تانية هو لمايتعرف عليك وعلي اسلوبك تخشي خاطره ويبدا قاتله الفضول انه يعرف مني لكن لما تقوليله انتي مني طول مرات حتى مايهتمش للموضوع
مريم: اقنعتيني
تسنيم: به هي اكتبيلي رسالة وراس لولو
مريم: تاريك فالحة واني مانندريش😮
اني: نعجبك😌
مريم : هي اكتبيلها رسالة زي اللي قريتيهالي هداكا اليوم
تسنيم: اي لولتي هيا
اني: تواا😮
تسنيم: لولووو ونبي
اني: تبي هدوء وتفكير مش هكي
تسنيم: باهي به
اني : الليلة نكتبها ونبعتهالك وعد
تسنيم: بنستناك
اني : به
•
°
•
°
•
°
ماما: بوي نحطلك تتسحر
جدو: وخوك
ماما: عبسي عطل تخاف يإدن الفجر وهو مايجيش
جدو: به حطي
ماما توتي في صفرة السحور رن تلفونها
ماما: الو
خالتي فاطمة: اهلين نجلاء شن الجو
ماما : تمام
خالتي فاطمة : بنقولك راهو النتايج متع الشهادة التانوية طلعو
ماما: بالله عليك
خالتي فاطمة: والله...بنت حماتي طلعت نتيجتها
ماما: ترا سكري خلي نكلم لونا
خالتي فاطمة: وعاوديلي طمنيني
ماما: انشالله
~~
ترررن ترررن📱
اني : الو ماما
ماما: ايوا لونا شن الجو
اني: تمام
ماما: روحو ضيوفك
اني: اي مريم من بكري وتسنيم توا كيف طلعت
ماما: قتلي خالتك فاطمة النتايج طلعو
اني: حقااا
ماما: اي شوفيها ترا
اني:باهي هي
وسكرت منها ونزلت قلتلهم لكن مع الاسف ماعندناش نت
اني: كيف ندير🙁
مسرة: غدوا بري شوفيها في المدرسة
اني: بنصبر لغضوا
نادر: كلمي وحدة من صاحباتك تشوفهالك
اني: لالا نبي نشوفها بروحي
بابا: حوش عمك عبد الله عندهم نت
واتصلنا بيهم ع الارضي☎️
•
°
•
°
•
°
"سراج: مجملها هالبنت سبحان الخالق ؛ مش عارف الشعور اللي حسيته اليوم ماعمره جاني ؛ شعور غريب ماقدرتش نفسره لدرجة معاش قدرت نسيطر علي روحي لاإراديا عيوني يجو عليها.......لكن لالا اللي صار الليلة حنعتبره ماصارش ؛ ناقصني نطيح في وحدة تطلعلي حرفة زي امها ولا زي اختها مسرة.... وبعدين مش كل شي زين وجمال اني مانعرفش مرات اخلاقها مش كويسة مرات نفسيتها خبيثة مانقدرش نعرف
بعدين ندكر فيها زمان لما صغيرة واضح عليها تكرهنا وشكلها امها مولدتلها الحقد علينا من زمان
هي حتى توا سلمت علي مراد كويس واني كأنها ماتعرفنيش هدا كله يدل علي كرهها لينا مش عارف اصلا كيف فكرت في وحدة زي هده "
علا: تعالى تسحر
سراج: مدايرينلك بابا اطقطي عليه
علا: ليا ساعة نطقطق مارديتش نحسابك رقدت
سراج: اسمعي علا
علا: نعم
سراج: ولا بلاش
علا: شنو
سراج: خلاص فوتي
~~
تررررن تررررن☎️
رنا: ردوو ع الارضي
علا: ردي انتي
رنا : ندير في المحلبية ياحمارة
سراج : تو نرد😒
نادر: الو
سراج: ايوا
نادر: سراج عندكم نت
سراج: اي عندنا
نادر: ماسمعتوش بالنتيجة متع التانوي
سراج: طلعت ؟؟
نادر: اي نبيك اطلعلي نتيجت لونا ماعندناش نت احني
سراج : به اعطيني رقم جلوسها
نادر:3975
سراج: سكر شوية ونعاودلك
علا: طلعت😣
سراج: اي شكلك خايفة
علا : هلباااا
سراج : اعطيني رقم جلوسك
علا: 79760
سراج: اوووو😮
عمي عبد الله: ماتقولش رسبت
فريال مرت عمي : شنووو
سراج: جيد جدا😊
علا: الله 😀ووووووووه😆
رنا: مبرووووك
سراج: نسبتك 80%
عمي عبد الله: كويسة☺
احمد : شوف ليال ترا
سراج كتب رقم جلوسي : ناجحة بتقدير ممتاز
فريال مرت عمي: ماهو امها مديرة مدرسة اكيد عندها معارف😒
عمي عبد الله: البنت من يومها مستواها كويس
علا : شن نسبتها
سراج بأندهاش 😮: نسبتها 97% مشالله
احمد: خلي نكلم نادر
•
°
•
°
•
°
ماما: شن صار
اني: نجححححت ياماما نجحححت😀😄
ماما: روروووووري مبروك ياعمري😢
اني: ايااا علاش البكي توا
ماما: من الفرحة
اني: نسبتي 97
ماما: مشااااللله انشالله نشوفك احلى دكتوة ياربي
~~
مسرة😡: 97 النهار الاحرف
ايناس ضربتها علي راسها: ماهو مش زيك حالة دقنها
•
°
•
°
•
°
مريم : اسأله علي علا.
مراد: نجحت علا
احمد: اي نجحت ومريم💕
مراد: اي نسبتها85
احمد: مشالله باركلها نيابة عني
مراد: يوصل وانت بارك للعيلة بنجاح علا
احمد: تمام يوصل
•
°
•
°
•
°
"لو كانت الحروف والكلمات والجمل توصلك قدر حبي ليك كنت عشت عمري كله واني نكتب
لو كانت النضرات تفهمك قداش نحبك كنت عشت عمري كله نتفرج علي عيونك ونتأمل فيهم
نبيك تعرف ان في حياتي كلها ماحبيت شخص زي ماحبيتك💕"
اني: كتبتهالك الرسالة
تسنيم: مبروك النجاح قبل كل شي
اني: من قالك
تسنيم: خويلة نجلاء منزلة في الفيس
اني: الله يبارك فيك ياقلبي وانتي شنو
تسنيم: نجحت ممتاز88%
اني: انشالله نشوفك احلى محامية يارب😁
تسنيم: انشالله كان ماما خلتني نخش قانون
اني : كتبتلك رسالة مش عارفة تعجبك ولا لا
تسنيم: ابعتيهالي
اني: به
•
°
•
°
•
°
خالي محمد: الف الف مبروك 😘
اني: الله يبارك فيك خالو
ديما بنت خالتي فاطمة: لونااا مبروك عقباللشهادة الكبيرة
خالتي ليلى : قيمو معاي الصفرة
عبسي: غر من لايم عليك تقيميها بروحك
شهد : هاتي عليك ماما
خالتي ليلى :هاك
جدي: ادن المغرب
مطلب: مزال 5 دقايق
نادر: عطشت اليوم
راجل خالتي ليلى : اي اليوم نو
خ محمد: جيبو مالقي امية
شهد: تو نجيب هي
امنة مرت خالي محمد: جيبو اللبن مانشربش في الحليب
~~
ديما تشبح لنادر ومبتسمة جت عينها في عينه غمزلها وضحك
فطرنا وكملنا وغسلنا الماعين والرجالة طلعو كل واحد لخدمته وقعمزو النساوين في الصالة واحني خشينا للمربوعة
شهد: خليلي كتباتك وكل شي متع تالته تانوي
اني: جبتهملك كلللهم
شهد: افتكيتي حلو الشعور ولا
اني: مش عرفة حلو ومش حلو
صفاء: تعرفي لما تخرجت من التانوي نبكي بعبرتي
اني: حتى اني اخر يوم قعدت نبكي
اية بنت خالي محمد : بتخشي طب زيني ولا
اني: يس
نور بنت خالي محمد: طب شنو
اني: مزال ماقررتش
~~
نادر نسي تلفونه وولا بياخده طقطق فتحت ديما
ديما: تفضل😌
نادر ربع يديه وتكى ع حاشية الحيط وابتسم : يزيد فضلك
ديما: علاش وليت
نادر: نسيت تلفوني
خش نادر للدار داخل ولحقاته ديما وخشت وسكرت الباب
نادر: غر صلي ع النبي😂
ديما: اللهم صلي عليه
نادر قرب شوية وحط يديه في جيوبه علاش لاحقتيني
ديما قربت شوية: علاش غمزتلي بكري😏
نادر قرب منها اكتر: لانك تشبحيلي
ديما قعدت واقفة في مكانها وحطت ايديها في خصرها ورفعت حاجبها : يتهيألك😏
نادر قرب وحط ايده في خصرها وجبدها ليه بقوة لين لصقت في صدره ويحس في انفاسها علي رقبته زاد ضغط ايده عليها وحط عيونه في عيونها وانفاسها تخلطت مع انفاسه
نادر: علاش لحقتيني وعلاش تشبحيلي بكري علاش اديري في الحركات هده كلها علاش
ديما:.....
🌷يتبع🌷
قراءة ممتعة وانشالله عجبتكم الحلقة...
.
.
.
#__timOo__💛
