#__وتين__🍃
🌷الحلقة 94🌷
عبسي حط الحافظة من ايده ولحق عليها شدها من ايدها وكانت هي كيف واصلة ف باب الصالة وبتخش واول ماحست بيه شادها تلفتتله بصدمة
....قعد شادها بإيده الايسار ويقرب منها وهي توخر وهو يقرب لين لصقت ف الحيط...
سيب ايدها وحاصرها بايديه الاتنين ع الحيط وهي ترجف م التوتر والخوف وماقالتش ولا حرف....مكتفية بأنها تشبحله وبس وهو يملى ف عيونه بنضراتها ومستغل كل لحظة وعيونه ف عيونها ❤ وقعدو مدة قصيرة وهم ع الحال هدا ولا إراديا بدو عيونهم يدبلو كأنهم شكو لبعض كل اللي ف قلبهم وارتاحو 💔
ولا ارادياً لقي روحه يقرب ف وجهه من وجهها وهي م عندهاش اي قوة تقاومه بيها ولقت روحهها مستسلمة كليا أول ماقربو انفاسه من وجهها...قعد يقرب شوية ويشبح لعيونها ويزيد يقرب ويرجع يشبح لعيونها وهي تشبحلها وحاسة ان مافيهاش حيل حتى تقوله يبعد
عبسي بنبرة هاااادية : علاش ؛ علاش هو ياخدك...انتي ليا اني انييي وبسس ❤
رتاج انفاسها تقوو وبصوت يادوب طالع : انت جبرتني 💔
عبسي نزل ايديه من ع الحيط ولفهم ع خصرها وقربها فيه....
رتاج حطت ايديها ايديه وتحاول تفك روحها منه : غلط اللي ادير فيه😢
عبسي زاد ضغط عليها وقربها اكتر لدرجة ان مفيش اي مساحة بينهم : نبي نغلط اني...لو الغلط بيطلعني م التعب اللي عايش فيه خليني غالط طول العمر 💔
رتاج حاطة ايديها ع صدره وتبعد فيه بكل قوتها...بس مع الاسف القوة مش موجودة كانت شبه متبنجة ماعندهاش اي تحكم ف نفسها : بب بعد من عليا بعععدد😢
عبسي قعد يوخر بيها لين خشو ورا عرصة بحيث ان مايشوفهم حد من متع الصالة
رتاج : شش شدير انت 😳
نزل راسه وباسها ع خشمها بس ماكانتش بوسة عادية....بوسة زاح فيها كل الالم اللي حاسه ف بعدها....طلع فيها كل مشاعرة المكتومة 💔
نزل وجهه بهدوء وهو لاصق ف وجهها وحط شفايفه جنب فمها بالزبط وقعد يحرك فيهم بطريقة غريزية وبعدين باسها ورجع شاف لعيونها اللي مغمضات وماخلالهاش حيل حتى تفتحهم
عبسي : سيبيه...سيبيه وخلينا نتجوزو رتاج تعبت اني تعبت 💔
رتاج حاطة ايديها ع رقبته وتشبحله : مجنون انت شن الكلام اللي تقول فيه 😢
عبسي : اي مجنووون❤.....مجنوون ونبيك ؛ معاش قادر نتحمل اكتر من هكي 💔
رتاج عيونها مليانات دموع وتحرك ف راسها بمعنى لا : مستحيل😢
عبسي : احسن مانقعدو عايشين ع الخيانة
رتاج : لا اني تو نبعد ومعاش نوريك وجهي وهكي معاش نديرو شي غلط 😢
عبسي حط ايده ع خدها ولصق وجهه ف وجهها : حتى لو بعدتي قلبك معاي 💓 وهده بروحها خيانة....انتي ليا اني علاش العناد
~~
~~
~~
ترررن ترررن📱
ديما : هده خالتي
نادر يلبس ف سوريته : ردي عليها
ديما : متصلة علي تلفونك رد انت
نادر : الو
ماما : صباحية مباركة ياعريس😜
نادر قعد يضحك
ماما : نضتو ولا مزال
نادر : نضنا
ماما : باهي قول لديما بتجيها المزينة ف الحوش بعد الضهر
نادر : هاك قوليلها بروحك
ماما: باهي هاتها هي....حقا اسمع
نادر : نعم
ماما : شني الامور تمام 😉
نادر : شنو؟؟
ماما : قصدي تمام الموضوع ولا مزال
نادر : اا اهي معاك ديما😳
ديما : اهلين خالتي
ماما تضحك :اهلين بنتي كيف حالك اليوم
°
•
°
•
°
•
🌒
ايناس : اني وبوك نلودو من بكري ماعرفناش الصالة🙄
اني : مانعرفش ننعت اهو تو تنعتك ماما
ماما تفنص فيا ماتبيش تكلمها...لكن اني اعطيتها التلفون بالبرادة ماعنديش نية ننفخ راسي
ايناس براس خشمها : الو 😒
ماما : وين واصلين انتو 😑
ايناس : احني في#### جنب ال###
بابا : تي مني اللي ينعت فيك
ايناس تقوله اسكت بالشوية : وين نمشو توا
ماما : خشي لشارع ### عرفتيه ع الايمين بعد ال$##
ايناس : كيف اما هو مافهمتكش يانجلاء 😑
بابا اول ماسمع الاسم توتر : اا اعطيهالي اعطيهالي تنعتني
ايناس شبحتله : تو تنعتني اني حتى اني نعرف😒
بابا جبد منها التلفون وماعبرهاش بكل : اا الو
ماما نصدمت لما سمعت صوته : اا ايوا😑 خش اول زنقة بعد ال###
بابا : اا اي عرفته وبعدين
ماما : بعدين اسأل علي اسم الصالة تو يقولولك😒
بابا يحاول يطول ف الكلام : تو اني خشيتلها الزنقة وفتت الشيل بعدين وين نمشي ترا
ماما : خلاص كمل طول واسأل تو يقولولك 😑
بابا : اها...باهي تمام
ايناس دمها محروق وبتنفجر : شني حسيتك فهمت النعتة ع الطاير 😡
بابا : بالله فوتي جد امي مادرهيليش كبدي بش مانلفش ونولي للحوش
ايناس : احسن اصلا مادبيا نفتك م الوجوه المقلبة 😒
بابا : هه😏 بيوقف العرس كان مامشيتيش علي اساس
ايناس : لا مش حيوقف رجعني هي معاش نبي نحضر رجعني😡
مناسك : اااااااااه😭😭 نبي نمثي😭😭
بابا : بتمشي بنتي بتمشي مانخليش عرس خوك يفوت عليك...وامك كان ماتبيش تحضر تولي معاي عادي😏
~~
~~
~~
ف السيارة 🚗
وليد : امتا بتروحيلي بسسس
مسرة : هههه بتستنا لين يتم المحضر مع الاسف 😌
وليد : ماهو لو بتستفزيني اكتر ممكن نرجع للحوش نطفي ناري وبعدين نرفعك😏
مسرة : قليل الادب 🙈
وليد : تي خليتي فيها ادب انتي 😍
~~
~~
~~
اني : تخايلي مزال غدوا محضر مسرة واااك عييت من لبس القفاطين 😑
رنا : حسيته اطول عرس ف العيلة😂
اني : بكل الهم😪😂😂
رنا : حي مسرة جت 😍...محلاها طالعة الفانص هده😂
اني :😂😂
.....
اسألك يا من هو الله اللذي لا اله الا هو الرحمن الرحيم الملك القدوس
ايناس : بري بالشوية عليك
مسرة : به ماما حاسة روحي دايخة ولا مش عارف كيف
اني مديتلها طرف شكلاته : كولي هدا شكلك عندك هبوط
.....
خ ليلى : هده هي مسرة
ماما : اي
خ ليلى: قنينة حتى هي
ماما : اي لكن ماتشبهش للونا ولا
خ ليلى : لالا ماتشبهلهاش الحق لكن حتى هي قنينة
صفاء : غدوا مخضرها هي ولا
ماما : اي
صفاء ضحكت : بتمشي خالتي
ماما : والله هي البنية عزمتني لكن لا فكيني
خ ليلى : وبري عادي
ماما : لالا اصلا والله معاد عندي جهد للحفالي نبي نرتاح اسبوع😪
......
وجت ديما وجليناها وهكي 🙈
وخش السيد نادر طبعا ماليشي علاقة بالحشم بكل...ويشبحلها ويغازل فيها ومش داير حساب لحد 😂
وقعد يرقص فيها😍وكلنا نتفرجو عليهم وطالعين ع بعض محلاهم💓
نادر : طالعة تهبلي💕
ديما : عيونك اللي يهبلو 🙈
....
داليا : مشالله عليه هو قنين
نهى : احني ولاد عيلتنا كلهم قنينين😌
داليا ضحكت : لا حق مشالله عليهم كلهم
نهى : وماحصلناش منهم حتى طريف😑
داليا : ههههههه حلوا منك...خلاص راحت عليك كلهم تجوزو
نهى : نجي ضرة زيك عادي😜
داليا شبحتلها باستغراب
نهى : نبصر ره 😂
داليا : اا هههه😁
°
•
°
•
°
•
☀️⛅
مسرة : هيا حبيبي وقت ع المزين
وليد : باهي هي نستنا فيك اني
مسرة : به اني نستنى فيك لوطا...ماهو غزل بتمشي معاي
وليد : به تلقوني ف السيارة اني
مسرة : به
......
طقطقطق 🚪
غزل فتحت : واتية قصدك 😮...
مسرة : قعدة مش واتية يافالحة😶
غزل : كيف نضت 😅
مسرة : بري البسي بسرعة وليد ف السيارة ياانسة 😊
غزل : باهي هي
قعدت غزل توتي ف روحها ومسرة مقعمزة جنبها تستنى فيها
غزل تلف ف وشاحها : اا اسمعي مسرة😅
مسرة : نعم
غزل : امممم بنسألك 🙈
مسرة : تفضلي يامؤدبة😂
غزل ضحكت : يوم حفلتك في ولد واقف قدام الصالة مع خوك وولاد عمك ممكن قريبك هو...زبطيه
مسرة نفلتت بالضحك : 😂😂😂 تو انتي قتيلي ولد وخلاص كيف بنفهم اما واحد بالزبط
غزل : اهو نقولك القصة هو كانت سيارته مدرسة قدام سيارتي ونوعها ### المهم اني........وحكتلها
مسرة : اممم ماعرفتاش 😶...به كيف شكله ترا
غزل : طويل وعريض هو واسمر شوية ونقشه ع الاسود
مسرة : سراج 😶
غزل : اما هو سراج
مسرة فتحت تلفونه وخشت ع ايميل سراج ورتها صورته هو وصحابه
غزل : اهوا😍
مسرة نصدمت :سراااج😨
غزل : تي اما واحد سراج
مسرة : اهو سراج
غزل : لالا اهوا اللي جنبه...محلاه 😍
مسرة : نعرفش هدا ممكن صاحبه....شني نضربتي فيه شكلك😂
غزل ضحكت : تو واحد جاي لعرسك وماتعرفيشي😑
مسرة : عرسي وعرس خوي ياهبلة وبعدين الولاد وين نندري علي جدهم اني
غزل : ترا ترا زيدي وريني الصورة
مسرة مدتلها التلفون
غزل : ي حليييلي محلاه هالولد 🙈
مسرة : نخلعت تعرفي نحسابه خطيب اختي عاجبك😂
غزل : هدا خطيب اختك
مسرة : اي هدا سراج وهدا محمد راجل رنا زبطيها
غزل : اي بنت عمك ولا
مسرة : اي اخت سراج وهدا التاني سامي حتى هو راجل علا وهدا مراد ولد عمي حتى هو والتاني مانعرفاش
غزل: به وهدا بس تو طلعتي ماتعرفيش اسمه الهم 😑
مسرة : نزبطه صاحب مراد وسراج لكن اسمه راح من بالي...لكن تو نسألك لونا اكيد تزبطه
غزل : اي ونبي اسأليها وجيبيلي ايمله خلي نطيحه😏
مسرة : يافانص مايطلع منك😂....غر هيا خوك برا تشحط
°
•
°
•
°
•
سراج : تو ياحاجة سقدنا الشباب كلهم ولا
اني :اي 😂
سراج : اطمنتي عليهم خلاص توا نقدرو نتجوزو علي بركة الله؟
اني نضحك : اي ختامها مسك😂
سراج : ختامها تشحيط وتدريه كبد 😑
اني : اني ندره الكبد 🙁
سراج : لالا مش عليك😂
اني : خزي😶...غر سكر شوية مسرة خشت انتضار
سراج : به😑
......
مسرة : ايوا لونا شجو
اني : تمام شن جوك انتِ...مشيتي للمزين
مسرة : اي ف المزين اني...بتجي تجيبيلي الحاجات بعدين ولا
اني : طبعا بنجي عاد اني شن عندي غير خدمتكم اليومين هادو😑
مسرة : اي حتى احني تو نعولو ف عرسك ولا يهمك😁...اسمعي بنسألك
اني : ها
مسرة : صاحب سراج هداكا اللي ديما معاه عرفتيه
اني : شوية بس تو ينزل عليا الوحي🙄
مسرة : ياخرية هداكا اللي يسافر معاه...ايوا اللي معاه ف المعرض
اني : ااه اياد
مسرة : ايوااا اياد
غزل : اياد🙊💓..ي حليييلي
مسرة تشبحلها وتضحك😂😂 :باهي خلاص باي
اني : علاش تسألي
مسرة : شي شي😂😂
°
•
°
•
°
•
🌒
اني : طالعة اليوم احلى م الحفلة تصدقي
مسرة : الله...ماهو قبل العرس كنت متوترة وتوا ارتحت نفسيا😌
اني : ياعيني ياعيني😏
مسرة : ياعينك ولا يا قلبك تو تجربي وتشوفي الراحة حتى انتي😂
اني : حقا علاش سألتيني علي اياد بكري
مسرة ضحكت : ماتقولي لحد باهي😂
اني : به😮
مسرة : غزل حماتي عاجبها قتلي بنطيحه😂😂
اني : حي ع الجو😂...لكن قالي سراج بارد ف المواضيع هده
مسرة : تو تسخنه هي😂
اني : شكله الجواز خلاك صايعة فوق اللزوم 😒
مسرة : انتي قصقصيه عليه باهي...لكن ماتجبديش سيرة غزل
اني : وكان قالي علاش شن بنقوله عاجبني😒
مسرة : باهي المهم ماتوضحيلاش بش مايهزوش عليها
اني : امبه
مسرة : اسمعي قولي لنادر يجي نبي نصورو صورة عائلية 😁
......
📞نادر : مزال
📞ديما : اي مزال حبيبي المحضر كيف بدي خيرك
📞نادر : باهي ضروري تحضري امه كله😑
📞ديما : باي نادر 😶
......
طلعت مسرة بالجلوى للدار بتصور ونادينا نادر وبابا
نادر : غر شن دايرا ف روحك بس منضرك زي الهنود😂
اني : علي اساس مرتك مش هكي امس
نادر : تي هو كله هبال 😂
اني : عينك محلاها الجلوى 🙈
مسرة : به المصورة تستنى وانتو فتحتولي سريب 😑
مناسك : حتى اني بنثور 😌
نادر : اوووو عروستنا تي الفايدة فيك كان ماصورتيش انتي الصورة تطلع محروقة ولا
مناسك : امالا ثنو😌
جيت وقفت جنب نادر وحط ايده ورا ضهر مسرة وايده التانية ورا ضهري
نادر : قعدتي انتي بس في العيلة ياعانس
وكيف المصورة بتصور ونفلتت اني بالضحك
المصورة طارتلها😅 : اا الصورة ماجتش صح😑
نادر : عادي عادي خليها
مسرة : نفختولي مرارتي انتو الزوز
اني : اسكتي اسكتي مادايرا ف روحك ماتجوزتي الا انتي 🙄
مسرة :😤
°
•
°
•
°
•
🌆
فاق محمد ع صوت ادان الفجر وكانت رنا جنبه تخترف وتقول ف كلام مش مفهوم
محمد : رنا رنااا حبيبتي فيقي خيرك
رنا دوب ما فتحت عيونها وشبحتله وبعدين ناضت قعمزت : ليل ولا صبح ولا شني بالزبط 😪
محمد ضحك : الفجر يدن
رنا تحك ف عيونه : مدلي امية ونبي
محمد مدلها : خيرك شني كنتي تحلمي
رنا شبحتله : اي حلمة غريبة تعرف 😥
محمد : انشالله خير
رنا : نحلم بعرس كبيير ف العيلة
محمد : ههههه عادي حبيبي قعدة متأترة بعرس صغار عمك😂
رنا : لالا محمد مش هكي...نحلم أن عرس ف العيلة وكانت اكتر وحدة تبان داليا مرت خوي و لابسة قفطان كبييير وطالعة حلوا
محمد : اممم...مانعرفش ف تفسير الاحلام😕
رنا : غريبة لكن حسيتها الحلمة....العراس مش كويس ف الحلم🙁
محمد : نوضي صلي ركعتين وادعي وفوتيها الدوا هده
~~
~~
~~
☀️⛅
بابا : شن بديرو غدي
ايناس : فاضل من عشي الصالة نتغدوه وخلاص
بابا : لالا جايني خوي عبدالله اني اليوم ديرو غدي باهي
ايناس ناضت فيه : اني تعبانة تعبانه وطالعمة من عواله العرس تبيني توا انوض اندير غدي 😡
بابا : 😒 ماقتلكش اطيبي اني تو تجي ليال اطيب....اصلا من امتى ناكلو ف الوجب كل يوم احني
ايناس تلقح : رد نجلاء تو اطيبلك كل وجبه ف وقتها
بابا : نديرها ماتعرفينيش 😏
ايناس شبحتله 😒
بابا : لياااال
مناسك : لونا في الثامعة
بابا : اه نسيت
.......
اني : السلام عليكم
ايناس : وعليكم السلام....عمك جاي وبوك عابي عليك بالديري الغدي ره
اني : توا😶
ايناس : لا غدوة 😒
اني : قصدي اني كنت ف الجامعة وراسي بينفجر ماعنديش خلوك نطيب
ايناس : قوليله شن دخلي اني....بالنسبة ليا والله مانحط طنجرة علي نار 😑
نضت زيني زي البنت الطيبة درتلهم غدي...شوية وجي عمي والصدمة معاه سراج 😶 وكنت نحسابه عمي بروحه وجاي بهدرز ؛ طلعو هما جايين يحددو موعد للعرس...
وقررو ان يكون الصيف الجاي واحني بنقررو اما شهر
ع عبدالله: الحمد لله
بابا : تي كول ياعبدالله
ع عبدالله: لا الحمد لله كليت
بابا : كول ياسراج كمل خيرك
سراج : الحمد لله دايمة انشالله
بابا : مناااسك بري نادي لونا تقيم بنتي
مناسك : لوونا تعالي كيمي
اني : اني نقيم😮...لالا قولي لامك
مناسك : راكدة ماما
اني : واااك😓
ساويت روحي وخشيت ومتحشمة قريب نلبد ف حوايجي : السلام عليكم
عمي ابتسم : وعليكم السلام ورحمت الله
اني : اا كيف حالك عمي 😊
ع عبدالله: الحمد لله بنتي...يسلمو ايديك
اني : ههه سلمك صحة
سراج يشبحلي ومبتسم وخلاص
اني : خير سراج كيف الحال
ابتسم ابتسامة محترمة : تمام الحمد لله
......
تن تن 📲🗨
_______________________________
اني : كمية البراءة اللي ف وجهك توحي انك ماتعرفش حتى تسلم ع البنات 😂
_______________________________
سراج : علي اساس انتي ماتمتيلش 😂 تي منضرك تقول ماعمرك هدرزتي معاي
_______________________________
°
•
°
•
°
•
خطيب رتاج : حبيبتي اليوم انشالله بنبدا ف الزواق وخلاص يبدا الحوش شبه تم😍
رتاج : اها...كويس
خطيبها : شن رايك غدوا نرفعك تشوفيه
رتاج : اا غدوا مشغولة 😅
خطيبها : وانتي امتى مش مشغولة😑
رتاج : نسألك سؤال
خطيبها : شنو
رتاج : تحبني !؟
خطيبها : هههه شن السؤال الغريب هدا...اكيد
رتاج : متأكد من مشاعرك 😢
خطيبها : لو مش متأكد ماكنتش ندير خطوة كبيرة ونجي نخطبك
رتاج : به تعالى انت واماليك بش نحددو موعد العرس
خطيبها : مم مش قلتي مزال
رتاج : غيرت رأيي نبي نتجوزو بسرعة
خطيبها : خلاص اني اليوم نهدرز مع العيلة انشالله تمام
رتاج : تمام
خطيبها : نحبك ❤
رتاج : حتى اني😢
سكرت منه وقعدت تبكي زي المجنونة :😭😭ااه ياربي اااه 😭😭😭اااه
°
•
°
•
°
•
الدكتورة : اهلين مدام نجلاء تفضلي
ماما : يزيد فضلك
الدكتورة ابتسمتلي : انتي ليال😊
اني ابتسمت : ههه اي
الدكتورة : قتلي منى ان عندك بنت حلوا لكن مانحسابش لهدرجة
ماما : هههه سلمك عيونك الحلوات 💕
الدكتورة : سبحان الله ياليال ربي يعطي حاجة وياخد حاجة....قصدي ماتزعليش لو ماجبتيش صغار لان ربي ممكن يكون واخد منك النعمة هده لكن اهو مشالله عاطيك جمال تتمناه كل بنت وصدقيني في رجالة مايدوروش في الشي هدا المهم وحدة حلوا ومحترمة....وانشالله ربي يقوي نصيبك
ماما : انشالله ربي يقوي نصيب كل بنية...هي مخطوبة للعلم ههههه
الدكتورة : والله...هههه ماتوقعتش الحق حسيتها صغيرونه
ماما : هو هداكا الجيل هدا كلهم يتجوزو صغار شن بديري هي
الدكتورة : تو ليال بنوصفلك حالتك بالزبط وطبعا انتي مش اول حالة تجيني بالشكل هدا...وطبعا العملية مش اني ندير فيها في دكتورة اسمها #### مصرية هي وتعالج ف مصر
اني : اها
الدكتورة : اول شي بنفهمك ان العملية هده مايتمش اجرائها عليك الا لما تكوني مرا مش بنت و مانأكدلكش ضمان انك حتحملي بعد العملية ونسبة نجاح العملية اصلا مش نسبة كبيرة لكن في اللي داروها قبلك ونجحت وتوا بفضل ربي بصغارهم وفي اللي....وسكتت
اني هزيت براسي بمعنى كملي
الدكتورة : في اللي بعد ماخشو للعمليات الجراحية رحمهم تورم واستأصلوه الرحم وماربحو شي ولا خسرو شي وفي اللي جاهم ورم بسبب العملية وخسرو....!
خسرو حياتهم 😔 وانتي ليك حرية الاختيار
ماما تشبحلي بأسف
.......
ماما : شن رايك في كلام الدكتورة
اني : والله مانندري 😔
ماما تنهدت : يخوف الموضوع.... ماتخاطريش بنيتي حياتك وصحتك قبل كل شي
اني : بنفوته الموضوع وخلاص ماخشش لراسي
ماما : اي فوتيه فوتيه
~~
~~
~~٠
ترررتررن 📱
اني : الو
سراج : ممكن هده عاشر مكالمة لو تندري
اني تكلمت بعفوية : ماهو كنت ف العيادة وجنيي ماما ماقدرتش نرد
سراج : عيادة شني😕
ضربت راسيي بإيدي " ووك شن نقول اني🤦♀️"
سراج : الو
اني : اا ماما صاحبتها تخدم ف العيادة ومش عارف شن تبيها مشي مشتلها وقتلي سايريني بس😅
سراج : اها المهم مش مرض ولا حاجة
اني : لالا
سراج : ف حوش جدك انتي توا
اني : لالا روحت للحوش عندي قراية...وانت وين
سراج : مقعمز اني واياد ف المعرض
اني : شني مزال م خطبش صاحبك هههه
سراج : لالا فايتها المواضيع هده
اني : ههههه غريبة...عنده خوات هو
سراج : لا ولد واحد وامه تنق عليه مسكينة لكن فايتها😂
اني : يبي وحدة هو ولا مافي شي بكل
سراج : لالا يتصيع من وحدة لوحدة وخلاص هده حياته ههههه
اني : ههههه جو...فوت صحبته خير 😒
سراج ضحك : علاش😂
اني : بش مايصيعكش معاه
سراج : تو ليا سنين نعرفه بيأتر عليا ف اليومين هادو
اني : قصدك طول السنين ماأترش عليك بكل
سراج : شن تشوفي فيا انتي
اني ضحكت : توا مشالله عليك لكن زمان الله اعلم
سراج: اي انتي ماتعرفيش تقولي كلمة طيبة بكل😑
اني :ههههه باهي ياودي مشالله عليك من زمان
°
•
°
•
°
•
سامي : خيرك 😮
علا : صنتك مش حلوا🤢 بنرجع
سامي : تو مش قبل تحبيها الريحة هادي😑
علا : يععععع برا من جنبي برا
سامي : زمري 😒
علا : برا افيييي صنتك
سامي : تي باهي النم فهمنا
علا 🤢🤢
سامي : مش قلتي مرت خوك ماشيا للمستشفى اليوم....كلميها عيب
علا : اي صح مدلي التلفون حبيبي خلي نكلمها نسأل عليها
سامي قرب بيعطيها التلفون
علا : ووو برا برا مشنا صنتك
سامي رده ف مكانه : نوضي خودي جد امه بروحك مفضاني حتى اني 😑...ونقولك حاجة هدا اول واخر عييل معاش تحملي تاني وراس امك😡
علا : قول لروحك شن تقولي اني 😂😂😂
~~
~~
~~
عمر : واتية
داليا : اي هاك عموري ارفعلي ساكو البيبي
عمر : هاتي هي
داليا : هاك
عمر : نستنى فيك في السيارة
داليا : باهي حبيبي نلبس وشاحي بس
طلع عمر م الدار لقي امه ف الصالة
فريال : بترفع داليا
عمر : اي
فريال ناضت خشتلها ف الدار : اليوم موعدك
داليا : غدوا انشالله لكن بنرقد من اليوم
فريال تنهدت : ربي ينوضك بالسلامة بنيتي
داليا ابتسمتلها : انشالله
فريال : عمر مضايق عليك بالله عليك ماتعبيشي وكولي كويس راك ضاعفة هلبا
داليا : والله يامرت عمي ماتجيني النية ف الماكلة بكل🙁
فريال : لا اضغطي علي روحك بنيتي انتي فيك روح تانية هده امانة لاقظر الله يجي فيه علة تقعدو تعانو
داليا : انشالله خير
فريال : بالك نلحقك اني وعمك العشية ولا غدوا
داليا : انشالله....هي سلامات 💔
فريال : بالسلامة زينة
طلعت داليا وصلت ف نص الجنان وتلفتت للحوش شبحتله بأسف..!!
" هل يا ترى بنرجعله هالحوش وفي ايدي حفيدتهم 💓 ولا يرجع البيبي واني نقعد ذكرى وكل مايذكرو اسمي يلحقوه ب الله يرحمها ؟
هل يا ترى حنعيش ونربي بنتي ونكبرها...ولا تجي هي ونمشي اني 😢...حنشوفها ؟ حنسمع صوتها ؟ ولا ف الوقت هدا نكون اني رحلت 😔
يااارب كون معاي "
عمر : حبيبتي
داليا تلفتتله والدموع مغطية عيونها
عمر قرب وحطلها راسها علي صدره : ربي يحفظك ليا ويطولي ف عمرك....من غيرك انتي ننتهي اني والله ننتهي 💔
داليا لافة ايديها عليه و تبكي وتشهق
عمر : اششش خلاص وراس عيوني خلاص 💔
داليا : خخ خايفة عمر 😢
عمر يمسد ع ضهرها وتنهد : اللي كاتبة ربي بيصير...ماتخلينيش نقعد مشغول وانتي ف العملية خليك متفائلة ياعمري❤
داليا تنهدت : انشالله خير
عمر بعد عليها شوية وشبحلها وضحك : تو احني نحترمو نفسنا ونمشو....خير ما يطبس احمد ويشوفنا 😅
داليا ضحكت
......
تررررن ترررن 📱
داليا : الو
علا : اهلي داليا شن الاخبار
داليا : تمام الحمد لله شن جوك انتي وكيف حال راجلك
علا : كويس الحمد لله شن جو عمر والعيلة
داليا : مابيهمش الحمد لله
علا : مشيتي ولا مزال
داليا : اي ف الطريق اهو
علا : ياروحي 🙁...ربي ينوضك بالسلامة 💔
داليا : انشالله حبيبتي وحتى انتي انشالله تجيبي وتنوضي بالسلامة
°
•
°
•
°
•
سراج راقد في حوشه شوية وناض ع صوت الباب ي طق فتح لقاها سندس
سراج دوب ما فاتح عيونه ويحك ف راسه : سندس شجو 😪
سندس شبحتله من فوق لتحت : اهلين سراج شن جوك
سراج : تمام
سندس : اا سراج ماريا تبي شمالات البنت م الصبح مابدلتلهاش وخوك نتصل بيه فايتني ولا عاودلي لاعبرني بكل
سراج : تو نمشي نجيبلها هي
سندس : سامحني والله الا قايبة وماوقت طلوع لكن....
سراج قص ع كلامها : تي لا شن قايلة امتى ماتحتاجي حاجة كلميني عادي
سندس : صحيت بارك الله فيك
سراج : اا شوية نغير حوايجي ونمشي ....قعدت سندس واقفة تشبح وسراج تحشم يسكر الباب في وجهها....خش وخلا الباب مردود ع اساس هي بتركب لحوشها....لكن لحقاته وخشتله في الدار : ونبي سامحني علي تعبك ياسراج
سراج : تعب شني خيرك ياسندس شن الكلام اللي تقولي فيه
سندس خشت اتكت ع الباب : والله ياسراج خوك معاد عرفت كيف نتفاهم معاه 😢 تعبني وديما مطلعني اني الغالطة 😢 تو نعقولة من لبارح لتوا مايندريش علينا شن صاير فينا اني والبنت ولا يقول ف الحوش بروحهم ولا يقول بالك خايفين
سراج : لا ماهو عارفني اني ف الحوش ومانخليكمش وهو غر عنده ضرف وانتي عارفتيه كانهدا مايخليكش
سندس قعمزت ع السرير وقعدت تبكي : مهما يكون😭 مايجيش الاهمال هدا اني مش جايبني م الشارع 😭 زي ماهي مرته حتى اني مرته وليا حقوق عليه
سراج ف خاطره " عليييك نفخ وف عز القايلة😵"
سراج : عادي عادي كبري عقلك وتعالي خير منه وربي بنتك 😑
سندس : والله هدا اللي شادني اني كان مش من ماريا راني مطلقة والله مطلقة
سراج : لا حول ولا قوة الا بالله 🙄
°
•
°
•
°
•
رنا : مش متحملة روحي تعرفي كان نتعارك خمسة مرات اني ومحمد شوية 😤
بلسم : تي عادي وحمك واعر شوية....حتى اني لما حنلت بهداية هكي...معناها جاياتك بنت انشالله😂
رنا : زعما
بلسم : اشبح...والراجل مادريهلاش هلبا بيتحملك بيتحملم وبينفجر فيك ره 😑
رنا : لالا والله مسكين مايقول ف كلمة وع قد ماتنتناقرو وطبعا ديما اني الغالطة ويجي يعتدر ويقولي معليشي ومقدرك وحمل وهكي
بلسم : ايييي كان سعيد....تي وراس امي راهو مطلقني😒
رنا : لا راجلك بروووحه 😪
بلسم : اسمعي كلمتي مرت خوك
رنا: كلمتها الصبح قبل ماتمشي....ياناري نفسيتها زي الزفت 😔
بلسم : تي ورم راهو مش حاجة ساهلة....وباين علي وجهها التعب هلبا تعرفي ف عرس صغار عمك كلهم لاحضوها
رنا : تي اي واضح....انشالله غر تنوض مابيهاش
بلسم : نحس فيها بتنتكس بعد العملية
رنا : غر معش تفاولي مركك😒
بلسم : قتلك احساسي بس..
رنا : حقااا حلمت حلمة غريبة 😶
بلسم : شن هي😮
~~
~~
~~
🌒
#المستشفى🏥
الدكتور : داليا انتي عارفة شن التوقعات اللي متوقعينها بعد العملية صح ولا
داليا هزت راسها بمعنى اي
الدكتور : اهم شي ياداليا النفسية...نفيستك لازم تكون مرتفعة ولازم تكوني متفائلة...الحزن اللي ف وجهك هدا يأتر عليك وعلي صحة الجنين
داليا هزت راسها بمعنى باهي
الدكتور : ماتخفيش كلها كلها عملية ولادة زيك زي اي مرا....الحاجة الوحيدة اللي مخوفتنا ان جسمك مايتحملش مدة العملية لان الخلايا السرطانية....
عمر قص ع كلامه : دكتور الكلام هدا مش وقته توا😒...انت قاعد تقوللها تفائلي وماتخافيش والكلام اللي تقول فيه حيزيدها
الدكتور تنهد : حبيت نبينلها حالتها بس
داليا شبحت لعمر : اني عارفة كل شي وكلامه مش حيأتر فيا لان مش اول مرة نسمعه ياعمر 💔
عمر شبحلها والاسى ف عيونه
قعدت داليا الليلة هده في المستشفى وع اساس يستنو يجيها الوجع بش يولدوها
°
•
°
•
°
•
ايناس : وصلت ؟
اختها : اي اهي خاشة
ايناس : روروروروري
مناسك : مثرة زت مثرة زت 😀
مسرة : نسوكااا حبيبتي استاحشتك
غزل السلام عليكم 🙂
الكل اهلي تفضلو تفضلو
اني : اهلا اهلا نورتي😌
مسرة تضحك : سلمك النور نورك
خالتها : مشالله زي فلقة القمر طالعة عليك الصدرة تهبل💓
مسرة : ووه نو اعطوني حاجة نمروح بيها😥
اني : وين مروحتك😶
مسرة : نسيتها ف الحوش تصدقي😑
عمت وليد : واني كل دقيقة نفكر فيك فيها ونسيتيها نسيتيها
مسرة : هههه ماهو وليد قبضني هيا هيا طلعت وخلاص
ايناس : خيرة ماجتش بنيتك
عمت وليد : عندها شيبانيها اليوم الفرق متعه ياناري
ايناس : اها سلامت روسكم
مسرة : شجو مريم شن اخبارك
مريم : تمام سرو شن جوك انتي
مسرة : وين فريال مرت عمي ؟
مريم : والله الا حطوني ومشو لداليا سلفتي رقدت اليوم
مسرة : اليوم بتجيب
مريم : هي موعدها غدوا ع اساس
مسرة : ياناري🙁 ربي ينوضها بالسلامة
مريم : انشالله😔
°
•
°
•
°
•
🌆
.........🕌حي على الصلاة🕌........
............🕌حي على الصلاة🕌...........
.........حي على الفلاح🕌.......
............🕌حي على الفلاح🕌...........
.........الصلاة خير من النوم🕌.....
.......... 🕌الصلاة خير من النوم🕌....
🌙الله اكبر الله اكبر🌙
🌙الا اله الا الله🌙
داليا : ااااااه اممممممم ياربييييييي 😣اااااه اااااه
فريال : ششني خير ياعمر ياعمر نوض للدكتور نوض
عمر فاق مخلوع : شن في😮
فريال : تي نوووض نادي الدكتور
داليا : اااااااام امممممممم😣اااااااه
مشي عمر نادى الدكتور ورجع بسرعة : اهو جاي
فريال : هي اهو جاي بنيتي
داليا : بنمووووووووت امممممممم
عمر نسي امه وجي جنبها وشدلها ايدها : بعيد السو عليك م الموت
فريال طلعت وقفت برا تستنى ف الدكاترة
داليا: عمممممر😣
عمر : ياقلب عمر انتي 💔
داليا عاصره ع ايده : اممممممممممم
عمر باسلها ايدها وتنهد
داليا تبكي وتآوه : ادعييييلي ياعمر 😭
عمر : ربي ينوضك بالسلامة
جو الدكاترة حطوها ف الباريلا بعد ماوتو غرفة العمليات ورافعينها للغرفة وعمر واقف يشبحلها
وهي تعيط وف عز وجعها والامها....اول ماتحركو بالباريلا شبحت لعمر وعيونها مليانات حزن ونضراتها كلهم شكوى ويستنجدو بنضرات عيونه 💔
~~
~~
~~
☀️⛅
#بعد_مرور_ساعة 🕛
عمر : اهو الدكتورة طلعت
فريال : طمنينا يابنتي😦
الدكتورة : قعدة تحت العملية مانقدر نقوللكم شي
عمر تهد : اااخ 😪
ترررن ترررن 📱
عمر : الو
سراج : ايوا شن صار معاكم
عمر : قاعدة تحت العملية
سراج : انشالله خير
عمر تنهد : انشالله
سراج : ماتفكرش هلبا وماتوترش روحك لحضات وتفوت....وتنوض مافيها شي
عمر : انشالله يارب
سراج : بالك ندير علكم دورا بعدين شوية
عمر : وين انت ف حوشك
سراج : اي
عمر : خلاص كان جيت جيب معاك ماريا
سراج : تمام تمام
~~
~~
~~
سندس : نتصل بيه مايدش عليا هالحقير 😐
اختها : هه 😏 مش قلتي اليوم موعد مرته ولا ايش مارد عليك بالله
سندس : وشني كان موعدها يفوتني اني بالطويل وكان بنته تمرض ولا يصيرلها حاجة
اختها : تي فوتيه فوتيه مادوريشي ونبي....قداش ماحظك زفت هكي ربي طيحك فيه هو زي الشيطان ياريته جي خوه سراج 😏
سندس : ااخ ياريت سراج بالله 💔
طقطقطق 🚪
سندس : الباب يطق شكله هو الخرا 😑
.....
سندس : ااهلين سراج
سراج : اهلا سندس شجو
سندس : تمام شن جوك انت
ماريا : عمووووو 😀
سراج طبس وقامها : ميرووو😘 صباح الخير
ماريا : ثباح النول
سراج : هي نمشو
ماريا : وين😕
سراج : سر سر😉
سندس واقفة وتشبح لسراج " حق والله !! كان هوا راجلي راني مرتاح وعايشة مدلعة....رجولة وشخصية ووسامة انسان كامل❤ اااه علي حظي "
سراج : هي سندس لبسيها خنرفعها
سندس ضحكت : تبوش تقولولي وين ماشيين😜
ماريا : ثر 🙊
سندس وسراج 😂😂
سندس : قعمز سراج اهو تو نلبسها ووتجي
سراج : اهو نستنى فيها ف السيارة
سندس : لا والله ماك طالع لين تشرب قهوة
سراج ضحك : لا من غير ماتحلفي جت ف وقتها😂
سندس : ههههه
خشت تبدل لماريا وقعد سراج مقعمز في الصالون....
ترررن ترررن 📱
سندس طبست م الدار : تلفوني؟
سراج : لالا تلفوني اني
سندس ضحكت نفس الرنة...وخشت للدار وقعدت كاسرة ودنها مع سراج
سراج بصوت هادي : صباح الورد
اني : صباح الفل...شن الجو
سراج : ميه ميه شن الاخبار
اني : كويسة...وين
سراج : والله في حوش عمر
اني : اها....علي سيرة عمر شن صار في مرته 💔
سراج : والله اهو مزال مافي شي واضح...كلمته الصبح جوه ابصر كيف
اني : يارووحي عليه...انشالله ربي يشبح فيها
سراج : انشالله...
ماريا : واتية واتية🙈
سراج ضحك لماريا: باهي هي شوية و نمشو ...ورجع كلمني شوية ونكلمك باهي
اني ضحكت: ماريا هده
سراج : هههه اي
اني : باهي هي نتكالمو بعدين حبيبي ❤
سراج : تمام
سندس واقفة تشبحلة وهو يتكلم
دارت سندس صفرة قهوة وحلويات وحطت الصفرة وقعمزت قدامه : تو بجديات ماتبوش تقولولي وين بتمشو
سراج مقعمز ماريا ف حجره : لالا سر
ماريا : اي ثر😌
سندس : باهي به
سراج يشرب ف قهوته ويتجاكر هو وماريا ويضحكو وسندس تشبحله وتحاول تفتح اي موضوع معاه بش اطول الهدرزة
ماريا : اني نحبك هلللللبا
سراج : تي اني نموووت فيك
سندس : مفروض ياميري ماتخليشي عمو يتجوز لان بيبدا يحب صغاره اكتر منك 😜
ماريا : حقا 🙁
سراج : تؤتؤ...انتي احلى وحدة ف الدنيا
ماريا : اثلا لونا تحبني 🙈
سراج : ههههه...هي نمشو هي
سندس : تجي تتغدا سراج بعدين
سراج : لالا صحيتي...حتى ماريا تو نغديها اني
سندس ضحكت : سلم عمها
°
•
°
•
°
•
الدكتور : ادفعي ادفعي بقووة 😷
داليا : اممممممممممه😖 ااااه اممممم
الدكتور : ساعدينا بالله عليك ساعدينا
داليا : ااااااااااه ااااه 😣
الدكتورة تجبد ف البيبي : اهو راسه طلع زيدي ادفعي ياداليا
الدكتورة يمسح ف وجهه م العرق : المريضة ماعندهاش قوة بكل بنتعبو هلبا 😷
~~
~~
~~
رنا : عطلت العملية ☹
عمر مقعمز ع الكرسي وقاعد علي اعصابه ويهز ف رجله ويحك ف ايديه ع بعض : اي عطلت هلبا
سراج : السلام عليكم
ماريا : بااااابي 😀
عمر ابتسملها وخلاص وحتى الابتسامة طالعة بالسيف .....كان التوتر اللي داخلة طاغي علي جميع المشاعر....ماعنداش خلوق يساير حد ولا يكلم حد ولا قادر حتى يتكلم
ماريا : خيره بابا زعلان
رنا : ماهو بيجيكم بيبي وبابا خايف علي داليا
ماريا : خيرها داليا🙁
رنا : داليا مريضونة تو شوية ويطلعوها ويطلعو البيبي معاها 😄
فريال : تعالي بنتي قعمزي جنبي هي
سكتو كلهم ومقعمزين علي اعصابهم وماريا تتفرج عليهم وتشبح لملامحهم بالواحد وبعدين تكلمت بعفوية : بتموت داليا؟؟
فريال : اسسس شن الكلام اللي تقولي فيه خيرك😡
سراج: تي عيلة شن تعرف خيرك يام
عمر ناض طلع برا وقعمز قدام العيادة وناقص غير البكي مابكاش 💔
" ياااارب اشبح فيها وفيا يااااارب.... مانقدش من غيرها ياربي....ياربي منقدرش نكمل وهي مش معاي مانقدرش نعيش ما نقدرش نتنفس من غيرها يالله كون معاها 💔"
.......
علا : اهوني عمر مقعمز
سامي : شكله مضايق
علا : اي 😔
سامي : هي نركبو طول مش لازم تكلميه
علا : باهي هي
°
•
°
•
°
•
بلسم : نوووضي ضمي
هداية اهو نضم 😑
بلسم : جيبولي التلفون خلي نكلم خالكم
محمد : هاك
بلسم خداته اتصلت ب عمر ماردش اتصلت بأمها
فريال : ايوا
بلسم : ها يام شن صار مع داليا
فريال : والله يابنيتي قاعدين نستنو
بلسم : وووك كل مانكلمكم تقولولي نستنو خيرها معاش طلعت
فريال : اشبح...انشالله خير
بلسم : كلموني طمنوني
فريال : تمام
~~
~~
~~
جو مريم واحمد وع عبدالله وجت خالت داليا حتى هي والكل ع اعصابهم ومتوترين وكل مايطلع حد يقوللهم مافي شي واضح
وفاتت دقيقة ورا دقيقة ورا دقيقة وكل دقيقة تفوت علي عمر ساعة....كل دقيقة يخش ف قلبه الف موس ويتقطع يالعرق....اول مرة يعرف مرارة الانتضار وقلت الصبر....يتعدب في كل 60 ثانية🕢 تفوت ويعد فيهم بالثانية وشي الوقت ماباش يكمل وماجاش عليها خبر 💔
.....
فريال شادة ماريا ف حجرها : ادعيلها بنيتي ادعليها
ع عبدالله يشبح لولده عمر ومتأسف عليه...خاطره يواسيه ويخفف عليه...بس عارف ان ماشي حيأتر
سراج واحمد واقفين وكل مايطلع دكتور يمشوله يجرو ومايجوش بفايدة
البنات مقعمزين جنب بعض ومتوترين
عمر...!💔
عمر مرة واقف مرة مقعمز ومرة يدور ف الممر ويوقف يقيم ف راسه و يطقطق ف رقبته ايمين وايسار وواضح عليه التوتر...
وف عز توترهم كلهم....طلع الدكتور اللي يديرلها ف العمليه ومن غير مايحس علي روحه ومن غير شعور لقي روحه يجري زي المجنون للدكتور والنضرات كلها عليه وعلي الدكتور
عمر : طمني دكتور بالله عليك طمنني😰
الدكتور :......
🌷يتبع🌷
الحلقة فيها احداث
+درت فيها جهدي بش تعجبكم وطولتها بقدر الامكان
800 كومنت = حلقة جديدة غدوا ف نفس الموعد 🙃
.
.
#__timOo__💢
