#__وتين__🍃
🌷الحلقة 95🌷
طلع الدكتور اللي يديرلها ف العمليه ومن غير مايحس علي روحه ومن غير شعور لقي روحه يجري زي المجنون للدكتور والنضرات كلها عليه وعلي الدكتور
عمر : طمني دكتور بالله عليك طمنني😰
جو الاولاد وع عبدالله وقفو جنب الدكتور ومتوترين
الدكتور : مبروك الطفلة حالتها كويسة والحمد لله و.....
عمر قص ع كلامه : خليني منها البنت...الام شن خالتها دكتور😦
الدكتور تنهد : انت انسان مؤمن بقضاء الله وقدره...و...والاعمار بيد الله 😔....البقية ف حياتكم
عمر : ك كيف ....!
......
طلعت الممرضة بالباريلا وكانت داليا فوق الباريلا وفوقها شرشاف ابيض....مغطي يديها ووجسمها ووجهها....
يشبح عمر للباريلا ويتبع فيها بعيونه وتجمد في مكان واحد...
ولا حركة ولا كلمة ولا دمعة ولا اي ردت فعل....يشبح وخلاص كأن الروح طلعت منه💔...كأنه جسد بس من غير روح....كانو الكل جنبه يتعايطو ويحضنو ف بعض وهو...
هو مايشوف ف حد مايشوف ف شي الدنيا سودة قدامه...مايشوفش غير ف الباريلا اللي رافعينها قدام عيونه
.....
مشي بكل هدوء وسكينة لحق الممرضى وخش معاها وخلاها تطلع وسكر الباب ومشي وقف علي راسها وحول الشرشاف من ع وجهها وأول ماشافها نزلت دمعة حاارة ع خده...حط ايده ع خدها البارد : داليا...داليا 💔....حبيبي فيقي داليا...وانهار بالبكي وهو يكرر ف اسمها وينادي فيها وهومتأكد وواثق انها مش حترد 💔 مش حتتكلم....مش حيسمع صوتها تاني....خلاص فص ملح وداب
عمر والدموع مغطيا وجهه ويشهق بالبكي : مشيتي.....مشيتي ياغاليا.....مشيتي يانبض قلبي 💔....مشيتي وخليتيني بروحي.....شن فايدتها الدنيا من غيرك....شن فايدت العيشة وانتي مش معاي شنوووووووووو......مش تقوليلي مش حنخليك ....مش قلتيلي بنربو بنتنا مش وعدتيني 😭 علاش خلفتي وعدك علاااااااش"
وحق ال بينك وبيني💍
وحق ال بينك وبينك 🖤
وحق عيني وانت عيني👨👩👧
وحق اللي خلق عينك👆
أبد مانسااااك...أبد مانسااااك 💔
لو تنسى هالشمس تطلع ☀️
لو ينسى هالبرق يلمع ⛈
لو ينسى هالقلب يهمس 💓
أبد مانسااااك...أبد مانسااااك 💔
ولوين تروح يامسافر ولا تدري على بعدك امين الروح🎵
لوين تروح خلينا نعيش الدنيا نرسم ع العمر حبنا لوين تروح 🎵
°
•
°
•
°
•
《يا أيها النفس المطمئنة ارجعي الى ربك راضية مرضيه فادخلي في عبادي وادخلي جنتي》
بابا : عظم الله اجركم
عمر : شكر الله سعيكم
نادر : البقية ف حياتك😔
عمر : ف حياتك الباقية
محمد : خالو عمر تبيك اميمة
عمر : شن تبي
محمد : مش عارف
عمر مشالها : نعم يام
فريال : ماتبيش تشوف بنتك
عمر تنهد : شوية تاني ونجي
وكيف بيمشي فريال شداته من ايده وحضناته : ربي يصبرك ياوليدي ربي يصبرك😭...هي اني اللي قعدت معاي شهور بنهبل يابال انت
عمر تنهد وقعد يطبطب عليها ومانزلتش منه دمعه....مش لانه مايبيش يبكي ولا يكابر لا لان دموعه نشفو ع قد مابكي لما شافها ف المستشفى...من هديكا معاش نزلتله دمعه...💔
.......
ع سعاد : ياروحي علي بنيتها ياروحي
سندس : الله يرحمها 😑
ع سعاد: حطيها ف عيونك البنية وردي بالك منها
سندس : اا اي اكيد😏
ماما : السلام عليكم
ع سعاد: وعليكم السلام اهلين نجلاء تفضلي تفضلي
ماما : يزيد فضلك سعيدة البقية ف حياتكم ربي يتقبلها برحمته
ع سعاد: في حياتك الباقية تعيشي وترحمي
سندس تشبح لماما
.......
رنا : مامااا
فريال : نعم
رنا : جت نجلاء
فريال : نجلاء😕
رنا : اي
طلعت فريال وخشمها ف السمي مدت روس صوابعها : اهلن
ماما من غير ماتوقف من كرسيها : سلامت روسكم 😒
فريال : سلمك
