#__وتين__🍃
🌷الحلقة 14🌷
تررررن ترررن📱
مسرة : الوو
مسرة : شنوووو 😦😯 علاااش
ايناس: هكي تعاركت اني وبوك
مسرة: علاش تعاركتو
ايناس: علي خاطر اللفعة هديكا انشالله ربي ياخدها ونفتك منها مرض
مسرة: السوسة هده والله لما نوريها نجوم الظهر
~~
سندس : صباح الخير
الكل : صباح النور
فريال مرت عمي : صباح الورد وينه عمر
سندس: عمر كيف ناض شوية وينزل
علا: سن جوه معاك
سندس: عاد قعدين في البداية كله دلع
اسماء: لا عمر ماعندك ماتقولي فيه عسسل
سندس: واني ماقلت شي
غادة: امتا مسافرين
سندس: الفجر انشالله
بلسم : ردي بالك علي خوي ماتزعليشي 😌
هداية : وين بتسافرو خالتي سندس
سندس: لبريطانيا
هداية: خالي عمر ديما يمشي لبريطانيا
بلسم : ماهو خدمته غادي
°
•
°
•
°
بابا: وين انت
نادر: في القهوة مع احمد
بابا: اني عندي خدمة بنقعد يومين بايت برا ماتخليش خواتك بروحهم
نادر : اني غدوا ماشي للبحر كان هدا تقعد لونا مع امي وايناس في حوش بوها
بابا: فوت امه البحر وتعالى اقعد مع خواتك ماتحرقليش دمي 😠
نادر: باهي به😑
بابا: وقبل ماتروح للحوش اخطم علي اختك ليال روح بيها من حوش صاحبتها
احمد : خيره بوك صوته يعيط
نادر: وبوي امتا مايعيطش
احمد : 😂😂
°
•
°
•
°
تسنيم : وتوا بتخشي للطب ولا
اني: كان نقبلت
رتاج: ولو لقدرالله لقدرالله ماقبلوكش شن بتخشي
اني : اممم ممكن اسنان وممكن هندسة المهم مش اقتصاد
رتاج : مصح وجهها تبيك تخشي ع مزاجها
تسنيم : غر خلينا في موضوع العرس......سراج شن شن لابس يوم الدخول
اني: عرس خوه مش عرسه ره😒
تسنيم: اي يابهيمة عرس خوه اكيد لابس ومتكم
رتاج : هو جسمه يهببل صراحة
تسنيم : جسمه بس تي كله يهبل
اني: ياحمارة ماهو قتلك مشينا للمستشفى وصارت قصة رنا....هو لابس لبسة عادية ويخي جبتله اني تيشيرت
تسنيم: ومش لابس شي لما طلع من داره
اني : سروال بس
تسنيم: يحلييييييلي 🙈💕
رتاج : يعني تفرجتي علي جسمه لين شبعتي
اني: مصح وجهك اقسم بالله كنت خاشة ف بعضي ومتوترة ونحساب البنت ماتت وانتي تقوليلي جسمه😒
تسنيم: ياريتني مكانك يالولو
اني : كانك مكاني راك كليتي تكشيخ لين شبعتي
تسنيم : كشخ عليك 🙈😂 سلمه ياربي
اني : ااااه ربي يشفي😑
رتاج : به حلوا العروسة
اني : عمر احلى
تسنيم : عاد هم ولاد عمامك طروف
اني : وقت خلي نتصل بنادر يجيني
تسنيم : مبردك اقعدي وقت علي شني
اني : بنبدا نقرا وقت عليا
رتاج : اي صح
اني: ايوا نادر
نادر : ايوا
اني : امتا بتجي تروح بيا
نادر: اهو جايك توا
اني : مش عند رتاج ره ....عند تسنيم
نادر : اها به
اني : جايني بروحك ولا معاك حد
نادر : معاي قيس ولد عمتي هو بيوصلنا للحوش
اني : قصدي مسرة معاك
نادر : لالا
اني : به لما توصل كلمني
~~
قيس يسوق : تي وين حوش صاحبت اختك هدا
نادر : تي اهو وصلنا خيرك مستعجل علي شني
قيس : نبي نرقد من الصبح واني نخدم
نادر : الو هي انزلي
اني : هي
تسنيم : جاك
اني : تصبحي علي خير
تسنيم : باي
~~
كيف بنركب في السيارة
تسنيم واقفة في روشن دارها : بس بس
اني : شبحتلها
تسنيم : نسيتي سماعاتك
اني : احدفيهم
تسنيم : اصبري ؛ وحدفتهملي علقو في الحيط
اني : وووه بيتقطعو
تسنيم : حي معاش نلحقهم
قيس فتح الباب ونزل : اركبي في السيارة تو نجيبهملك وبما انه طويل جابهم بسهوله وبعدين قام عيونه وشبح لتسنيم لكن هي ماكانتش مركزة لانها تكلم فيا وبعدين قعدت تسكر في روشن دارها وهو يشبحلها
~~
نادر : اختك مسرة قاعدة في حوش عمي
اني: اي ممكن
قيس : تقرا معاك هده ليال
اني : اي
نادر : بوك بايت برا اليوم
اني : اي نندري ماسك
نادر : اي
اني : تبو سينابون
قيس : كان العزي بالطلبة
نادر : والله حق
اني : هههههه هاكم
قيس : من دايره
اني : تسنيم
قيس: هده اللي حدفتلك السماعة
اني : اي
نادر : مانحباش السينابون
قيس : لكن هدا شكله مليح
اني : اي تطيبها حلو
قيس : هي كلها حلوا مش تطيبها بس
نادر : ياعيني ياعيني 😂
اني : 😂😂 حسيتك من بكري تسأل عليها
قيس : 😂
°
•
°
•
°
مسرة : به قولي لخالي حسام يجي يرفعني بيا لحوش جدي
ايناس : وبتخلي الحوش لهديكا المسخة وخوها ياحمارة
مسرة : اففف باهي من بيروح بيا
ايناس: غدوا الصبح قولي لنادر يجيك
مسرة : به
فريال مرت عمي: من اللي بيرفعك لحوش جدك
مسرة : قبل نبي خالي يجيني لكن ماصارش
فريال مرت عمي: قلقتي من حوشنا
مسرة : هههه لا والله ماصارت ياعميمة
احمد : وين سراج
علا : سراج ماسك الليلة
مسرة : ماسك😮
علا : اي
مسرة بالشوية :😑😔 عليك حظ
~~
رنا : شن تبي
مؤيد : نبيك
رنا : الشي اللي تبيه مستحيل يصير
مؤيد : لعلمك اني صبرت عليك هلبا ولو طيرتيهالي بنقول لخوتك
رنا : في حياتي ماشفت زي حقارتك
مؤيد : اها وانتي لما بعتيلي صورك مش حقارة هده😒
رنا : خليني في حالي ماتفهمش😢
مؤيد : تمام تمام تو تشوفي شن ندير ؛ وسكر الخط
رنا : شن بدير الوووو الووو😠
علا : صوتك عالي ياحيوااانه
رنا : تعبت اني تعبت وملييييت 😭
علا : مش وقته الكلام هدا مسرة عندنا
°
•
°
•
°
احمد : استاحشتك
مريم : حتى اني
احمد : والله اني اكتر
مريم : وين انت
احمد : في القهوة
مريم : امممم
احمد : حبي💕
مريم : عيوني🙈
احمد : اني توا ماشي بنشري مفروم للقهوة من الجزار اللي جنبكم
مريم : اي به
احمد : لما نخطم جنب عمارتكم طبسي نشوفك
مريم : حي😓 لالا منظري اخي
احمد : مريييم فكينا من الجو
مريم : والله منظري مش حلو فوت الموضوع
احمد : لالا عاجبني منظرك كيف ماانتي
مريم : ههههه 🙈
احمد : نجيلي اللي يضحك
مريم : به خلي غدوا
احمد : توا اني قدام العمارة طبسي هي
مريم : جدياااات 🙊😮
احمد : تي اي هي طبسي
مريم : اففف ياحمد
احمد : ماتعطلينيش هيا
مريم ساوت شعرها بسرعة وطلعت من البلكونة : وينك
احمد يتفرج عليها ومبتسم : دوري تو تلقيني
مريم ادور : وينك الدنيا معبيا سيارات
احمد : هههههه اني في الجيهة اللي ماشبحتيلهاش بكل
مريم تلفتت وضحكت : ههههه مبردك خليتني ندور زي المهبولة
احمد : نموت ف هبالك اني
مريم : خلاص شفتني هي باي
احمد : لا ماتخشيش
مريم : بنقعد في الروشن
احمد : اي نبي نتفرج عليك
مريم : والمفروم والقهوة
احمد : فوتيهم
مريم : مجنون انت
احمد : مريم💓
مريم : همممم 🙈
احمد : نحبك
مريم : ههههه حتى اني نحبك
احمد : مش اكتر مني
مريم : ومن قالك مش اكتر منك
احمد : نعرف....شوفي كيف ملهوف عليك زي المجنون
وانتي مش معدلة
مريم : كيف مش معدلة
احمد : شوفي روحك تو تعرفي
جميلة مرت عمي: مرييييم
مريم : حبيبي ماما تنادي باي
احمد : باي
مريم : نحببببك اني اكتر
احمد : هههههه واني نموت فيك
~~
•~
نادر : شرشبيل شكلها مهناش
اني : 😂
نادر : تخايلي قاعدة وتسمع فيا
اني : تعرف اليوم نصبتها هي وبابا ونسمع فيها تكلم في خوها شكلها حرجت في حوش اماليها
نادر : قولي والله😀😂
اني : استغفرالله ماتتشمتش ياحمار
نادر : مش متشمت 😂
اني : 😒
نادر : قصدك في الحوش بروحنا الله محلاه الشعور
اني : تعرف جعانة بنموت
نادر : انشالله تموتي
اني : اجمعين
نادر : بري تكمينا صفرة عشي لونا
اني : هو هدا اقعد غر احرت عليا شورا مايخطرش عليك تجيب وجبه من برا
نادر : ترررك تبي حتى وجبه 😂
اني : تررررك تبيني انوض نديرلك صفرة😂
نادر حدفني بالمخدة: نوضي لنجي نكسرلك رقبتك😁
اني : خلي نبدل حوايجي قبل 😌
نادر : وراس امك بسرعة بنوت بالجوع
اني من داري: انشاااللله تموت
~~
~~
اقدار : وين انت
سراج : في الخدمة
اقدار : ماسك اليوم
سراج : اي
اقدار : شفت الصور
سراج : اي شفتهم
اقدار : امممم no comment 😁
سراج : هههههه حلوا حلوا
اقدار : لا من غير نية مانبيهاش
سراج : مش من غير نية لكن هدا طبعي
اقدار : باهي به
سراج : بنسألك
اقدار : نعم
سراج : في صورة طالعة معاك وحدة من هي
اقدار: شورك مركز هلبا😒
سراج : فضول بس
اقدار : اما صورة
سراج : في صورة معاك بنت مش باينة هلبا
اقدار : اها ليال بنت عمك اني درتلها قص لكن شوره بانت شوية
سراج : وكيف تبعتي صورة ومعاك بنت تانية
اقدار : اولا بنت عمك مش حد براني وتانيا درتلها قص
سراج : لكن تبان واضحة
اقدار : قصدي اني مانوزعش فيهم صوري وماعمري بعتت لغيرك
سراج : به تمام لكن مفروض صورة فيها حد تاني مش ضروري تبعتيها
اقدار : باهي به
~~
~~
مسرة : الو حبيبي شن الجو
مؤيد : اهلين حبي شن جوك
مسرة : تمام
رنا مقعمزة جنب مسرة وحاسة روحها اخي قدامها وكيف مؤيد يعامل في مسرة و يحبها وهيا اللي حباته وعطت فيه التقة شن دار فيها وتحس في روحها خاينة ودنيئة قدام مسرة
مؤيد : قاعدة في حوش عمك
مسرة: اي
مؤيد : بروحك توا ولا جنبك حد
مسرة : مقعمزة اني ورنا
مؤيد : اها بالله سلميلي عليها
مسرة : يسلم عليك مؤيد يارنا
رنا قلبها رعش وبلعت ريقها : ااسسلهمه
مؤيد : خلاص لما تروحي نهدرزو
مسرة : تمام
°
•
°
•
°
عمر: جهزتي كل شي حبيبتي
سندس : اي كله تمام
عمر : خلي ننزل نعطي لامي المفتاح
سندس: مفتاح شني
عمر : مفتاح الحوش
سندس : وعلاش تعطي فيه مفتاح الحوش
عمر : هكي يقعد عندهم نسخة ع الاحتياط
سندس: قصدي حد عنده نسخة من مفتاح حوشي اسمه حوشي يعني لخصوصياتي
عمر : خيرك تعقدي في الامور يقعد عند امي المفتاح لاي ظرف وبعدين هم ماعندهم مايديرو بيه علاش بيفتحوه الا كان اظطر الامر
سندس: اعتبرنا ساكنين بعيد مش فوق اماليك اكيد مش حتعطي المفتاح للجيران يخشو للحوش امتا مايبو
عمر علا صوته : تو زي الجيران زي اماليا
سندس: اماليك لكن هدا حوووشي اني حتى خواتي مانحبش يفتحو دولابي
عمر : باهي سكري الموضوع
سندس: بتعطيهولهم
عمر بصوت عالي: مانيش عاطيه لحد
سندس قربت منه : به حبيبي خيرك تعيط اني ماقصدي شي لكن...
عمر قص علي كلامها : خلاص بالله عليك فوتي الموضوع
سندس: به فته
عمر قرب وجهه من وجهها : مزال 5 ساعات علي وقت الطيارة
سندس: اي عارفة
عمر : شن نديرو فيهم ال5 ساعااات💓
سندس : مش عارفة..... نرقدو 😌
عمر : لالا فوتيه النوم
سندس : قولي انت شن نديرو
عمر قامها ومشي بيها للدار: تو نقولك😉
سندس بصوت عالي : ههههههههه
🔞🔞🔞🔞🔞
°
•
°
•
°
سراج : الو نادر شن الجو
نادر : تمام والله شن اخبارك انت سيرجوو
سراج : بخير الحمد لله .....عرفته بشير اللي يخدم معاي جاب الامانة اللي يبيها منه بوك وكلمته عمي قالي يجي نادر غدوا ياخدها منك
نادر : ايااا ياسراج والله سيارتي واقفة ومخلطة عليا كيف بنجي ناخدها
سراج : به خلاص لما بوك يروح يجي ياخدها
نادر : واااك تو بينفخمهلي لان مامشيتش جبتها...اسمع انت كان قدرت قول لاحمد يجي يجيبها تعرف بوي وطبعه
سراج : باهي تو نحاول نخطمها عليكم غدوا
نادر : تعمل معروف ياسيرجووو
سراج : هي تصبح علي خير
نادر : وانت من اهل الخير
°
•
°
•
°
⛅☀️
سامي : ليا ساعتين نستنى😠
علا : باهي سامي خيرك تعيط قريب نوصل
سامي : من بكري وانتي تقوليلي قريب نوصل
علا : 5دقايق بس
~~
سامي : حبي ليا 10 دقايق توا
علا ضرباته بالشوية ع كتفه : جيييت ☺
سامي : واخيرااا😑
علا : هكي يستقبلو الناس
سامي : غر قعمزي
علا : قعمزت
سامي: تعرفي كان جاية من بنغازي راهو وصلتي
علا: قعدت نستنى في رنا توتي في روحها ساعة وبعدين قعدت تعبي في بنزينة وقصة
سامي : اها ووينها هي توا
علا : مشت للجامعة
سامي : اي شن جوك انتي
علا : تمام جوي....شن جوك انت
سامي : ولا تمام بعد ماشفتك❤
علا : 🙈💕....معاش تتلاقى انت وسراج شكلك
سامي : لا نتلاقو علاش
علا : سألت بس حسيت الفترة هده مش هلبا مع بعض
سامي : هو واخداته الخدمة والقصص هده
علا : اممم
°
•
°
•
°
اني : يانااااادر افتح الباااب.....ناااادر اففف وينه هدا
نادر : في الحمااااام
اني : باهي تو نفتح اني.....مني
سراج : اني
اني فتحتله :....
🌷يتبع🌷
.
.
#__timOo__💓
