#__وتين__🍃
🌷الحلقة 50🌷
______________________________________
رنا : مش عارفة شن هو الكلام اللي وصلك ومن وصلهولك ومش عارفة وصلك زي ماهو ولا غيرو فيه وكدبو وزادو كلام...لكن مفروض ماتصدق حد لين تكلمني وتسألني مرات يطلع كله كدب
______________________________________
قري عبسي الرسالة ع المسنجر ومسحها وماباش يرد
°
•
°
•
°
☀️⛅
مسرة : الو
خالها: اني وراك بالسيارة
مسرة : لما نديرلك رنة تعالى
خالها: تمام
مسرة : كم معاك شخص
خالها: اني ومعاي 4 تانيين
مسرة : سلام
خالها: سلام
#بعد_نص_ساعة
مؤيد : ماتبيش تفهميني خيرك متغيرة الفترة هده
مسرة : نسألك سؤال
مؤيد : اي تفضلي
مسرة : قبل مانسألك بنفهمك اني عارفه اجابته السؤال لكن حابة نسمع منك انت
مؤيد : به
مسرة : عمرك خنت😏
مؤيد بلع ريقة وتوتر : ااا ا انت شش شن تقولي
مسرة : ماتبيش تاجوب....خلاص تو نجاوبك اني ...الاجابة هي اي...به بنسألك سؤال تاني وحتى هو نعرف اجابته ف ماتحاولش تلف ودور...مع منو خنتني؟؟
مؤيد مصدوم ويشبحلها وساكت
مسرة : اففف منك حتى هدا تو نجاوبك عليه اني....رنا
مؤيد : مم مسرة انت شن تقولي 😦 اني نحبك انتي بس والله مافي غيرك ف قلبي
مسرة : يارت خنتني مع وحدة مانعرفهاش ومن بعيد ماكنتش حنتأتر لا انت كلك علي بعضك مش حاسباتك وحتى لما تخون مانعتبرش فيها خيانه لاني مانحبكش ولا حاسباتك حتى حشرة تي انت احمد ربي واشكره اني وافقت ناخدك لكن اني اللي جرني ان بنت عمي اللي عطيت فيها ثقة هكي دارت فيا...
مؤيد : تقولي ف كلام مش عارف من وين جبتيه وشن الدليل عليه لكن ف الاخير طلعتلك حشرة صار
مسرة : هههه اووو سوري غلطت ف حقك تي انت كلمة حشرة شوية فيك ورنا الوسخة اللي تكلم فيها تحون حبيبة صاحبك عبدو ولا عبسي ولا شن اسمه وهدا يكون خال خوي نادر وسيبها بعد ماكشف حقيقتكم الوسخة...تفو عليك وعلي امك الندلة اللي ماعرفتش تربي يا###
مؤيد حط سنونه علي بعظهم : ماتوصليش ف امي ونقصي صوتك الناس يسمعو
مسرة شدت تلفونها ودارت رنة ومافاتش تواني وكانو زوز رجالة واقفين جنب مؤيد
مسرة : ماتلفتوش النظر
خالها : كوني مطمنة
مشت مسرة
مؤيد يشبح ايمين وايسار ومش فاهم شي
جو زوز طوال وعراض : نوض من غير دوا ودوشا
مؤيد يشبح لمسرة وهي عاطية بالظهر وماشيا: مسسسسسرة .....مني انتو وشن تبو
👤: برا معانا وانت ساكت
مؤيد : نمشي مع امك تعرفها حول ايدك خير مانكسرها😠
خالها: اسمع...اركب للسيارة معانا وانت ساكت بش مانتعاملوش معاك بالسلاح
مؤيد : اا سلاح شنو تي شن تحسابها سايبة انت😠
نزل واحد تالت من السيارة وشاد مسدس : اركب
~~
~~
مسرة : الو
خالها: نعم
مسرة : كل شي تمام
خالها : تمام التمام
مسرة : خالي راك تغلط ويموت بين يديك نصبحو ف سريب تاني
خالها : لالا بنربيه بس
مسرة : ماحس عليكم حد
خالها : تي شن تكلمي ف عيل
مسرة : تمام
خالها : لكن ردي بالك ردي بالك مخلوق يسمع...قسما عظما نخلطك معاه
مسرة : تي خيرك لمن بنقول😒
°
•
°
•
°
نادر : مؤيد موجود
بو مؤيد : لا ياولدي مش موجود
احمد : امتى يروح
بو مؤيد : والله ماعنداش موعد
نادر : به ياعمي بندو معاك انت شوية
بو مؤيد : انشالله خير تفضلو
احمد : يزيد فضلك
نادر : ياعمي ولدك احني اعطينا فيه ثقة وبنأمنو عليه بنتنا لكن هو قبل حتى ماياخدها خان الثقة وخيبلنا املنا فيه
احمد : وهو نادر متحشم ومش عارف كيف يقولها لكن راهو العرس ماصارش منه والبنت معاش تبي
بو مؤيد : تت تي كيف تي شن في لين العرس يلتغي ياولدي
نادر : بالله ياعمي نادينا الحاجة بش نفهموكم الزوز
°
•
°
•
°
فريال : اهلين اهلين
غادة : اهلين فريال كيف حالك
حلا : هاااي
علا : اهلا خشو
~~
غادة : وين رنا
علا : اا مريضة
حلا : يارووحي خيرها
فريال مستغربة
علا : عليها ال###
حلا : ووو قعدة توجع فيها
علا : اي
بلسم : اهلين غادة
غادة : بلسم اهني...كيف الحال
بلسم : باهي...ياهداية تعالي سلمي علي خالتك غادة
هداية : كيف حالك
حلا : اهلا هدو شن الجو
غادة : بايتة اهني بلسم
بلسم : لا جيت الصبح حطني سعيد ومشي للعمل
حلا : حمودي وين
هداية : يلعب برا مع عصومي
غادة : اني قبل من جي امس...لكن حلا قتلي نجو اليوم لان خميس وتلتمو
بلسم : اي...ياريتك قلتي لخالتي اسماء
علا : خالتك اسماء ف بنغازي عند خالي
غادة : امالا سندس وين
فريال : هداية اركبي لسندس قلها خالتك غادة جت
غادة : امتى بيستقر عمر ف حوشه
فريال : انشالله بالكتير 4 ايام يكملو ضمانه وترتيبه وبيسكنو
علا : تو بدير عزومة هي المدة الجاية
غادة : انشالله عتبة خير العقبا لعلولا ورنا نشوفوهم ف حياشهم ياربي...امالا الولاد وين
فريال : احمد يخدم وسراج مسافر
سندس : اهلين خالتي غادة
طق الباب مشت هداية فتحت
مسرة : بلسم اهني كوييييس 😏
فريال : منوووو
مسرة : اني اني
غادة : اهلييين
مسرة : حتى غادة اهني...كويس بكل
علا وجهها احمر: شن الجو مسرة...شن هالجية المفاجأة😳
مسرة حطت ايدها ف خصرها وين رنا
فريال : قعمزي خيرك
مسرة : مانيش مقعمزة رنا وييين
علا فهمت القصة وربطة الاحداث بموضوع عبسي ونادر وقطعت الشك باليقين ان مسرة كشفت كل شي
علا : خيرك اللطف😅
مسرة اشرت علي علا بصبعها : بري نادي اختك
علا تعصبت لكن تتكلم بهدوء لان لو تعاركت معاها حينفضح كل شي
علا : به تعالي نخشو سروو
مسرة : ناديها😠
بلسم : وخيرك انتي تقول قاتلينلك بوك😏
علا فنصت في بلسم : غر تعالي خشيلها هي مريضة داخل
مسرة شبحت لسندس: عمر قاعد
سندس : جاي ف الطريق علاش
مسرة : قريب يوصل
علا : خيرك مسرة...قتلك تعالي نخشو
حلا ناضت شدت مسرة من كتفها: غر تعالي قعمزي اهني يامسرة
مسرة : حولي ياحلا بالله عليك
فريال : فهمينا خيرك اللطف
مسرة طلعت تلفونها واتصلت بعمي : الو عمي
ع عبدالله: اهلين بنتي مسرة
مسرة قعدت تبكي : عمي اني ف حوشك نبيك نبيك تجي في موضوع ضروري😢
ع عبدالله نخلع : انشالله خير يابنتي شن في
علا قلبها بيطيح وفريال وبلسم مش فاهمين شي
وطبعا غادة وبنتها متشوقين يبو يعرفو شن في
°
•
°
•
°ايناس : اي نبي نلغي الحجز لو سمحتي
المزينة : بتأجليه ولا بتلغيه ؟؟
ايناس : بنلغيه بكل
المزينة : باهي تمام
~~
ايناس : اي نبيك تكلمي متع العبمبر وتنهي معاها اني راسي داخ
اختها : ولا يهمك نوسة تو نكلمهم وحتى الزمزامات خليهم عليا
ايناس : ربي يحفظكم ليا
اختها : ويحفظك وخيتي ماترعشيش روحك وانشالله قسمها خير من هكي
ايناس قعدت تبكي : انشالله يارب
بابا : الغيتي كل شي
ايناس : اي
بابا : انشالله نادر مايدير معاه شي ويصبحنا ف سريب تاني
ايناس : هه 😏 كان بيدير راهو دار لكن هو عطي لمسرة هالطريحة وخلاص وهداكا الحقير فاته بالطويل
بابا : شن تبي الولد يرتكب جريمة انتي😠
~~
~~
ماما : قصدك العرس التغي😨😨
اني : اي 😔
ماما : لا حول ولا قوة الا بالله 😦...به علاش
اني : ااا ماهو هو ماينفعش الفرخ
ماما : وهدا وين عرفو ان ماينفعش..لما العرس قريب يبدا
اني : الله غالب هدا نصيبها
°
•
°
•
°
ع عبدالله: السلام عليكم
الكل ردو السلام
ع عبدالله: شني انشالله خير
فريال : بنت خوك ع الحال هدا من بكري مقعمزة قارنة حواجبها وتهز ف رجلها وتستنى فيك
مسرة شافت لسندس: وينه عمر
عمر : السلام
الكل ردو السلام
مسرة: ايوا توا بنتكلم اني
علا : به ع الاقل بري انتي وبابا وعمر للمربوعة مش لازم قدامنا
مسرة بصوت عالي: لالا ياماما اني نبي قدااااامكم وقدام اختك وخالتك نبي نفضحها اللي اسمها رنا الحقيرة
علا : مسسسرة
رنا كانت راقدة وفاقت علي صياح مسرة
ع عبدالله: يابنتي اهدي وتعالي للمربوعة فهمينا
مسرة : اي بنفهمك ياعمي لكن اهني مش ف المربوعة....اني عرسي التغي😭 عارفين شن يعني التغي....كل شي انتهي كلل شي والسبب الحقيرة اللي مش متربية اللي اسمها رنا😭
فريال: احترمي نفسك😡قدامي اني وبوها تقولي مش متربية
مسرة : اي كانها متربية ماديرش علاقة مع خطيبي الوقحة
غادة وحلا شبحو لبعض
عمر مصدوم : شش شن تقولي انتي 😨
رنا ف دارها خاشة ف بعضها وملفوفة ف البطانية وتسمع ف مسرة وتبكي
مسرة : اختك خانتني واني اللي عاطية فيها التقة وراهو بالك تحسابوها دايرا علاقة مع مؤيد بس...دايرة علاقة حتى مع خال نادر ومش عارف مني غيره😭....وخربتلي حياتي انشالله ماتتهنى😭
عمر عيط : سكريييي فمك يااااسر واحترمي نفسك 😠....وجاية تقولي ف كلام شن اللي بيخلينا نصدقوك احني😠
مسرة : صدق ولا ماتصدقش مالياش علاقة باهي
وف نص العركة خش احمد
مسرة : اصلا انتو عيلة وخالها ميلاد 😭
احمد : تي خيركم شن في
ع عبدالله قعد يرعش: يابنتي احترميني اني ع الاقل
علا جابتله طاسة امية : رعشتيه سكري فمك
مسرة : ويييينها رنا الحقيرة الوسخة وييينها😭والله لما نكرهها عيشتها 😭الساقطة هده
احمد مش فاهم شي وشاف عمي كيف يرعش وامه وجهها مايتفسرش ومسرة قللت من احترامهم قدام خالته وبنتها
احمد تعصب : خيييرك انتي😠
مسرة : اني اللي خيرني تي برا شوفها الوسخة اختك وقلها تنظف روحها
احمد انهار من الكلمة هده وتحزز علي مسرة وعلا وغادة ويحزو فيه
احمد : اقلبي وجهك اطلعي خير مانطلع روووحك😠😠
مسرة : هدا اللي قدرك ربي عليه...تي ربي اختك قبل ماتقولي نطلعلك روحك😢😏
عمر : يامسرة بوي يرعش اكسري الشر وبري
فريال عيطت : اطلعيييي من حوشيييي اطلعي شن اللي درتيه انتي شوية تي هده نيتك ولت عليك
مسرة : بنتك مش متربيه ماربيتيهاااااش بنتك وحدة###
غادة : تي احترمي نفسك والعني الشيطان عمك معاش قدر حتى يدوي
حلا : يامسرة اكسري الشر
احمد : اطلعي برا 😠
مسرة : تلز فياااا😭لكن والله لما تشوف والله لما تشوفو كلكم وبننتقم منكم بالواحد واولهم انت ياأحمد
احمد : تي بري اعلى ماف خيرك اركبيه 😠
°
•
°
•
°
______________________________________
ميرا : مني ضافني ف القروب هدا ؟؟
______________________________________
يارا : اني🤗
______________________________________
ميرا : من معانا وعلاش درتي قروب
______________________________________
يارا : بش نحل مشكلتك انتي ومراد نفختولي راسي😪
______________________________________
مراد : مساء الخير ؟؟🤔
______________________________________
يارا : اهلا مراد
______________________________________
مراد : حلوا فكرة القروب يايارا
______________________________________
يارا : اي بش نحلو هالمشكلة
______________________________________
~~
ميرا طلعت من القروب مشي يارا ردتها وطلعت وولت ردتها
______________________________________
مراد : حسستوني تلعبو في شدني ونشد معاك
______________________________________
يارا : 😂😂
______________________________________
مراد : عادي لو وجودي مضايق نطلع
______________________________________
يارا : تطلع عينك😒.......اسمع راهو هده الفرخة ميرا سكرت ايميلها بش انت معاش تكلمها ومقررة بتتجوز بش تهرب منك واني عيت وتعبتني😪 تفاهمنا انت معاها
______________________________________
ميرا :طلعيني من اهني بش مانحطكش ف الحظر
______________________________________
~~
مراد نصدم من قصة جوازها واتصل مكالمة صوتية من غير مايتردد
مراد : الو
ميرا : شن تبي مراد
مراد : بتتجوزي ؟؟
ميرا : اي
مراد تعصب وعلا صوته : علااااش هكي اديرييي علاش الانانية اللي فيك علااااش😡اني ماخليت مادرت علي خاطرك وجرحت يارا وخليتها تفسخ وتكلم اماليها ان كل شي انتهي وكله علي خاطرك 💔ف الاخير ترخي هكي وعندك عااادي😠
تسمع وغاصرتها العبرة
مراد تنهد بحرقة : اني تعبت معاك هلبا ونزلت كرامتي لكن انتي مش هامك.......تتهني انشالله 💔
ميرا : اني يامراد مانقدرش....
مراد قص علي كلامها : معاش تبرريلي شي خلاص حياتك وحرة فيها وبي يسمعنا علي بعض الاخبار الطيبة
ميرا سكرت من غير ماترد ومراد حدف التلفون لين شاشته تشققت
°
•
°
•
°مسرة : 😭لزوني من حوشهم ومسحو بيا الارض قدام خالتهم وماخلو ماقالولي احمد وفريال واحمد مد ايده عليا وضربني وعلا حتى هي 😭مسد بسببهم هم صار فيا هكي مسد توا هكي دارولي
بابا : يابنتي غر فهميني كيف بسببهم هم
نادر يفنص فيها يبيها تسكت
مسرة تجاهلاته: اي بنتهم مدايرا علاقة مع مؤيد الحقير 😭
بابا : من هي
مسرة : رنا
بابا : ر رنا
مسرة : اي المسخة...ماشيتلهم نتكلم بأحترام نحسابهم بيتفهموني وبيجو معاي لقيتهم كلهم ضدي وماخلو ماقالولي وماخلو ماقالو علينا😭
نادر : وانتي كييف تمشي من راسك من غير ماتشاوري
مسرة : نشاور؟؟...بنمشي لحوش عمي نشاورك ونبي اسكت😢
بابا : تكلمي مع خوك كويس خيرلك وفهميني القصة😠
مسرة : لما اني نحكيلهم قتلهم بنتكم بسببها عرسي التغي مشي امها قتلي هده نيتك السودة ونيت امك واللي دايرينه ف الناس كله ولا عليكم وقتلي بري اطلعي ياساقطة واحمد قلي بري اعلى ماف خيرك اركبيه وضربني 😭
نادر : احمد ضربك 😠
مسرة : اي يتحزز عليا وبعدين ضربني وحتى علا معاه
نادر قعد يهز ف رجله بتوتر
ايناس جت قعمزت : شفتو شن دارو فيها
بابا : هي مفروض مامشتش من غير شوري
ايناس : وكان مشت وتكلمت معاهم مش عيب...وتو انت بعد اللي داروه كله ماشفتش الا هي غلطت مفروض ماتمشيش😏
بابا : وعمك شن يقول
مسرة : ااا ع عمي مايقول ف شي ساكت وعنده عادي ولده يضربني
نادر : مد عليك ايده متأكده😠
مسرة هزت راسها بمعنى اي
°
•
°
•
°
عمر يخض في رنا من كتافها : احنييييي يا### هكي اديري فيناااا😠 طيحتيلنا خشمنا وكسرتيلنا ضهرنا خليتي كرامتنا لووووطا يا####
فريال تحز : غر افهم القصة ياعمررر😭
احمد بعد امه من علي عمر : ماتبيشي يضربها خايفه عليها😠 تي وحق الله بعده هو لما نستلمها اني ونقتلها بين يديا ال###
سندس: به بالك تكدب
احمد : ماتكدبببش حتى نادر هكي قااااالي 😠
عمر شاد رنا من شعرها ويضرب فيها كفوف وهي خشمها دم وتبكي وخلاص
ع عبدالله عيط : اطلعووووو خلوه هو وياااها خلو انشالله يقتلها ونفتك منها...... انشالله ربي ياخدني انشالله ربي ياخدني
بلسم : قعمز بابا بالله عليك قعمز وماترعشش روحك😢....نوضي جيبي لجدك امية وسكر جري
هداية : حاضر
معتصم واقف يشبحلهم ويبكي
احمد دف عمر وقعد يضرب في رنا بقوة ويردس فيها : ياااا فاجرة خليتي اللي يسوى واللي مايسواااش يمسح بينا الارض يامسخة تفووو عليك يا####
سندس : به الضرب مايحلش المشاكل يااحمد غر يااااسر 😣
فريال : تعالالهم ياعبدالله 😭قتلووووها
ع عبدالله: خليهم يربوها خليهم....
قعد عمي يخبط علي صدره ويتكلم بصوت يادوب طالع : اني ماربيييييتش اني ماعرفتش نربي
بلسم : يام بوي معاش تكلميه خيييييرك😭....بابا هي تعالا لدارك بالله عليك
ع عبدالله: خليني...اني ماعرفتش نربي..... اني ماعرفتش نربي
احمد قعد يضرب ف رنا لين حزوها سندس وعلا وطلعوهم وسكرو باب الدار
~~
~~
ايناس: انتي وبناااااتك ال### معاش نبيكم اطلعو من حياتنا
فريال : بناااااااقص منك ومن فيتك افتكينا
ايناس : وبنقووولك بنتك ريحتها طلعت ره....وربايتك الزفته مانفعتش
بلسم جبدت من امها التلفون : اني بلسم...ماهو ربايتك انتي نفعت...تي بري شوفي روحك شن مدايرا ف بنت نجلاء بالك تحسابي شوية....راهو هده نيتها ونيت امها اللي سحرتيها ودرتيلها الكتيبة شن تحسابينا ناسيين
ايناس : تي بري يامرت السكيير الحشاش تي انتو كلكم علي بعضكم ماتشرفوش تكونو عيلة اصلا
بلسم : ههههههه اني راجلي يحشش؟؟ تي ماهو مانعرفش خوتك اني اللي يزرطو ف الحبوب
ايناس : اهوا فيك وف امك وخواتك باهي ؛ وسكرت الخط
مسرة : مش نقولك اعطيني بنكلمها😠
ايناس : المسخة بدت تجبد ف سيرة الكتيبة ال####
~~
خشت مسرة للحمام وقعدت تخبش ف رقبتها لين ولا دم وازرق ومسحت الدم وطلعت مشت لبوها
مسرة : شوووف مكان يديها علا😭...وهدا الازرق احمد يتحزز لين ايده وصلت فيا وشحلي شعري وضربني
نادر : خليهولي اني اللي اسمه احمد تو يشوووف
اني : ضرررربك😨
مسرة اشرت علي رقبتها : وخلوني دم 😭
اني تنهدت وسكتت
ايناس جتنا تبكي : اني حوش خوك معاش نبيييهم😭 اتصلو بيا وماخلو ماسمعوني
نادر : تي امتى اتصلو بيك 😮
ايناس: توا مسحت بيا الارض هي وبنتها وقتلي خوتك اللي ياخدو ف الحشيش ويزرطو ويضربو ف الايباري
اني : من بنتها😦
ايناس : بلسم المسخة
نادر ناض
بابا : والله تمشيلهم نهارك احرف
نادر : بنمشي شن نهارك احرف شن تحسابني عيل
بابا : والله تمشي ماني راضي علييييك
اني : خلاص العن الشيطان وقعمز
~~
~~
مسرة : الو
خالها : ايوا
مسرة : مسيتوه ولا ضربتوه
خالها : لالا
مسرة : اضربوه لكن مش لين يفقد الوعي قصدي ضرب عادي متع رباية
خالها : تم
مسرة : وفي واحد تاني نبيك تربيه
خالها : من هو
مسرة : .....
🌷يتبع🌷
.
.
#__timOo__🌸
