250 كومنت = حلقة تانية
لكن لو لقيت تفاعلكم ضعيف غدوا مش حنزل
_________________________________________________
#__وتين__🍃
🌷الحلقة 7🌷
نادر: به موضوع يخص شنو
احمد : يخص الحب😜
نادر: لا ياراجل😂...اصلا انت من امتىى عندك مواضيع غير هده
احمد : غر تعالى
•
°
•
°
•
°
مسرة: اهو جيت نوضي نضمو😌
اني: مش معلماتك مامتك اطقطقي قبل ماتخشي
مسرة: لما مكان غريب نطقطق لكن هدا حوشنا
اني: هده داري وماتخلينيش نضطر نسكر بالمفتاح وتبدي اطقطقي غصبا عنك
مسرة: هده دار في حوشنا ونقدر ناخد نسخة من المفتاح غصبا عنك
اني: اطلعي😊
مسرة: نوضي ضمي
اني بصوت اعلى: ا ط ل ع ي
مسرة: على فكرة واخدة مقلب في روحك انتي
اني: على فكرة انتي ضاربك الشعور...وليس ع المريض حرج 😑
ايناس: انزلو ضمووو
•
°
•
°
•
°
نادر: ادوي شن هو الموضوع
احمد: نسألك سؤال
نادر: اسألني سؤال
احمد: عمرك حبيت
نادر:ههههههه😂
احمد : قلت حاجة اضحك😒
نادر: حسيت روحي نهدرز مع وفاء الكيلاني 😂
احمد: 😒
نادر: اي حبيت وانت عارف
احمد : وكيف قدرت تبعد
نادر: هي اللي خدت القرار
احمد: اااخ 💔
نادر : شكله واخد فيك حصته
احمد: من هوا
نادر: الحب
احمد ابتسم وتنهد
نادر: اني حاس بيك وعندي شعور انك داس عليا حاجة لكن ماكنتش فاضيلك بس
احمد: وشن هو اللي حاسه
نادر ربع رجليه وعدل تقعميزته : كللل شي اللمعة اللي في عيونك والحنان اللي نازل عليك ومخليك انسان تاني ونضراتكم المتبادلة هكي حسيتك وليت بنادم😂 بعد ماكنت هيكل عظمي😂
احمد: نظرات متبااادلة ؟؟😮 من تقصد
نادر: هههههه تي واضح زي عين الشمس بتفوته عليا
احمد: ادوي الزح من تقصد
نادر: مريم 😉
احمد :احسن مافيك تفهم ع الطاير
نادر: واحسن مافيك ماتعرفش ادس شي
احمد: والله خشت قلبي البنت هده
نادر: اي ماختلفناش لكن انت نص البنات في قلبك
احمد :😂 لالا هده لزتهم كلهم
نادر: اسمع ماتلعبش ع القوي هده اخت مراد ره وبعدين كلنا مش حنرضو فيها شي
احمد : شوية وحسيت روحي غولة
نادر: والله شن بنقولك يأحمد ....اني رأيي تريث وفكر كويس
احمد : ياراجل البنت هده نحس اتجاهها في شعور غريب ماعمري حسيته ؛ تعرف لما نسمع اسمها،اسمها بس نتوتر ويزيدو دقات قلبي ونبدا شخص تاني
لما تسلم عليا ولا تجي عيني ف عينها نحس بجسمي كله متبنج المكان اللي هي فيه نلقى روحي ماشيله لاإراديا....به هدا كله شن يقولوله
نادر: ماهو قتلك فكر كويس مرات في الاخير يطلع كله اعجاب وشوف لجميع النواحي وزي مافي نواحي ايجابية تدفعك ليها في نواحي سلبية تخليك تتردد
احمد: زي شني ؟؟
نادر: زي انك مخفوق والبنت اللي تشوفها تعجبك هده حاجة والحاجة التانية مرات تكون البنت مرتبطة ولا في حياتها شخص تاني صح ولا
احمد: حطمتني الزح😔
نادر: شن تبيني نقولك برالها وقوللها نحبك ونبيك وتجيك صدمة منها هي ماهو نمهدلك الموضوع من توا بش تحسب حساباتك
احمد تنهد : من ناحيتي اني فحبيتها وماعنديش شك ...يانادر الموضوع مش امس ولا اليوم ليا شهور ع الحال هدا واللي مشجعني ان نحس فيها مبادلتني الشعور
نادر: وشن اللي خلاك تحس
احمد : هلبا مواقف
نادر: وانت لو كلمتها تضمن انك معاش تكلم بنات تاني
احمد: مقياس
نادر: بالله عليك😑
احمد : قصدي ممكن نكون حبيتها واقتنعت بيها وممكن حتى نتجوزها لو في نصيب لكن هدا ما يمنعش اني نعيش حياتي قبل الجواز والخطوبة والكلام هدا
نادر: ماهو اللي تقول فيه علي حساب كبريائها وحبها ليك لعلمك
احمد: شن دخل الكبرياء ....الحاجات هده مانفهمش فيها😁
نادر: لما انت توعدها وتعبرلها عن حبك وهي تشوف في روحها الكل في الكل عند وانت تهيج مع ستين وحدة تانية هي كبريائها مانكسرش هكي
احمد : هي مش حتعرف بيه الكلام هدا وبعدين هي فعلا الكل في الكل لكن الباقي تضييع وقت بس
نادر: معناها انت ماحبيتهاش لان لو حبيتها ماتفكرش بالطريقة هده
احمد : ياسيدي قول الموضوع هدا منهي....اني توا نقول هكي لكن متأكد لما نكون فاضي حتخطر عليا هي قبل اي حد تاني
نادر: به غر خود وقتك وزيد فكر اني هكي رأيي
احمد : انشالله خير
•
°
•
°
•
°
نكتنا الحوش كله وضميناه وجي الليل ؛تلوحت علي سريري ومن غير مانحس خداني النوم ؛ونوم عميق لدرجة ان تلفوني رن وماسمعتاش مع ان في العادة نفيق بيه ونومي خفيف
نضت الصبح لقيت نادر متصل ومروان متصل وماما متصلة حسيت روحي مهمة😂
اني :صباح الخير
ماما: صباح النور حبيبتي...خيرك ماترديش امس
اني: واخدني النوم ماسمعتاش التلفون
ماما : اها المهم شن جوك ...
اني: تمام
ماما: به غر اتصلت نطمن عليك
اني: به سلميلي علي جدو وعبسي
سكرت من ماما وكيف بنتصل بنادر اتصل مروان : نرد لا ؛ نرد ؛ لا خلي نرد
اني : الو
مروان: صباح الخير
اني: صباح النور
مروان : نشغلت البارح مارديتيش
اني: اي كنت راقدة
مروان : اها به المهم حالك باهي
اني: كويسة الحمد لله
ايناس : لياااال
اني : ينادو عليا تو نكلمك بعدين
مروان: تمام
•
°
•
°
•
°
______________________________
🌙
آلله أكبَرُ آلله أكْبَرُ....أشْهَدُ أَنْ لاَ إِلهَ إلَّا آلله
عمتي سعاد: اللهم إني لك صمت وعلى رزقك افطرت
قيس: اعطيني تمرة
نادر: هاك
عمو عدنان: اوو هده سمبوسكه دايرتها مرتي خلي نبدا بيها بش تنفتح شهيتي😂
بابا: اضربي هي من زيك ياسعاد
عمتي سعاد: هههههه كان ماشكرنيش اني من بيشكر
ايناس: مشالله بنتها قنينة
قيس : هده كنافة لونا؟؟
اني: اي هده كنافة لونا
قيس: كليت طرف شبعت😂
مسرة😒: اي عسلها هلبا
قيس: اي هكي نحبها الحق
اني: شبحت لمسرة شبحة استفزاز : صحتين قيس
•
°
•
°
•
°
احمد: عمتي سعاد فاطرة عند عمي علي اليوم
ع عبدالله: اي عازمها
سراج: شنو هدا
علا: هده صفيحة بعتتها صباح جارتنا
عمر: كان معاش تبعت خير😂
سراج: من لام عليها اطيب اصلا😂
رنا: انشالله اطيحو في نساوين مايعرفو يديرو شي
سراج: عادي تتعلم من خواتي😒
عمر: اني نفطرها في المطعم و نغديها في المطعم
سراج: والعشي😂
عمر: بنرقدها بكري😂
سراج: ياعنفيتك رمضان😂😂
احمد:معاكم ع الخط 😂
فريال مرت عمي: غر راكم تنخنقو ياسر ضحك ع الماكلة
معتصم: اعطيني مشروب
علا: قداش شربت طاسة
•
°
•
°
•
°
جميلة مرت عمي: كيف حال امك وخواتك
سراج: كويسين
مراد : 5 دقايق بس ؛ وخش لداره
سراج : تي هي انت تقول عروسة توتي في روحها
جميلة : امتى بالله بيفرحني ويجيبلي عروسة
مراد من داره: غر لاش متكلم ياسرااااج
سراج: سامحني ياولد عمي😂
جميلة : تسهوكو انتو الزوز 😒
مريم : ماشيين لحوش عمي علي ولالا
مراد : اي
مريم ارفعوني معاكم
مراد : بسرعة وتي روحك مش حنستناك
مريم : هي مانعطلش
•
°
•
°
•
°
اني : حقااا
ماما : اي وعطيت للخياطة التفصيلة تو غدوا نمشيلها اني وياك
اني :تمام
ماما : شن اديري
اني : كنت نغسل في اماعين الفطور وتوا بنخش ناخد دوش وممكن بتجي مريم بعدين
ماما: امم به كويس غدوا زي ماقتلكم انتي ونادر فطوكم اهني
اني : تمام
~~
خشيت غسلت وبدلت لبست سورية كروهات احمر في الاسود وسروال جينز اسود لاصق ودرت شعري ضفرة ع الجنب وقعمزت نهدرز اني ومروان ع النت
~~
مش عارفة شن اللي مخليني نهدرز معاه مع ان مافيش اي شعور اتجاهه زي ماهو حاس اتجاهي
لكن مانعرفش علاش الشخص هدا نرتاحله نحس فيه شخص عاقل ومش زي باقي الاولاد لاني شفت هلبا وقابلت هلبا ولاد لكن لحد هالحظة ماقابلتش الشخص اللي يتعامل برجولته كلهم كدابين كلهم يفكرو في مصلحتهم ؛ مصلحتهم بس صح ممكن يشرو ويدلعو ويقولو كلام حلو لكن وقت الجد تطلع حقيقتهم كلهم يبو البنت لمصلحة وكلهم يجرو ورا نفس المصلحة
وماننكرش ان في ولاد نتطبق عليهم الرجولة ولما يوعدو يفو ولما يقولو كلمة ماتنكسرش لكن نادرين👌
تررررن ترررن📱
اني: الو
تسنيم: حبها شنج
اني: تبي بروفات بش تتعلمي الانوثة يابنت
تسنيم: خزي علي وجهك
اني: ترا قولي من جاينا
تسنيم: ماتقوليهاااش😀
اني: ههههه
تسنيم: سراااج
اني: اي جاي بيشوف بابا هو ومراد
تسنيم: يحليييلي سعدودك
اني: جايتني مريم تعالي هدرزي😜
تسنيم: بجديااات
اني: اي والله
تسنيم: والله لما نجيك
اني: ههههههه تفضلي
~~
ايناس: الو هدى كيف حالك
هدى: به نوسة الحمد لله كيف حالك انتي وكيف حال راجلك والبنيات
ايناس: بخير....والله متحشمة منك من هديكا المكالمة معاش كلمتك بالله سامحيني
هدى: لا عادي قلت اكيد نشغلتي ولا يهمك
ايناس: شن رايك غدوا نطلعو نقعمزو في جردينة ولا في مكان
هدى: اي عادي
ايناس: خلاص غدوا بيناتنا التلفون
هدى: ونبي جيبي سرورة وليال
ايناس: به انشالله
طقطق الباب
نادر فتح زارتنا البركة 😁
سراج: ندور شن الجو
نادر: والله ماشيا ياسيرجو شن جوك انت
مراد: كيف حالك ياعمي
بابا: كويس يامراد كيف حالك انت وين مغطسين
مريم: اهلين ايناس كيف حالك
مراد : ايناس حاف من غير عمتي
ايناس: ههههه عادي اني قتلها معاش تقوليلي عمتي تكبر فيا
نادر بالشوية : تررررك تحساب روحها ضريفة😒
سراج شاد ضحكته لين مش قادر يدوي
مراد : 😂😂 قوية ترررك
نزلت مسرة من دارها لابسة جسكار ضيق وتيشيرت ربع كم ورقبته مفتوحة وقصير وجسمها كله مفصل لكن طالعة حلوا ومدايرة شعرها كودة يعني تفاصيل رقبتها كلها باينة وحاطة مكياج خفيف وسلمت علي مراد ومريم
سراج : شني عمي ديرو يوم تعالو افطرو
بابا: والله امتا ماتعزمونا نجو😂
مسرة مدت ايدها لسراج: سيرجوو شن الجو
سراج: اهلين مسرة شن الاخبار
مسرة : تمام والله شن جوك انت
نادر بينفجر من اللبسة اللي لابستها وشبحلها من فوق لتحت وتنهد 😒
مريم: وين الفرخة ليال
بابا: فوق اكيد ماتندريش انكم جيتو
نادر : اركبي ناديها مسرة
مسرة: فكني منها هي علي سبلة
نادر: اركبي ناديها😡
بابا: مسسسرة😠
مريم : خلاص اهو تو نركبلها
~~
اني : قداش ليك فاتح الفيس
مروان : ليا هلبا...وانتي
اني: السنة هده بس فتحته
مريم فتحت بابا داري : هللووو
اني: جيتي😀
مريم : جيت
سلمنا وقعمزنا نهدرزو
مريم: تهبل لبستك ياجيفة❤
اني: انتي اللي تهبلي 😘
مريم : بجديات الاسود والحمر طالعين عليك يهبلو ومطولينك يادرية😂
اني: خزي علي وجهك
مريم : اختك مسرة لابسة لبسة نتحشم نلبسها قدام خوي
اني: الله ماشفتهاش
مريم: هي الحق طالعة حلوا وجسمها حلو..لكن الشي مبالغ فيه....ومكياج وجو
اني: ديما هكي هده 😑.....واني لبستي خليعة
مريم : لالا انتي سوريتك مش لاصقة عادي وبعدين جسمك مش معبي زيها هي لديها مؤخرة كبيرة نوعا ما
اني:😂....هي ننزلو خلي نسلم
مريم : انزلي سلمي واركبي ماعنديش خلوق ننزل
اني : به
~~
اني : السلام عليكم
الكل : وعليكم السلام
سراج كان يهدرز مع نادر ويضحكو الزوز واول ماقلت السلام شبحلي شبحة سريعة وولا تلفت لنادر بعدين ولا شبحلي وفي الشبحة هده معاش نحا عيونه و بحكم ان كان يضحك مع نادر فالضحكة قعدة مرسومة علي وجهه وهو يشبحلي وبدت تتلاشى بالشوية وملامحه تتغير وعيونه ماتنحوش من عليا واني نسلم علي مراد
مراد : اهلا لونا شنج
اني مبتسمة : تمام
ووصلت لسراج وهم مش مقعمزين جنب بعض
طبعا اني فيا طبع لما نسلم علي ولد استحالة نحط عيني في عينه لازم ينزلو عيوني لوطا لاإراديا
اني : خير كيف الحال
"سراج : اول ماوصلت فيا ريحتها عبت المكان اللي اني فيه....
🌷يتبع🌷
.
.
#___timOo___💜
