#__وتين__🍃
🌷الحلقة 25🌷
مؤيد كان واقف عاطي بالظهر ورنا تمشي مع مسرة ومش فاهمة شي وماتوقعتش انها بتشوف مؤيد وبعدين مؤيد تلفت
رنا نصدمت 😮لما شافاته وملامح وجهها ماتتفسرش وقفت معاش قدرت تتحرك
مسرة : تي خير امك
رنا : ااا شش شي😳
مؤيد : صباح الخير
مسرة : صباح النور
مؤيد شبح لرنا :خير كيف الحال
رنا : تمام
مؤيد : اا بنقعدو واقفين اهني
رنا: اا برو انتو واني تو نستنا اهني
مسرة : لا شن بتقعدي بروحك
مؤيد شد مسرة من يدها : هيا مانعطلوش شوية ونجوها
مسرة شبحت لرنا
رنا : بري عادي
مشو مسرة ومؤيد وشادين في يدين بعض ورنا واقفة وراهم وتشبحلهم وبعدي تلفت مؤيد شبح لرنا
رنا نزلت راسها لما شبحلها ومابتش اديرله اي ردة فعل
~~
مؤيد : لاش جايبتيها بنت عمك
مسرة : تسايرني مانقدرش نجي بروحي
مؤيد شد ايديها : اها....به استاحشتك 😍
مسرة : حبيبي نبي نطلب منك طلب
مؤيد : اطلبي عيوني مايغلوش عليك
مسرة : نبي 50 دينار 🙈
مؤيد واقف قدام مسرة....حط ايديه ع الحيط اللي وراها وحاصرها بينه وبين الحيط : شن المقابل 😌😉
مسرة : من غير مقابل 😑 ووخر
مؤيد : حتى بوسة لا
مسرة : ماتحلمش
مؤيد قرب منها : ناخدها بالسيف ره
مسرة دفاته : مؤيد خيرك مانبيش مش بالسيف وحتى الفلوس معاش نبيهم وصلني لرنا
مؤيد : خيرك علي سبلة مسرة
مسرة : حسستني اني نخدم وكل حاجة بالمقابل قصدي اني مش ميته ع الفلوس خلاص مانبيش
مؤيد طلع 50 ومدهملها : شدي
مسرة : لالا صحيت معاش نبي
مؤيد علا صوته : شددي😠
مسرة خدتهم منه : اني اسفة لكن انت شنجتني
مؤيد رفعها لرنا من غير مايقول ولا كلمة وجوه تعكر
°
•
°
•
°
🌒
في حوش تسنيم 🌸
Happy birthday to you 🎉
Happy birthday to you 🎉
Happy birthday 🎈happy birthday
Happy birthday to you 🎉
اني : كل سنة وانتي طيبة انشالله العمر كله 😘
تسنيم حضنتني : وانتي طيبة ياعمري
سما اخت تسنيم: هيا قصي التورته بنتي تعيط تبي تاكل
رتاج : هههههه بنتك من الصبح وهيا تاكل
ام تسنيم : قصولها طرف
~~
الكيسة اللي عطهالي سراج كانت معبية بالتوكيس اكتر حاجة وهلبا احجام المهم... تكمتهم وزدت معاهم فلوس وحطيتهملها في سلة كيوت
تسنيم : هااا 🙈 تهبببل
اني : مش من قيمتك تسوو انشالله العمر كللله
رتاج : محلاها يالولو 😍
اني : اسمعي تسنيم اني قريب نروح ونبي ندوي معاك قبل مانروح
تسنيم : شنوو
اني : تعالي لدارك
رتاج : شنو شوقتيني
~~
اني : تسنيم عطيتيني حمل فوق طاقتي وتحملت وحاولك نقربك لسراج لكن توا بنقولك بننهيه الموضوع ومعاش نبي نهدرز معاه
رتاج وتسنيم: علااش
اني : خيركم ماتبوش تفهموني😖....اني وسراج مافيش بيناتنا اي علاقة قصدي زي ماتقولي علاقتي بولاد العيلة كلللهم مطلوقة ونهدرز معاهم عادي الا سراج علاقتي بيه جدية هلبا
يعني تخايلو ان قبل بيناتنا السلام عليكم بس فجأة بديت نهدرز معاه كل ليلة ونبصر قصدي حتى هوا مرات فكرته عليا تتغير ومرات يحسابني نبيه ومرات داير في راسه ان اني خفيفة والولد اللي يكلمني نفتح معاه بصارة ودوا....يابنات الموضوع مش لعبة ومرات نبو شي نلقو روحنا في شي تاني
رتاج وتسنيم يسمعو وساكتين
اني : ياتسنيم ماتقوليش ولد عمك وزي خوك والدوا هده اني حالتي غير اني امي مطلقة والعيلة هادو سبب من اسباب طلاقها ومانعرفش شن يفكرو مانعرفش يكرهوني ولا يحبوني ومع هدا حاولت بكل جهدي وفتحتله مواضيع الجواز والدوا هده وحاولت نحطك في الصورة بقدر الامكان ولعلمك التويكس هدو منه هوا
تسنيم : كيييف 😮
رتاج : كيف منه
اني : هوا قالي شن نجيبلك من بريطانيا......وحكيتلهم اللي صار
تسنيم : شن قال لما قتيلة اني محظوضة بيها
اني : قعدت نشكر فيك اني ونبي يسألني علي اسمك ولا عمرك ولا اي حاجة لكن ماهتمش بكل وقعد يدوي ع الشكلاته ومش عارف شنو
تسنيم تنهدت : ماعنديش حظ بكل الهم
رتاج : شني كان ماشافلكش معناها ماعندكش حظ تي الف واحد غيره يتمناك وانتي ترفضي قصدي الدنيا مش واقفة عليه ره
تسنيم 😢: لكن نحبه شن ندير لرووحي
اني حضنتها : حاولي تنسيه ياتسنيم الدنيا مش واقفة عليه زي ماقالت رتاج
°
•
°
•
°
قيس : زعما نمشي نخطبها....ولا نتقرب منها قبل....به كيف بنتقرب منها زعما نتصل بيها....لكن كان اتصلت بتقول مامسحش رقمي والكلام هدا... زعما عندها ايميل...؟؟
°
•
°
•
°
_________________________________________
سراج : ختشة
_________________________________________
~~
شفت رسالته ومابيتش نرد...
قررت معاش بنحتك بيه هلبا بش مانخشش لسريب اني في غنا عنه
°
•
°
•
°
عبسي : شن جوك عمري💓
رنا : تمام حياتي شن جوك انت
عبسي : مستاحشك ياعمري
رنا : حتى اني
عبسي : شن جو زردتكم
رنا : من قالك كنا في زردة
عبسي : قتلي العصفورة ههههه
رنا: شن اسمها العصفورة لونا ولا نادر ؟😂
عبسي : نادر 😂
رنا : هههههه ..... جت زردة قنينة
عبسي : خيرك ماقتيليش بتمشي
رنا : ماسألتنيش
عبسي : كيف بنسألك شن بينزل عليا الوحي
رنا : قصدي ماخطرش عليا نقولك
عبسي : ماخطرش عليك 😒
رنا : خيرك عبسي تكبر في الموضوع...
قصدي هكي ماخطرش عليا نقولك وانت ماسألتنيش يعني مادرتهاش مقصودة
عبسي : اخر مرة باهي
رنا : شن اخر مرة😒
عبسي : اخر مرة تطلعي من غير ماتقولي
رنا : ههههه شن قريت فاتحتي واني مانندريش
عبسي : شن هياا😡
رنا : عبسي اني عندي بو و خوت يحكمو فيا ومعلميني الاحترام
عبسي : شن دخل هدا ف هدا وبعدين مدام عندك بو وخوت معناها اني نطلع منها هكي قصدك
رنا : خيرك تعقد في الامور
عبسي : انتي شن بتخسري كان درتي الو وقتي بنطلع
رنا : هدا الكلام لما تبدا قاري فاتحتي
عبسي : اها...ماشي ماشي ؛ وسكر الخط
رنا : الووو ؛ سكر الخط في وجهي 😮😡
°
•
°
•
°
علا في المحاضرة ويتصل بيها رقم غريب ماقدرتش ترد بعد ماطلعت عاود اتصل نفس الرقم ردت عليه
علا : الو
اسيل : اهلين كيف الحال
علا : تمام من معاي
اسيل : تعالي للكفيتيريا اللي في كليتك وتو تعرفي اني مني
علا : الكفيتيريا ؟؟
اسيل : اني نستنا فيك جنب ال$$$
علا استغربت
~~
مشت علا للكفيتيريا وقعمزت هيا وصاحبتها وقعدت تستنى لكن مابتش تعاود تتصل بنفس الرقم
اسيل مستها من كتفها : هاااي
علا تلفتت وشبحتلها بصدمة ووقفت : هيا انتي
اسيل : اي اني 😌 خطيبت سامي
علا : تعرفي انتي كتلة من التفاهة ع هيئة انسان
اسيل : ههههههه معدورة شن ماقلتي معدورة لكن في الاخير سامي ولالي تحبي تكرهي ولااااالي وانتي موووتي من قهرتك موووتي😂
علا : تعرفي كلمة وحدة توصفك عاهرة...
شني ع ا ه ر ة 👌
اسيل شدت علا من يدها بقوة : تعرفي ماتسكريش فمك يا##### والله نخطفك وندير فيك العار
علا : اطلقيني يامريضة يامهبولة والله ماك طبيعية ياتاعبة
اسيل : هجمت علي علا وبتضربها وصاحباتهم يحزو
علي جية سامي جبد علا ليه ودف اسيل لين قريب طاحت
سامي قعد يشبح لعلا ويهدي فيها : دارتلك حاجة المريضة هده
علا : ماتبوش تخلوني في حالي انتووو
سامي : اهدي حبيبي اهدي
علا انهارت😭 : مش حبيبتك معاش تقول حبيبي معاااش نبي نسمعها الكلمة هده اعتقني خليني في حالي وهده المريضة قلها تفوتني احسنلها ؛ ومشت
اسيل تشبح لسامي ومصدومة بمعاملته لعلا قدامها : قدامي اديرلها هكي قدااامي😢
سامي شد اسيل من مرفقها ورفعها بقوة : درتينا العار والله لما تشوفي ع اللي درتيه اني اليوم لما نكرهك في اللحظة اللي عرفتيني فيها
اسيل : اطلقني ايدييي اااه ايديي😖
°
•
°
•
°
_________________________________________
سراج : ليال..
_________________________________________
~~
ليه يومين يبعت واني نتجنب فيه ومانبيش نرد لكن اليوم تحشمت واضطريت نرد...
_________________________________________
اني : نعم
_________________________________________
سراج : به اللي تفكرتي تردي
_________________________________________
اني : عندي قراية مانفتحش هلبا
_________________________________________
سراج : اها وحتى اليوم قراية ؟؟
_________________________________________
اني : اي
_________________________________________
سراج : به اسف ع الازعاج
_________________________________________
~~
خيره معاملتها متغيرة معاي...زعما شن السبب
اني مفروض نقوللها اللي في قلبي ونرتاح..
لكن خايف نخسرها لو اعترفت اااخ 💔....لالا مفروض نتريث ونفكر كويس ونزيد نتقرب منها اكتر .... به زعما في قلبها حد اي مرات علاش لا لكن علاش تكلم فيا كل يوم اكيد حاسة شي اتجاهي .... اياااا نتوهم هلبا اني
•°•°•°•°•°
وقعد سراج الليل كله الافكار تاخد فيه وتجيب وحاير كيف يتصرف مرة يقرر انه يعترفلي ومرة يقرر ان يستنى
°
•
°
•
°
عمر : وين ماشيا
سندس : بننزل تبي حاجة
عمر : شكلك دايرتيه قانون انك تنزلي يوميا
سندس : ننزل نساعد في امك
عمر : امي عندها زوز صبايا وبعدين انتي حامل مفروض ماتتحركيش هلبا وحاجة تانية عندك مسؤوليات في الحوش شكلك ناسيتيها
سندس : عمر اني ننزل ونخلي في الحوش نظيف وحوايجك محددات وامورك تمام وكانك ع الحمل عادي مش متعبني
عمر قعد يعيط : الز#### حياتك كلها ضمان وتطييب كرهتيني عيشتي حتى كلمة نبيك بديت متحشم نقولهالك شن بتقطني في حوش اماليا
سندس : تو كان ماننزلش راك تقولي امي وانزلليلها وتتعب بروحها والله حايرة من نرضي
عمر : حايرة من ترضي 😠 تي انتي مرتي اني ولا مرت العيلة كلها تي الزح حسسيني شوية اني راجلك شن الجفاف اللي عايشة فيه....نقولك وراس امك انزلي .... انزلي درهتيلي كبدي
~~
فريال : خيييرك
سندس تبكي : شي شي
فريال : عرفتكم تتعاركو صوت صياحه واصل للجنان شن في
سندس : يااللاي علي خاطر ننزل نضم ونساعد فيكم دارلي مشكلة
بلسم : به سندس انتي مش ضروري تنزلي كل يوم قصدي بدات توا ليل مفروض قاعدة مع راجلك الحق
سندس : هوا هدا اني كان معاش ننزل نطلع غالطة ومفروض نضم حوش العيلة وكان ننزل نطلع مقصرة معاه
بلسم علت صوتها : خيرك انتي تكشخي ماقلت شي اني .... هدا راجلك وماليكمش هلبا متجوزين يعني ديما يبيك وديما مفروض تتواجدي مش تنزلي معاش تركبي
فريال : نقصي صوتك خوتك يسمعو
~~
سراج : اني ماشي لهولندا بعد غدوا وبنخلي مفاتيح السيارة عندك والله نلقاك ماسها ولا طالع بيها مايصيرش خير
احمد : تي باهي الزح تقول مخلي فيراري
سراج : ماتمسهاش😒 نعرفك ونعرف طبعك
°
•
°
•
°
مؤيد : به حبيبتي علاش كل مانفتحلك موضوع الجواز تتعفلقي
مسرة : به انت مدام عارفني نتعفلق علاش تفتح فيه
مؤيد : لامتى بنقعدو ع الحال هدا
مسرة : مؤيد ماتنفخليش مرارتي بالله عليك
مؤيد قعد يعيط : والله الا انتي اللي نفختيلي مرارتي....يامسرة اني تعبت من الاخير تعبت كان ماتبيش قولي بش مانقعدش نستنى ع الفاضي
مسرة : خلاص فوتني كان تعبت انت مش مضطر تتحمل شي وكانك مستعجل في الف بنت تتمناك
مؤيد : هدا اللي طلع معاك من الموضوع كله
مسرة : معاش تعيط عليا مؤيد
مؤيد : تي ماشي ماشي
°
•
°
•
°
سامي : اني لازم نلقاله حل الموضوع اهوا
بوه : ياولدي البنت يتيمة والناس بدو يطلعو في الدوا من لما مشيتلها
سامي : مااادخليييش اني مادخليييش افهمو مامشيتش متعمد هيا كدبت عليا ال###
بوه : البنت بتقرا فاتحتها وماتناقشنيش في الموضوع
سامي : باهي تمام اني تو تشوفو شن ندير
امه : وليدي فكنا من المشاكل بالله عليك خودها وخلاص
سامي طلع ويشوف في شياطين الرجيم قدامه..
°
•
°
•
°
رنا : نتصل بيه مايبيش يرد
علا : تي فتيه تو يتصل هوا خيرك ترعشي عليه
رنا : اني ماغلطش ولالا ؟؟
علا : ماغلطيش وحتى لو غلطي هوا مفروض يرضيك شني هوا الراجل ولا انتي
رنا : قصدي بيديرلي جو ماتطلعيش الا بإدني 🙁
علا : على فكرة عاطيتيه اكبر من حجمه
رنا : انتي خيرك هازية هكي
علا : لان الموضوع من اصله مش خاشلي راس
رنا : والله موضوعك😐 لكن اني نحبه بجديات وهوا يحبني
علا : ماشعفتيش انتي....قصدي ماتعطيش الثقة بسرعة
رنا : لا متأكدة انه يحبني وبالامارة قال لنادر وفتحله الموضوع
علا تنهدت وسكتت
رنا : معاش كلمك سامي من لما صار موضوع الجامعة؟
علا : تؤتؤ
رنا: لامتى بتقعدو ع الحال هدا
علا : خلاص موضوع سامي نهيته
°
•
°
•
°
مسرة : ايوا شن الجو
هيام : تمام شن جوك انتي
مسرة : هيام ساعديني نبي طريقة نجيب بيها سراج تي مليت من الشبحات والحركات وماباش يفهم
هيام : شغلي دماغك تجيبيه
مسرة : كرهت انها الكلمة هده شغلي دماغك انتي بالك نقدر نجيبه
هيام : امممم🤔 تهدرزي معاه ع الفيس ؟؟
مسرة : مش ديما مرات نبعتله يرد ومرات مايردش
هيام : ديما انتي تبعتي هوا مايبعتش
مسرة : تؤتؤ مايبعتش بكل مركه
هيام : به خشي معاه في مواضيع الحب والكلام هدا بطريقة تجدبه وخليك جريئة
مسرة : زعما نكلمه في الليل
هيام : اي الليلة كلميه كان فتح وديري زي ماقتلك
~~
_________________________________________
مسرة : سيرجوو
_________________________________________
سراج : اهلين
_________________________________________
مسرة : اهلا بيك شن جوك
_________________________________________
سراج : تمام
_________________________________________
مسرة : سافرت ولا مزال؟
_________________________________________
سراج : سافرت
من قالك اني مسافر ؟؟
_________________________________________
مسرة : شفت رنا في الجامعة قالتلي سراج ماشي لهولندا....حمدلله على سلامتك
_________________________________________
سراج : الله يسلمك
_________________________________________
مسرة : شن خطر عليك السفرة
_________________________________________
سراج : عندي بضاعة بنجيبها من اهني
تصبحي علي خير تعبان بنرقد كيف واصل
_________________________________________
مسرة : وانت من اهله
_________________________________________
°
•
°
•
°
_________________________________________
مساء الخير تسنيم
_________________________________________
تسنيم : مساء النور مني ؟؟
_________________________________________
ماعرفتينيش
_________________________________________
تسنيم : الايميل مجهول كيف بنعرفك
_________________________________________
هههههه اي عندك حق
_________________________________________
تسنيم : مني انت ولا انتي
_________________________________________
اني قيس
_________________________________________
تسنيم : من قيس ؟؟
_________________________________________
قيس : اللي خدمتلك اللابتب متاعك..... نسيتي
_________________________________________
تسنيم : اهااا ولد عمت ليال
_________________________________________
قيس : ايوا
_________________________________________
تسنيم : اي عرفتك
_________________________________________
قيس : شن اخبارك انشالله كويسة
_________________________________________
تسنيم : الحمد لله بخير
من وين عرفت ايميلي
_________________________________________
قيس : سألت ليال
_________________________________________
تسنيم : اها
_________________________________________
قيس : معاش عك اللابتب متعك 😂
_________________________________________
تسنيم : ههههه لالا كملت السيمستر كله وهوا ماشي تمام
_________________________________________
قيس : شن تقري انتي ؟؟
_________________________________________
تسنيم : نقرا...
_________________________________________
~~
وفوتو الوقت وهما يهدرزو وكل مرة قيس يفتح موضوع ويحاول يطول الوقت اكتر
°
•
°
•
°
اني : ناااادر تعالى تعشى
نادر : اهو جيييت
بابا : حلوا الفطيرة والله 💓
ايناس : اي دارتها اختي اية
بابا شبح لنادر : معاش شفت احمد
نادر : لا نمشيلة في قهوته ديما وامس كنت عندهم في الحوش
بابا : كيف حالة عمك
نادر : الحمد لله
بابا : ماكلمتش سراج علي موضوع الوراق
نادر : لالا .... تو نكلمه لما يروح من السفر
اني : علاش هوا مسافر ؟؟
مسرة : سراج في هولندا
ايناس : عطاه ربي بالله من بلاد لبلاد 😑
~~
🕗🌒
نتقلب في سريري ماجانيش نوم...قعدت نفكر : عيب مانكلماش بكل تو يقول مزاجية مرة تهدرز ومرة تشوف روحها وبعدين مرات نتوهم ومايكونش حاط في راسه شي اتجاهي...
اي صح مفروض نكلمه ونقوله الحمدلله ع السلامة ومش لازم نطول في الهدرزة معاه نخلي حدود بيني وبينه
....فتحت ايميلي لقيته باعتلي قبل ساعة
_________________________________________
سراج : اسمعي ليال قولي لنادر يكلمني ضروري نتصل بيه ماحصلتاش
_________________________________________
اني : نادر تلفونة تكسر ...
_________________________________________
~~
طبعا مافوتش دقيقة ورد
_________________________________________
سراج : به كيف نوصل فيه
_________________________________________
اني : غدوا بتكلمه ولالا ؟؟
توا هوا راقد
_________________________________________
سراج : المهم حتى غدوا عادي لكن كيف بنكلمه
_________________________________________
اني : اتصل علي تلفون بابا
_________________________________________
سراج : لالا في موضوع بيني وبينه مش لازم بوك يعرف
اعطيني رقمك وغدوا الصبح نكلمه منك
_________________________________________
اني بعتتله رقمي : وصلك
_________________________________________
سراج : اي تمام
_________________________________________
اني : الحمد لله ع السلامة قالو سافرت
_________________________________________
سراج : هههههه والله جو انتي
_________________________________________
اني : خيرني
_________________________________________
سراج : لينا ساعة نتكلمو توا كيف تفكرتي
_________________________________________
اني : انت خشيتلي فيها نبي رقم نادر ومش عارف شنو ....لما تم الموضوع قتلك الحمد لله على السلامة
_________________________________________
سراج : باهي الله يسلمك
شني عندكم ليل في ليبيا 😞
_________________________________________
اني : اي وانتو
_________________________________________
سراج : نهار
_________________________________________
اني : اها
_________________________________________
سراج :مغطسة ليك فترة
_________________________________________
اني : قراية
_________________________________________
سراج : قراية ولا تتهربي
_________________________________________
اني : علاش بنتهرب
_________________________________________
سراج : اسألي روحك
_________________________________________
اني : لالا عالقة في القراية بس
_________________________________________
سراج : نشوف فيك مرات بالساعات فاتحة وماترديش
_________________________________________
اني : ههههه مش مضطرة نبرر 😊
_________________________________________
سراج : ماطلبتش منك تبرير ولا هامني تردي او لا
_________________________________________
اني : به مدام مش هامك علاش كل مانكلمك تقولي نشوف فيك فاتحة وماترديش قصدي اني حرة مرات ماعنديش مزاج نهدرز
_________________________________________
سراج : سلام 👍
_________________________________________
اني : ماتزعلش من كلامي😊ما نقصد شي واحني في الاخير زي الخوت 👌
_________________________________________
سراج : عندك حق انتي حرة مافي شي يزعل
لكن احني مش خوت 👌
_________________________________________
اني : بارك الله فيك
_________________________________________
سراج : عندي كدس خوات مش ناقص
_________________________________________
اني : ربي يحفظهملك لكن من الذوق انك تجامل وتقولي عادي انتي زي اختي😊 مش حينقص منك
_________________________________________
سراج : مانحبش نجامل....وانتي مش اختي ولا حتكوني يوم زي اختي
_________________________________________
اني : علي فكرة لما قتلك زي اختك مانقصدش بنفس المعزة....اكيد ماقارنتش روحي بمكانة خواتك لكن اللي نقصده ان زي صغار عم زي خوت مافيش فرق ومانبوش نزعلو من بعض
_________________________________________
سراج : كيف زي صغار عم زي خوت
انتي مقتنعة بيه الكلام اللي تقولي فيه ؟؟
_________________________________________
اني : خيرك ادقق هلبا
_________________________________________
سراج : ماندققش لكن تقولي في كلام غريب... ونكون كداب لو قتلك انتي زي اختي.... والكدب حرام
_________________________________________
اني : لكن اني نشوف فيك زي نادر بالزبط ومافيش فرق 😉
_________________________________________
سراج : هههههه صعب التفاهم معاك
_________________________________________
اني : لا والله انت مصعبها
_________________________________________
سراج : انتي مشششش اختي وجو الاستعباط فكينا منه 😉
تصبحي علي خير
_________________________________________
~~
ماعرفتش شن يقصد وفتته معاش بيت نرد عليه
°
•
°
•
°
ترررن ترررن 📱
علا استغربت من الرقم لان ماتعرفاش : الو
فاطمة ام سامي: ايوا السلام عليكم
علا : وعليكم السلام مني
فاطمة : اني عمتك فاطمة ام سامي كيف حالك ياعلا
علا : اهاا اهلين عمتي فاطمة كيف الحال
فاطمة : والله ماهو باهي يابنتي...بنسألك ماكلمكش سامي بنتي ؟؟
علا : لا ليا فترة ماكلمتاش!😞
فاطمة : ياحليييلي من هالولد ليه قريب اسبوع ماروحش للحوش ولا اتصل بيهبلني
علا : اسبوووع😦
فاطمة : اااه كيف بندير كيف بنوصل فيه بالله كيف😖
علا : بالك عند صحابه
فاطمية : بالله عليك بنيتي والله بالي مشغول بنهبل ابعتيلي رقم خوك مش صاحب سامي مرات يعرف عليه حاجة
علا : المشكلة سراج في هولندا ياعمتي فاطمة 😔 كيف من بنسألو
فاطمة : وووه عليا امتا يروح خوك
علا : مش عارفة تو اليوم نحاول نكلمه ونسأله
فاطمة : ياااريت بالله عليك اسأليه وراس بنتي
علا : حاضر
°
•
°
•
°
روحت من الجامعة الظهر بدلت واتكيت شوية ورن تلفوني شفت لقيته رقم من الخارج عرفته سراج
سراج : ايوا
اني : .....
🌷يتبع🌷
مانبيش اقل من 600 كومنت 😘
#__timOo__💜
