#__وتين__🍃
نعيد ونكرر الحلقة منسوخة في اول تعليق
🌷الحلقة 45🌷
خليت سراج واقف شوية ف البلكونه وبنطلع من المطبخ سمعت صوت باب الحمام تجمدت ف مكاني وتلفتت جيهة الحمام بنشوف مني اللي طالع من الحمام لقيتها مسرة
خليت روحي عادية لكن المشكلة مش اهني المشكلة ان سراج طلع وراي وهي قعدت واقفة ومصدومة وبدت تشبح مرة لسراج ومرة ليا
سراج هزلها راسه بمعنى خيرك
مسرة : مواعيد غرامية 😏
اني تكلمت بكل جرأة وقوة لان نبي نحسسها اني مش خايفة لا منها ولا من غيرها : اووو سوري ماخديناش ادنك
سراج ضحك
اني : تصبحو ع خير ؛ وخشيت للدار
مسرة اشرت بصبعها جيهتي 👉 وتكلمت باستهزاء : مانحسابش هدا مستواك
سراج : علاش في مستوى ارقى 😏 ؟؟
مسرة قامت حاجبها وبعدين خشت للدار
~~
"مسرة : س سراج وليال 😳 واني اللي ندحنسله زي الكلبة ولما نشوفه تصير فيا حالة ف الاخير طلع يبي وحدة تانية لا وياريت حد تاني...ليااال اللي نحسابه حتى مش معبرها طلعت حايمه عليه زي الشيطان...تارتني اني اللي هبلة وغبية ونحساب روحي نلعب ف الشيطان بصوابعي هه صحة ليها بنت امها 😏"
°
•
°
•
°
☀️⛅
ميرا : ممكن تفهمني شن تبي مراد
مراد : خشي للعمارة هده نتفاهمو خير من واقفين ف الشارع
ميرا : افهههم مافي شي نتفاهمو عليه ومافي شي بيناتنا من الاصل
مراد : خشي للعمارة ماتخلينيش نجبدك من ايدك قدام الناس 😡
خشو لعمارة وكان فيها ريفوتجو كبير متع سيارات وقفو فيه
ميرا : هي قول شن عندك
مراد : علاش هكي انتي 😠
ميرا : مراااد خليني فحااالي تفهم فيااا خليني فحااالي اني مانبيكش وانت توا لصحابتي مش ليا واصلااا...
مراد دفها ع السيارة قبل ماتكمل دوتها وحاصرها بيديه وهي معاش قالت ولا كلمة وتشبحله وخلاص...
مراد يشبح لعيونها بجرأة : انتي علقتي ف راسي ولما حد يعلق ف راسي صعب انه يتنحى
ميرا تاخد ف نفسها بصعوبة : سس س سيبني😳
مراد بحرقة : مش قادر 💔
ميرا : م مراد اللي نديرو فيه غلط
مراد : اني نبي نغلط
ميرا : واني مانبيش
مراد : غصبا عنك تبي
ميرا : اا احني ف الشارع بعد
مراد بعد عليها : اني مانبيهاش وانتي دخلتيني ف العلقة هده وطلعتي زي الشعرة من العجينة....لكن والله ماني مسيبك بالساااهل
ميرا : علاش مصر ادخلني ف الموضوع
مراد قعد يعيط : لانيييي حببيييييتك انتي مشش هيااا انتيييي ونبييك انتيي فاااهمة 😠
ميرا : اني بنتجوز
مراد نصدم : ش شنو ؟؟
ميرا : اي بنتجوز وبنسكن ف امريكا وبنبعد علي اي شي يربطني بليبيا غير اهلي
مراد : تحسابي ساهل نلحقك
ميرا : بعد مانكون تجوزت علاش بتلحقني
مراد : تي مش تتجوزي تي انشالله نسمع بصغار صغارك مزال نبيك والله مافي واحد ف الدنيا يقدر يبعدني
ميرا : انت تقول ف الكلام هدا علي اي اساس....ناسي ان البارح كان بيانك
مراد قرب منها : والله العظيم ماشبحت لغيرك البارح ولا قدرت نشبح حتى هي ماقدرتش نشبحلها ولا نحط عيني ف عينها
ميرا : هده اسمها خيانة 😢
مراد شدلها يديها وقربها ليه : نسيبها ونتجوزك انتي وماتبداش خيانة 💔
ميرا : لا خيانه لما ناخدك منها
مراد زاد قرب : انتي ماخديتينيش منها اني ليك من الاول
ميرا : م ممراد
مراد لصقها فيه وحط صبعة ع فمها: اششش
ميرا : ب ب ببعد 😢
مراد يتكلم بهدوء : مش قادر
ميرا بعدت علي بقوة ومشت وخلاته وعيونها معبيات دموع
°
•
°
•
°
روحت من الجامعة تغديت وركبت لداري وطبعا مسرة ماشبحتليش بكل وتتجاهل فيا كأنها مش هي نفسها اللي كل ماتشوفني تلقح
بدلت وصليت وقعمزت نقرا شوية وخشتلي ف الدار جت وقفت جنبي وحطت ايديها ف خصرها
مسرة : تلعبي ف العاب متع كبار وانتي قعدة زغنونه 😏
اني عيوني في الشيتات وماشبحتلهاش وتكلمت ببرود : علاش انتي تشوفي ف روحك كبيرة
مسرة : غصبا عنك وعلي جاباتك 😏
اني شبحتلها : الكبير الله 😊
مسرة : لو متوقعة سراج بياخدك نقولك ان مايشبحش للرخاص
اني : اي ولهالسبب اختارني اني
مسرة : خشيتي لحلبة المعركة...واني خصمك
اني وقفت قدامها : لا تخاصميني ولا نخاصمك....لو تبي سراج هو قدامك كان شبحلك ولا عبرك خوديه هو ليك لكن مدام هو من البداية مش حاسبك اتعبي ف روحك علاش
مسرة : حتى لو هو ماكانش ليا انتي مش حتتهني معاه بعد مانادر يعرف
اني حطيت ايدي علي فمي ع اساس مصدومة : واااااو😮 نحسابك ادكى من هكي طلعتي فاشوش....بري قولي لنادر وطبعا هو حيفرح لان ياخدني ولد عمي خير من حد غريب يعني انتي هكي زدتي سهلتي علينا المسار 😁
مسرة : بالك تحسابي اماليه بيرضو بوحدة زيك 😏...تي هم فوق فوق حتى شبحك مش متحملينه
اني : 😂😂اني بناخده هو ولا اماليه....ويكون ف علمك حتى لو فريال وبناتها مايبونيش ف الاخير الكلام كلام عمي ولو يبيني سراج حيقول لبوه وكل شي يمشي زي مانبي وحتى لو فكرتي تعبي لبابا راسه انتي وامك لو عمي جي طلبني مستحيل بابا يرفض يعني اركحي من توا وماتعاندينيش
مسرة : هه بالك تحسابيني قاتله روحي عليه...لعلمك بداله هوا نجيب الف ونلعبهم كيف مانبي وطزززز فيك وفيه
اني : تفضلي من شادك
مسرة طلعت وخلتني
~~
ايناس : ممي هي
مناسك : ابيس
ايناس : كووولي
مناسك : 😭ابيييس
مسرة جت قعمزة جنب امها
ايناس : تبي ياغورت
مسرة : امالا بالكاشيك هدا رايح كله روايق مناسك 😑
ايناس : بالك تبي انوض نغسلهولك 😒
مسرة : ترا قولي سراج من يبي
ايناس : مني😮
مسرة كيف بتتكلم وف لحظة ادكرت كلامي وادكرت معاملة سراج ليها وقعدت سارحة
ايناس : ادوي الزززفت
مسرة : ااا يبي بنت تانية
ايناس : من هي
مسرة تعصبت : شن عرفني من هي المهم بنت تانية 😡وماعش تدويلي عليه وتقوليلي خوديه اني طيحت كرامتي زيادة ع اللزوووم😤
ايناس : اسمله اسمله علي كرامتك...ياغبية اجري عليه وجيبيه
مسرة : معااااش تقوليلي جيبييييه ياااسر كرهتيني ف حياااتي مايحبنييش هو مايييحبنيش يحب وحدة تانية شن بنحشي روحي ف قلبه بالسيييف 😠
وناضت مسرة خشت لدارها وهي منهارة ومتعصبة وبدت تحدف ف المخاد بغل غلها : العييييشة الغبببرة انشالله ربي ياااخدني ونفتتتك منكم عيلة شوووم
~~
°
•
°
•
°
🌒
فاطمة : خييييرك 😦
يارا : شي ماما ماخيرني شي
فاطمة : خيره وجهك احمر ؟؟ كنتي تبكي 🙁
يارا : ماما بالله عليييك خليني بالله عليييك
فاطمة قعمزت جنبها : هناك وحدة امس بيانها وعرسها قريب تبكي
يارا : وكان بياني امس شني يعني لاهو عرسي ولا تخرجي عقاب موضوع تافه ندمت اللي درته ف الصالة
فاطمة : اللطف خيرك تدوي هكي
يارا : شي😢
فاطمة حضنتها : خيرك بنيتي احكيلي اميمتك اني
يارا قعدة تبكي : حاسة روحي مضااايقة ياماما 😢
فاطمة قعدت حاضنتها وتمسدلها ع ضهرها
°
•
°
•
°
☀️⛅
مسرة : تعرفي الدكتور مافهمتش منه كلمة
هيام : واضح كل مانشبحلك نلقاك سارحة
مسرة : مصدومة ياهيام
هيام : تعرفي لما قتيلي قريب صخت من الصدمة....ماتوقعتش بكككل
مسرة : حامت عليه لين جاباته بنت الق###
هيام : نقصي صوتك الزح ولاد
مسرة : تعالي ناكلو جعانة
هيام : شوفي شوفي 😮 سيارة مؤيد
مسرة : اي هو...شن جاي يبي
هيام : يبيك اكيدة 😒
~~
مسرة : علاش جاي
مؤيد : استاحشتك وجاي بنشوفك
مسرة : اها
مؤيد : ليك فترة ماترديش علي اتصالاتي علاش
مسرة : قراية مانفضاش
مؤيد : حتى توا مش فاضية 😑
مسرة : لا فاضية
مؤيد : شن جوك
مسرة : مش مليح
مؤيد : علاااش ياعمري
مسرة : هكي
مؤيد : به جايبلك حاجة تبي تشوفيها
مسرة : اي 😊
مؤيد فتح باب السيارة : اركبي
مسرة ركبت : شن جايبلي
مؤيد طلع فازو نوتيلا وباكو صغير فيه سلسلة
مسرة : محلاها😍
مؤيد : انتي محلاك 💕
مسرة : هههه
مؤيد : شن مضايقك ياعمري
مسرة : مضايقة من كل شي
مؤيد شدلها يدها : خلينا نتجوزو ياقلبي ووالله نبعدك علي اي شي يضايقك ونخلي ايامك كلها حلوا
مسرة قعدت ساكتة
مؤيد : فهميني علاااش ماتبييش
مسرة : حسستني انك درت حاجة يعني...انت تدوي وخلاص يامؤيد لاجيت لا سكتت
مؤيد : ماهو نقولك وانتي ماتبيش
مسرة : اللي يبي يفعل مايدويش...لو تبيني كنت جيت من غير ماتدوي وتسأل
مؤيد : هدا كلامك
مسرة : اي هدا الواقع
مؤيد : خلاص ولا يهمك 😉
°
•
°
•
°
اني و نادر : السلام عليكم
ماما : وعليكم السلام...جيتو 😊
نادر : جينا
اني : شن الجو
ماما : الحمد لله...
عبسي : اهلييين بالغوالي
نادر : اهلا بيك
ماما : هي لونا بدلي وتعالي حطي معاي الغدي
اني : هي
حطينا الغدي وتغدينا شوية وخشت خالتي فاطمة وديما
اني : اهلين خالتي كيف حالك
خ فاطمة : به الحمد لله....كيف حالك يانادر
نادر غمز لديما : كويس بعد شوفتكم
اني : احترم خالك شوية
نادر : 😒مايهنيكش لسانك
درنا شاهي و قعدنا نهدرزو ونضحكو وبعدين نادر وعبسي طلعو وقعدنا احني بس
اني : بايتين
ديما : يس يس وانتي
اني : ياسر بلا جو هو نادر جاي علي خاطرك 😏
ديما ضحكت
خ ليلى : ديرونا صفية قهوة هوني جايبة كنافة
ديما : ماتعياش ماما😑
اني : 😂
~~
~~
🌒
ترررن ترررن 📱
ديما : قصدي هده ممكن 5 مكالمة وماتبيش تردي 😒
اني : اششش راهو تسمعك ماما
ديما : امممم 😏😅
اني : به بلا برادة 😑
ديما : منو يامسخة تبيش تحكيلي
اني : مافي مانحكيلك
ديما : تي باهي به
اني : لما تبدا في حاجة تنحكا تأكدي اني حنقولك 😊
ديما : لكن ماتقنعينيش ان هدا مش ولد
اني : هههه
ديما : ردي عادي واني تو نعس عليك
اني : ياوخيتي سلمها😘
~~
سراج : خيرك ماترديش الزح 😡
اني : اهو رديت...
سراج : المهم شن الامور
اني : تمام
سراج : شني ماصار شي بينك وبين مسرة
اني : تي فكني منها ومن سيرتها
ديما : اسمعي ناداني نادر برا ماتخليش امي تجي واني مانخليش خالتي تجيك
اني هزيتلها راسي بمعنى به
سراج : تي من اللي يدوي
اني : بنت خالتي
سراج : علاش انتي ف حوش خالتك
اني : لا في حوش جدي بايتين مع بعض
سراج : اها...هده اخت هداكا الركيك😑
اني : ههههه لالا هده بنت خالتي التانية
سراج : به وحتى هو بايت معاكم
اني : لا احني وخالتي هده بس هو عيلته ماجوش واصلا بايت معنا نادر وخالي اطمن
سراج : به وخالتك هده عندها ولاد
اني : لا عندها راس بنت
سراج : به كويس
~~
مشت ديما للدار وتأكدت ان ماما وخالتي رقدو وبعدين شافت دار عبسي لقتها مسكرة...خشت للمطبخ دارت صفرة عشي وطلعت للجنان التالاني
نادر : واخيرا...ليا ساعة نستنى
ديما : نوتولك ف عشي وانت مش عاجبك شي
نادر : ياودي نجيهولي وخلاص❤
ديما : ههههه
نادر : تي غر تعالي اهني خيرك قعمزتي غادي 😒
ديما : وين بنجي
نادر ادنى شوية : اهني
ديما ضحكت وجت قعمزت جنبه وبدت اديرله ف ساندوتش وهو يتفرج عليها
ديما : معاش تشبحلي لو سمحت 😌
نادر يتكلم بهدوء : علاش ❤
ديما : هكي
نادر قرب وباسها تحت ودنها : وكان شبحتلك شن بديري ❤😍
ديما جسمها تقشعر : بطل حبيبي تو يجي حد يشوفنا
المهم ! قعدو ياكلو ويهدرزو وكل مرة يجبدو موضوع...واني مقعمزة ف الدار ونهدرز مع سراج وطبعا ديما نستني اني ونست انها تعس عليا وناضت ماما خشت للحمام وبعدين جت للدار وستر ربي اني كنت حاطة السماعات في وداني وواخدة احتياطاتي
ماما : مارقدتيش
اني نسمطت لما لقيتها ف الدار لان الدار مضلمة ماشفتهاش كيف خشت: هأه
ماما فتحت الضي : تسمعي ف اغاني
اني : اا اي
ماما : ف هاليل تسمعي ف الاغاني
اني : اا ماجانيش نوم
ماما : اممم...وين ديما
اني : ديما😮...اا ف ف في المطبخ
ماما : اها به تصبحي علي خير
اني : وانتي من اهله😪
ترررن 📱
اني : الو
سراج : خيرك سكرتي
اني : ماما خشت
سراج : تي باهي قوليلها وريحيني
اني : هييي هدا ماناقص بش تدفني ف الحياة
سراج : علاش قصدك هي من نوع المحافظ 😂
اني : لا عادي هي لكن...
سراج : لكن شني
اني : المهم نقدرش نقوللها وخلاص فوت الموضوع
°
•
°
•
°
☀️⛅
بو مؤيد : والله اني نتشرف ببنتك لولدي مؤيد
بابا : والله شن بنقولك...انشالله اللي فيه الخير ربي يقدمه واني لازم ناخد شور العيال والبنت
بو مؤيد : اي اكيد طبعا خود وقتك وفكر براحتك وردلي خبر
~~
~~
ايناس : كيييف 😑
مسرة : اي خيره مؤيد اول ما قتله تعالى جي يجري وولد عيلة ويبيني واني اقتنعت ان ناخد اللي يبيني خير من اللي نبيه
ايناس : تلقي خير منه ياغبيية
مسرة : اني قررت نبيه هوااا وكان بنقعد علي كلامك انتي وبنعنس واني نستنى ف امير الليل اللي تحلمي بيه
ايناس : عليك دماغ سطل وخلاص
مسرة : ماما قولي لبابا اني موافقة خير مانقوله اني
~~
نادر : اقوا علينا خطابا ماشيين جايين حسسوني انكم ساندريلات😂
مسرة : بالنسبة ليا ساندريلا ونص وخمسة 😌
نادر : بالله 😒
مسرة : شن رايك فيهم العيلة
نادر : تي اليوم بس جو تبيني نقولك رايي
مسرة : اي قصدي شن حكمت عليهم اول مرة
نادر : البو كويس والولد ماهدرزتش معاه هلبا وخوه دمه رزين😑
مسرة : اي خوه مرككه
نادر : ومنين تعرفيه انتي😒
مسرة : تي ماهو قتلك حوش صاحبتي
نادر : وصاحبتك تعرفي خوها اللي دمه رزين وخوها اللي دمه خفيف وخوها اللي دمه نص نص 😒
مسرة : حسستني تو انت ماتعرفش هيام وماتهدرزش معاها ولا رتاج صاحبت اختك...قصدي عادي يسلمو من بعيد
°
•
°
•
°
ومر اسبوع ومشي نادر وخال مسرة يسألو علي عيلة مؤيد وشكروهم وولا بو مؤيد مرة تانية هو وامه وخواته ودارو مقابلة شرعية
~~
بابا : والله انشالله عطيت مسرة
ع عبدالله : بالله عليك
بابا : اي...جوني عيلة المدة اللي فاتت
ع عبدالله : عيلة مني ومن وين
بابا : من ### عيلة كويسة نشدنا عليهم
ع عبدالله : به الحمد لله انشالله ربي يقدم اللي فيه الخير
بابا : هو هدا
ع عبدالله : وبديرو حاجة رسمية ولا شني
بابا : هم يبو العرس قبل رمضان
ع عبدالله : خيرهم مستعجلين عاد رمضان معاش مزال عليه هلبا
بابا : ياودي هي البنت راضية وامها ماقالت شي خلي تمشي اطب نصيبها
ع عبدالله : وتلحق توتي روحها
بابا : تو بنحددو موعد العرس غدوا بيجيني بوه وهي تطلع كل يوم تبتت
ع عبدالله : به كويس
~~
~~
~~
اني : قلتلك حقاا
ماما : علي شنو
اني : مسرة نخطبت
ماما : ونبي
اني : والله...وعرسها قبل رمضان
ماما : افتكيتي بتبرطعي ف الحوش بروحك
اني : اي كان خلتني ايناس ف حالي
ماما : ع الاقل ايناس بروحها مش هي وبنتها
اني : اي صح
ماما : مني خطبها
اني : مش حاكيتلك قبل علي ولد يبيها سماه مؤيد
ماما : اي هو نفسه
اني : اي هو هدا
ماما : به العقباليك انشالله يجيك واحد خير منه
اني : انشالله
~~
عبسي : بالله علييك
مؤيد : اي والله
عبسي : هي نفسها البنت ؟؟
مؤيد : هي نفسها 😅
عبسي : ههههه به ربي يتمملك علي خير انشالله
مؤيد حط ايده علي كتف عبسي : العقباليك
عبسي : هههه لا حتى اني معاش بعيدة
مؤيد : انشالله..
عبسي : من وين العيلة هما
مؤيد : ....
🌷يتبع🌷
.
.
#__timOo__💟
