#__وتين__🍃
🌷الحلقة 21🌷
سكرت علا الخط وتلفتت باتجاه الكافيتيريا لقت سامي واقف تجمدت في مكانها وقعدت تبلع في ريقها وتاخد في نفسها بصعوبة وتوترت معاش عرفت تتصرف مشاعرها تخلطت حب مع كره.... مستاحشاته وفي نفس الوقت متمنية تقتله
احاسيس ماعرفتش تفسرها قعدت واقفة قدامه وخلاص وبعدين جمعت كبريائها في لحظة وادكرت اول ماسمعت خبر خطوبته ومشت وكأنها ماشافاتاش
طبعا سامي كان متوقع وشبه متأكد ان هده حتكون ردة فعلها وحتمشي بهدوء وما كانش ناوي يناديها او يجري وراها زي اي شخص طبيعي لان عارف الشي هدا مش حيدير فايدة معاها.....شدها بقوة من يدها بحيت انها ماتقدرش تفك ايده
سامي : نبي ندوي معاك
علا تحاول تفك ايده بقوة: حووول😡
سامي : قسما بدات الله لو مامشيتيش معاي توا للسيارة لما نقيمك قدام الجامعة كلها ونرفعك للسيارة
علا متشنجة وتحاول تنحي ايدها من ايده: حووول ايدك خير مانعيط ونلم عليك الناس
سامي قرب منها وزاد ضغط ع ايدها وحط سنونه علي بعض : تعالي معاي بهدوء خير مانرفعك بالغصب علا
علا غصت ودمعتها في عينها وعلت صوتها بش تحاول تخفي ضعفها : شن تبي مني انت
سامي اهدي اول ماحسها بتبكي وتكلم بنبرة هادية : نبيك انتي 💔
علا : حول....سيبني
سامي : قبل ماتسمعيني مش حنمشي من اهني
علا : مانبيش نسمعك ومانبيش نشوفك خليني في حالي بسسس
سامي طلق ايدها وحط كفه في كفها و رفعها للسيارة : اركبي
~~
علا : علاش ماتبيش تفهم اني مانبيش نسمعك مانبيش..... حتى وجهك مش متحمله نشوفه
سامي علا صوته : ماتقوليش هكي وانتي مش عارفة السبب ياعلا
علا : مايهمنييييش اسبابك كلها ماتهمنيش
سامي : اني حنفهمك الموضوع وبعدين انتي ديري اللي يريحك
علا : لعلمك مهما كان السبب اني مش حنعدرك
سامي : علااش......شكلك تستني امتا تتفكي مني وجت منك ياجامع
علا : هدا وين اقتنعت ان الرجالة كلللللهم زي بعض تصدق
سامي قعد يعيط بصوت عالي : انتي علاش هكي علاااااش علااااش اللي درتهولك كله مسحتي جد امه بموقف واحد.....السنين اللي فاتت كلها نسيتها علي خاطر موقف..... واتصالاتي بيك ورسايلي ماكلفاتكش نفسك تقولي نفهم القصة مرات دار هكي مجبور مرات مش بإرادته اني اللي خطبتها هده من يوم البيان لحد هالحظة معاش كلمتها ولا فكرت نتصل بيها
علا : هدا مش موقف هدا اسمه انت اخترت حياة جديدة ونهيتني من حياتك وبعدين حتى لو كنت مجبور اكيد الموضوع ماصارش في ليلة اكيد متفقين ومحددين موعد الخطوبة وماشي وخاطب ومداير فضانية وهدا كله واني نهدرز معاك كل ليلة وماقتليش يعني خيانة تعرف شن يعني خيانة يعني قتلتني غدرت بيا ولعلمك اني وجعني انك تهدرز وتضحك معاي وانت بتمشي تخطب اكتر من انك خطبت
سامي : كنت حنقولك لكن انتي سمعتي بكري ماكنتش متوقع انك حتعرفي بهسرعة كنت نبي نقولك ونفهمك علاش هكي صار
علا : تو شن المطلوب مني اني نباركلك
سامي : علا خليني نفهمك بس وبعدين انتي براحتك حتى تبي تفتحي باب السيارة وتنزلي المهم توا اسمعيني....اني نحطيت في الامر الواقع وهيا دارتلي فيلم خلتني في موقف اني توا اقتنعت انها وحدة ##### اتصلت بيا تعيط وقتلي امي مريضة واني قاعدة معاها بروحي وخواتي كل وحدة في حوشها وامي شكلها اطلع في الروح والدوا هده ومشيت بحسن نية وقلت خوت ولاد ماعندهاش وخواتها متجوزات ولما مشيت دخلتني للمربوعة وسكرت الباب وقمزتني نستنى فيها قريب نص ساعة وبعدين جتني بلبسة تانية مشحطة ومنظرها يدير العار اني لما فهمت الجو وعرفت نيتها نضت بنطلع وقبل مانطلع طق الباب ناضت زي المجنونة دارت روحها خايفة وبدت تعلي في صوتها وتقولي راجل اختي راجل اختي اني معاش فهمت شي لين دورا خش راجل اختها ويقولي شن ادير اهني وحوش فاضي ومافيشي رجالة والدوا هده وتعاركت اني وياه وكبرت وتاني يوم خش فيها الرصاص وخشو ولاد عمها وصارت معمعه طويلة عريضة
علا عيونها تعبو دموع : قصدك اللي خطبتها اسيل ؟؟
سامي : ومن غيرها ال #### يدير حاجة زي هده....وجاب ربي لما كلمتني كنت مقعمز مع ولاد وشاهدين ع الموقف
علا : لكن هي حبيبتك القديمة يعني مفروض ماعندكش بيها اي خلطة ومفروض رقمها مارديتش عليه
سامي : مانحساباش رقمها كان هدا مارديتش
علا : وعلاش اللي صار كله ماقتليش عليه
سامي : كنت نبي نقولك لكن انتي سمعتي من برا شن بندير وبعدين الكلام هدا مايندري بيه حد غير عيلتي وصغار عمها
علا : تو اللي صار صار واللي احني نديرو فيه اسمه خيانة
سامي : به اني مانبيهاش اني نبيك انتي اني نحبك انتي واللي صار غصبا عني
علا : صار غصبا عنك لكن صار ومعاش في حل غير اننا نسيبو
سامي : نسيبو 💔 تقولي فيها بكل سهولة....به اني شن دنبي
علا : اني توا مالياش الاحقية اني نقولك شن دنبك واصلا لو كنت ليك دنب او لا احني خلاص معاش في حل غير ان نسيبو بعض وهده حاجة طبيعية
سامي : واللي فات كله خلاص مسحتيه
علا : قول لروحك انت الغالط في القصة كلها انت الغالط وبعدين تبيني نكون معاك ع اي اساس انت توا خاطب....كيف تبيني نكون معاك خيانة يعني
سامي قعد يسمع فيها وساكت
علا : ربي يسمعنا علي بعضنا الاخبار الطيبة
نزلت علا وعيونها معبيات دموع 😢 وقلبها مكسور
وسامي يتقطع من داخل ومش قادر يقوللها اقعدي لان كلامها كله صح مافيش اساس لعلاقتهم بعد اللي صار ومعاش ليه حق يحبها ولا حتى يفكر فيها💔
°
•
°
•
°
سراج : خلاص اني كلمته الراجل تو يحل الموضوع
مراد : اي سألت اياد ع الموضوع قالي حلها سراج
سراج : تي اي اعتبره منتهي موضوعه
مراد : محلا امه الجو الزفت مطر وصقع والله ماربحها الا عمر في الدفي
سراج : برا ارقد تحت امك تو تدفى😂
مراد : خلي نصايحك الجبارة لروحك
سراج : بالله شن تبينا نديرولك....جبنالك طرف وقنالك تجوزها قلت لا قنالك ارقد تحت امك ماعجبكش برا انشالله يقتلك الصقع😂
مراد : طرف قتلي 😂 شني امالا عاجباتك
سراج شبحله : 😒
مراد : ماتشبحليش هدا الواقع
سراج : خير امك بديت تخرط
مراد : لا ياولد العم 😉 مانخرطش وزابط كل شي
سراج : مافهمتش خيرر#### تلقح في الدوا ليك اسبوع وين تبي توصل
مراد : شي شي 😁 ؛ وناض
°
•
°
•
°
تسنيم كانت تكلم في اختها سما وتعاركت معاها وسكرت الخط وبعدين تلفونها رن 📱 : شن تبببي شن تببببي
قيس : الو
تسنيم وجها ولا احمر تحشمت ومعاش قالت ولا كلمة
قيس : الوو
تسنيم : ااا الو
قيس : تسنيم ولالا ؟؟
تسنيم : اي اي
قيس : انشالله خير خيرك تعيطي 😂
تسنيم : ههههه لا غر كنت نتعارك اني واختي😳
قيس : بنقولك اللابتب متاعك صلحته امتا ماتبي تعالي خوديه
تسنيم : اها شكرا
قيس : العفو
تسنيم : خلاص تو نجي ناخده غدوا العشية
قيس : تمام
°
•
°
•
°
خالتي ليلى: كيف حالك وكيف حال نادر
اني : كويسين خويلة الحمد لله كيف حالكم انتو
خالتي ليلى: باهيين تعالي اليوم باتي مش قلتي تو ندير يوم نجي
اني : ااا اليوم اليوم مافيش من يجيبني
خالتي ليلى يجيك مطلب
اني : ماهو بابا بيقولي ماشيا مع ولد خالتك بروحك والدوا هده
خالتي ليلى: نبعتلك معاه شهد
اني تلخبطت معاش عرفت شن نقول كل ماندير سبلة تلقالها حل 😟
اني : به نشوف بابا ونرد عليك
خالتي ليلى: شوفيه وكان قالك لا اني عندي رقمه نكلمه نقوله يخليك تجي
اني : به تمام
°
•
°
•
°
علا 😢: هدا اللي صار
رنا : قصدك توا خلاص انتهي كل شي
علا : في حل تاني 😢
رنا : لا حول ولا قوة الا بالله 😔
تن تن 📲🗨
_________________________________________
عبسي : رنا
_________________________________________
رنا : اهلين
_________________________________________
عبسي : اهلا بيك شن الجو
_________________________________________
رنا : تمام شن جوك انت
_________________________________________
عبسي : ماشي الحال
_________________________________________
~~
واستمرو يهدرزو كالعادة ويتضاهرو انهم اصدقاء...☄
°
•
°
•
°
اني بالشوية : وين ماشيا
شهد : اني عندي كورس بيحطني مطلب وبعدين يوليلي
اني : وبنكمل الطريق بروحي معاه
شهد : اصلا هدا المطلوب 😉
اني : خزي عليك فوتيه اليوم الكورس
شهد : لالا مانقدرش...باي نتلاقو في الليل
~~
مطلب : خيرك
اني : شي
مطلب : حاسك متوترة ولا مش عارف كيف
اني مابيتش نرد
مطلب درس السيارة وتلفتلي وحط ايده ع مسند الكرسي اللي مقعمزة عليه وقعد يشبحلي
تمنيت الموت في اللحظة معاش عرفت نتصرف
اني : خيرك درست
مطلب : خيرك تعاملي فيا هكي
اني مابيتش نرد
مطلب : فهميني علاش هكي تتعاملي معاي علاش....العيلة كلها من كبيرهم لصغيرهم عندهم معاك حظ الا اني علاش علاش
اني : مطلب امشي لو سمحت المغرب قريب يأدن
مطلب : اااه ياربي اني في شني وانتي في شني....مانيش ماشي لين تتكلمي لين تجاوبيني
اني : علي شن بنجاوبك...ومن هما اللي عندهم معاي حظ قصدي هما كلهم بنات...
مطلب : واني شن محلي من الاعراب
اني : انت ولد خالتي وزي خوي لااكتر ولا اقل
مطلب : اها زي خوك
اني : اي زي خوي
°
•
°
•
°
_________________________________________
سراج : شن جوك
_________________________________________
اني : كويسة
_________________________________________
سراج : وين
اليوم جيت لحوشكم ماشفتكش
_________________________________________
اني : في حوش خالتي
_________________________________________
سراج : سبحان الله من لما خشيت لحوشكم حسيته منور قلت اكيد انتي بايتة برا
_________________________________________
اني : دمك خفيف 😑
_________________________________________
سراج : خيرك ديما خلوقك ف حكة 😒
_________________________________________
اني : ههههههه شن هيا.....خلوقي ف حكة 😂😂
_________________________________________
سراج : عجباتك
_________________________________________
اني : جديدة اول مرة نسمعها 😂
_________________________________________
سراج : بطول عمرك
بايتة عند خالتك ولا روحتي
_________________________________________
اني :بايتة
_________________________________________
~~
صفاء : لونا هي تعالي تعشي
اني : هيا جيت
مطلب : امي طالع اني
خالتي ليلى: في هالوقت
مطلب : اي ماشي لحوش وليد صاحبي
خالتي ليلى: غر ماتتأخرش في الليل
~~
خالتي ليلى: شن ماعجبكش العشي
اني : زي العسل
خالتي ليلى: وخيرك ماتاكليش
اني : والله ناكل
شهد : تعرفيها لونا تنقش زي القطوسة
صفاء : زي العصفور وانتي الصادقة😂
اني : خزي 😂
~~
خالتي ليلى : بنهدرز عليك شوية عادي
اني : اي عادي
خالتي ليلى: انتي تعرفي يالونا قداش ماغاليا علي قلبي والله نحسب زي شهد وصفاء وماعندي فيكم فرق ويعلم ربي قداش نحبك
اني : والله عارفة وحتى اني نحبكم
خالتي ليلى: ياليال مطلب يبيك ورايدك والله وليدي كل يوم يدويلي علي نفس الموضوع وبيهبل فيك والله ماك لاقيا عزوز تحبك زي خالتك وامك التانية ومطلب عاجبتيه وميت فيك وغر ارضي بس
اني : لكن اني مزال المواضيع هده مافاكرتش فيها
خالتي ليلى: به امتا بتفكري انتي رحتي صبية وتهبلي مشالله عليك واحني مانبوكش تريحي من ايدينا وياخدك البراني وبعدين هدا الطب البشري سريبه طويل تجوزي وبعدين كملي قرايتك برا هوا اصلا بيسافر حتى هوا وعنده مواضيع واشغال برا
اني : هدا شي يزيد يخليني نتردد اني بنتغرب علي اماليا
خالتي ليلى: انتو مش حتقعدو العمر كله كملي قرايتك وهوا يكون روحه وبعدين روحو امتا ماتبو
°
•
°
•
°
و مر شهر وشهرين وتلاته واربعة والاوضاع علي حالها وماتغير شي
علا تتعدب وماترقدش في الليل💔 وسامي نفس الشي ومش قادرين يولو لبعض
رنا وعبسي علاقتهم بدت تطور كل يوم اكتر من يوم وهو يزيد حبه ليها مع كل محادثة معاها 💬❣
مريم واحمد وقصة حب تهبببل ينحسدو عليها❤
نادر وديما نفس الشي دايبين في غرام بعض وكل مايتعاركو و يتصالحو يزيد الحب يكبر بينهم
مؤيد ومسرة كل يوم هي تسبب عركة واليوم اللي بعده هوا يصالحها..☄
اما ع اللي يحبو من طرف واحد ....كل واحد يحاول يتقرب من اللي يحبه بأي وسيلة ويحاول يطور العلاقة بعد ماكانت ماليهاش اي اساس
قاعد قيس يفكر في تسنيم ومانحاهاش من راسه
تسنيم كل يوم تزيد تلح عليا نتقرب من سراج بش توصل لنتيجة
وسراج بدي يوصل لحالة الادمان وشبه كل يوم لازم يكلمني ويجاكرني بنفس الطريقة.... واليوم اللي مانتكلموش يبدا يستنى فيه امتا ينتهي ويجي اليوم اللي بعده 🕦
~~
_________________________________________
عبسي : ماجاوبتينيش علي سؤالي
_________________________________________
رنا : اما سؤال
________________________________________
عبسي: اللي سألتهولك امس _________________________________________
رنا : هههههه
_________________________________________
عبسي :ههههه اضحكي اضحكي
لو منحرجة نعاود السؤال عادي _________________________________________
رنا : عاود
_________________________________________
عبسي : تحبيني ؟؟ _________________________________________
رنا : اي
_________________________________________
~~
عبسي : ياربي اني في حلم ولا في علم...واخيرا صار اللي نبيه واخيرا ولت حبيبتي مش مصدق روحي 💓
~~
_________________________________________
عبسي : مش قادر نوصفلك فرحتي ياريتك قدامي وقلتيها وعيني في عينك كنتي فهمتي وعرفتي قداش تعنيلي اجابتك هده وقداش غيرتلي حياتي...
مش حنقولك حتى اني نحبك لان والله من غير مبالغة احساسي اتجاك فاق الحب والاعجاب والعشق والجنون احساسي اتجهاك عاجز نوصفه يارنا
_________________________________________
~~
قرت رنا الرسالة وعيونها يلمعو وبالطير بالفرحة لدرجة ان النوم طار من عيونها ومتمنية تقضي الليل كله وهي تهدرز معاه...
لكن من لما اعترفتله بحبها معاش قدرت تكلمه وتهدرز معاه وقعد يبعت في الرسايل وهي معاش تبي ترد
°
•
°
•
°
_________________________________________
سراج : ههههههه زعما
_________________________________________
اني : اي مرات هههه
توقع كل شي
_________________________________________
سراج : اي صح....
خيرك امس ماجيتيش معاهم
_________________________________________
اني : عندي قراية
_________________________________________
سراج : هم ماقعدوش ساعتين وروحو
_________________________________________
اني : الوقت بحسابه حتى الساعتين مهمات عندي😌
_________________________________________
سراج : قولي ماتبيش تجي بإختصار 😒
_________________________________________
اني : علاش مانبيش نجي
_________________________________________
سراج : اسألي روحك
_________________________________________
اني : خيرك ادور في المشاكل دوارا
_________________________________________
سراج : لا ماندور ف شي
كان نبي ندير مشكلة علاش نكلم فيك اصلا
_________________________________________
اني : به فوت الموضوع
_________________________________________
°
•
°
•
°
احمد : صباح الخير يااا
مريم تلفتت : حي ع الجووو انت شن ادير اهني
احمد : اركبي
مريم ركبت في السيارة : امتا روح وخيرك ماقتليش بتروح
احمد : مفاجأة 😁
مريم : مفاجأة حلوا..
احمد : ليك وحشة
مريم : ليك اكتر خيرك معاش تبي تروح شني عجبك الجو غادي
احمد : حاجة زي هكي
مريم : اممم
احمد : لو مش منك كنت قعدت اكتر للعلم
مريم : ههههه صدقت حتى اني😌
احمد : نكدب يعني
مريم : روحت لان عندك خدمة بس😑
احمد : والله العظيم الا مزالي اسبوع اجازة 😒 ومعاملتك موليا اخي ره
مريم : اني معاملتي اخي...انت من لما مشي لبنغازي معاش دورت وكان مش اني نتصل ماتتصلش شورا خوالك عندهم سحر خاص😒
احمد : شن قصدك
مريم : باي عندي محاضرة
احمد : خيرك تدوي هكي انتي 😡
مريم : اني ندوي عادي انت جاي ناوي الشر.....باي
°
•
°
•
°
علا : سامي يتصل 😮
ندى : ساامي شن فكره فيك بعد هالفترة هده
علا 😢: شن ندير
ندى : ردي
🌷يتبع🌷
.
.
#__timOo__😍
