#__وتين__🍃
🌷الحلقة 57🌷
والشوق والحزن والكآبة كلها عند عبسي اللي مفوت ايامه كلها ع الدخان ودكريات رنا والدموع وعايش من قلة الموت...يفوت في يومه بالسيف ولما يجي الليل تنوض المواجع والاهات عليه 💔
#أما_رنا
مش اني اللي عطيتك..خوك اللي عطاك
هونا في السقيفه يسمع في بكاك
نار الجريدة يادخانها..ياوحش البنية علي جيرانها
نار الجريدة يادخاخينها..ياوحش البنية علي وخيينها
يا نجمة تلألئ في وسط السمي✨
و انت يا العريس يعطيك الهني✨
هاوينه الهليل هاوينا الهلال 🌙
هاوينه الغزيل يرتع في الرمال ❤️
اسماء : اكتر عروسة نشوفها تبكي في عرسها انتي يارنا
علا : حااالة تعرفي قلبوهونا عزي
غادة : هاتو الدربوكة يامرخيات
بلسم هاك هي: وهانهار عليه ندور هانهار ربيعه نور
غادة : وﻣﻌﺮﻭﻓﻪ ﻣﻦﺟﺪﭐﺟﺪﻭﺩﻱﻃﻴﺒة ﻧﻔﺴﻲﻭﻋﺰﺓﻋﻮﺩﻱ👏
بلسم : سلم بوها اللي رباها للناس الزينين عطاها
مريم : وياونه ياونه شوفو شن صارنا...ومحمد ولا عريس ورنا ولت كنة
جميلة : روروروري
اسماء : حنيلها رجلها من اهني ياسندس
سندس : به غر ساويلي رجلك من اهني يارنا
رنا : واااك عييت
~~
~~
مراد : هيا ياولاد من يعرف يدربك
قيس : هات هات
خدي قيس دربوكة دارها بين رجليه وبدي يدربك
سامي : جاي وغادي علي مامشيت نجو..جاي وغادي علي مامشيت نجو..جاي وغادي ماليعتني عيون كيف مرادي علي مامشيت نجو
عمر : قديم الليلة وش خطره صوب ال قديم الليلة وش خطره صوب ال قديم الليلة لوكان مانك ناوية تمشيله وش خطره صوب ال
احمد ضحك : وانتي ليا لغيري رماك القسم..وانتي ليا لغيري رماك القسم..وانتي ليا مبروك كان عشتي معاه اهنيا لغيري رماك القسم👏
نادر شبح لاحمد
سراج : لا ميعاده لا انا ولا هوا ولا ميعاده لا انا ولا هوا ولا ميعاده...
وكملو الولاد الليل كله وهم يغنو...
°
•
°
•
°
☀️⛅
اسماء : هي يابنات اللي بتمشي للمزين تركب معاي
علا : بيرفعك راجلك
اسماء : اي
حلا : اني بنمشي معاك خالتي
علا : اني بنمشي مع رنا توا
اسماء : به غر بسرعة حلا..هدا من بكري يقولي هيا
غادة : ترا نشوف حنتك
رنا مدتلها يديها
غادة : سودة تبارك الرحمن
بلسم : اي مشالله
سراج خش : هي اللي بتمشي معاش بنستنى اني😠
فريال تصفق : وانشالله ياعين تشوفيه..عريس وخاله يدرج فيه
سراج :😒
كان سراج واقف ورنا كيف طالعة من الدار تلاقت معاه سراج عطي بظهره وطلع ماباش يكلمها..رنا غصرتها العبرة
علا : هي وقت
رنا : ناديلي احمد وعمر
علا : به
نادتهم وخشو للمربوعة طلعتلهم رنا وعيونها معبيات دموع
عمر قعد واقف يشبحلها...قربت رنا وطبست باستله يده..عمر حضنها وعيونه دمعو وبعدين تلفتت لاحمد
رنا : سامحني😢
احمد هز راسه وابتسم وبعدين حضنها
فريال وعلا : 😢😢
بلسم : روروروروري وعندي خوت تقول حكومة..لباسين الغالي سومة👏 روروروري
°
•
°
•
°
🌒
●•••اللّهُمَّ صَلِّي عَلَى سَيِدِنَا مُحَمّدٍ النَّبِيِ الأُمِّيِ••●
●•••وَعَلَى آلِهِ وَصَحْبِهِ وَ سَلِّمْ•••●
كانت رنى تدرج والكل يتفرجو عليها وكلهم عايشين اللحظة الا هي كانت في عالم تاااني كأنه مش عرسه مش حاسة بأي شعور مش حاسة أنها بعد اقل من ساعة حتروح لحوش تاني وحتعيش مع شخص تاني...اللحظة اللي كانت متمنيتها مع عبسي نحرمت منها...كانت رنا زي من يقتل فيها والروح ماتبيش تطلع كانت عايشة ومش عايشة 💔
دخلوها احمد وعمر ومعتصم وصورو معاها ومرة يضحكو ومرة تجي لحظات حزن
ندى : هدا خوها احمد شفتيه ماما
امها : تبارك الله تقول هندي
مريم تشبحلهم وساكتة
ندى: اسمعي مريم خيرهم حوش عمك التانيين ماجوش
مريم : اا مش عارفة
اقدار : اي غريبة ليال ومسرة ماجوش العرس كله
علا : هي تعالي محمد برا
رنا : بيخش😑
اسماء : اطلعي يشوفك وصورو وبعدين يزفوكم مع بعض
رنا تنهدت
علا : ياسر من النكد 😡 اضحكي
رنا ابتسمت بالسيف
طلعت رنا مشت لدار العروسة وكانو البنات معاها ويساوو فيها
اسماء : هي اطلعو بيخش العريس
ام محمد 《سالمه》: اي هي
خش محمد وكانت رنا واقفة والطرحة علي وجهها ومنزله راسها قرب منها وقاملها الطرحة رنا منزلة راسها مابتش تشبحله....حط انامله تحت دقنها وقاملها راسها
محمد : مبروك ❤
رنا : الله يبارك فيك 😳
محمد ابتسم : مشاء الله تبارك الرحمن
~~
وزفوهم لين وصلو الستيج والناس تتفرج وطبعا محمد شكله عادي لكن نقشه ع الاسود و مداير لحية خفيفة وجسمه حلو و علي بعضه يبان قنين وشخصية
°
•
°
•
°
ماما : اليوم دخولها هي
اني : اي
ماما : وحتى ايناس وبنتها ماعزموهومش
اني : اتصل عمي وعزم بابا للفاتحة بس
ماما: مشي بوك
اني : قعمزت عمتك ايناس تعبيله في راسه مامشاش
ماما : فات خوه علي خاطرها...لا حول ولا قوة الا بالله
اني : كلمتني ديما قتلي بيجو يفطرو معانا الصبح
ماما : اها
~~
~~
ايناس : حتى لو تصالحنا ورجعت الامور حندير عرسك ووالله ماني عازمتهم
مسرة : واصلا معاش نصالحهم اني😤
ايناس : يحسابونا بنموتو كان ماعزموناش تي طززز
مسرة : هه😏
°
•
°
•
°
علا : تي هيا الراجل يستنى
رنا : ماتفهموووش مش حنمشي من اهني لين يجي سراج😢
فريال : خوك سراج تعرفيه😡..ماتحشميناش واطلعي لعريسك
رنا قعمزت : نادوه ولا والله ماني مروحه
~~
بلسم : بتحشمووونا 😠
سراج : فوتي جد امي وقوليلها تطلع دارت العار
بلسم : ياسراج مسكرة راسها مش حتطلع لين تدوي معاك
سراج : زبري 😑
بلسم : العن الشيطان وخش خوت انتو مش اعداء
~~
خش سراج لدار العروسه وطبعا رنا خلتهم كلهم يطلعو
سراج : نعم 😠
رنا شبحتله وعيونها معبيات دموع
سراج متأتر ف داخله بس مش قادر يطلعه علي برا : شن تبي
رنا : مش حنمشي من اهني لين...وقعدت تبكي
سراج : لين شني
رنا : لين تسامحني 😢
سراج قعد ساكت
رنا : به اني عارفة روحي غلطت واي انسان يغلط💔...خلاص ليك شهور وانت معاديني...به لامتى 😢
سراج تنهد : اطلعي راجلك يستنى
رنا : مش طالعة لين تسامحني وتفتح صفحة جديدة
سراج : مسامحك بري زينة
بلسم طبست بتبوسله ايده مشي جبد ايده واضبطها وغصراته العبره...
~~
~~
~~
محمد : باليمين
رنا : بسم الله
سالمه : روروروري
خشو رنا ومحمد للحوش ونزلت امه وخواته...محمد يشبحلها ومبتسم ورنا مش طايقة روحها
رنا بجفاف : وين دار النوم بنبدل
محمد: اهي تعالي
دخلها للدار بدلت حوايجها ولبست روب بس مانحتش الطرف الفوقي وصلو وبعدين خشت للدار
محمد لحقها : اا تتعشي
رنا : تؤتؤ
محمد. : علاش
رنا بكل برود : مش جعانة نبي نرقد بس
محمد استغرب : ترقدي..
رنا : اي
محمد تعصب وكيف بيطلع من الدار
رنا : نسألك سؤال
محمد ببرود : اللي هو
رنا : علاش اخترتني اني
محمد : وانتي علاش قبلتي بيا
رنا : اني ماقبلتش
محمد نصدم : شن هياا
رنا : ق قصدي خوتي هم اللي قررو واني مابيتش نطيح كلمتهم بس انت شن السبب اللي خلاك تخطبني اني
محمد قعد ساكت
رنا : والغريب ان المرة الاولى رفضت اني وانت عارف وبعدين لما وافقو اماليا وليت ومرضيتش نشوفك ف المقابلة الشرعية وحتى بعد مانقرت الفاتحة ومع هدا قبلت بيا....علاش؟
محمد : تبي توصليلي فكرة ان ماعنديش كرامة ولا كيف
رنا : لا ماقلتش هكي لكن شن الدافع اللي خلاك تصر عليا
محمد : لا مافيش اي دافع والسبب اللي خلاني نقبل بيك ان كل لقطة اديريها خوتك يبررو وطبعا اني نصدق...في المرة الاولى قالي سراج انك مش قابلة فكرة الزواج كلها وبعدين جي قالي اختي وافقت يعني اني ماصريت في شي وموضوع المقابلة الشرعية قالولي متحشمة والدوا هده فوتتها وفي الفاتحة عادي مادرتش الموضوع في راسي زي نشوفك يوم الفاتحة زي نشوفك اليوم اللي بعده مافيش فرق وخديت الامر عادي...مانحسابكش واخدتيني بالسيف
رنا : اني ماقلتش واخداتك بالسي....
محمد قطع علي كلامها: ماقلتيش لكن هدا المضمون اللي فهمته...ليلتك سعيدة ؛ وطلع
رنا صارلها الاحراج لكن اكتفت انها تطفي الضي وتسكر الباب بالمفتاح وترقد
°
•
°
•
°
☀️⛅
اني : اهلين...صباح الخير
خ فاطمة : صباح الخيرات
ديما : صباح الورد
خ فاطمة : اهو خبيزة سخينة
اني : واني كيف بعتت نادر يجيب خبزة تو نكلمه نقوله يولي
ديما نصدمت : نن نادر اهني
اني : حي اسفة نسيت😓
ديما : ياليال كان قلتيلي راهو ماجيتش
اني : انتي ماسألتينيش وبعدين لامتا بتقعدي تتفادي فيه سيوركم تتلاقو
~~
قعمزنا نفطرو ونهدرزو وعلي جيت نادر
ديما غصت ف حلقها الماكلة ومعاش قدرت حتى تدوي اول ماسمعت صوته
نادر خش وشافها مقعمز عاطية بظهرها
نادر : صباح الخير خالتي كيف الحال
خ فاطمة : كيف حالك باهي
نادر : الحمد لله....ديما شن الجو
ديما ابتسمت وتلفتتله : تمام ندور شن جوك انت😊
نادر استغرب من ردها وكان متوقعها ماتردش او ترد باستكراد لدرجة شك انها تعرف...وطبعا حتى احني كلنا استغربنا منها
~~
ديما : خليهم تو نغسلهم
اني : والله ماصارت
ديما: به اني نطلي وانتي مصمصي
اني : به
نادر خش للمطبخ واشرلي بمعنى اطلعي...
ديما تغسل وماتحسابنيش طلعت شوية ونادر سكر الباب متع المطبخ ديما تلفتت لقاته غسلت ايديها وكيف بتطلع من غير ماتقول ولا كلمة
نادر شدها من مرفقها : بندوي معاك
ديما بكل جدية : حول ايدك
نادر : بندوي معاك قتلك
ديما بصوت عالي : ماماااااااا
نادر طلق ايدها : تحرشي فيا ولا شني
ديما فتحت الباب وطلعت..
~~
~~
مريم : اني تعبت منها الحالة هده 😢
احمد : واني مافي شي ف ايدي نديره
مريم : كيف يعني
احمد : قصدي زي ماتشوفي يامريم محد فينا قادر يحلها
مريم : مش حتنحل يعني😢
احمد : الله اعلم
مريم : وتقول فيها عادي...كأنك تقولي زي ياخدك هو زي اني عادي
احمد : خيرك تدوي هكي 😠
مريم : لان انت مولي هكي وشكله وجودي ف حياتك وعدمه زي بعضهم
احمد : قصدي انتي متعفلقة وجاية بتفشي غلك فيا
مريم : لا سامحني اسفة ع الازعاج
°
•
°
•
°
بلسم : قصدك ماصار شي😮
رنا هزت راسها بمعنى لا
فريال : يااااارب صبرني من هالبنت
علا : باهي ماما الدنيا مش طايرة اهو عايشين مع بعض هم تو سيوره يصير
فريال : سكري فمك ياقليلة الادب
اسماء: ياعيني ياعيني...شكلك متجوزة عرفي يابنت
علا قعدت تضحد
بلسم : الحوش صغير
~~
سالمه : علاش وليدي خيركم
محمد : شي يام
سالمه : امك اني ماتتحشمش مني..مفروض من البارح خيركم لتوا عاد
محمد : وواااك الزح صبح
°
•
°
•
°
ماما : بنت عبد الله تجوزت سمعت بيها
عبسي قام عيونه وشبح ل ماما: من هي
ماما : رنا
عبسي نصدم وجاته حرقه في قلبه وملامح وجهه تغيرت لا اراديا وناض طلع..
~~
ديما : قصدك هده اللي خطبها خوك يبيها ولد عمك
اني : اي صايرلهم زيكم
ديما : وهي تحبه
اني : تي يموتو في بعض
ديما : اما واحد فيهم الاسمر شوية
اني : كلهم سمر شوية😂
ديما : هداكا اللي يخدم ف النفط
اني : لا لا هداكا متعي اني😜
ديما : تكدبيييي
اني : مريم اللي يبيها احمد عيونه خضر
ديما : عرفته عرفته عنده قهوة
اني : ايوا
ديما : وخوه التاني تبيه انتي😮
اني ضحكت : نبصر
ديما : غررر صفي النية والله الا في بينكم حاجة😉
علي كلمة ديما كانت ماما خاطمة من جنب الدار وسمعتها قعدت واقفة تسمع
اني نضحك
ديما : غر بجديات يبيك
اني : به نقصي صوتك😑
ديما : به غر ادوي
اني : اي
ديما : وانتي
اني : حتى اني
ديما : ياعيني ياعيني...لكن طرف هو ره
اني : وين شايفتيه
ديما : نعرف ايميله ديما يعلق لخوك نادر
اني : اها
ديما : من امتى تبو بعض
اني : لينا فتره
ديما : سراج سماه ولا
اني : اي
ديما : ردي بااالك عليه خير مايطير من بين يديك😔
اني : خلاص غيري الموضوع
~~
ماما : يااارب اكفيني شر هالعيلة 😑
°
•
°
•
°
تسنيم : اي شفتك امس لما بنطلع من الصالة
قيس : خيرني ماشفتكش
تسنيم : هههه مش عارفة
قيس : المهم العقبالينا ياقلبي
تسنيم : انشالله
قيس : نحبك اني 💕
تسنيم ضحكت : حتى اني ❤
قيس : اني نموت فيك❤
تسنيم : واني نعششششقك
°
•
°
•
°
جميلة : اهلين اهلين انستينا
ماما : الله يآنسك...كيف حالك
جميلة : الحمد لله تفضلي
مريم : اهلين
ماما : اهلين مرومة كيف الحال شن اخبارك
مريم : تمام
ماما : شني وتيتي روحك لرمضان
جميلة : والله كيف كملت كنت انكت ف الحوش اني ومريم
ماما : سلمها كنتي الفالحة 😜
جميلة ضحكت
ماما : والله كل يوم نبي نجي ونهدرز معاك في الموضوع وننشغل
جميلة : لا عادي بالله مشاغل الدنيا هلبا
ماما : اي حاله
مريم تمد ف القهوة : تفضليماما : يزيد فضلك...سلمها يوخيتي❤
جميلة : هههه سلمك
°
•
°
•
°
#وجي_رمضان 🌙
اني : كيف حالك عمتي
ع خيرية : باهي الحمد لله
نهى : اهلا ليال
اني : اهلين نهى كيف الحال
نهى : كيف حالك عمي علي
بابا : خير بنتي كيف الحال
ع خيرية : خيركم جيتو موخر اللطف
ايناس : ماهو لين صلى علي التراويح
ع خيرية : ااه...باهي ربي يتقبل
~~
~~
~~
سالمة : دوق البسبوسة دايرتها رنا مشالله عليها
بو محمد 《حميد》: مشالله اليوم الفطور كله ومعاه الحلو
خو محمد 《مرتضى》: اه بسبوسة مشالله
محمد ساكت وماباش ياكل منها
سالمة : كول محمد
محمد : لا شبعان بنمشي للمحل اني
مرتضى : تو نلحقك
محمد : تم
مودة : خنوض نغسل الماعين
رنا : تو انوض معاك
مودة : باهي هي
~~
~~
~~
اني : حتى ف رمضان تمسك حبيبي
سراج : اي
اني : مبردهم مفروض رمضان عطلة 😑
سراج :😂😂😂قوية اهيا
اني : 😂
سراج : وشن يفرق عندك عطلة ولا تي هكي ولا هكي مانشوفش فيك
اني : لا اني نشوف لمستقبلي لما نبدا كل يومين ف الاسبوع بايتة بروحي
سراج : سلمه اللي يفكر ف المستقبل❤😂...خلاص تو ندير تقاعد من لما نتجوزو
اني : بالله عليك
سراج : اصلا اني ماتجوزتك لين نلقى روحي ف سن التقاعد 😑
اني:ماتبالغش😂
~~
~~
نادر : قصدي رمضان يابوي ولامتى بتقعد معادي عمي
بابا ساكت
نادر : المشكلة يتصل بيك وعزمك وانت شي...وهدا ف مكان جدي مفروض صار ماصار انتو ماتتفارقوش وفي الاخير الظفر مايطلعش من اللحم
بابا : تو خلينا في موضوعك انت...مفروض نديرو موعد لعرسك لامتى بيقعدو يستنو
نادر تنهد :😑
°
•
°
•
°
اياد : وين انت ياراجل
سراج : اهو قدام المعرض ندرس ف السيارة بس وانت ماعندش صبر الزح
اياد: صبر امك ليا ساعتين نستنى
~~
سراج : امتى مسافر انت
اياد : بعد غدوا
سراج : ماتعطلش اني مانبيش نقعد مقعمز ف المعرض كل يوم😑
ايمن : سراج في مرة واقفة قدام المعرض قالت تبيك
اياد : ياعيني ياعيني😂
سراج ضحك : مرا ولا انسة😂
ايمن : مرا متأنسة ههههه
سراج : دخلها للمكتب تو نجي
اياد : راهي تمشي😂
~~
مشي سراج للمكتب ومستغرب من تكون المرا اللي جاياته...واول ماخش للمكتب لقي ماما واقفة
سراج : .....
🌷يتبع🌷
.
.
#__timOo__☄
