#__وتين__🍃
🌷الحلقة 60🌷
سراج : في شخص واحد ممكن يفهم مراد القصة ويقوله ان احمد يبي مريم وتنحل من غير مشاكل
اني : بجديااات 😮...مني ؟
سراج : حبيبته
اني : علاش مراد عنده حبيبه 😩
سراج : تي اي
اني : الله 😂 ماكنتش نحسابه يمشي معاه الجو اهوا
سراج : مش موضوعنا خيرك واخده الامر بهزوة😒
اني : تي شن بتأتر فيه ياسراج وهو كل شي علي خاله
سراج : احني نقولولها تكلمه وتاخده باللسان انتو مفلحكم فيك😏
اني : هههههه...به شن بتقوله
سراج : انتي احكيلها القصة وهي تهظرز معاه وين ندري عليها شن بتقوله
اني : قصدك اني بنكلمها 😞
سراج : تبي نكلمها اني
اني : بالله عليك😒
سراج : ماهو سؤالك عبيط
اني : به من هي وشن اسمها ؟
سراج : هو مش كان خاطب اخت سامي هديكا
اني : يارا
سراج : يبي صاحبتها
اني : الله 😮
سراج : اي
اني : وكيف هكي
سراج : تي قصة طويلة غر كلميها تو انتي
اني : تي كيف بنكلمها حتى اسمها مانعرفاش وشن ايميلها
سراج : تو نجيبهولك ايميلها هي تعلقله ديما واسمها ممكن ميرال ولا ميرا حاجة زي هكي
اني : به شن بنقوللها...وتخايل تمشي تعاودله
سراج : تي لا شن تعاودله...لكن بسرعة كلميها قبل مايصرفو هلبا ع الفضانية😂
اني : واتق ان كل شي حيلتغي انت 😂 نحس فيه كله ع الفاضي
سراج : ديما وانتي مسكرة جد امها
اني : قصدي نحس فيه موضوع عبيط علي قولتك😒
سراج : اسمعي بعتلك اسم الايميل واسمها ميرا وانتي ماتكلميهاش مسنجر في الموضوع تو نبعتلك كرت وخودي رقمها وكلميها بالتلفون بش تحس الموضوع جدي
اني : انشالله خير
سراج : تفاؤلو خير تجدوه 😒
اني : متفائلة متفائلة 😂
~~
~~
______________________________________
اني : مساء الخير
______________________________________
ميرا : اهلا مساء النور
______________________________________
اني : كيف الحال
______________________________________
ميرا : الحمد لله
______________________________________
اني : انتي حبيبت مراد صح ولا
______________________________________
ميرا استغربت : مني انتي ؟
______________________________________
اني : اني بنت عمه...اسمي ليال
______________________________________
ميرا : اها اي عرفتك
______________________________________
اني : اسمي بنحكيلك ف موضوع تقدري تكلميني مكالمة
______________________________________
ميرا : اي عادي
______________________________________
اني : مش مكالمة مسنجر ابعتيلي رقمك وتو نتصل بيك
______________________________________
~~
°
•
°
•
°
كانت مسرة فاتحة الفيس وتهدرز ع صاحباتها وهكي شوية جاها طلب مراسلة من الولد اللي حكت عليه لهيام صاحبتها
مسرة ضحكت : العبيط هدا خلي نكسدو عليه
______________________________________
مسرة : شن تبي يالصقة
______________________________________
الولد : تعرفي اكتر بنت وقحة نشوف في خياتي انتي
______________________________________
مسرة : تو متعب روحك وباعتلي طلب مراسة بش تقولي هكي...معناها انت اكتر ولد يعاني من تخلف عقلي انت
______________________________________
الولد : تعرفي الردود اللي صارت بيني وبينك...اني مسحت اللي ليا بري شوفي تلقي روحك تدوي بروحك زي العبيطة
______________________________________
~~
مسرة نصدمت مشت خشت للتعليقات لقاته ماسح الردود متعه وطبعا حتى هي مسحتهم
______________________________________
مسرة : مش قتلك متخلف
______________________________________
الولد : خليتلك انتي العلم
______________________________________
~~
~~
~~
ميرا : اها يعني خو سراج يبي مريم😮
اني : اي زي ماحكيتلك وما حد قدر يدوي مع مراد
ميرا : اها
اني : نبيك انتي تكلميه بطريقتك يعني وحاولي تأتري عليه مرات يتفهم
ميرا : ولا يهمك تو نكلمه ونحاول مرات الموضوع يجيب نتيجة تعرفي سخفتني مريم
اني : اي
ميرا : انتي اللي يبيك سراج صح ولا
اني : من قالك
ميرا : مرة خشيتي انتضار علي مراد وهوا يكلم فيا
اني ضحكت : الله
ميرا : اي ودرتله تحقيق مشي حكالي
°
•
°
•
°
#بريطانيا
عمر : كيف يعني دكتور وضحلي اكتر
الدكتور : يعني وضعها بدي يتحسن هلبا لان الورم حميد
عمر ابتسم : بجديااات دكتوور
دكتور : اي...وطبعا اهم شي نفسيتها تكون مرتاحة حالولو بقدر الامكان تريحوها نفسيا.....تقدر تخشلها وتشوفها
خش عمر للغرفة وكانت داليا مقعمزة ع السرير قرب منها : حتتعافي حبيبي وحترجعيلي زي قبل واحسن ❤
داليا تشبحله ومبتسمة
عمر : تتجوزيني
داليا نصدمت وعيونها زغللو : نن نتجوزك
عمر : اي اي تتجوزيني...نبيك اني نبيك كل لحظة تكوني معاي...معاش نقدر بالسر نبيك مرتي وحلالي
داليا : ومرتك ؟
عمر : مرتي مش حتعرف واحني نكونو حياتنا اهني واللي في ليبيا مش ضروري يكون عندهم علم
داليا: عمر اني توا...اني
عمر : انتي شني
داليا غصرتها العبرة😢 : اني مريضة كيف...💔
عمر قص علي كلامها : اني نبيك كيف ماأنتي ❤
°
•
°
•
°
☀️⛅
ميرا: صباح الخير
مراد : صباح الورد والفل والياسمين
ميرا ضحكت : مشالله نايض بكري اليوم
مراد : اي عندي خدمة
ميرا : قبل نبي نهدرزلك في موضوع
مراد : انشالله خير
ميرا : لكن شكلك مش فاضي
مراد : لا عادي نفضالك
ميرا : حبيبي... تخايل ان تو انت تسمع بيا اني نخطبت شن ادير
مراد استغرب : شن تقولي 😑
ميرا : غر بجديات متلا قالولك بوها غصبها وتجوزت بالسيف عليها
مراد : نقتله اللي خطبك ونقتل حتى بوك مرات
ميرا : اهاااا معناها انت تستاهل القتل ومش طول تتعدب قبل وبعدين تنقتل
مراد ضحك : اوف اوف اوف علاش
ميرا : تنقتل لانك بتجوز اختك بالغصب وتتعدب لانك اطبق في القوانين ع الناس بس
مراد استغرب : من قالك بنجوزها بالغصب شني كلماتك هيا
ميرا : لالا...ومش هدا موضوعنا
مراد : وشني موضوعنا اصلا مافهمتاش
ميرا : زي ماأنت توا تكلم فيا وتحبني اختك في شخص يحبها ومات الف موته لما سمع انها نخطبت وهي نفس الشي...قصدي علاش انت ادير فيها هكي
مراد نصدم : كك كيف مافهمتش
ميرا : خليك منطقي شوية...اكيد زي ما أنت عندك قلب وتحب اختك نفس الشي وزي ماأنت حتتعب لو اني سيبتك في شخص حيصير فيه زيك
مراد : اني منطقي وماقتلكش هي مفروض ماتحبش لكن هي ماقالتش حاجة زي هكي
ميرا : هدرز عليها وافهم منها وماديرش حاجة بالغصب عليها
°
•
°
•
°
______________________________________
الولد : كيف شن قصدك
______________________________________
مسرة : انت مسحت الردود وبعدين جيت قتلي انك مسحتهم...علاش
______________________________________
الولد : سخفتيني قلت منظرها تدوي بروحها اخي 😂
______________________________________
مسرة : نسألك سؤال ؟
______________________________________
الولد : اللي هوا
______________________________________
مسرة : كم مواليدك...عندي فضول نعرف
______________________________________
الولد : قداش تتوقعي
______________________________________
مسرة : مش عارفة نحس فيك في التسعينات لكن مانعرفش بالزبط كم
______________________________________
الولد : احساسك مش ف محله
______________________________________
مسرة : كم ؟
______________________________________
الولد : ترجيني 😎
______________________________________
مسرة : هاهاهاها دمك سكر
______________________________________
الولد : وانتي دمك ارزن من ماطور سيارتي....م89
______________________________________
مسرة : باهي كويس
______________________________________
الولد : كويس ؟ 😂 والله الا جو انتي
______________________________________
مسرة : شن تبيني نقولك بطول عمرك ؟؟...والله ماك سامعها
______________________________________
الولد : علي اساس كان قلتيها ربي بيزيدني سنة في عمري تي بالناقص منك من دعواتك المستجابة😂
______________________________________
مسرة : مش قتلك دمك سكر
______________________________________
الولد : شكلك ماتبيش تقولي مواليدك
______________________________________
مسرة : لازم ؟؟
______________________________________
الولد : زي ماأني قتلك
______________________________________
مسرة : م 93
______________________________________
الولد : انشالله العمر كله
______________________________________
مسرة : ههههه مانحباش جو التدحنيس
______________________________________
الولد : ماندحنسش لكن هكي ربوني😏...وتعرفي اخر حاجة ممكن حتى تخطر عليا اني ندحنس لبنت لعلمك
______________________________________
مسرة : اي اصلا انتو هده دسكتكم
______________________________________
الولد : خيرك عدوانية هكي
______________________________________
مسرة : كاني عدوانية راهو انت في الحظر توا
______________________________________
الولد : تهددي كأن لو حطيتيني في الحظر اني بننجلط ولا بتنقص مني حاجة 😂
______________________________________
مسرة : ماهددتش لكن نفهم فيك اني مانيش عدوانية
______________________________________
الولد : تقري انتي ؟
______________________________________
مسرة : كملت
______________________________________
الولد : اها
______________________________________
مسرة: وانت
______________________________________
الولد : قاري قانون
______________________________________
مسرة : اها ومكمل اكيد
______________________________________
الولد : اي...نخدم في القضائية تبي اي حاجة ماتتفضليش
______________________________________
مسرة : مش شكرا 😒
______________________________________
الولد : مش عفوا
______________________________________
مسرة : ماقتليش اسمك
______________________________________
الولد : مبروك
______________________________________
مسرة : الله يبارك فيك 😂😂...اسفة قصدي عاشت الاسامي
______________________________________
الولد : به
______________________________________
مسرة : حرجت...ع فكرة اسمك زي خوي
______________________________________
الولد ميت بالضحك: بالله
______________________________________
مسرة : بجديات اسمه مبروك واني اسمي مبروكة
______________________________________
الولد يضحك : توامة ولا شنو 😂
______________________________________
مسرة : لا مش توامة لكن ماما اسمها امباركة وبابا اسمه مبارك بالصدفة مشي سمونا هكي
______________________________________
الولد : عندك خو واحد
______________________________________
مسرة : لا عندي اخت صغيرة
______________________________________
الولد : اكيد اسمها بركة 😂
______________________________________
مسرة : احترم نفسك 😒
______________________________________
الولد : مشالله عليكم عيلة امباريك 😂...لكن بنقولك اني ماأسميش مبروك اسمي وليد
______________________________________
مسرة : تتسهوك انت ولا شني
______________________________________
الولد : والله نبصر عليك في الاول
______________________________________
مسرة : ع فكرة مبروك احلى من وليد...اسمك اخي
______________________________________
وليد : ياسر اسمك انتي حلو 😂
______________________________________
مسرة : اني ماأسميش مبروكة اسمي مسرة 😊 وخوي مأسماش مبروك ولا امي وبوي 😅
______________________________________
وليد : بلعوطة
______________________________________
°
•
°
•
°
رنا : وين انت سيرجو في طرابلس ولا في العمل
سراج : لا في طرابلس علاش
رنا : نبيك تجي ترفعني كانك فاضي
سراج : وين
رنا : لحوشنا...ماهو محمد مسافر
سراج : اي عارفه مسافر...باهي العشية نجيك توا مش فاضي
رنا : باهي قبل ماتجي كلمني بش نوتي روحي
سراج : تم
~~
اني : خيره تلفونك مشغول
سراج : المشكله في الموضوع ان لما نقولك غايرة تقوليلي مش قصة غيرة
اني : لان مش قصة غيرة 😂...عندي فضول نعرف في من كنت تكلم بس
سراج : مادخلكش
اني : نبدا نشك هكي
سراج : شكي
اني : في من كنت تكلم 😡
سراج ببرود : مش لازم تعرفي ماهو المواضيع هده ماتهمكش ولالا
اني : تهمني
سراج : يعني تغاري😏
اني : اي نغااار وتهمني باهي...في من كنت تكلم هي
سراج يضحك : في رنا
اني : علاش عطلت بش طلعتها هالجوهرة اللي بتقولها
سراج : ماهو كنت ندور شن نكدب ولقيت رنا قدامي
اني : هاهاها😒
°
•
°
•
°
🌒
رنا كانت اضم في حوشها وكملت وتت روحها وحوايجها وكلمت سراج يجيها...شوية وطق الباب
فتحت رنا لقتها مودة حماتها
مودة : متكمة روحك علي خير انشالله
رنا : هههه اي ماشيا لحوش بوي...خشي
مودة خشت قعمزت : علاش حوش بوك
رنا استغربت : هكي بنبات عندهم مابين روح محمد
مودة : وعلاش بتسكري حوشك وبتطلعي😒
رنا طارتلها : هكي 😑
مودة : اسمعي غدوا بنكتو الحوش ره ونبوك معانا
رنا : اجلوها لين نروح
مودة : يقعد الحوش خامر لين حضرتك تروحي😏
رنا : مش خامر هو قبل العيد منكتينه
مودة : مش لازم تمشي اليوم اجليها بري غدوا بعد مانكملو
رنا : خوي قريب يوصل توا
~~
مرتضى كيف خاش بينادي علي رنا بيقوللها خوك جي تلقاته مودة
مودة : قوله ماتبيش تمشي
مرتضى : علاش
مودة : مصح وجهها قايليلها من امس غدوا بنكتو الحوس مشي كلمت خوها يجيها بش نعلق في الحوش اني وماما
مرتضى : مصح وجهها
مودة : اطلعله خوها قوللها ماتبيش تمشي
مرتضى : به
~~
مرتضى : اسمع تو نرفعها اني غدوا
سراج : كيف ؟
مرتضى : ماصارلهاش اليوم مش ماشيا تو غدوا نرفعها اني
سراج : علاش
مرتضى : هكي
سراج هز راسه بمعنى به...مشي مرتضى واتصل سراج ب رنا
رنا : وصلت
سراج : تي سلفك قالي ماصارلكش
رنا : تي نستنى فيك شن ماصارليش
سراج : توا كان واقف عليا قالي تو نرفعها غدوا
رنا : فوته فوته...اهو نازلة
سراج : مايبوكش تمشي هما ولا شني
رنا : مصح وجههم بيحكمو فيا
سراج : خلاص هو قال تو يجيبك غدوا اقعدي ماتسكريش راسك
رنا : تي موتية روحي اني
سراج : خلاص الزح شن بتبدي في المشاكل من توا...هيا كلمة....تعالي معاهم غدوا😠
رنا تعصبت وسكرت
°
•
°
•
°
مراد : انشالله ماطيبتوش عشي
جميلة : كيف بنحط بازيليا ع النار
مراد : لا اهو جبنت عشي
جميلة : ياعيني ع الدلع
مراد : جيبي طواسي مشروب بنموت بالجوع يام
جميلة : يامريييم تعالي تعشي
مريم في دارها : مانبيش
مراد : تعااااالي
مريم : شبعاااانه
مراد ناض مشالها واتكى ع الباب : علاش ماتبيش
مريم : شبعانة
مراد مشي جاب العشي وخش لدار مريم وسكر الباب حط الماكلة ع السرير وقعمز جنبها
مريم تشحله ومستغربة
مراد : كولي هي...فكينا من الدلع الزايد 😑
مريم : لا دلع لاشي ع اساس متعودة ندلع عليكم اني
مراد سخفاته : به خيرك مطرمتيهم واسبوع وانتي حابسة روحك وامك تسحن في روحها
اني : امي لا تسحن في روحها لا شي اصلا اني مش هامتها بش تتأتر عليا
مراد : كيف مش هامتيها
مريم : كان هامتها ولا متأترة علي مشارعي ماتسمحلكمش تجوزوني بالغصب...وماتسمحش لخالي يدخل
مراد : خالك موصيه بوك الله يرحمه
مريم غصرتها العبرة : لو كان بابا عايش متأكده انه مش حيسمح ناخد واحد بالسيف عليا
مراد : فسريلي علاش كارهتيه الولد
مريم : مش كارهاته بالعكس اني نعزه نادر ونحسب فيه زي خوي...زي خووووي
مراد : لكن هوا مش خووووك
مريم : تو انتو حتى الفضانية حددتوها شن جاي تفتحلي في الموضوع تاني
مراد : انتي في حد يبيك ولا حاجة
مريم انسمطت ووجها ولا احمر : شش شني😳
مراد : فوتيه جو الاستعباط...في حد يبيك
مريم ساكتة
مراد : قصدي بجديات لو في حد يبيك وناوي يخطبك يبدا لينا كلام تاني
مريم : كك كيف كلام تاني
مراد ضحك : اعتبريني وحدة من صاحباتك تمام
مريم تحشمت وضحكت
مراد : به خيره سبع البرمبة مايجيش يطلبك
مريم : اا اني ماكنتش مفكرة فيها المواضيع هده وماتوقعتكمش ترضو تعطوني في العمر هدا
مراد : ضريفة والله 😒 تي عمرك عشرين سنة ره
مريم : عنست علي اساس
مراد مبتسم : قولي..من هوا تعيس الحظ
مريم وجها احمر
مراد : من الجيران ولا زميل ولا من العيلة ولا ولا ولا
مريم تضحك
مراد : ادوي الهم
مريم : مم من العيلة
مراد : ياعيني ياعيني😂....
فتح مراد وقعد ياكل : احكي احكي المواضيع هده تجوع فيا
مريم متورة وخلاص
مراد : من خوالنا ولا عمامنا
مريم : بالفلاقي هكي
مراد : ايوا بالفلاقي
مريم : احمد
مراد حط الشاورما من ايده : احمد😮
°
•
°
•
°
#بريطانيا
كمال : انشالله جوازة الدهر
عمر : تسلم بارك الله فيك
ودار عمر اللي في راسه وتجوز داليا...دارو حفلة بسيطة وماكنش فيها اللي موظفين الشركة القريبين من داليا وعمر وصاحبات داليا...
كان عمر ناوي يتجوزها لكن متردد ولما جي لبريطانيا وقاله الدكتور حالتها بدت تتحسن وقاله ان اهم شي يهتم بنفسيتها فقرر يفرحها ويرفعلها معنويتها لعل يكون هدا سبب انها تشفى
~~
🌒
عمر : مبروك ❤
داليا عيونها دموع : الله يبارك فيك
عمر : في حد يبكي ف ليلة زي هده
داليا : دموع الفرح ممكن😢💕
عمر قرب منها وباسها من رقبتها : نموت فيك اني ❤
داليا سكرت عيونها ودابت معاه
~~
~~
~~
☀️⛅
سراج : من جدك تحكي انت 😨
عمر : قول مبروك حتى بالكدب النم
سراج : اما انت...خليني ساكت خير
عمر : ايوا خليك ساكت
سراج : طير توا رصيدي كملتهولي😒
°
•
°
•
°
مراد : كيف بنحلوها توا
جميلة : نهاري الحرف بتحشموني...تي الفضانية بعد 4 ايام
مراد : بنتك ماتبيش شن بنزوجها بالغصب
جميلة : هدا وين تفكرته الكلام هدا😠
مراد : خلاص يام تو نحلها من عندي
~~
~~
مراد : شنج
سراج : ماشيا اهو
مراد : تعرف صار موضوع لخبطلي دماغي
سراج : انشالله خير
مراد : تدكر لما قتلك مريم خطبها نادر
سراج : اي ندكر
مراد : علاش طارتلك
سراج : هدا وين تفكرت تسأل
مراد : ....
🌷يتبع🌷
وجيتكم بحلقة جديدة...انشالله تعجبكم
رغم اني مضغوطة هلبا الفترة هده لكن نحاول كل مانلقى وقت انزل 💕
قراءة___ممتعة
.
.
#tĪmOo
