#__وتين__🍃
🌷الحلقة 23🌷
سامي : شن تبي انتي من الاخير
اسيل : خيرك تعامل فيا هكي
سامي : كيف تبيني نعاملك يا##### انتي وحدة #### كيف تبيني نعاااملك كيييف 😠
اسيل : علاش ادير هكي شن اللي مدايرتهولك اني نسيت زمان واللي كان بيننا
سامي : انتي قلتيها زماااان واللي صار زمان نسيته وندمت عليه وبعدك حبيت وحدة وانتي عارفتيها وضفرها اللي تلوح فيه عندي خير منك انتي وعيلتك كلها واحسنلك معاش تتصلي
اسيل : باهي تمام و هده اللي ضفرها احسن مني تو تشوف شن يصير فيها
سامي : قسما عظما لو تمسي شعرة منها لما ندفنك وانتي حية ؛ وسكر الخط
°
•
°
•
°
في بريطانيا
سراج : غلط😡..... اللي درته غلط يا####
عمر : ماتزيدنيش علي مابيا الززززح
سراج : شن تبيني نقعمز نصفقلك....مزال شوية ويجيك عيل كانك ناسي ....وانت اهني تتمعشقلي
عمر : مش بإيرادتي الموضوع 💔 غصبا عني لقيت روحي عندها
سراج : انت عطيت لروحك الفرصة تكون عندها ومافي شي يجي بالغصب كلللله بإرادتك 😒
عمر تنهد : طبيعي تقول هكي لانك ماجربتش 💔....ماجربتش مرارة الحب ماجربتش لما تضعف وتلقى روحك في شي تااااني.....في الحب مافي شي بإرادتك ياسراج وحيجي يوم وتحس اللي حاسه اني وتعدرني....تعرف لما تحب تنسى لو كانت هيا كويسة ولالا ولو كانت بنت عيلة ولا بنت شوارع لو كانت حلوا ولا شينة تنسى كلل شي تنعمى 💞....حتى العيوب اللي فيها تنساها....ومرات توصل بيك المرحلة لدرجة انك تحب عيوبها وتعشق الاخطاء اللي ادير فيها تعشق ضحكتها صمتها عصبيتها تعشق كل تفاصيلها
سراج يسمع ومنزل راسه وكل كلمة يقولها عمر سراج يتخايلني ويركب في كل الجمل ع المواقف اللي صايرا بيننا
عمر : تبدا تبي تكون معاها بإي طريقة....تعرف وصلت لمرحلة اني لما نبي نشوفها نحط عدر ولما ينتهي اللقاء بيننا وندكر العدر اللي حطيته نبدا نضحك نلقاه مش مقنع نهائي ومش عارف اصلا كيف اقتنعت بيه....اااه 💔 مجنون....الحب مجنون ❤
سراج ضحك وشبحله : اقنعتني
عمر : ههههه تؤتؤ مش حتقتنع لين تجرب
سراج : ومن قالك ماجربتش 💖
عمر شبحله بصدمة
سراج : ههههه نوض نوض جعت اني
°
•
°
•
°
رنا : حبيبي ❤
عبسي : عيونه 💖
رنا : بنسألك
عبسي : هممم
رنا : لونا تندري علي علاقتنا ؟؟
عبسي : تندي اني نحبك لكن ماتندريش ان نكلمو في بعض
رنا : امم...امتا قتلها
عبسي : قبل حتى مانبعتلك رسالة
رنا : ااه به علاش قتلها ؟؟ ..... ولا تهدرزو في المواضيع اهيا
عبسي : لا مافيش بيننا الدوة هده لكن طلبت منها تساعدني
رنا استغربت : قق قصدك ليال هي اللي عطاتك رقمي
عبسي : لالا هيا طلبت منها ايميلك...لكن مابتش قتلي طلعني من الموضوع
رنا خافت ان نكون قتله او لمحتله حاجة : ااا علاش
عبسي : وين نندري عليها....اصلا كنت متوقعها هكي بتقول عارف طبعها
رنا : به من وين جبت رقمي
عبسي : من الفضاء الواسع 😂
رنا : قووول يابارد 😂
عبسي : من نادر
رنا : عليييك فضيحة قصدك حتى نادر يعرف
عبسي : وحتى عطاني نصايح 😂
رنا : واااو 😂
°
•
°
•
°
تسنيم : به شن قال لما قتيله ديرنا عرس
رتاج : ما تحكي شي لين تطلبو اني جعاااانه
اني : نوضي تسنيم اطلبي وجبات ولا اي حاجة هده مش حتسكت الهامعة
تسنيم : واااك منك يارتاج😑
رتاج :😛
~~
رتاج تاكل :هي هي احكي
اني : غر راك تنخنقي
تسنيم : احكييي
اني : قتله هي ديرنا عرس سراج.....وحكيتلهم
تسنيم : اممم زعما حس
اني : والله هده حاجة ترجعله اكيد مش حنخش لقلبه ونخلي يحس بالسيف
رتاج : زيدي لمحيله
اني : كولي 😒
رتاج وتسنيم :😂😂
رتاج : كااان نقوللكم عبدو شن دار
اني وتسنيم : شنووو😮
رتاج : ......
°
•
°
•
°
مراد : شني عجبك الجو معاش تبي تروح شورك😂
سراج : تي مالياش اسبوع النم
مراد : المهم شن جو السيد المحترم اللي نسي ليبيا بكل
سراج : ههههه والله عايش حياته تقول مش متجوز
مراد : اي واضح قيب يسكر عشرين يوم غادي
سراج : لاقي الشقرة والحمرة شن يبي في الهم اللي ف ليبيا 😂
عمر : انت ومني تقرم فيا ياا###😂
سراج : مراد يسلم عليك
مراد علا صوته : كداااب
~~
عمر : بتروح ولا شني ؟؟
سراج: اي بنروح ياسر
عمر : ماعنديش نية نروح بكل تصدق
سراج : فوتها اللي اهني نصيحة مني
عمر : مش قادر......حقاا شن قصتك انت ولا ماتبيش تحكي😉
سراج : ماعندي شن نحكي
عمر : ادوي الزح بلا تجكتير
سراج : بنرقد 😪 تصبح علي خير
عمر : تي باهي به 😒
°
•
°
•
°
_________________________________________
اني : شني مشيت لبريطانيا بديت شايف روحك
_________________________________________
سراج : هههههه مش قصة شايف روحي لكن مانفضاش نهدرز معاك 😌
_________________________________________
اني : امممم
به سوري ع الازعاج
_________________________________________
سراج : مرة تانية قبل ماتكلميني اعطي موعد
_________________________________________
اني : شن لازني علي هدا كله 😌 مش ضروري
_________________________________________
سراج : شن هوا اللي مش ضروري
_________________________________________
اني : اني نهدرز معاك 😏
_________________________________________
سراج : تي باهي به _________________________________________
اني : 👍
_________________________________________
سراج : اسمعي...
_________________________________________
اني : نعم ادوي بسرعة مش فاضيتلك 😌
_________________________________________
سراج : حتى كان مش فاضيه هي كلمة ماتاخدش منك وقت هلبا
_________________________________________
اني : شنو ؟؟
_________________________________________
سراج : بلاش
_________________________________________
اني : هده الكلمة... ولا تقصد بلاش مش قايلها😂
_________________________________________
سراج : ربي يشفي 😑
_________________________________________
اني : اجمعين🤗
_________________________________________
سراج : لا اني عاقل انتي ربي يشفيك
_________________________________________
~~
كان عندي فضول نعرف شن كان بيقول لكن مابيتش نحسسه وفتت الموضوع..
_________________________________________
اني : حلو الجو غادي
_________________________________________
سراج : اي
_________________________________________
اني : ابعتلي صور كان صورت
_________________________________________
~~
بعتلي صوره هو وعمر وصوره بروحه طبعا عمر حلو ووسيم لكن هوا احلى من عمر وجسمه حلو ومغري هلبا....
نقشه ع الاسود ولحيته غزيرة هلبا باختصار مثير بمعنى الكلمة وماننكرش انه جدبني نوعا ما لكن المناظر اللي وراه جدبتني اكثر😂 مش لان عندي برود لكن ممكن نشوف فيه خاص بتسنيم 😞
_________________________________________
سراج : وصلوك
_________________________________________
اني : اي حلو المنظر اللي وراك
_________________________________________
~~
سراج : طايح نبعتلها ونوازي في الصور المليحة وفي الاخير قتلي محلاه المنظر ااااه وخلاص 😑
_________________________________________
سراج : تبي حاجة تانية غير الصور
_________________________________________
اني : لا شكرا سادات الصور 😁
_________________________________________
سراج : غر بالك تبي حاجة عادي ماتتحشميش 😁
_________________________________________
اني : انت كريم واني نستاهل 😉
_________________________________________
سراج : هو من ناحية اني كريم فأني كريم لكن انتي ماتستاهليش 😂😁
_________________________________________
اني : نضحك
_________________________________________
سراج : ابكي
هي قولي شن تبي نجيبلك
_________________________________________
اني : المشكلة نفختلي راسي وفي الاخير مش حتجيب شي
_________________________________________
سراج : الحق فيا 😒
_________________________________________
اني : هههههه به خلاص جيب علي دوقك
_________________________________________
سراج : وكان دوقي مايعجبكش
_________________________________________
اني : نقولك...اني عندي صاحبتي عيد ميلادها قريب تحب تويكس جيبها هيا
_________________________________________
سراج : اني بنجيبلك انتي ولا صاحبتك 😒
_________________________________________
اني : عادي كأنك جبتلي اني.... ماهو حلو ان نجيبلها شكلاته من برا هده حاجة وحاجة تانية صاحبتي هده نحبها هلبا
_________________________________________
سراج : شكلك انتي ماعندكش ع الحلو
_________________________________________
اني : بالعكس اني واصلة لحالة الادمان بجديات
_________________________________________
سراج : والله
وشن اكتر شكلاته تحبيها
_________________________________________
اني : نوتيلا و كندر بوينو لكن كان بتجيب جيب تويكس 😁
_________________________________________
سراج : من هيا صاحبتك المحضوضة هده
_________________________________________
اني : علاش محضوضة
_________________________________________
سراج : تحبيها هلبا شكلك
_________________________________________
اني : والله اني المحضوضة انها صاحبتي الحق
_________________________________________
سراج : اوووو 👍 انتي صديقة وفية زي....😂 _________________________________________
اني : زي شنو ؟؟
_________________________________________
سراج : زي الكلب 🐶😂
_________________________________________
~~
~~
احمد : ايوا نادر شن الجو
نادر : تمام
احمد : اسمع...الخميس ماشيين للبحر تمشو
نادر : اني ومني
احمد : انت وخواتك امك وبوك فوتهم خليها شبابية
نادر : امي و بوي 😒💔
احمد : قصدي بوك وايناس 😂
نادر : الخميس عندي خدمة مانقدرش
نادر قلبه نقبض💔 لما احمد قاله امك.... حس روحة وحيد وعلي قد ماكان قوي وحاول ان مايخليش طلاق ماما وبابا يأثر فيه لكن تجيه لحضات ضعف ويبدا متمني يخش للحوش وتستقبله ماما بحنية وبابا معانا ونكونو عيلة طبيعية 😔لكن الشي هدا صعب يتحقق....
مش حلو الشعور لما الام والبو يكونو بعاد....ينعدم الاستقرار وينعدم الامان داخلك.... 😔
نادر حس بغصة في قلبه ولا ايراديا اتجه لملجأه ومأواه❤ اتجه للانسانة اللي حاس معاها بالحنية والامان وكان شبه متأكد انه لما يكلمها يرتاح ❤
~~
نادر : الو 💔
ديما : اهلين حبيبي
نادر : نبي نشوفك
ديما : ههههه هكي طول
نادر : نبي نشوفك ديما....حاس روحي تعباااان 💔
ديما : ياعمري انت خيرك
نادر : شي .... لكن نبي نشوفك
ديما : في الليل بنمشي لحوش جدي
نادر : بنستنى لليل
ديما : امم 😞
نادر تنهد : اول ماتوصلي قوليلي
ديما : تمام ياروحي ...باي
نادر : نحبك❤
ديما : نموووت فيك اني 😘
~~
~~
مريم : روحو سراج وعمر
احمد : اي روحو امس
مريم : اممم
احمد : نستنى في الخميس بالدقيقة ❤
مريم : بنباتو ولا ؟؟
احمد : اي اكيد
مريم : اسمع حبيبي
احمد : شنو
مريم : شن رايك في المشية هده نحاولو نقربو ليال من مراد
احمد : تي بالله معاش تكدبي علي روحك خوك مايبيهاش البنت واضح
مريم : عارفة وحتى هيا ماتبيشي لكن اني نبيهم لبعض 😔
احمد : شن بتخليهم يحبو بعض بالسيف
°
•
°
•
°
ماما : جيتووو 😊
اني ونادر : جينا😊
خ فاطمة : وين لاتسألو علي خالتكم لا ادورو
نادر : هههه والله مقصرين ياخالتي
اني : ديما ماجتش 😞
خ فاطمة : داخل في المطبخ
~~
اني : هاااي
ديما : جيتووو
اني : ااه ...عارفتينا بنجوو😏😉
ديما : ههههه اي عارفتكم قالي نادر
اني : شن جوك المهم
ديما : تمام
نادر : السلام عليكم
ديما : اهلا ❤
نادر ابتسم : اهلا بيك❤
اني : احم 😊 ااا عبسي وين
ديما : عبسي كيف طلع
نادر : لونا 😁
اني : نعم 😁
نادر : افرقينا بريحة طيبة
اني : موقحك علي فكرة
ديما : هههههه
نادر : اسمعي اطلعي بلا نفخ راس
اني : طالعة طالعة 😒
~~
ديما : حشم حالك وخلاص
نادر : بايتين
ديما : لالا بنروحو
نادر : اقعدي باتي
ديما حطت يدها في خصرها : علاش 😏
نادر : بش نسهرو مع بعض 😜
ديما : نسهرو عينك ياسخيف
كيف بتطلع ديما من المطبخ وفي ايدها صفرة القهوة شد نادر منها الصفرة وحطها ع الرخامة
ديما : خيييرك قريب طاحت الصفرة
نادر شدها من خصرها وقربها ليه وديما حطت ايدها ع صدره
ديما : حبيبي تو يجي حد يشوفنا
نادر زاد قرب ولف ايديه علي خصرها اكتر وحط فمه ع ودنها وهمسلها : امتا بتبدي حلالي ❤ ؛ وقعد يمشي في فمه تحت ودنها بطريقة مغرية ويهمسلها بهدوء : امتا بنبدو في حوش واحد وكل مانتعب نحضنك وكل ما نصقع ايدفيني حضنك امتا ؟
ديما دابت معاه وغمضت عيونها وبدت تمشي في خدها علي خده وتتحسس في لحيته وبعدت شوية وفتحت عيونها وحطت ايديها ورا رقبته وباستله لحيته : شن متعبك احكيلي
نادر عيونه دابلات و يداعب في خشمها بخشمه ويتكلم : كل شي 💔 تعبان من كل شي
ديما تشبحل لعيونه وكأنه طفلها حزين وجاي يشكيلها
نادر قرب باسهة تحت فمها بوسة طويييلة وهااادية وبعدين قعد يتكلم وفمه في نفس المكان : اقعدي باتي
ديما : تو نحاول
نادر : اقعدي ديماا مش تحاولي 💔
ديما باساته بقوة علي خده : هههههه مجنون
~~
خ فاطمة: وينها اللي ادير في القهوة هده
اني : ديماااا
ديما : جيت
اني : كان درتي بازين راهو طاب 😏
ديما قرصتني : سكري فمك
~~
نادر : عبسييي
عبسي يتكلم في التلفون : بعدين نكلمك
نادر : شكلي قطعت عليك مكالمة مهمة 😉
عبسي : لا عادي 😊
نادر : شن الجو
عبسي : مليح
نادر : واضح 😂
عبسي : شن هوا اللي واضح
نادر : واضح جوك مليح
عبسي : ههههههه
نادر : رنا😉...ولا وحدة تانية
عبسي تنهد وضحك : شن رايك
نادر : وين نندري
عبسي : رنا
نادر : اوووو....درتلك حل مفروض تشكرني 😌
عبسي : ماتصدقش روحك سلم ولد اختي😁😒
°
•
°
•
°
_________________________________________
سراج : امس بعتتلك خيرك مارديتيش
_________________________________________
اني : امس مافتحتش
_________________________________________
سراج : اممم
مافيش الحمد لله ع السلامة حتى بالكدب يامدواقة
_________________________________________
اني : علاش روحت انت ؟؟
_________________________________________
سراج : اي روحت 😒
_________________________________________
اني : مانندريش انك روحت
الحمدلله ع السلامة
_________________________________________
سراج : بلاش معاش نبيها
_________________________________________
اني : غر بالله عليك خودها 😂
_________________________________________
سراج : هاهاهاهاها😑
_________________________________________
اني : جبت الشكلاته ولا نسيتني 😜
_________________________________________
سراج : اسمعي...
مش لازم يعرف حد اني جبتلك باهي
_________________________________________
اني : قصدك جبت 🙈
_________________________________________
سراج : نكدب عليك 😒
_________________________________________
اني : به كيف بتوصلني من غير مايعرف حد
_________________________________________
سراج : بتجي للبحر الخميس
_________________________________________
اني : اي ممكن
_________________________________________
سراج : خلاص تو نعطيهالك غادي
_________________________________________
اني : شكرا 😊🙈
_________________________________________
سراج : نزل عليك الادب علي اساس😅
_________________________________________
اني : الحق فيا نشكر فيك 😌
_________________________________________
سراج : بتجي للبحر اكيد ولالا ؟؟
_________________________________________
اني : انشالله
_________________________________________
سراج : بتجي ولالا النم ؟؟
_________________________________________
اني : غر هدي اعصابك
مرات نجي ومرات لا لان الخميس نادر ماسك من بيرفعني
_________________________________________
سراج : ااه...يعني مش جاية
_________________________________________
اني : 😒
_________________________________________
سراج : كان ماتجيش والله ماك ضايقتيها الشكلاته
_________________________________________
اني : علاش ؟؟
_________________________________________
سراج : هكي
_________________________________________
اني : خلاص كان ماجيتش ماعنديش فيها نصيب
_________________________________________
سراج : بنعطيها لمسرة كان ماجيتيش
_________________________________________
اني : كان ماجيتش اني مسرة مش حتجي 😁
_________________________________________
سراج : تي باهي به
_________________________________________
اني : قلت حاجة غلط
_________________________________________
سراج :👍
_________________________________________
~~
استغربت من الحاحه اني نجي كان يلح عليا بطريقة غريبة ويحاول يجاكرني بمسرة كأنه يبيني نغار منها اسلوبه غريب...
لدرجة اني حسيت لو قتله قررت مش حنجي ممكن يقولي حتى اني مش جاي بصراحة استغربت هلبا من طريقة دوته معاي .... غير كل مرة
~~
~~
مراد : نادر مش ماشي معانا الخميس
سراج : اي نعرف...قتلي اخته
مراد : من اخته ؟؟
سراج : ليال
مراد : احم احم 😂
سراج ضرب مراد علي ضهره بقوه : بسم الله نجيبلك اميه
مراد : 😂😂 يا#### كسرتلي ضهري
سراج : بلا جو التلقيح متعك 😒
مراد شبحله وابتسم : تحبها ؟
سراج : .....
🌷يتبع 🌷
احفظوها 😊 600 كومنت = حلقة جديدة
.
.
#__timOo__💖
