#__وتين__🍃
🌷الحلقة 19🌷
رنا : تعالي شوية
اني : ايوا
رنا : بالله عليك نبيك تفهميني لان بجديات اني راسي دخن ومعاش فهمت شي
اني : علي شنو 😕
رنا : من اللي بعتله مؤيد صوري
اني : مش مهم يارنا
رنا : به علاش ماتبيش تقولي
اني : وشن بيفرق لو عرفتي او لا....حاجة وحدة نبيك تفهميها ان الشخص هدا اني وضحتله وفهمته انك ماليكش علاقة وانك مضلومة ودخلته قصة علي اساس خو صاحبتك يبيك وهكي زي ماشفتي في الدردشة بيني وبينه
رنا : به وشن خلاه يصدق🙁
اني : اللي خلاه يصدق انه يشوف فيك محترمة وزدت اني اكدتله
رنا : يعني توا هوا خلاص نسي القصة
اني : اي اكيد....والاحسن انك ماتعرفيشي لان لو عرفتيه بتبدي مرتبكه قدامه وهو حيحس فهمتي فخليك ماتعرفيشي وهو مايعرفش اني قتلك القصة هكي احسن
رنا : والله ماني عارفة كيف نشكرك قدمتيلي خدمة ولولاك كنت مفضوحة
اني : لكن بماأن اللي اسمه مؤيد مزال عنده صورك معناها انتي في خطر
رنا : مؤيد امس كلمني وقالي ان مابعت شي وان هوا مسح صوري لان........وحكتلي القصة
اني : لكن هوا باعت صورك الكداب
رنا : اني عرفت علاش دار هكي....لان بعد مابعت الصور ندم لانه حيخسر مسرة ولما كلمني ولقاني مش سامعة شي فرح وحاول يغطي عملته وينهي هالموضوع كله
اني : خلاص مرات هوا يبي يصلح غلطه وتكون نحلت المشكلة
رنا : انشالله يااارب
فريال مرت عمي: رنا وليال خيركم واقفين
احمد : مقنينهم متحشمات 😁
قعمزت رنا جنب احمد واني كيف جيت بنقعمز
جميلة مرت عمي : تعالي اهني جنبي
مريم : ياعيني ياعيني ع الدلع غر قولي باهي 💍يالونا بسس 😉
جميلة : ههههه ايوا زي ماقالت مريم
علا : ههههههههه
اني ملامح وجهي تغيرت ونحرجت قدام الموجودين والمحرج اكتر ان مراد كان مقعمز لكن دار روحه مش مركز وبعدين ناض
سراج ناض لحق مراد للجنان : امك مفروض ماتدويش دوا زي هده قدامهم كلهم
مراد : هات من يفهم
مراد : به اللي جت في ليال ع الاقل حتى هيا ماتبيش خير من وحدة تانية مطفوشة
سراج : ومن قالك ماتبيش
مراد : واضح ماتبيش وتشوف فيا زي خوها
سراج : انت معششلي في قصة زي خوها مرات انت تشوف فيها زي اختك لكن هيا لا
مراد : خيرك بهييييم ماتفهمش
سراج : والله الا انت اللي بهيم وتيس
مراد : لا والله ونبصملك بالعشرة ان البنت ماعندهاش شي اتجاهي
سراج : به امك علاش معششة في ليال بدات
مراد : دوة هيا محترمة وامها كويسة والكلام هدا
سراج : امها كويسة ؟؟😞
مراد : امها مرا كويسة والله ماعندك ماتقول فيها واكتر من مرة نتلاقا معها تسلم وتنشد
سراج : والله ندكر فيها لسانها ملوي علي رقبتها
مراد : اسمع خلينا في الكلام الحقاني عيلتنا صعبة ره ولو امها حرفة زي ايناس راهو ماقدرش عمك يطلقها
سراج : لكن والله ايناس كويسة معانا
مراد : معاكم لكن ماشفتهاش كيف تعامل في ليال ونادر
سراج : قصدي مش ملاحظ شي اني وبعدين مش كان هيا مرت البو معناها تحكم عليها انها مش كويسة
مراد : انت فاهم المواضيع بالمقلوب
~~
سعيد : الو هي اطلعي
بلسم : هيا هي .......ياهداية يامحمد هيا بوكم جي
بلسم : تصبحو علي خير تو نحاول نولي غدوا
الكل: وانتي من اهل الخير
~~
سعيد : الز## ساعة مشحطتيني
بلسم : باهي لبست عبايتي ووشاحي واستنيت الصغار
به انت خيرك مانزلتش شفت بوي بين الحيي والموت
سعيد : ماعنديش نية نشوف خوتك وهما نافخين روحهم تقول لاقبلهم لابعدهم
بلسم : شن دخل خوتي في النص....قصدي هدا يعتبر في مكان بوك مفروض انت اول واحد
سعيد : ترا فكي د#### ماعنديش نية في المشاكل انشالله تنحرقو كلكم
بلسم : انشالله في اللي يتمناهولنا
سعيد علا صوته : علي من تردي في الدو يا#### يابنت ال####
°
•
°
•
°
🌒
هوا وسط قلبي
مايدريش مايدريش
بي حبه المخبي
ونبي نبوح والله نبوح
خايف مايلبي.... خايف مايلااابي
يزيد الشوق والله الشوق
وعدابه مراره
عبسي يدندن مع الاغنية بما انها جاته ع الجرح و يتخايل في رنا وكيف ممكن يوصل فيها وكيف بيعترفلها بحبه وشوقه اللي كاتمه ليه فترة طويلة وفجأة تجيه رسالة ولما فتح لقي نادر باعتله رقم رنا...
حس روحه في اللحظة هده ضحكت في وجهه الدنيا ولبتله طلب كان يشوف فيه حلم وصعب يتحقق فرح من قلبه رغم انه ممكن تصده وممكن تكون مرتبطة وممكن ماتردش اصلا لكن هوا نسي العوائق كلها وعاش الفرحة كأنها ولت ليه خلاص
