#__وتين__🍃
🌷الحلقة11🌷
ناضت مريم وطلعت من المربوعة وجايتني للمطبخ وكان وسط الحوش فاضي لان كلهم في الصالون وكيف وصلت لباب المطبخ جبدها احمد من ايدها ورفعها لداره وسكر الباب
مريم ترعش مع بعضها ومش قادرة تلقط نفسها ومتوترة وخايفة
احمد : اهدي خيرك
مريم: ااا انت انت كيف ادير هكي تخايل شافنا مراد
احمد: غر اهدي شوية
مريم تشبحله وخايفة ومش قادرة ادير اي ردة فعل
احمد : اني نبي ندوي معاك شوية
مريم: ف ففي شني 😓
احمد تنهد وحك راسه : مريم اني نحبك ونبيك❤ ومتأكد انك حاسه بالشي هدا صح ولا
مريم واقفة ومصدومة في كلامه مش عارفة روحها في حلم ولا في علم معقولة احمد قالها.... قلها انه يبيها ويحبها قال الكلمة اللي هي تستنا فيها هلي احر من الجمر...تمنت انه ماقالش هالكلمتين وسكت تمنت لو قال كلام اكتر من هكي💕
مريم: كك كيف مافهمتش
احمد : انتي متوترة وبتوتريني معاك يامريم
مريم : اسمع خليني نطلع بالله عليك
احمد : مش قبل ماتسمعيني.....مريم اني نبيك بجديات نبيك وحبيتك من قلبي و وتعبني الشي هدا تعبت واني كاتم في قلبي والله تعبت
مريم تسمع فيه وساكتة ومش قادرة تقول شي
احمد: خيرك ساكتة
مريم: شن تبيني نقول
احمد قدم وشدلها يديها : قولي اي شي.... اي شي المهم تكلمي
مريم شافت لعيونه ويديها في يديه : خليني نطلع
احمد : تمام اطلعي توا لكن مستني منك جواب
~~
مراد: اهي الفالحة الناشطة
اني: ههههههه
علا: كلنا ناشطات قعمز يلا😌
مراد: امالا من القهوة اللي درتيها هداكا اليوم
علا: اسكت ماعندك ماتقول
سراج: اللي ماعنده شاهد كداب😂
علا: باهي ياسراج به
اني مديت لسراج فنجان القهوة : هاك
سراج خدي الفنجان ويشبحلي ومامشاش من باله موضوع الرسالة بكل
~~
جت مريم وملامح وجهها ماتتفسرش واضح عليها
اني: وين كنتي
مريم : في الحمام
اني: تبي قهوة
مريم: لالا
اني: خيرك
مريم: شي
اني: خيره وجهك احمر....شن قصتك يابنت
مريم: اسكتي ماتلفتيش الانضار عليا
~~
علا : صوت سيارة
سراج طبس راسه من الباب : عمتي سعاد
قيس: السلام عليكم
الكل : وعليكم السلام
•
°
•
°
•
°
خالتي فاطمة: بتجي بنتك اليوم
ماما: اكيد تجي هي ونادر
~~
ديما : الو
نادر: حبيبتي كل سنة وانتي طيبة
ديما: وانت طيب حياتي...مش جاي
نادر: مش عارف
ديما: قصدك مرات ماتجيش😒
نادر: انتي تبيني نجي
ديما: اكيد❤
نادر: خلاص العشية تو نجي اني ولونا
ديما : تمام
نادر: نحبك
ديما: نموووت فيك
•
°
•
°
•
°
سامي : صباح الورد ياوردتي ❤
علا : صباح النور كل سنة وانت طيب حبيبي
سامي : كل حام وانتي احلى حاجة في حياتي
علا: ربي يحفظك ليا ياعمري انت
سامي: اي غر قلت نتصل نعيد عليك ونسمع صوتك
علا: ابعتلي صورتك ع الفيس باهي
سامي : علاش
علا: نبي نشوفك بالزبون
سامي: امممم وشن المقابل
علا: بالمقابل يعني😕
سامي : حتى اني نبي نشوفك بلبسة العيد
علا : يعني بعتتلك صورتي مرة بديرهولي سريب سامي
سامي: مش هكي ياعمري لكن ممنوع نشوفك وممنوع نشوف صورك هلبا عليا والله نستاحش فيك
علا تنهدت : به تو نبعتلك لكن مش توا
سامي: علولتي انتي متاعي اني ره ونبيك لو تنقلب الدنيا نبيك خليك واثقة من كلامي هدا 💕
علا: ومن قالك اني مش واثقة
سامي: حاسك ماتبيش تبعتي صورتك وخايفة مني
علا: خلاص قتلك تو نبعتهالك
•
°
•
°
•
°
تن تن 📲💬
كل سنة وانت طيب وينعاد عليك بالصحة والسلامة
انت احلى حاجة صارت معاي السنة هده "نحبك"
قري سراج رسالة اقدار ورد عليها ببرود
" وانتي طيبة ينعاد عليك "
•
°
•
°
•
°
🌕
جي الليل وخش كل واحد لفراشه وكل حد يفكر في الموضوع اللي شاغله
مريم الدنيا مش واسعتها من الفرحة وحتى النوم مش جايها
سراج مشغول بموضوع الرسالة وعنده فضول يعرف منو ومش قادر يصدق ان ليال ادير حاجة زي هكي
رنا مش جايها نوم من تهديد مؤيد وابتزازه ليها وندمت ع كل لحظة حباته فيها وصدقاته وعرفت انه ربي يعاقب فيها ع خيانتها لمسرة اللي عطت فيها الثقة
واقدار اللي دمعتها في عينها والنوم طاير منها وكارها روحها انها تجري ورا واحد مش معبرها وكل ماتقرر انها ادير لروحها عزة نفس وتتغلى عليه ماتقدرش لانها تحبه وعارفة لو تكبرة عليه شوية حيسيبها بدون تردد
وتسنيم مايأستش وكل يوم تفتح الرسالة وتقرا فيها وعندها امل انه يرد وخايفة ان املها يخيب
واحمد خايف مريم تصده وترفضه بكل برود خايف لانه متأكد ان لو هي رفضاته مستحيل يحب ويتعلق ببنت غيرها
~~
سراج : احسن حاجة نتصل بيه الرقم واتصل
•
°
•
°
•
°
تسنيم راقدة في سريرها وفاتحة الفيس لين شرين بين ايديها لما شافت الرقم طاح من ايدها النلفون وناضت قعمزت من الخلعة : اتصل اتصل 🤤 بجديات اتصل ياربييييي شن بندير توا كيف نتصرف ياربي كيف نتصرف نرد ولا مانردش لا بنرد لكن لولو قتلي خليك مجهولة لكن مانقدرش نضيع الفرصة لكن كان رديت شن بنقول اووووف سكر من هبالي مفروض رديت
واتصلت بيا
~~
اني : انشالله خير تم رمضان متصلة بيا الوقت هدا😪
تسنيم : اتصل يالولو اتصلللل
اني : تكدبي😮
تسنيم : والله قلبي بيطلع من مكانه
اني : غر اهدي...رديتي عليه😯
تسنيم : لا
اني : احسن حاجة
تسنيم: شن ندير قوليلي
اني : فوتي توا ماديري شي وغدوا الصبح ابعتيله
تسنيم: شن نبعت
اني: اسمعي توا عيوني يتسكرو بروحهم غدوا نفكرو شن تردي
تسنيم: مرقد جدي 😑
اني: يمرقدك ؛ وسكرت
~~
سراج : زعما نبعت رسالة ؟؟ احسن حاجة نبعتلها رسالة
لكن اني خيرني نتكلم كأني متأكد ان هيا مرات مش هيا واني نتوهم احسن حاجة نبعتلها رسالة
_____________________________
📲💬اول حاجة كل سنة وانتي طيبة وتاني حاجة نبي نفهم باعتيلي هالرسالة علي اي اساس وحتى لو تحبيني زي ماقلتي شن استفدتي لما بعتيها ورقمك مانعرفاش ونتصل ماتبيش تردي لوين تبي توصلي ؟؟
~~~~
تن تن 📲💬
تسنيم قرت الرسالة : شن بنرد لكن ليال قتلي ردي غدوا اني مانقدرش نستنى لغدوا هي الحمارة غر تبي ترقد احسن حاجة نتصل برتاج
طوووط طوووط طوووط
تسنيم : ماتردش كيف ندير ؟؟🤔 وبعتت رساله
~~~~
تن تن📲💬
سراج فتح وقعد يقرا في الرسالة اللي يتخايل فيا اني بعتتها ومبتسم :
___________________________________
تسنيم : نبي نوصل انك تعرف ان في شخص في الدنيا خيالك مايفارقش فيه وكل لحضة معاه .
___________________________________
سراج : اهو اني عرفت وبعدين ؟؟
___________________________________
تسنيم : خلاص هدا المطلوب اني استفدت اني ارتحت لما اعترفتلك
___________________________________
سراج : انتي ارتحتي لكن اني بنتعب من الفضول ونبي نعرف من تكوني
___________________________________
تسنيم : بالسهولة هده
___________________________________
سراج : ماهو الاحسن انك تقوليلي اسمك خير مانقولهولك اني
___________________________________
تسنيم نصدمت من كلامه ومعاش عرفت شن ترد ومستغربة هل هو عرفها ولا يحسابها حد تاني : شكلك تحساب روحك عرفتني🙂
___________________________________
سراج: شكلك تحسابيني مانعرفكش🙂
___________________________________
تسنيم: اني حنلمحلك علي صلتي بيك بش كان انت مداير في راسك وحدة تعرف ان مش هيا
___________________________________
سراج: ياريت
___________________________________
تسنيم: اني لا نخدم معاك ولا من جيرانكم ولا من صاحبات خواتك ولا قريبتك
___________________________________
سراج استغرب من كلمة قريبتك وقطعتله الشك باليقين وتأكد ان البنت مش اني : يعني مش قريبتي لامن قريب لا من بعيد
___________________________________
تسنيم: مانقربلكش نهائي
~~~~
سكر سراج تلفونه ورقد وتسنيم تسنى في رد لكن مع الاسف معاش رد عليها وفات الموضوع كأنه ماصارش
•
°
•
°
•
°
مريم : اي وتوا معاش عرفت كيف نتصرف
اني: حي ع الجووو😀وخيرك ماقلتيليش خزي
مريم : اهو قتلك
اني: امتا اعترفلك
مريم : يوم العيد
اني : ليك اسبوع ومارديتيش عليه
مريم: ماعرفتش شن بنرد
اني: قوليله اللي في قلبك ياغبووو
مريم : به هو لا اتصل لا دور شن بنتصل اني
اني: هو اكيد يقول مرات ماتبينيش هدا علاش ماردتش
مريم: اففف وشن ندير توا
اني: شن رايك نقول لنادر
مريم: عييينك لالا فكيني
اني: هم صحاب واكيد يحكو لبعض بعدين اشمعنى نادر جي سألني عليك وبعدها طول اعترفلك احمد معناها اكيد نادر يعرف
مريم : زعما
اني: واني مش حنقولهاله هكي طول نجس النض قبل ونحاول نعرف حاجات
مريم: اممم به خلاص
•
°
•
°
•
°
مؤيد: قاعد ماكلتهاش البنت
عبسي: لالا
مؤيد: تي قول لولد اختك ياراجل
عبسي: اي فكرت فيها
مؤيد: الموضوع مأتر فيك هلبا
عبسي: وانت شنو😉
مؤيد: خيها في القلب
عبسي: تي ادوي ياراجل خوك اني
مؤيد: اني قصتي معقدة اكتر منك على الاقل انت عندك امل انها تحبك لكن اني مع انها تكلم فيا وديما نشوف فيها وتقول انه تحبني ومتأكد انها متبينيش
عبسي: ومدامها ماتبيكش علاش تقولك نحبك وعلاش تطلع معاك
مؤيد: مش عارف.....علي ابسط موضوع ادير مشكلة ودوتها كلها جكترة وعلي قد مانجيبلها مايسدش فيها وديما مش عاجبها
عبسي: اهاا واضحة مصلحجية وتبيك وقت المصلحة
مؤيد: لكن نحبها والله نحبها ولو قبلت تتجوزني اني راضي بكل عيوبها
عبسي: قداش عمرها
مؤيد : م 93
عبسي : اها اصلا الجيل هدا مافيهم الا التجكتير.....نصيحة مني كلم بنات وعيش حياتك ومادورش
مؤيد : حتى اني هكي داير صح نحبها لكن مانكدبش عليك كلمت غيرها بش نحاول ننساها
عبسي: احسن حاجة
مؤيد : تعرف مرة درتلها موعد بنتلاقا معاها في مطعم جت وجابت بنات عمها زوز وحدة منهم قعدت اديرلي في شبحات وهكي والحق اني مشيت معاها وكلمتها بش نحاول ننسى
عبسي : وبعدين شن صار
مؤيد : المهم قعدت فترة نكلم فيها وعلي اساس نحبها وهي شكلها حبتني البنت ومرة طلبت منها صورتها وبعتتهالي وببدت كل مانطلبها تبعتلي في صور و بعدين بدت تقول سيبها
عبسي : وبعدين
مؤيد : اي واني نقوللها باهي تو نسيبها ونمشي فيها بعديت عششت فيا تبيني نسيبها وتعاركنا عركة كبيرة وبدت تقولي ياتسيبها يانقوللها كل شي
عبسي: اي به
مؤيد : مشي اني بديت نهدد فيها بالصور وقتلها تقوليلها حاجة نبعت صورك لخوتك وعمامك المهم سكتها هكي
عبسي : انت عالجت الغلط بالغلط وعلاقتك ببنت عمها اصلا غلط وهده خيانة وبعدين توعد في بنت عمها مسكينة وهي تحبك
مؤيد: حتى هي خانت مسرة
عبسي: منو مسرة
مؤيد : مسرة اللي نحبها اني وتعتبر خيانة بنت عمها اوعر من خيانتي
عبسي : هي خانت لانها حباتك وانت ادير فيها هكي
مؤيد : هدا اللي صار وتوا الاية نقلبت
عبسي: كيف
مؤيد : كانت تهدد فيا تقوللها ان احني نخونو فيها توا اني بديت نهدد فيها نقول لمسرة وهي خايفة
عبسي : وتوا هي تحت التهديد
مؤيد : اي
عبسي : فوتها فوتها عندك خوات
•
°
•
°
•
°
جميلة مرت عمي: انادي ليا ساعة انادي
مريم : كنت نكلم في لونا ياماما
جميلة : ماتقول في شي علي مراد
مريم : ماما الف مرة قتلك لونا تشوف فيه زي خوها
جميلة : لونا بناخدها لمراد لا خوها لاجدها
مريم : شن تعيطي عليا اني مدابيا كلمي ولدك
جميلة : به هي تعالي ديري معاي الغدي
تررررن تررررن 📱
مريم : الو
احمد : ......
🌷يتبع🌷
قراءة ممتعة
.
.
#__timOo__🖤💛
